水蜜桃冰室

今晚等埋朋友收到佢個食晚餐，佢話上次同個friend食個好食，今次帶我去食。我哋叫咗兩個晚餐set，西冷牛扒薯條，同埋牛柳配珍珠飯，仲叫咗個帶子菠菜天使面。餐湯係紫薯忌廉湯，補咗加左酥皮，個湯好好味仲要紫色都幾靚，跟住我叫咗七成西冷牛扒，好大啲又好味，原先黑椒汁不過佢無晒我轉左蒜蓉汁，仲要鐵板上好好味。牛柳就略為熟左啲，不過佢配珍珠飯係幾好食，跟住個帶子菠菜天使面個汁係好好味，比較juicy.唔係平時食完好漏，極力推介，兩個人食左$345，食到好飽好飽。性價比好高！一定會再黎。…查看更多

約咗巴打去旺角睇game，睇完之後行咗去女人街，打算搵一間餐廳歇一歇食晚餐，水蜜桃冰室有得据扒，啱晒我地兩個食肉獸！先點個綠田園凱撒沙律，食多肉都要食d蔬菜平衡一下，都好大碟，菜好新鮮爽脆，有芝士粉，脆麵包粒！火焰鐵板紐西蘭牛柳好霸氣，鐵板「吱吱」聲，侍應會倒上酒，再用火槍，熊熊火焰！七成熟，配黑椒汁和薯菜，薯條脆卜卜好香口！有兩大件牛柳，好淋，肉質彈牙，不會有筋，好食！跟餐還有餐湯和蒜蓉包，價錢相當親民！另外再點咗日式蘋果咖哩 鰻魚蛋包飯，可以揀半條或者全條鰻魚，我地覺得全條好似抵d！個蛋整得好好，扭紋好靚，蛋好滑！好滿足！難得一見緊係要啤啤佢，我地叫咗alska 雜莓果酒同酒花香濃破格小麥啤，都幾好飲，跟餐價都幾抵，值得一試！…查看更多

有日既lunch朋友帶到旺角覓食 佢係家樂坊後個面諗左陣 佢諗到推介呢平價西餐廳 佢話食物唔錯價錢都抵食 即管試一試😂同朋友分別order 忌廉湯同羅宋湯 蒜蓉包好脆口 好正👍🏻太肚餓了 必須要個飯黎試<黑松露煙三文魚意式燴飯>黑松露岩岩好 飯濕濕地配埋蘑菇唔錯😍<厚切黑豚肉眼扒配薯角>事前職員都有提到需時20分鐘 佢怕我地太趕食唔切😛但假如平日lunch放飯黎食 可能要預時間朋友order蕃茄汁同青咖喱 青咖喱意外地好夾好味😋蕃茄汁反而偏淡…查看更多

這間餐廳食物差不在話下，意粉和魚柳十分普通，味道淡而冇味，連一杯普通檸檬茶也是苦的，最令我忍不住的是衞生也真是有問題，碗盤十分污糟，在吃飯途中竟然看見一隻蟑螂在旁邊，整頓飯與昆蟲在打架道，沒有下次光顧的理由！…查看更多

星期日晚730去人不多，六成滿舒舒服服坐卡位環境好靚，鍾意呢度個裝修！個裝修好西式野食選擇多有好多餐都只係$60-$70 鐵板貴少少啦 $100鬆啲男朋友叫左個鐵板龍俐柳大蝦🍤我就食照燒雞扒蕎麥面配芝麻醬兩個都好好食，好驚喜係我嗰個餐仲有好多沙律菜連埋芝麻醬咩都好好食另外加咗個芝士焗田螺，好抵食， $19餐飲可以加錢要特色野飲我叫左杯黑牛（即係可樂加朱古力雪糕）男朋友就飲咸檸七，粒咸檸男朋友話好正整體黎講，性價比高值得encore~…查看更多

之前一直聽朋友介紹哩間餐廳，今日終於都來試下啦，我地八點幾來到就有位啦，唔使等位好happy！環境都唔錯，裝修好特別。台好靚！我叫左個晚餐套餐，有配埋酥皮湯同埋蒜蓉包噶！另外仲叫個蝦餅，味道都好唔錯！個扒味道都唔錯，選左六成熟。好正！唔會太生又唔會太韌！最後登場雪葩！我就係為左哩個來食噶啦！真係原隻生果來嘎！超好味！個🍊酸酸甜甜好正，水蜜桃都甜絲絲，好香果香味！食之前還會用火槍燒燒燒，好貼心喔！…查看更多

Hidden behind the stalls of the Ladies' Market in Mong Kok, on the eastern side of the southern-most stretch, is Peach Garden, an affordable Hong Kong-style western restaurant. The decor is a little random, leaning towards an American theme but not quite hitting it, but it's not unpleasant.      The staff were a little brusque, as cam be typical in Hong Kong restaurants, but still attentive and helpful. We sat in a comfy booth, and although     it's not a bit restaurant, it didn't feel crowded.I had salmon and mushroom cheese baked rice, a staple, and my partner had sizzling fish with shrimp, plus we sampled a couple of the slightly         unusually-flavoured cider choices on offer. My salmon was well-seasoned, and it had been baked well to give a slightly crispy top while not drying out the rice inside, and it was a generous portion. The Swedish älska cider was a surprising find - the berry flavour was sweet and very easy to          drink, and the lemon/ginger was sharp and refreshing. We finished off with a decadent chocolate ice cream waffle plate to share which definitely    left us with a sweet taste.I have to mention the background music, which somehow managed to be almost exactly to my taste, and at just the right volume to be heard           without overpowering conversation - a small point, but a welcome one!…查看更多

食西餐就食得多， 不過就好少食港式嘅豉油西餐。 聽朋友講旺角有一間港式西餐廳幾好食，所以上個星期三就同朋友去咗呢間餐廳食晚飯。呢間餐廳嘅裝修都幾有懷舊老香港嘅感覺，雖然餐廳唔係好大，但係都坐得幾舒服嘅~我就叫咗一個鐵板牛柳晚餐，頭盤有南瓜湯同蒜蓉包，南瓜湯飲落幾香滑，仲有粒粒南瓜蓉嘅口感， 蒜蓉包惹味香脆。 鐵板牛柳肉質腍滑，用鐵板上菜，熱辣辣夠曬鑊氣，而且大大份，真係好抵食！ 我揀左野菌汁，惹味得嚟但冇蓋過牛柳嘅味道，醬汁仲加咗蘑菇片，令口感層次更豐富。 牛柳側邊嘅薯角炸得非常香脆，味道都唔錯~我朋友呢就我打咗冬陰功炒意粉，單睇賣相就已經覺得唔錯，海鮮尤其是蛤蜊嘅分量好多， 一啲都唔欺場。雖然我冇試味，但朋友食完讚不絕口，就已經知道質素有保證啦~最後我哋仲嗌咗柚子雪葩，柚子雪葩嘅味道非常清新，果香濃郁，又唔會太甜，所以雖然食得都幾飽，但食埋呢個甜品都唔會覺得好heavy！另外，餐廳仲提供多款港式飲品(例如黑牛、白牛等)同手工啤酒。 如果想體驗一下老香港風情，呢間餐廳確實係一個唔錯嘅選擇哦~…查看更多

趁仲未開始返工，梗係要同男朋友拍下拖，到時返新工，又要忙住重新適應，到時就好難好好陪佢Lo。我地約左係旺角行街街，見餓餓地，就鑽左入女人街左右2側嘅巷睇下有咩食。行左一個圈之後，見呢間水蜜桃餐廳門口貼左好多餐式相 同Menu，選擇好似都幾多下，剛好又無人排隊等，於是就入左去試試！佢本Menu好多款式俾我地簡，主打西餐飯、意粉、鐵板餐，價錢$68至$140樓下，仲要包埋餐湯、蒜蓉包同飲品，都幾抵食下！另外，仲有D特色甜品同特飲，我地已經諗到我要食咩Lo！火焰鐵板紐西蘭牛柳($108)，叫左3成熟配珍珠飯，上檯時，侍應幫我地倒左D酒上去，再點火，嘩嘩嘩，D 醬汁同肉即刻燒到滋滋聲，勁香！切開牛柳，肉仲係粉粉嫩嫩，食落肉質好嫩滑同彈牙，牛味好出！珍珠米口感QQ，配燒汁同牛柳食，好滋味。鐵板燒龍利柳拼大頭蝦($128)，非常吸睛！2隻大頭蝦放係頂，下面再有一條又長又厚嘅龍利柳放下面吸哂D醬汁同海鮮GE鮮味，旁邊仲有薯菜伴碟。大頭蝦肉唔算多，但勝在新鮮，彈牙，開邊去煎，調味料入哂D肉度。龍利柳值得一讚，好滑好香魚味，唔係冰鮮野！唔錯。綠田園凱撤沙律($68)，見到佢嘅顏色就覺得非常賞心怡目，沙律我要求唔高，食材新鮮就已經好夠，呢個沙律食材鮮度夠，唔錯。玫瑰士多啤梨雪糕窩夫(半份) $48，本身都飽飽地，但見到張相，一路心思思想食。最後都係忍唔住叫左，意外地好食！呢個窩夫脆脆軟軟，我好怕食到D硬丁丁，成口都係漿嘅窩夫，但呢個唔會，而且好香蛋味！士多啤梨醬係果Jam，味道剛好唔會過甜，配上士多啤梨、藍梅、雪糕一齊食，T0T好感動，好好食。綜觀黎睇，野食質素非常高，性價比亦真心高，值得再回頭！…查看更多

尋晚打完超級台風［山竹］，真是嚇到個人離一離，而星期一早上反工遇到火車故障，所以請早上假,下午幾經波折才反到工，今晚約個fd出去旺角食飯，暫時不想反沙田區食飯！行到女人街附近見到有間叫水蜜桃冰室，於是入左去!我叫左個套餐，可加$餐湯轉酥皮蘑菇湯，個湯都熱辣辣！龍脷柳加大蝦配意粉個樣係幾靚，龍脷柳上面灑上香草，而大蝦挑左內臟出來，延伸仲有配菜靑瓜加洋蔥！鐵板燒紐西蘭西冷$98出場好有火，不過要小心個火！芒果雪葩$32跟餐就便d!另外餐飲有凍0茶加熱菜蜜！…查看更多

女人街搵食, 實在有太多選擇。見呢間選擇唔少, 賣相唔差, 最平都只係$35, 一於入內試試。厚切黑豚肉眼扒意粉配燒汁 $35青瓜份量唔少, 提供一餐所需蔬菜。肉眼扒有兩塊, 肉質部份偏實, 甚有咬口。燒汁略稀, 味道可以, 份量亦只夠肉眼扒用。意粉沒有特別調味, 味道有點單調。不過以呢個價錢而言, 整體已算唔錯。白牛 $9 (跟餐價, 原價$28)白牛為港式餐廳的懷舊特色飲品, 由雲呢拿雪糕淋上七喜而成 。雲呢拿雪糕味濃, 加上七喜, 立時產生泡泡, 七喜亦變得順滑。下午茶粉麵飯任擇其一, 最平都只係$35, 味道唔差, 份量又唔少, 令人佩服又唔覺伏。…查看更多

旺角通菜街的「水蜜桃冰室」雖然叫冰室，但打開門入去便會發現別有洞天裝潢不是一般的港式風格反而是有點葡式西洋風餐牌上的食物各有特色，選擇非常多店內另有不少創意食品例如偏韓式風格的石板燒和牛讓我們自己動手去燒生熟程度都由自己掌控燒好後可以用生菜包住肉片進食，十足玩味又可以保持熱度，更可以體會當「小廚師」而且餐廳大部份食品價錢都是百多元全部是套餐，連餐湯、蒜茸包、飲品性價比相當高定價相對一般西餐便宜全因店主認為旺角區比較多年輕人希望能提供到「平靚正」和新奇的食品以吸引更多客人蒜蓉包受人歡迎嘅餐前麵包「水蜜桃」嘅蒜蓉包就合枱有餘啦！有蒜香，帶微暖港式西餐標準的「紅湯」酸香開胃，味道濃郁而且，非常足料熊本一口牛 220g配 日本廣島蠔2隻原價$240 7折後$168超值的整個套餐有生菜包、珍珠飯、餐湯、熱飲石板之上早已放上多款野菜韓式石燒，看得韓劇多的朋友就知道不時會以生菜包著燒肉生菜還會配蘿蔔蓉、蒜片、醬油讓我們自行調味超大隻又飽滿的廣島蠔套餐還附送一碗自家製Handmade鹹蛋黃魚皮份量也是多到～TerrGor點了一客澳洲m5和牛西冷8安士配 日本廣島蠔2隻原價$268 7折後$188日本lisse菠蘿雪芭 原個$65甜品我一定要選菠蘿雪葩原個上台，入口就是香甜的果香與果汁冰爽出色，下次可以一併試一下其他味道…查看更多

在旺角無意中發現了這間冰室，因為名字吸引於是決定一試。餐廳環境吸引，裝潢設計十分別緻，燈光亦不太光 ，令人有一種放鬆的感覺。食物方面，我們叫了鐵板燒紐西蘭西冷及蘋果雪葩☝🏻鐵板燒紐西蘭西冷份量超大，牛扒肉質鬆軟，不會太煙韌，配菜的薯角份量也頗多，而且還奉送餐湯及飲料，超抵食☝🏻蘋果雪葩不得不提的是這裡的雪葩，十分出色，我點的是蘋果雪葩，原本都沒有什麼太大的期望，純粹只是想食甜品，但想不到一個平平無奇的蘋果也可以如此令人回味。蘋果雪葩外表嬌小玲瓏，內有滿滿清甜的蘋果味雪糕，非常可口整體而言，水蜜桃冰室食物質素高，是一間回頭率極高的餐廳🍴…查看更多

之後就已經泥食過一次，食過返尋味，今日又再同老婆泥回味下。南瓜忌廉湯好香南瓜味，入口好滑。加上酥皮焗，熱度多哂！點左得焗田螺，熱辣辣上枱，有6至7粒，薯蓉調過味。味覺剛剛好！入到主菜老婆點左個鐵板雞扒，上枱滋滋聲，雞扒大大塊有2塊。底下配上些許洋蔥青瓜蔬菜。雞扒脆皮肉嫩厚肉，灑上雜菌汁，好香！食到老婆飽到上心口！而我就要左呢個貓山王榴櫣炒飯，我本人好鐘意食榴櫣，入口啖啖榴櫣味留係口腔內，用雜豆，旦，雞肉粒而成，仲配上3款串燒，雞牛豬！燒到有少少燶，香口到不得了，配有2款沙嗲汁。好正！最後就係雪巴，因為雪住硬得滯，服務生幫我地解凍，入口岩岩好又易筆泥食！貼心！一人一杯很久無飲過既白牛黑牛，好懷舊！繼續支持水蜜桃🍑…查看更多

-鐵板燒紐西蘭牛柳❤️（$118）一上菜，真係估唔到份量咁多，足足有成3大塊牛柳，平時其他餐廳都唔會有咁大塊，咁多塊牛柳。店員先把酒淋上牛柳😍，再點火燒🔥，最後再淋上黑椒汁，真係好香，厚厚嘅牛柳食落有淡淡嘅酒香❤️，牛柳好軟腍，牛肉味重，依個餐真係好抵食😍-鐵板燒紐西蘭西冷😍（$118）店員同樣會先把酒淋上西冷，再點火燒🔥，最後再淋上黑椒汁，西冷都好大塊😎牛肉味濃，好有口感😆-水蜜桃雪葩😆（$35）無論食到幾飽，點都要食埋個甜品，水蜜桃雪葩真係好正，侍應會送上雪葩，再用火槍燒雪葩外層，容易食，成個水蜜桃冷藏至結冰後再磨成沙冰😛，入口清甜冰涼，好fresh❤️，好香水蜜桃味，口感似雪糕，超喜歡，作為甜品真係最適合不過☺️-柚子雪葩😘（$32）柚子雪葩都好正，酸酸甜甜的，食落好開胃😍，雪葩口感綿密，雪葩真係好好食😎-燒雞凱撒沙律😅（$78）雖然份量好多，依個沙律醬嘅味道比較怪🙃-凍咖啡😀（+$3）忌廉鮮奶😌（+$9）羅宋湯😋（隨餐附送）忌廉粟米湯😎（隨餐附送）蒜蓉包（隨餐附送）卜卜脆，充滿蒜蓉味😆-…查看更多