口利福

蘇豪區不乏美酒美食，美日法意西班牙菜應有盡有，唯獨中式餐館較少，而經常客滿嘅口利福，貌似專「呃」鬼佬嘅時尚中菜館，實際係以創新手法演繹經典粵菜。重新裝修後依然充滿懷舊玩味，廚房外牆以麻雀砌成，另一邊廂則排滿金碧輝煌嘅招財貓，感覺華麗氣派，隔住玻璃睇到廚房十分乾淨企理，沿樓梯進入燈光昏暗嘅地牢，棗紅色牆身漆上年獸等中式圖樣，鏡面天花、絲絨梳化與吧檯別樹一格。中西合壁嘅外表下藏住地道嘅港式味道，店內嘅明爐燒味同小炒都係水準之上。招牌蜜汁黑豚叉燒 ($268) 以炭火燒製 🔥 蜜汁光亮欲滴，肉質軟腍鬆化、肥美卻不膩口；陳蒜豉油粉絲蒸蟶子皇 ($268) 價錢略貴，每碟有兩隻大過手掌嘅蟶子 🙌🏼 食落爽口彈牙，火候掌握啱啱好，夾埋熟蒜同粉絲一齊蒸，豉油鮮味十足唔過鹹，剩低嘅蒜蓉拎嚟撈飯仲正 😋大推三杯汁炒三鮮 ($138)，3 款蔬菜油炸過後，香脆粉漿薄如蟬翼，加入濃油赤醬嘅芡汁內快速翻炒 🔥 焦糖感醬汁將食材緊緊包裹，翠玉瓜清爽、茄子油潤、杏鮑菇汁水充盈 💦 配上酥脆嘅九層塔增添獨特清香；麻婆豆腐 ($168) 忠於原著用上牛肉碎，味道香辣濃郁，灑上花椒粉辛香麻辣 🌶️ 甜品係變奏版嘅西多士，浸過牛奶蛋漿嘅厚多士炸得金黃極邪惡 ✨ 呈粉綠色嘅鬆軟麵包夾住花生醬，能夠嘗到班斕天然芳香而非人工香精 🌿 伴以微甜嘅椰子雪葩、椰絲同煙燻楓糖漿，大大份食完真係飽到捧住個肚走，同店名一樣大飽口福 🤪另外仲叫咗杯 Signature Cocktails —— Mahjong Marg ($118)，金燦燦嘅招財貓容器打卡一流，柚子胡椒 ＋ 香茅 ＋ 西柚 ＋ Tequila 嘅組合清新中帶點澀 🍹 配口味濃重嘅主菜都唔錯，終結滿足嘅一晚 😋🥢📍 口利福中環蘇豪伊利近街1-5號地下💰 ~$600 / 人…查看更多

Black Series is back! This popular Chinese fusion restaurant Ho Lee Fook offer a comprehensive menu at just $628pp, what a bargain! The whole menu is shared between 2, every dish comes in very generous portion. Started with a selection of dim sum including classic har gow (shrimp dumpling) and siu mai (pork dumpling). The fried taro dumpling had a surprising curried beef filling that packed extra punch. The fried exterior was super crispy yet with no grease at all, superb execution. MVP was hands down the prawn toast x Okonomiyaki, honestly the Okonomiyaki part was more the gimmick but the prawn toast was excellent. Prawn mix was bouncy and juicy, the toast was so so crispy but not dry at all dressed with just a little mayo and the bull dog sauce for flavor, the total experience was a complete triumph. Steamed Live Razor Clams is a classic Chinese style seafood dish featuring the humongous razor clams steamed with aged garlic and soy sauce, then the glass noodles suck up all the umami flavors from the clams and the garlic. The roast goose is fatty succulent all you ever wanted for roast goose. The glossy crispy skin is very on point. Char Siu is so tender, with perfect not too sweet honey glaze. The edges could be more charred and I personally would like more smoky char aroma.Wok-Fried Cauliflower and Brussels Sprouts side dish is designed for me featuring my favorite cauliflower and brussels sprouts (and they are cute little babies!), the little bacon bits and chili jam serve as the perfect seasoning to the veg, I would never get bored with an excellent veg dish like this. Dessert is Chinese at core but a complete western makeover! Tofu, longan, red dates and goji berry are common Chinese nourishments, such a refreshing new take on these common chinese nourishments and absolutely amazing. The longan granita has prominent flavor and longan meat are mixed in so you got a little chew within and extra boost of longan flavor. It’s balanced with a great tofu sorbet while dates and goji berry added sweetness. …查看更多

再訪Soho區摩登中菜廳 口利福！竟然一次比一次有驚喜！今次就捕住逢星期一二先有嘅PLATED MENU！人均$528就食到6款菜式！份量十足！兩個女仔去食真係好難唔打包。餐廳裝潢華麗雅致，服務氛圍一流，估唔到平日黎到都超爆滿！建議大家預早book位！一貫 blacksheeprestaurants 嘅風格，會幾個staff一齊唱生日歌，超有氣氛！絕對係慶祝生日嘅好地方！食到最後仲有fortune cookie！▪️Golden Fortune 金光盛夏晚餐 $528pp1️⃣麻醬菇絲粉皮粉皮滑溜煙韌，配埋爽口青瓜秋葵、爽彈菇菇，口感豐富。芝麻味道比想像中淡，但反而越食越辣，相當開胃惹味，唔食得辣嘅朋友仔要小心啦。2️⃣手切豬頸肉椰菜餃 或 重慶辣子雞翼我地就揀左重慶辣子雞翼~一上枱見到滿滿辣椒，真係嚇一嚇。好彩食落都只係微辣，仲無粉皮咁辣添。雞翼超酥脆！一咬超爆汁！大大隻唔會瘦猛猛，肉質飽滿！好食！惹味得黎唔會辣到漂晒汗。3️⃣陳蒜豉油粉絲蒸蟶子皇蟶子皇大大隻！蒸得岩岩好，爽口彈牙，唔會太韌太老。就咁配蒜蓉粉絲蒸已經好正！粉絲完完索晒蟶子嘅鮮味4️⃣芝士虎蝦伊麵癲左！會唔會太大盤！仲要唔係得個盤大，兩個女仔真係難少少清得晒。雖説係芝士伊麵，芝士味無想像中咁濃，偏奶香而唔係鹹香。每一條麵都裹滿creamy嘅醬汁，但麵質又唔會好腍。醬汁帶些微酒香，加埋啲蔥，食落清新唔會好膩！意外地食唔停！面頭仲有六隻新鮮彈牙嘅虎蝦5️⃣主廚精選時蔬是日時蔬係蕃薯苗！爽口！蒜香十足！食落比起平時嘅更油潤，多左一陣羅勒香。好食過平時嘅蒜蓉炒菜好多！大大碟都輕鬆清6️⃣羊奶乳酪配火龍果刨冰及沙田柚乳酪望落都幾厚實，但食落又幾軟滑，奶味濃得黎唔羶。加埋西柚、橙粒、完全唔苦嘅西柚皮、冰感極重嘅刨冰，係口感豐富又清新解膩嘅甜品。— — — — — — — — — — — — — ⁣⁣⁣⁣⁣⁣⁣⁣⁣⁣⁣⁣⁣⁣⁣⠀▪️明爐燒鵝配滷水汁及酸梅醬 $298/下庄鵝皮充滿光澤，一咬落去超脆呀！某幾塊特別多肥膏，厚厚一層，入口即化，超多肉汁！而有部分肉質就較為有咬口。整體油香十足，鵝肉嫩滑唔乾韌。家姐阿妹表示超鍾意！如果三四個人黎嘅話，好建議大家嗌完plated menu另外加碟呀▪️Cocktail - Lucky Buck $138竟然用招財貓裝住cocktail！會唔會太有創意！超岩打卡呀！Lucky Buck以Balantine's Blended Scotch為基底，再以yuzu curd、蜜糖、橙汁作調味，香甜易入口，酒味唔會太重~…查看更多

❀ 口利福 #中環 ❀❗大翻身中菜廳 由頭到尾都回味無窮❗——————————————————屬於 @blacksheeprestaurants 旗下嘅唯一一間中菜廳，經過好多次，終於能夠品嚐🤩餐廳最近作出大翻身，門面有非常吸睛金碧輝煌嘅招財貓，用餐位置是用上古典鮮紅嘅牆紙，甚有特色。廚師陣容方面亦有土生土長嘅香港主廚加入，保留中菜嘅特色之餘亦加入一點新元素，無論係老少、本地、或係外國人都啱食😋！.✷𝑀𝑒𝓃𝓊✷☞ 小食♥ 潮式浸蜆 (4/5)蜆肉大大粒又彈牙，配上香蒜、辣椒、及芫茜，味道酸酸甜甜，非常開胃☺️。.♥ 椒鹽金磚豆腐 (3.9/5)粒粒金黃色，炸皮香脆不過略嫌有少少厚。椒鹽加上炸蒜，真係超級香口又好食😋！.☞ 燒味♥ 炭火蜜汁黑豚叉燒 (4.2/5)黑豚肉製作嘅叉燒，係餐廳嘅招牌菜！用炭火去燒製，邊邊位有啲焦脆，肉質軟腍，加上少許肥肉。配埋甜甜地嘅蜜汁，非常juicy🥰。.☞ 湯♥ 老雞火腿瑤柱燉湯 (4/5)非常足料嘅燉湯，內裏有烏雞、螺肉、瑤柱！夠晒鮮味又清甜😆！.☞ 海鮮♥ 陳蒜豉油粉絲蒸蟶子皇 (4.3/5)粉絲蒸扇貝就食得多，今次仲要係蟶子皇😍！超級彈牙嘅蟶子，配上入晒味嘅蒜蓉豉油粉絲，再贊一贊油，真係好好食！唯獨係鹹咗少少，配埋飯就更加好。.☞ 絕非細細碟♥ 脆皮三黃雞配新鮮沙姜蔥蓉 (4.4/5)非常高質嘅三黃雞！真心覺得中國燒雞高質過法式燒雞好多，價錢又平啲🤣表面油光靚到🥰外皮又香脆，肉質滑到不得了！本身雞肉都已經有鹹味，鍾意嘅就可以配上佢哋特製嘅沙姜蔥蓉，更加惹味，回味無窮！.☞ 鑊氣小炒♥ 小炒王 (4.1/5)主要係有韭菜花、韭菜，內裏仲藏有少許魷魚片，再加上辣椒、蝦乾，夠晒鑊氣，只係有少少油🙈。.☞ 粉麵♥ 蝦籽蔥油撈面配脆炸瑤柱絲 (4.1/5)主廚最近嘗試由雲吞麵改為幼麵撈波菜麵🤩我自己幾鍾意，口感更加彈牙，而且彎曲嘅麵條更加掛味。加上慷慨嘅蝦籽、蔥油，香口美味到不得了😋！.☞ 甜品♥ 羊奶乳酪配火龍果刨冰及沙田柚 (4.2/5)其貌不揚嘅一道甜品🍮！以為係普通牛奶布甸，點知原來係清新嘅羊奶乳酪，羶味唔會太重，仲好creamy。配上清甜嘅火龍果刨冰，食完咁多肥膩中菜之後真係好好嘅解膩之選！.♥ 黑松露花生醬西多士配煙燻楓糖漿 (3.9/5)表面有大量黑松露絲😮係個幾有睇頭嘅西多士，不過松露嘅味道就未算太突出。反而楓糖漿嘅煙熏味就幾有特色，不過會有少少蓋過花生嘅香氣。整體係一個不過不失嘅西多士，但勝在有新意🤣。——————————————————✨整體味道: 4.2/5 ✨環境裝修: 3.9/5✨服務態度: 4/5✨性價比: 3.8/5✨再訪興趣: 3.7/5 .💞整體來講每一道菜都頗有水準，回味無窮只係整體味道略鹹咗少少🤏。當中大部份菜式嘅保留傳統中菜元素得來又加入一啲新元素，幾有特色！服務態度以及環境都好好，係間不錯嘅中菜廳之選😆。…查看更多