Dodam Chicken (利舞臺廣場) (已結業)

今日晚餐嚟到呢間韓式炸雞店好熱鬧🇰🇷播住強勁嘅K Pop好有韓國風味🎵除咗平時想見嘅炸雞之外仲好特別有烤雞呢個選擇😋味道同樣有風味好高質🥹朋友聚餐值得一試❤️⭐️ 蜂蜜牛油香蒜焗烤雞 🍗蜂蜜同牛油嘅香氣好濃郁🍯絲絲甜度配上脆皮嘅焦香好正🧈雞肉焗完都唔會乾好嫩滑唔會咁熱氣🔥⭐️ 招牌甜辣芝士無骨烤雞 🌶️最傳統嘅韓式甜辣醬配上芝士好惹味🧀無骨烤雞啖啖都係肉好滋味🤤⭐️ 韓式海鮮煎餅 🍤煎餅煎到脆卜卜金黃色好香口🤪海鮮油魷魚青口等等份量都唔少好爽口🐚⭐️ 草莓乳酪 🍓士多啤梨味嘅Smoothie甜甜地又帶乳酸既清新感🩷中和返辣度啱啱好🍼…查看更多

好耐無食韓國嘢～今日朋友想食，就一齊附近搵咗間韓國嘢試試佢！🌟韓式炸醬年糕 $155炸醬幾好食，食到粒粒五花肉相間嘅口感，仲有一大堆配料，魚板同芝士獅子狗😙，配上甜甜哋嘅醬汁，年糕食落超煙靭！追求口感嘅大家要嗌要嗌！🌟黃金鹹蛋炸雞 $152炸雞有得揀有骨無骨，揀咗半份份量都勁多，有6大嚿，雞肉嫩滑，聞落好香好重鹹蛋味，仲會跟埋一大碟韓式醃蘿蔔俾你解腻～🌟韓式海鮮煎餅 $155煎餅海鮮總類豐富，側邊位煎得好脆口，點埋特製醬汁好惹味！超啱配酒😙🌟Peach Makgeolli 食韓國嘢一定要配米酒！呢個仲係桃味，慢慢帶出酒嘅發酵味，飲落甜甜哋好順口✨…查看更多

🇰🇷韓式 🚹1-8人 🐻#炸物控 🐻#甜食控——————🐻‍❄️心癮起，就拉咗🐻去食韓國嘢，同時滿足🐻初嘗韓國菜🇰🇷嘅心❤️6點幾到都仲有位，到7點左右就滿座，平日夜晚都咁旺😆大家早啲嚟就唔洗等～餐廳一直有播住唔同韓團嘅mv🎶不過🐻‍❄️老了🤣已經唔太熟新韓團～都係分享吓野食啦😆：韓式海鮮煎餅 🐻：食落似中式薄罉🤣側邊位好脆口👍🏽可惜海鮮唔多，大部分係魷魚🦑🐻‍❄️：煎餅比想像中大塊招牌甜辣芝士無骨烤雞🐻‍❄️：甜辣醬好味😋而且唔太辣，芝士有拉絲，入面仲有年糕～幾煙韌🐻：不過比較細份，加上芝士只有打卡效果，味道完全俾甜辣醬蓋過，🐻個人就麻麻～Yogurt Smoothie (Mango)好大杯🤣，🐻🐻‍❄️兩個人share都夠，好甜🤣螞蟻人可以一試～蜂蜜牛油脆雞（無骨）一開始上錯咗有骨，唔知係咪因為咁，嚟真嗰份份量極多🤣最後食唔晒要帶走🤣🐻：可能因為啱啱整好，夠脆👍🏽加咗蜂蜜甜甜哋，炸物控覺得合格😝結論：整體性價比唔算高，但可以一試，如果一齊食嘅朋友對韓團有認識應該會幾enjoy～🤣…查看更多

最近去咗一間韓國菜食店，試咗幾款招牌菜。首先係芝士雞蛋卷，真係好好味！切開雞蛋卷，即刻有留心嘅感覺，食落好豐富。不嬲都知雞蛋卷唔平，但係我覺得都值得一試。然後係招牌甜辣芝士無骨烤雞，真係超讚！雞肉好嫩，甜辣醬汁好好食，再加上芝士，就真係絕配！仲另外試咗芝士年糕拉麵，都好唔錯。年糕煮得好軟，拉麵都好有嚼勁，加上芝士嘅味道，真係好好味嘅韓式料理。最後係韓式海鮮煎餅，呢道菜都係我好鍾意嘅。煎餅裡面有蝦、蟹肉棒、洋蔥同蛋，食落好香脆，海鮮味道都好鮮美。不過，呢道菜可能有啲油膩，記得要趁熱食。本身就中意食韓國菜，呢間又唔會好似傳統韓國菜甘悶，而且份量都唔少。合理價錢，後生仔女三四個去食飯吹水，又唔會催你走都幾好。…查看更多

成日都好想食炸雞，所以點了外賣，首先值得一讚，就係非常之準時送到👍🏻。今次人少少，所以只叫得幾樣嘢食🥺1. 韓式海鮮煎餅 - 第一口勁香香蔥味👍🏻，香蔥頗多，其餘餡料略為少，不過味道搭夠☺️2. 蜂蜜牛油香蒜脆雞 - 今次份量略為少，不過雞嘅體積就大件左，但就比較嚡，不夠嫩滑和Juice，今次頗為失望😔3. 照燒魷魚 - 這個有驚喜，味道很好，唔韌，朝燒汁非常入味，個人認為，可以不用點沙律醬👍🏻4. 韓式魚片湯 - 極普通嘅魚糕。湯底比較清淡，喜歡清淡嘅朋友，可以一試。…查看更多

🐔🐔又係炸雞控出動嘅時候，今次揀咗位於銅鑼灣利舞臺嘅Dodam Chicken。估唔到平日嘅夜晚都幾多人，除咗堂食外，仲有唔少人等外賣自取。🍗🍗人少少只係叫咗兩樣野- 「黃金鹹蛋炸雞」半隻同「韓式海鮮煎餅」一份。個鹹蛋炸雞極度邪惡，一上菜已經聞到陣陣嘅香味，入口真係不得了。鹹蛋好夠味，連埋炸得好鬆脆又嫩滑嘅雞肉真係好夾。炸雞跟埋蘿蔔一齊上菜，佢嘅蘿蔔係紅色，我開頭仲以為係西瓜添，原來係蘿蔔加上紅菜頭調配而成嘅。另外，海鮮煎餅亦都十分出色，煎餅好香脆，海鮮配料豐富，配埋辣汁一齊食，味道好有層次。🍹🍹餐廳環境寬敞，適合一班人食飯吹水飲野，下次有機會再約多幾個朋友，可以去試吓其他炸雞口味同菜式。…查看更多

同大食朋友健完身，就黎到呢間位於銅鑼灣嘅Dodam Chicken食下午茶。呢間餐廳開喺18樓，窗邊景觀唔錯，但因為我地黎到嘅時候，窗邊位已經坐滿同被人卜左，所以冇得坐。呢度嘅菜單設計幾好，主打菜式都有圖示。1. 韓式炒牛肉粗粉絲第一樣點左個粉麵，粉絲炒得煙靭爽口，有少少甜味；牛肉薄切，口感有d似肥牛，份量適中，可能因為大家都肚餓，所以上枱唔夠3分鐘就已經清晒。2. 韓式海鮮煎餅煎餅香噴噴，餡料好豐富，有蝦、菜甫、蚵仔，配埋個酸酸辣辣嘅醬汁，食落好似台灣蚵仔煎，不過呢碟唔會太鹹，好食好多。3. 雙重芝士麵包辣烤雞呢道芝士烤雞可以話係今日嘅主角，滿滿嘅芝士鋪滿成碟烤雞；中間嘅麵包仲裝有熱辣辣嘅芝士醬；烤雞底下仲有又甜又辣嘅醬汁，拮起一件已經黏滿芝士同甜辣醬嘅烤雞，再浸入麵包芝士醬，咬啖又嫩又滑嘅烤雞肉，芝士同辣醬搞埋一齊，口感豐富又滿足！埋單每人180蚊含加一，雖然貴左少少，但食物質素同個環境絕對值呢個價錢，不論係咪對韓式食品情有獨鍾，都非常推介大家黎食！…查看更多

通常食韓國菜2個人係食唔得多🤣今次4個人就可以叫多幾樣～🧀🌶芝士年糕拉麵 入面有芝士🧀、年糕、拉麵、椰菜🥬、魚糕同雞蛋🥚個份量偏大碟，另外個汁會有啲辣🌶如果食唔到辣既朋友可以點其他款～🍯🍗蜂蜜牛油香蒜脆雞 依款雞值得再encore！首先，外皮炸到脆卜卜，而醬汁有甜味亦帶出陣陣牛油香味🤤加埋脆脆地蒜片，口感加分，而肉質嫩滑💯🌶🍗韓式辣焗香雞➕🧀🍗白雪芝士雞我地點左雙拼，辣焗雞既醬汁會有啲啲辣，芝士雞有好重芝士粉，如果芝士迷應該會好鍾意食❤️🫓韓式海鮮煎餅依個係我最愛，因為口感煙煙韌韌，亦好香口🤤有蝦、蔥、魷魚，亦配上一個汁可以沾黎食，感覺無咁膩～🍊柚子米酒反而米酒無我想像中好飲🥲因爲太多泡，大多數只飲到泡，味道亦較一般～🌟整體而言，依間餐廳係值得食，環境亦寬躺，坐得舒服，但員工既服務就麻麻地，食物味道同口感💯不過韓菜都係多人食先可以試到唔同既野～…查看更多

今日好遲先落堂，搞到差唔多八點幾九點先有得食dinner。每當肚餓嘅時候就特別想食啲邪惡野，所以就去左食呢間Dodam Chicken啦。其實都食過呢間幾次，次次都一定會食佢個韓式海鮮煎餅，今次都唔例外。另外今次揀左焗烤雞，比起炸雞會相對冇咁邪惡。🍕韓式海鮮煎餅 $142份量都唔細，同埋好足料，有好多蝦、魷魚同埋青口，再配合埋啲韭菜，成個煎餅勁香勁好食，係油左少少姐。佢仲有個汁可以點，點完之後仲好食。不過要提提大家食呢個真係要趁熱食，以前曾經有次掛住食其他野，攤凍左呢個煎餅，結果味道會差好遠。所以一定要趁熱食啊，熱食嗰陣好食啊！🍗香蒜焗烤雞 $188應該有全隻雞，加加埋埋都有十幾件，兩個人食好夠飽。除咗嗰兩件雞胸之外，啲雞肉全部都好嫩滑，嫩滑得黎仲好彈牙添。想望吓啲雞肉幾嫩滑嘅話可以睇一睇第二張圖。隔離有一片檸檬，擠少少檸檬汁之後仲好食。兩個人share食一定夠飽。又一個增肥嘅晚上。…查看更多

好耐無食韓國野！今日去開銅鑼灣，就嚟Dodam Chicken買外賣返屋企食！😆下午時段無乜客，不過都聽到有韓國客人傾計～幫我落order既都係韓國人👍🏻餐廳入面既氣氛都幾好！下午時段都可以靜靜咁同朋友傾計👍🏻我叫左招牌甜辣芝士無骨烤雞同韓式海鮮煎餅。拎到返屋企都仲熱辣辣，好正！😋招牌甜辣芝士無骨烤雞 $198小貴，但對得住個價錢！個面有好多芝士，仲拉到絲！個汁甜甜辣辣咁，好野味！烤雞完全無雪藏味，又滑！無骨岩哂我呢d懶人😂好易咬！仲有芝士竹輪、年糕、杏鮑菇、椰菜，沾滿甜辣醬，好味！😋😋韓式海鮮煎餅 $142唔會好厚粉，亦都有好多料，魷魚大大條！仲有蠔👍🏻下次可以再試下其他味道既雞🥳…查看更多

5月既生日飯就揀左呢間Dodam Chicken, 呢間韓國炸雞店可以媲美其他連鎖韓國炸雞店, 7 男1 女就叫左 1. 白雪芝士雞 （$185）白雪芝士雞，芝士粉配上烤雞味道都幾夾而唔會太油膩。2. 原味脆雞 （$182）個人覺得辣味會香口d 😚👍🏻👍🏻3. 照燒汁焗魷魚 🦑 （$128)估唔到照燒汁同焗魷魚都幾夾魷魚又唔會太韌4. 招牌甜辣芝士無骨烤雞 （$195）呢個有啲似之前去韓國首爾「太陽的後裔」食芝士烤雞果個口味，誠意推薦5. 香辣脆雞 （$192）香辣香口好適合鍾意辣既朋友6. 招牌年糕 （$138）個汁都幾辣但係幾好食，年糕都好煙韌7. 韓式海鮮煎餅 （$138）Side dishes 黎講個人非常推薦8. 芝士雞蛋卷 （$128）雞蛋卷中間有芝士，口感一流。…查看更多

之前嚟過一次，好掛住個韓式海鮮煎餅，成日都想再食，今晚就帶埋朋友嚟再食過～烤芝士豬肋骨BBQ Pork Rib on Cheese $208朋友想試呢個，睇相都覺得吸引，味道似美式BBQ醬，鐵板上裝滿芝士，由店員幫手將每件豬肋骨捲上芝士，仲好細心咁留返2件無捲嘅，比我哋試吓個原味。黃金鹹蛋脆雞Salted Egg York Chicken (Bone in) $198一上枱已經聞到好有鹹香，脆皮外層包滿鹹蛋蓉，第一件梗係食雞鎚，啖啖肉，韓式炸雞永遠都咁皮脆肉嫩，正！P.S. 我哋行咗半日街好肚餓，所以叫咗全份，大約有12件，都幾多… 其實2人如果想試多幾款食品，叫半份就啱啱好。炸雞配醃蘿蔔，呢度係用紅菜頭醃，所以變咗紅色，標榜新鮮又健康！韓式海鮮煎餅Seafood Green Onion Pancake $138一試難忘嘅海鮮煎餅，每啖都有八爪魚丶蝦丶紅椒丶香蔥，每件都煎到微脆，但又唔覺好油膩，就算好飽，都要食哂佢，實在太啱我口味🤤…查看更多

本身唔係太好炸雞，但既然嚟到就叫半份試吓啦～蜂蜜牛油窩夫脆鷄 Honey Butter Chicken - 呢度係半份份量，有六件，即叫即製，一上枱就想即食，好熱好熱好熱，都係要攤一陣先，皮脆，係蜜糖脆皮，肉滑，juicy，好邪惡！隨炸雞附上醃蘿白(紅色好似西瓜粒)，可以稍微紓解炸雞嘅油膩。韓式海鮮煎餅 Seafood Green Onion Pancake - 海鮮煎餅 - 熱辣辣，脆餅，啖啖香蔥丶啖啖魷魚鬚丶啖啖蝦，點埋佢哋個汁，超微辣甜甜地，真係好好味！韓式炸醬年糕 Jjajang Topokki - 傳統韓式炸醬麵味，但略嫌個醬汁偏甜，好食越食越鹹，呢個就真係一般喇～ …查看更多

放工食烤雞🐔趕走悶氣❗️呢間朋友食過介紹,果然好有人氣平日未夠7半都坐滿咁滯😳烤雞揀左［黃金鹹蛋脆雞］🍳上枱熱辣辣,真係咬開有煙嗰隻外面就好脆,沾滿左好多鹹蛋黃冇骨嘅,啱曬懶惰嘅我真係停唔到口兩個人叫左半份,都好夠:)［韓式海鮮煎餅］煎得薄薄嗰種,食落唔會係厚粉嗰隻配料有魷魚,蝦🦐蔥等等特別鍾意魷魚,食到幾大條下🦑煎餅邊位好脆但又未去到燶,好香口囉跟住仲食埋黑松露薯條🍟（係,衝住熱氣野而去,3樣都係）冇諗過一半係甜蕃薯條🍠甜甜地幾特別😯👍🏻唔好以為薯條得幾條份量多到兩個人都差d食唔曬食完見到門口仲有好多人等緊想食嘅朋友記得book位呀:)…查看更多

星期六晚上成班朋友約埋一齊食雞真係好開心。佢晚上9點入坐計全單75折，真係好抵食！今晚唔多人排隊，加上我地有book位，直接有位坐。一入到去有檸水飲，聽住佢播韓歌一路睇menu。先來左個芝士雞蛋卷（$128）面頭舖左細細粒魚子，入面啲芝士拉晒絲，又熱又好食。本身以為會好heavy，但一人食一舊係會唔夠喉嫁！所以臨走之前我地再encore 多一條來食。之後來個韓式海鮮煎餅（$138）佢係配埋碟有啲酸酸辣辣嘅醬汁一齊食，非常好食！入面啲魷魚腳都好長，算係大條嘅，煎到好脆口，正！上菜時已經好好人地幫我地切開左做9份，不過就變左邊位細份，中間大份，我地自己再做細分。 黃金鹹蛋脆雞（$198）我地叫左無骨嘅，直接一口一粒，好方便我呢個懶人。鹹蛋味好足！好大碟！由佢上菜到我地埋單都仲食緊，好襟食。😂因為個鹹蛋脆雞都幾咸同熱氣😂，我地叫左2 jar cocktail soju幫個口降下溫先。益力多cocktail soju（$128）個人覺得佢個益力多味俾啲酒味搶晒，如果落返多啲益力多會好飲啲。柚子cocktail soju（$128）一定唔會中伏嘅柚子味。下面有柚子肉，記得分俾大家飲之前要撈暈。😂之後再上多2碟焗雞，都有跟白蘿蔔一齊上。原味焗烤雞（$178）韓式辣焗烤雞（$185）本身我怕辣就先食左原味，原味都好食，塊皮焗到脆脆地，啲肉都好滑。但原來佢一隻辣椒啲辣係冇想像中咁勁嘅，個程度有啲似m記泰式辣醬嘅感覺。建議鐘意食辣嘅人落單時叫2隻辣椒。上菜連埋一筒膠手套，好貼心。2碟都有雞槌、雞翼、尖位，同埋雞胸肉。胸肉就相對食得麻煩左啲，但有手套真係方便好多。仲有碟三重芝士脆雞（$198）成餐之中我俾呢碟最高分！個鍋成圈都係炸脆雞，上面淋左芝士！下面又焗左芝士！中間個包仲有滿滿嘅芝士點來食！簡直係boss級別嘅邪惡芝士，你都咪話食唔飽。😂個包佢用左提子包，焗過來嘅，食到最後唔好浪費，連埋佢入面啲芝士一齊食埋佢。😂其實食左咁多芝士同雞肉真係飽嫁喇，我地9點入去食到10點幾，點知臨埋單個時又真係有大胃王話要加單喎😂，就叫多左碟一開始食過返尋味嘅雞蛋卷，同韓式餃子年糕湯（$118）。上菜時非常熱，個鍋炸炸聲嫁。佢餃子有2款：圓同長形，但我太飽喇，食左長形啫😂。年糕都好食，煙煙韌韌，個湯都好濃胡椒粉，有菜同金針菇係入面。我地一行6個大漢+3個女子，埋單計左75折，為起位位大約$157，又食又飲又大聲講野都冇人阻止😂，約埋朋友來圍威喂就最岩喇。…查看更多