水蜜桃冰室

炎炎夏日最開心莫過於食番杯透心涼嘅雪葩，如果是多數女生最愛的甜甜水果味就更是無敵！座位環境舒適的<水蜜桃冰室>位於旺角通菜街，除了有一般的冰室食物外，最重要還有由日本空運到港的水果雪葩！！除了有蜜桃，菠蘿，柚子，芒果等等的水果味雪葩外，也有南瓜或番薯味，非常特別。而且還有不少特色啤酒，可惜是我吃完飯後還要上班不能喝酒呢。<火炙三文魚蕎麵沙律>由於要留quota一會兒開懷吃雪葩，所以我還是想再去係沙律吧想不到火炙三文魚居然有厚厚的三大片，一點也不吝嗇。而且蕎麵只是輕輕的粘有芝麻醬，絕對為美味和卡路厘之中取得一個非常好的平衡。<酥皮忌廉湯>老公無畏當肥仔，所以選了邪惡的酥皮忌廉湯。😈😈😈酥皮脆卜卜又充滿牛油香味，浸著濃濃的忌廉湯一起吃真的是既美味又邪惡。（我也忍不住偷偷飲了點🙈🙈🙈）<羅宋湯>我的羅宋湯酸酸的而且非常足料，大量的蔬菜還保持著清脆，不會因為慇得太久而變成淋淋的，超讚<蒜蓉包>隨餐附送的蒜蓉包亦不容小看，熱烘烘脆卜卜，充滿蒜蓉味！咬落去果下是有聲的。<鐵板燒紐西蘭羊扒>平常餐廳只會把醬汁淋在鐵板上， 但這裡卻會先把酒精倒上後點火。等酒精燒盡後才倒上熱辣辣的醬汁到鐵板上，所以除了醬汁的香味外還會有淡淡的酒香呢淋上醬汁後的羊扒香噴噴，而且肉質結實不鬆散，羊味濃郁，多汁無筋啖啖肉<椰子雪葩>壓軸登場，當然是我為此專程而來的雪葩我選了椰子口味雪葩送來的時候是呈現<硬掘掘>的狀態，但是侍應們會替我們用火槍把表面微微烤溶，我們直接用匙羹<畢>來吃就可以了。椰子口味清甜又清爽，喜愛喜愛<番薯雪葩>老公則選了番薯口味，質感香滑軟棉，本身不愛好甜食的老公也表示非常滿意。正餐好味，甜品超正又有特色，<水蜜桃冰室>絕對是<為食小肥兔>在旺角區極力推介的冰室之一。…Read More

旺角是我和朋友聚腳既好地方，位置太便利又是一個中間點。食肆多就確是多...尤其是女人街...但不是每間價錢、食物質素成正比...更有時又不想選擇連鎖店最後我提議一間冰室...因為已經食過一次真的很不錯的！那逛著逛著晚飯時間到了就撞了進去。在門外等了大概十分鐘,長形的舖位...座位在兩旁依舊是暗黃色的格調...形造一個有西式餐廳氣氛的格調打破冰室傳統感！可以說是工業風Style順帶一提啲櫈軟淋淋坐得幾舒服...牆身同枱面都鋪上花花階磚又多番一份冰室感呢...玩味十足睇下Menu…有唔同既套餐..同正常既沙律、小食、焗飯、意粉、肉類、甜品等等，最特別既喺有一系列好工既雪葩...諗左陣...因為想叫D上次無食過既野食...店員見我地苦惱中就推介我哋一款「期間限定」嘅套餐，就喺韓式石板燒－美國特級Prime極黑牛小排＄238（1-2人份量）餐前麵包就係蒜蓉牛油味既...真心好少食到焗得香既餐前包呢...夠暖笠笠！正！而餐前湯就係有忌廉湯同羅宋湯，我地揀左羅宋湯...味道十分濃旭雖然沒有太大驚超但是一碗西餐廳既標準「紅湯」喔...如果唔岩飲可以考慮加12蚊轉酥皮湯套餐包左白飯、肉、廣島蠔，正呀！仲附送埋鹹蛋黃炸魚皮啊...好耶！魚皮卜卜脆...有誠意的店員同事送上豉油，蔥花同埋蒜蓉用黎點牛小排既小爐上放了熱熱的鐵板，店員會慢慢講解煮法...套餐嘅牛小排有好多塊，牛肉花紋美美的, 燒過後牛味出眾肉汁多多連埋豉油，蔥花同埋蒜蓉一齊食真係好好食！油香十足！推介呀！而日本廣島燒蠔味道比較清新了...食得出好新鮮...因為有淡淡的海水味有D小食跟餐有優惠所以再追加Lo👉🏻芝士焗田螺加＄18有四隻田螺每隻都沾上好多芝士算好抵食又好食...薯泥仲好香甜添仲有追加左👉🏻蒜香雞中翼$18，雞翼都好脆卜卜食得出唔會太多炸粉，大大隻好多雞肉...👉🏻鐵板燒紐西蘭羊扒 $118呢個朋友推介既我覺得都還可以啦上枱個陣吱吱響聲店員隨即在我面前淋上酒...讓熊熊列火升起...視覺享受完就再加上燒汁...香氣及可觀性1流！三大件羊扒其實望到都飽...幸好他是男生...可以做食物墳化爐...羊扒大件又厚身...肉質唔算好軟腍但口感係有既...仲有點點羶味...我鍾意啊！配菜仲有西蘭花、車喱茄同好多薯條啊！配菜都幾足料架👉🏻汁燒鰻魚蛋包飯 ＄85我地叫多個飯既時候店員嚇親了...因為兩個人點解可以吃那麼多呢？我也不明白...看相片已經見到鰻魚十分大塊...算得上厚切配上滑滑的蛋...不過不失...味道是日式咖哩汁...佢呢種咖哩汁不是日本甜甜的而是有點印度那重...香口濃味咖喱！成個飯好大碟...真係好大碟...一個女生應該食唔晒吧最後甜品是主角吧上次已經食過蜜桃雪葩...一試難忘！今次再嗌...因為🍑「水蜜桃」才是招牌食品吧另外叫埋蘋果味👉🏻日本Lisse蘋果雪葩 $32...好香濃既蘋果味，感覺好似食緊蘋果一樣...啲雪葩釀晒入蘋果裡面！食到果肉...味道也不差不是太濃味反而都是👉🏻日本Lisse蜜桃雪葩 $35有驚喜...味道清爽又清新...又可以連皮食..不過我都係食左小小姐...蜜味真的比蘋果味出喔！推介推介！飲品就叫了3杯...飲到肚脹脹👉🏻青檸奇異果酒店員推介之一...是新翻的喔...但明顯地偏酸...幸好配上一些食物可以中和番...好好飲又醒胃👉🏻小麥手工啤入口香醇及入喉回甘，喝後齒頰還留有很香的小麥味。這支令我改變對啤酒印象的手工啤👉🏻雜莓果酒麥味不會太濃郁，甜度較高帶點莓香味！算是杯新鮮又富個性的酒精飲品第二次來吃沒有失望...只有值得...女人街也有好的餐廳...我相信只要你願意試...驚喜隨時出現喔！…Read More

茶記、冰室喺懷舊嘅代名詞，但最近到訪嘅「水蜜桃冰室」，絕對跟個名喺兩回事，既唔喺以水蜜桃為主打食材，又唔喺玩懷舊嘅冰室裝潢，但賣嘅產品又有點特色，小弟就覺得佢喺一家幾玩味嘅港式西餐廳。位處喺「女人街」內，還好鋪面都算幾顯眼，唔難搵。踏入餐廳內，估唔到裝修幾有特色，幾有個性，一室帶少少工業風嘅水泥牆，昏黃嘅燈泡，不過，襯深啡色皮梳化，感覺有點笨重，但又真喺幾好坐喎。而裝修最吸晴喺啲花花階磚，唔止鋪晌部分牆身，仲連所有枱面都鋪埋，令整體感覺沉實而多添一點繽紛及活力。此外，牆上所掛嘅帆船模型、美國色彩甚濃嘅懷舊廣告板，都睇得出老闆確喺花咗唔少心思。翻一轉餐牌，選擇幾港式西餐格，由鐵板燒、沙律、焗飯、意粉、小食……等等，較為特別喺有一系列雪葩，以及仲提供懷舊港式特飲，如黑牛、忌廉溝鮮奶。店員就推介我哋試試一款「期間限定」嘅套餐，會定期轉款，喺韓式火山石燒靚牛肉，或可加錢轉日式壽喜鍋，依家更喺做緊「老闆瘋了」價，打個六五折，就算喺宣傳策略，睇個折實價都極之「MK」吓。蒜蓉包受人歡迎嘅餐前麵包，其實，有啲心機搽勻蒜蓉牛油，焗香佢，上枱時熱辣辣應該喺最基本，但有時有啲餐廳貪快，連基本都做唔好。「水蜜桃」嘅蒜蓉包就合枱有餘喇，有蒜香，帶微暖，再添多少少香草就更佳啦！羅宋湯喺港式西餐嘅標準「紅湯」，做的酸香開胃，味道濃郁，而且，非常足料。餐湯更可以加12蚊轉酥皮湯，不過，好彩無加，因為啲主菜份量十足呀！紫薯忌廉湯「白湯」就唔喺常見嘅蘑菇忌廉湯，而喺紫得夢幻嘅紫薯忌廉湯，質感挺順滑，但味道就有點玄，紫薯嘅甜味中帶點減，個人感覺就未算好夾。鐵板燒紐西蘭羊扒 $118佢哋啲鐵板餐都幾抵，都喺$88-$125，當晚目測，都見唔少客人點鐵板餐，因為不時聽到隔離枱傳出吱吱響聲。而小弟就揀咗客中價嘅羊扒，包晒餐湯及飲品。佢哋嘅鐵板唔喺就咁淋上醬汁，而喺先因應唔同肉類淋上唔同嘅酒，可能喺白蘭地、冧酒……，再點火增加香氣及可觀性；之後，再淋上蘑菇洋蔥汁，發出「咋咋聲」，香煙四溢。一客足有三大件羊扒，件件又大又厚身，堆到成塊鐵板都喺。件扒嘅肉質比預期要軟腍，帶微羶，唔食開羊嘅人都應該OK，咁嘅價其實好抵食，要挑剔就喺筋多，切起嚟帶少少麻煩。配菜亦無手緊，有青瓜、車喱茄、西蘭花，大量脆炸薯條，成份餐真喺大堆頭。熊本一口牛 $148有熊本牛供應，標明220g，只喺賣嚿半水，所以，心裡已打個底唔會抱住最頂級嘅期望。而整個套餐，仲包埋生菜包、珍珠飯、餐湯、熱飲，石板之上早已放上多款野菜，食完真喺唔飽有鬼咯。既然話喺韓式石燒，睇得韓劇多嘅朋友就知佢哋不時會以生菜捲住啲燒肉嚟食，啲生菜仲會配埋蘿蔔蓉、蒜片、醬油讓客人自行調味。至於啲熊本牛切成一粒粒，一口一件超方便，單睇碟牛，又喺份量無欺場，睇出充滿油花，但有解凍未足嘅感覺。放落石板，雖然石板下有火酒糕加熱，但整體石板嘅熱度應該唔夠強，「咋咋聲」唔喺好響，辣唔出焦香嘅效果，但啲肉本身質素喺不俗嘅，既腍滑又帶點油香。以生菜包住，加點蘿蔔蓉、蒜片，個人就覺得更好食。熱騰騰嘅珍珠米又香又軟糯，一啖飯，一啖牛，沾點醬油，亦叫人滿足。熱檸茶、熱特濃唂咕 +$5今晚全部都喺肉，所以，就改改餐後嘆咖啡嘅習性，而飲熱檸茶，有助消滯去膩；友人就喜歡唂咕，因為比朱古力更香濃。店家嘅甜點就獨沽一味只有雪葩「日本Lisse雪葩」，其實，食完鐵板燒、石燒，以雪葩降吓火都幾好嘅配搭。有食開鮮果肉雪葩嘅朋友都知，單價一向都唔平，依家跟餐仲要平啲，簡直喺心動價，搞到我哋都各點一客試試，而且，款式頗多，睇得我哋十五十六。蜜桃雪葩 $35（套餐價）寫明喺原個嘅，送到嚟就梗喺成個啦。啲雪葩釀晒入蜜桃裡面，味道清爽，蜜味不俗。由於桃肉本身都可以連皮食，所以，我哋夾手夾腳將成個蜜桃雪葩處理掉，哈哈！芒果雪葩 $32（套餐價）本來首選喺菠蘿口味，可惜是晚缺貨，不過，芒果我都好啱。芒果喺半個份量，睇到外皮上帶少少果肉，可惜比較難刮嚟食。而雪葩嘅芒果味非常突出，清甜冰涼，且甜味自然。無論環境，抑或食物，都睇得出花過心思，同埋有誠意，難得無話開天殺價。雖然位處MK，服務唔會爛撻撻，店員都非常有禮，整體都比預期好呀！…Read More

女人街有好多間小店，今次黎到新既吾耐既水蜜桃冰室。見佢有水蜜桃雪葩食！即刻吸引到我前來一試。餐廳地方算小，但座位不少，有受歡迎既卡位。店內燈光較暗，設計風格行懷舊風。.鐵板燒紐西蘭羊扒 $118 三大塊羊扒，幾厚身，幾juicy 😍 個汁都好好食，價錢合理, 幾抵食。薯菜都幾足料，薯角又炸得脆身吾油膩。.汁燒鰻魚蛋包飯 $85 鰻魚吾夠厚切，蛋都幾滑，味道就不過不失，勝在大碟，同埋個鰻魚汁係好味既。.美國黑毛安格斯(180g) $188 （1-2人份量）個燒爐好迷你，幾得意又慳位👍🏼 估吾到200蚊都吾洗會有咁多安格斯牛肉食，而且有好多塊，幾足料。牛肉既花紋望落ok, 食落有牛味、有肉汁，不過咬落吾夠腍，特別中意佢地既醬汁同炸蒜片，夾埋一齊食更加好食🤤.餐湯揀左一蕃茄雜菜湯，一紫薯忌廉湯，+$12 可轉酥皮湯 紫薯湯幾特別，有新意，紫色既湯好靚😂 不過吾夠creamy ， 點包食都吾錯的。.日本Lisse 蜜桃雪葩，單叫$48，跟餐就+$35 好鬼抵😳 仲有多款水果雪葩選擇！我愈來愈中意食雪葩🤤所以見到有咁多選擇 好開心呢！水蜜桃雪葩味道幾濃郁，幾清甜，賣相又吸引！呢個價值絕對值得一食！🤘🏻食物選擇有好多👍🏼…Read More