雲南小鍋米線

朋友係荃灣返工有日約佢食lunch佢話帶我去食社署隱世米線😂😂😂講完一輪先發現佢講緊果間一直係我pocket list但間野係葵涌有啲距離所以卻步·佢裝修完個門面真係好似社署🤣·去之前已經做定功課一去到就嗌咗佢最出名嘅幾個餸豬軟骨/雞絲/螺旋藻/腩肉因為唔係好就腳我地分別叫左3碗唔同既去滿足我地想試哂既願望因為知道佢個辣到比一般米線辣所以我都淨係叫咗個中小辣多酸·佢最出名既雞絲我都係第一次食撕到一條條咁既撈埋啲湯一齊食吸汁得黎超級入味真係好正·腩肉夠惹味唔係乾柴唔會好肥·螺旋藻同個湯都好夾至於豬軟骨就無太子川之味咁好食佢有三件其實個味好夠但略嫌其中一件唔夠淋·韮菜純粹朋友想食正正常常無咩特別😂·聽聞佢既炸醬都好出色但唔知咩原因店員話今日無🥲·至於米線軟硬適中好驚食太淋既米線·最後佢個湯底睇落去呢就唔係好紅唔會有層辣油係面但食落絕對係夠辣加埋佢嘅酸好開胃簡直係完美·通常食米線就唔會另外嗌嘢飲因為我會飲埋佢啲湯🤟🏻咁先大滿足佢既湯唔算好味精無咩點口渴·不過要留意佢個米線絕對係比出邊一般米線要辣啲所以唔係好食得辣嗰啲叫少少辣就OK 㗎啦當然啦如果你食得辣嘅佢嘅中辣大辣絕對唔會令你失望·由荃灣過去都唔算好隔涉一程紅van就到🤟🏻。…Read More

好耐冇嚟食～就算開咗新鋪平日lunch time都要等一陣位。腩肉冬菇雞絲係我Top3之選，今次嗌咗雞絲中辣，佢辣度比其他舖頭勁，之前朋友食小小辣都食到嗌救命，但會飄忽啲，有時好辣有時又會冇咁辣。湯底依然酸酸辣辣好開胃，雞絲份量雖然比以前少但都算多，加埋肉碎芽菜酸菜韭菜其他配料絕對足料。…Read More

下筆寫此食評真不是件容易的事情，曾被譽為宇宙級的米線。餐廳的位置不算方便，真羨慕住在附近，能夠經常食到宇宙級米線的人啊！其實我以前正是住在附近，由細食到大，哈哈哈。他店面不大，但近年已在店後擴充，現在需要等位的時間已經大大縮短，我以前曾試過要等上半小時才能入座。腩肉是他的招牌，中午過後，腩肉多數已沽清。因為我不能食得太辣，所以沒法享受帶辣的腩肉。雞絲和蘿蔔基本上是我的「鐵膽」，而湯底，絕對是精華所在。以前他在夜晚6點就已經關門，現時已把營業時間延至8點。因為今晚比較夜去到，蘿蔔已沽清，唯有選擇剩餘的雞絲。湯底、米線和雞絲都保持一貫的高質。…Read More

最鐘意幫襯小店嘅我, 每次搭車經過 Lee 間米線店, 總係會見到長長嘅人龍, 搞到心癢癢好想去試一下, 但無奈放工時間去佢已經關左門, 唯有放假先可以去試｡ 上網一 check, 原來 Lee 間嘅評價都幾高, 被號稱為全港最好味嘅米線店｡星期六特登早D起身搭車去試, 未夠12點到達, 已經有一條小人龍排緊隊等候, 好彩好快就入到去｡店入面只係得四五張檯, 所以要坐得比較迫一點｡ Order 左個雞絲小鍋米線, 由於佢 D 酸辣湯底係逐碗煮, 所以成碗米線送到我面前時係超級熱辣辣嘅｡ 最值得一讚嘅係, 佢 D 雞絲堅係一絲絲的 (好難得真係撕到咁碎), 所以可以完全索晒D酸辣湯一齊食, 酸辣平衡剛剛好, 真係超級正呀 !!聞名不如見面!…Read More