雷公子海鮮串燒大排檔 (已結業)

同 Sa 妹無見年半有多，終於有緣相約晚飯聚一聚，但居然話唔可以飲酒、食辣野、食海鮮 ﹗全部最喜愛既都唔得？我醒目地估到發生咩事啦，恭喜晒。無緊要，咪唔食辣囉，最後決定試雷公子。琴晚爆醉游左返大陸按摩，四點先返到香港食碗麵當早餐，再返屋企午睡，一醒已六點半，梳洗埋，等的士，塞車，遲到半個鐘呢，sorry sorry。其實已經上網研究過有咩好野食，先 order 招牌菜，再亂點試試啦，哈哈。唔知點解今晚成個九龍城都好冷清，雷公子都不例外，小貓三四隻。我地坐樓上雅座，私人空間足夠，談笑風生。雖樓底較矮，但修飾、佈局都算坐得舒服，滿意既。已經睇左好幾次 menu，有幾個精美套餐，最後都係決定散叫較為寧活。南北杏青木瓜雞湯，都幾有趣喎 ﹗一坐低就每人一碗老火湯，唔理您要定唔要，總之先飲為敬 ﹗有質數，真材實料無味精，飲落舒服，味道滿意，雖然有點偏甜。立體 3D 芥蘭，跟生菜或蒜蓉包，我地選擇生菜。其實唔明菜名由來，如何 3D 法呢？只掛住食懶得問。好明顯係中式生菜包，上面係炒肉鬆，蓋住下面既芥蘭莖。灼芥蘭爽甜而充滿水份，外暖內凍，應該係一早烚定左，之後舖上炒肉鬆。雖然唔係熱辣辣，但鮮甜味突出，有料到。炒肉鬆乾而味濃，帶極清淡既辣味，食落都幾油膩下，尤其食到底既時候，全部都油淋淋。用生菜捲住肉鬆、珍珠葉食就最正，可以減輕油膩感，生菜鮮爽多汁，好有清新既感覺，滿意滿意。忘記左捲埋芥蘭莖一齊食添，太習慣泰式生菜包食法喇，唯有下次有機會再試啦。蛋家佬炒蜆，醬汁濃郁不油，重麵醬味道而帶甜，好香好正 ﹗不過蜆出過水，欠鮮味欠海水味，肉汁流失而變得瘦削不飽滿。當然要生炒先可以原汁原味啦 ﹗但如果無足夠時間比蜆吐乾淨砂粒，有機會食到成口砂囉。蒜蓉燒元貝，Over cook 好浪費啊 ﹗Size 份量十足，好滿意。但燒過火有點乾硬呢，上水串燒妹處理得宜，好過雷公子百倍。味道合格，大量蒜蓉夠惹味，鮮帶子味道跟蒜蓉混和，美味。杜康醉翁瀨尿蝦，原來每隻要 $208 蚊啊，叫左先知，好貴呢 ﹗估唔到係冷盤囉。瀨尿蝦皇，骨骼精奇、異形既體骼，超巨形，長過隻碟呀 ﹗朋友隻本身話要戒海鮮，我話食少少唔緊要既，試一節啦。最終都係受唔位美食既誘惑放入口，呵呵呵。連個頭都出奇的多肉，入口涼浸浸，幼嫩多汁又鮮甜。試完個頭就到個身，好碌大啊 ﹗狠狠地一啖咬落去，跟頭既肉質完全唔同，結實、勁彈、滑溜，仲滲酒宜人酒香，清爽而不濁不澀 ﹗味道鮮甜、肉汁澎湃激射 ﹗我就想酒味更濃，細心地令上一小碟花雕，專門用黎對負我依類既酒鬼啦 ﹗好好味，非食不可 ﹗第一次連前髀都勁多肉呀，食緊蟹腳一樣，very good ﹗銀山火焰桶蠔，侍應四眼哥哥由下層棒住個煲送到，立即點火，好有氣氛呢，搞到我想唱生日歌添呀 ﹗先欣賞一輪火焰既舞蹈，等待桶蠔被燒得發出慘叫聲既時候就可以開餐喇 ﹗半張開既銀山口冒出白煙，隨著時間流逝，白煙越來越多、香味越來越濃，蠔味直撲埋黎 ﹗火越燒越旺，桶蠔們開始發出吱吱聲既悽厲叫聲 ﹗我地已經束勢待發，預備起動喇 ﹗火勢漸漸回落，桶蠔亦都已叫到頂點喇，係起筷時候。十分香噴噴啊，暖流緩緩向四面八方擴散。好多隻桶蠔呀，份量十足，而且係最好食既中 size 黎呢，我唔客氣喇。到底點煮架？第一次食桶蠔既質感係爽彈架 ﹗有微微似蠔豉既質地，濃厚桶蠔鮮甜味道，外層炸過非常香口，而且依然保留少少脆口添。醬汁香香甜甜，又特別又好味 ﹗黃酒雞煲，睇到個名令我聯想到美味金針雲耳蒸雞，見無咩肉食咁，即刻叫雞啦 ﹗但我真係諗多左，好失望，浪費左個寶貴 quota 喇。以為會係煲仔菜咁出，誰知黎個明火 gas 爐，滴汗中，無留意添。雞件無醃過無味道亦都無鮮雞味，藥材太多使到湯帶澀味。雞乾鞋而湯有澀味，我地不約而同試左幾舊放棄。麻婆豆腐，一輪衝刺後，話咁快又到尾聲喇，當然係粥粉麵飯時間啦，先黎個麻婆豆腐預備撈炒飯食先。花椒一粒粒，食既時候趙到一粒粒硬屈屈，感覺唔良好，用花椒粉更好啊 ﹗花椒味不太強烈，完全無麻既感覺。反而滲出濃厚孜然粉味噃，加上豆瓣醬微辣帶酸，夠晒開胃。肉碎味道香濃配清淡上滑頭腐，好味。大肚婆雞油薑米炒飯，等到頸都長 ﹗麻婆豆腐既 honey 出場，勁香勁有鑊氣，香噴噴 ﹗雞油特別香，薑米帶點辛辣非常醒胃，而且炒功了得，好味道。立即倒兩大羮麻婆豆腐撈撈去，擦出火花、撞得精采 ﹗濕潤軟滑併埋乾爽飽滿超好味呀 ﹗…查看更多

九龍城想起的多數是泰菜，泰菜以外真的想不出什麼？原來還有非常特色的大排檔。門外就像普通的茶餐廳，想不到入面是有大排檔風格的板凳和枱。每一道菜都比想像中的有鑊氣，真的吃得津津有味。剁椒蒸開邊龍蝦 $488[必食推介] 開邊龍蝦再加入辣椒油、新鮮辣椒和蒜粒。辣得興奮，但仍不搶掉龍蝦的鮮味，肉質嫩滑。蔥花鼓油皇乾煎鮑魚 $288/6隻把鮑魚從殼點中起出來，以鼓油皇把鮑魚變得入味。鮑魚軟腍彈牙亦很容易咬開。海鹽手插蝦 $198海鹽絕對是海鮮的最好搭配。由內至外都散發蝦的香，雖則舖滿鹽，但不會覺得過咸，反而更惹味。銀山火焰桶蠔 $288實在形容得頗貼切呢！銀山就是錫子紙，再用火在旁邊燒紅~ 入面是炸美國桶蠔，蠔的味道不算特出，炸粉偏多了點~秘燒豬肋骨 $198[必食推介] 意想不到這裡的豬肋骨不比西餐廳差。肉和骨很容易便分離，豬肉軟腍而能撕出來，非常入味！立體 3D 芥蘭 $108[必食推介] 創意滿分！芥蘭的葉炸得香脆成立體狀，配上肉粒和辣椒，送飯絕對一流！微辣又夠脆口的芥蘭，很滿足！避風塘金沙炒蟹 $398看似蠻辣，但辣度只是點到即止！蒜香濃厚，但蟹感覺上應該是能連殼吃掉，但還是炸得不夠脆口，介乎兩者之間，有點失望…查看更多

同老公起又一城行完街，順路就去咗九龍城搵野食，今次就試下泰菜以外嘅選擇。我哋叫咗牛油蒜蓉燒扇貝，$48一隻，好香牛油同蒜蓉味，扇貝好大隻，好厚肉，而且好鮮甜。原來9點後做特價1蚊1隻添。 銀山火焰桶蠔，上台果陣仲著住火，視覺上已經係好好嘅享受，食埋入口就更加好食，外面有少少焦脆，入面蠔味足之餘仲好多汁。豉油皇龍鬚炒麵，龍鬚其實就係魷魚鬚，炒麵非常爽身，食到底都見唔到好油起碟底，非常出色，盡顯大廚功架。…查看更多

家住九龍城附近，最大的好處就是不想煮飯，行幾步路近近地就有很多不同的食肆選擇。今日遇上無住家飯吃的日子，又溜到九龍城看看有什麽美食。家人想食中式小菜，所以就略過幾間泰式料理，見到一家名字挺有趣的，叫『雷公子海鮮串燒大排檔』，加上被門口這張大大的扇貝相吸引（$1，是$1你沒看錯！！），可惜要9pm後惠顧才有這優惠，家人就說，不如先試試，如果好吃下次特地再回來，就決定先吃個普通晚餐試試水（味）。雖説叫『大排檔』，但『雷公子海鮮串燒大排檔』一點都不是想象中的傳統大排檔，環境乾淨不特止，冷氣電視齊備，完全是一家中餐餐廳的格局。牆上貼滿了不少拿手菜式，很多都是海鮮爲主，原來『雷公子』是由富記海產經營，難怪這麽多海鮮的菜式，心裏已經默默地決定下次一定要來個海鮮大餐。一坐底，侍應就送上老火靚湯，是日例湯是青紅蘿蔔湯，充滿了蘿蔔的鮮甜，而且沒有味精味。『雷公子』還有海鮮套餐，少至兩位用都有，價錢大概2百多到3百多一位就有鮑魚、龍蝦等貴價海鮮，價錢好吸引。今日是普通日常晚餐，就不要太過分，只要一份海鮮菜式（笑）。問了侍應有什麽特別推介，就點了幾樣沙拉明蝦球拌俄羅斯沙律 $138又中（沙拉明蝦球）又西（俄羅斯沙律），十足港式小菜特色。『雷公子』不愧爲主打海鮮，明蝦球的炸粉不會太厚，剛剛好包裹住明蝦，鎖住蝦肉的鮮味。全部都是中size的新鮮明蝦，一碟$138有大約10隻，好抵食。沙律菜很新鮮，我吃的火箭菜剛好很苦，果然火箭菜同我是不和的。其他的沙律菜很爽，配合沙拉明蝦球剛剛好。令人意外的是車厘茄很甜，一點都不酸。我一向不好車厘茄，因爲太酸，居然給我吃到甜如水果的車厘茄，或許我應該問問老闆在那裏入貨！銀山火焰桶蠔 $288這個應該是『雷公子』的名物，看到很多Openrice上的食評都有點。果然名不虛傳，一上桌賣相氣勢已經贏了（？！）鍚紙包著大概8-10隻桶蠔，裏面還有洋蔥、菇類等配菜，上桌時還繼續用火燒著，還沒拆開鍚紙已經聞到濃濃的醬汁與酒香。桶蠔大部分都很肥厚，應該有特別炸過，所以吃時邊邊會有點脆。加上桶蠔身軟軟與juicy，兩種口感一起吃，大大滿足口腹之慾。桶蠔同配菜都很入味，配白飯一流。立體3D芥蘭 （配法式蒜茸包） $88接著又是一道見到很多人有點，而且菜色頗特別的一道——立體3D芥蘭。單看名字真的看不出什麽名堂。原來3D的意思是有3層。第一層：炒肉碎第二層：炸脆的芥蘭葉第三層：芥蘭莖肉碎加上炸蒜、辣椒等一起炒，不會很辣，卻非常惹味。又是一道配飯的菜式。芥蘭葉應該是用油炸的才這麽脆？脆卜卜好像吃紫菜一樣。芥蘭莖很翠綠，而且很爽口，不會帶苦味。一碟的分量都不少。同芥蘭一起上的是配的法式蒜茸包。烤得脆脆的法國麵包上塗了滿滿的蒜茸牛油，單吃已經很香。將3D芥蘭的炒肉碎與芥蘭葉鋪在麵包上一起吃，即刻好像在吃越南泰國小吃一樣。瑞士汁乳鴿 $68/隻最後我們點的是侍應推介，才剛推出的新菜色——瑞士汁乳鴿。瑞士汁雞翼就常吃，瑞士汁乳鴿好像是第一次呢！乳鴿滷得超入味，同普通鹵水汁不同，瑞士汁是偏甜的，想不到甜甜的乳鴿味道一樣合。瑞士汁味道偏濃，所以配白飯（什麽都配白飯！）更加好吃。乳鴿煮得剛剛好，乳鴿肉不會太乾，家人單吃就自己吃了一隻，最佳的下酒菜。（笑）第一次來『雷公子』吃晚餐，小菜煮得功力與菜色都很特別，下次會再來試試他們的真正拿手海鮮美食！！以上。 …查看更多

我中意食大排檔，一大班朋友，吹吹水，飲下啤酒咁，氣氛真係好好。不過今次有女仔一齊去佢地唔太喜歡真正大排檔既環境。唯有搵d乾淨既海鮮小炒地方啦！朋友介紹搵左間係九龍城，叫雷公子，話就係大排檔，不過餐廳環境好好，我會形容為一間高級大排檔餐廳。今次人唔多，得四條友，所以叫左幾個餸咋，當然要叫店員介紹下，先黎一個銀山火焰桶蠔（$288）出場時氣勢十足，d蠔好大隻，又鮮甜，個汁食落甜甜地，好香口呀。再叫左個蜜桃冰梅骨（$98），平時食生炒骨多，今次呢個肉多d而且唔酸，好惹味。立體3D芥蘭($88)，芥蘭本身好甜，廚師將菜葉炒脆，再加理炒肉碎，一脆一鮮甜用黎送飯一流。蛋家佬炒蜆（$78），食落有少少辣香，d蜆無沙，咬落仲好有海鮮的甜。海鹽手插蝦（$198），d蝦食落好鮮甜，而且配左炸蒜好香口。整體黎講呢到既海鮮都好新鮮，又鮮甜，小菜又夠火侯。…查看更多

九龍城呢個地方真係好特別，地方細細，搵食既地方多多，買野既地方又有，街市又好行，所以我呢個C9最近都好中意黎呢個地方。今次，約埋幾個C9去九龍城食大排檔海鮮。去到門口，見到有好多海鮮放左係門口，而且望落好光鮮，呢到真係大排檔？入到去，好乾淨，牆上有好多推介菜式既相片。侍應都好有禮貌，最有趣既係佢地著既制服上面寫住小二，哈哈。最後我地四個人，點左五個餸，有海鮮，有菜，有肉。蛋家佬炒蜆（$78），炒得好香，又惹味，最重要食落無沙，而且蜆肉都好肥美。少少辣，食完一隻又一隻。海鹽手插蝦（$198），八隻蝦用竹簽串好後，一隻隻插起，用錫紙包住，錫紙外仲有大量海鹽，打開錫紙，好香既海鹽味傳出黎，每隻蝦都好大，沾上左炸蒜，辣椒等，好香口既避風塘滋味，蝦，好新鮮殻好脆，肉好甜，而且仲好彈牙。銀山火焰桶蠔（$288），一上枱，就俾佢既火焰吸引住，錫紙入面包住既桶蠔，每隻都肥大肉厚。咬落鮮甜肥美，而且好香既酒味，食落仲甜甜地，真係想食完一隻再一隻。蜜桃冰梅骨（$98），賣相好精緻，冰梅骨炸得好甜，飲落甜甜地，不過無梅味，加上芝麻，更香口呀！立體3D芥蘭($88),見openrice好多人都有試過，而佢又講到立體咁得意，當然要試試佢。其實我都係唔明點角佢叫立體3D芥蘭，不過味道方面真係好好，芥蘭既葉炸脆左，再加上惹味既肉碎，真係prefect match。而芥蘭既莖部好翠綠好甜，讚呀！呢間餐廳既服務好好，而且價錢又唔貴，咁樣一餐都唔駛200蚊位，而且仲坐得好舒服。另外仲有一個細心位，係近門口位置有個自助充電區，餐廳除左可以幫我地個肚充充電仲可以幫電話。好sweet 呀！…查看更多

好多人都知九龍城有好多野食，但係我就好小食大排檔海鮮，所以就同女友和其他朋友一齊去左呢度食海鮮吧！坐到埋位，一人一碗湯，係雞腳湯，好香濃好味，老火湯，飲完唔口乾，即係冇味精啦，很好的說。過左一陣主菜黎啦，芝士龍蝦伊麵，有好多芝士舖左係上面，蓋過全部龍蝦同伊麵，撈勻佢先食，我以為芝士會好"流"的，但入口又唔覺，味香而唔會好咸，所以我都接受的，一般伊麵，龍蝦就啖啖肉啦，不過被芝士搶左風頭，如果改善一下就更好了。根住係蛋家佬炒蜆，大排檔風味，醬汁香濃吸引，不過殼多過肉，比例上要調整一下會更好。再黎係海鹽手插蝦，海鹽黏上蝦，我原隻連殼都食埋，脆卜卜的，好正。椒鹽瀨尿蝦，隻蝦好大隻，拆開之後，有橙色的瀨尿蝦膏，味香，蝦肉爽口彈牙，椒鹽脆脆。3D芥蘭，有幾3D？第1D係肉碎，第2D係芥蘭葉，第3D係芥蘭莖，我味食過或者未見過，芥蘭葉可以整到好似薯片咁，係脆卜卜的，芥蘭莖唔會好硬，不過肉碎略咸，不過用白飯和肉碎撈一起都十分不錯。最後一度菜銀山火焰桶蠔，錫紙外層仍然燃燒中，因為有酒燒嘛，講反裡面，D蠔又大隻又厚身，有炸過的，但唔會有炸漿附係蠔肉，又唔會有腥味，唔錯了。…查看更多

因為家住附近, 皮蛋同豆腐又在九龍城出沒了. 平時成日都慣左行去南角道九龍城方向嘅右邊, 即係街市, 獅子石道果邊, 今次就行下過去另一邊睇下有咩好野食. 行行下皮蛋話食海鮮都好, 第一時間就唸起竹園, 因為之前食過d套餐可以有2人份量. 不過皮蛋話search下d未食過嘅餐廳, openrice 見到附近有呢間d comments 都唔錯, 行到去門口見到好多疑似係老闆同d明星嘅合照, 就試下啦.皮蛋同豆腐無咩唔食, 就叫老闆recommend d招牌菜. 果個唔知老闆定侍應話人人去都主要會食果幾款招牌菜, 最後我地order左:銀山火焰桶蠔 (HKD288)火焰桶蠔幾有gimmick, 我見枱枱都有叫咁滯. 桶蠔好肥美好大隻, 一煲大約有8隻, 砵酒香味濃郁, 熟度剛好, 入口嫩滑, 洋蔥一樣入味.椒鹽瀨尿蝦 (HKD180*2)瀨尿蝦仲大隻過d龍蝦, 香港唔係周圍都有得食. 我上次食咁大隻瀨尿蝦係喺澳門嘅豐順, 果度嘅同呢度嘅差唔多大, 不過果邊斷斤秤, 一隻要近HKD300, 呢度特大嘅都係HKD180一隻, 抵食~!! 呢度一隻瀨尿蝦切開左頭中尾三份, 雖然相信椒鹽整的話其實切開會入面d, 不過如果下次去, 我會想好似喺豐順咁食叫佢唔好切開, 成隻食 =) 瀨尿蝦本身新鮮, 多肉, 彈牙. 而家唔駛去到澳門或者香港其他地方都食到, 太好喇 ^^籠仔荷葉花雕蒸刀貝 (HKD198)刀貝跟花雕味很相配, 放進口再有淡淡的荷葉味滲出來, 這個煮法我是挺喜歡的. 刀貝踉桶蠔一樣佷肥美, 熟度亦剛好.立體3D芥蘭 (HKD88)呢餐以蔬菜作結, 個芥蘭賣相很不錯, 碟的四面放上芥蘭, 中間則有肉碎和酥炸的芥蘭葉, 工夫可不少.Overall d 食物賣相精緻, 煮法較多元化和新穎, 唔係傳統蒜蓉粉絲蒸, 鼓椒炒果d海鮮煮法. 食物新鮮, 加上廚師嘅煮法, 令每種海鮮有其他調味料的味道外亦更能帶出食物本身的鮮味.…查看更多

說真的, 小妹很喜歡食海鮮的, 但海鮮多數要動手食(係解作要去殼0者~), 最大concern係要去到"老連"咁遠 (西貢呀, 流浮山呀, 香港仔呀><), 竟然朋友跟我說依家唔駛去到咁遠都有得食, 我當然二話不說答應了! 當晚七點半, 座無虛席, 幸好朋友們一早已訂位, 地點係九龍城丫, 對於我呢個半個原居民來講, 實在超方便, 今晚就認識左位新朋友"雷公子"~哈哈, 其實舖頭叫雷公子海鮮串燒大排檔0者一入去, 見到收銀檯的懷舊收音機, 頓時令我對"雷公子"產生興趣, 店內燈光充足, 而且地下都好乾淨, 好驚食海鮮既地方, 個地濕淋淋, 老闆見我一行六人, 先來每一人碗例湯呢到用上懷舊的"雞公"圖案碗匙, 低調中有的不平凡今晚係合掌瓜豬骨湯,  真材實料, 飲下去唔覺有味精, 起碼飲完冇口乾乾先啦! 頭打陣係"杜康醉酒瀨尿蝦", 隻瀨尿蝦以size來講(一碟之長), 都幾大隻下! 一問之下才知杜康是酒, 上檯後先聞到酒香,  還有瀨尿蝦很少會用酒去烹調, 用酒去煮的食物, 稍一控制不妥, 就會有反效果, 很佩服佢地富創意敢挑戰的勇氣瀨尿蝦中間部份, 店方已貼心去殼, 經蒸熟的蝦肉仍然保持肉質鮮嫩, 同時食落有淡淡酒味, 正!!如果覺得偏好重酒味, 旁邊會另上一碗花雕酒, 可沾瀨尿蝦一齊食, 實滿足食客的需要 海鮮有蝦, 又點少得蟹呢!!! 避風塘金沙炒蟹, 油炸過後, 蟹肉外脆內鮮, 味道唔錯, 始終都係熱氣野, 還是一大班人share食就棒 因乜事食到要玩火呀?(家長指引) 呢道銀山火焰桶蠔, 上檯時是用鍚紙包著, 由店員饌上玫瑰露酒, , 火焰嘩嘩嘩來啦!! 當玫瑰露酒揮發後, 火焰會隨之熄滅的油炸後的桶蠔, 仍能保持肉厚肥美, 也沒有腥味, 而帶酒香的洋蔥汁令桶蠔增添不少分數喔龍蝦伊麵食得多, 今次係菠菜麵 (可轉烏冬或粗麵的), 而個底係椰汁, 內裡有很多椰絲肉, 食落唔漏, 但椰汁底跟菠菜麵像不太搭配, 加上菠菜麵只見其色而沒其味, 有點失色吧!之後就到此店獨有的立體3D芥蘭, 未上檯前, 我跟朋友還猜想會否把芥蘭搭成屋仔添(哈哈~), 要怪我想像力太強吧! 3D其實係解作三層, 最底是芥蘭菜柄, 中間是炸過的芥蘭葉, 脆卜卜好得意的口感, 最上層是炒過的肉碎, 香口少辣, 超惹味, 唔該六個"靚仔"(白飯)丫, 撈飯食真係冇得輸  黃金蝦, 是朋友想點的, 賣相唔錯呢~炸得甘香, 咸香味有點偏重幸好蝦肉還可以, 至於伴在黃金蝦下的粟米, 猜想是令黃金蝦能放穩在碟上的原故身為中國人, 晚餐冇半點米氣, 硬係未夠完滿, 最後由闊少炒飯作為今餐的句號, 是蛋白粉飯, 偏清淡的一款, 味道也蠻不錯的喔食咁多款既海鮮, 每人消費也只是三百元左右, 比起入去"老連"咁遠既地方食, 抵食得多. 更可省卻車程時間("老連"地方分分鐘, 一來一去至少兩小時以上), 以後在市區都可以食到靚海鮮, 識食既你, 記得要book位呀!…查看更多

九龍城向來就是美食集中營，尤其是泰國菜就更琳琅滿目了，不過因為泰國菜太搶眼的關係反而少人留意其他菜系餐廳，原來這裡有一間做海鮮和燒烤的大排檔，也很久沒吃大排檔出品，就跟朋友們去試試了。裡面的環境不算很大，沒有大排檔到處都是摺枱的霸氣，不過有冷氣環境也很乾淨，食得舒適是優勝處。大門旁邊的位置更是專做燒烤，隨時火光洪洪有表演看。 未吃飯前先飲碗湯，是日靚湯是合掌瓜豬骨雞腳湯，沒有很多油花在面，感覺健康，味道清甜如老火湯，沒有香濃的味精味，即使是附送也有水準，不錯。杜康醉酒瀨尿蝦這名改得有墨水，杜康是誰自己問谷歌大神吧。從樣子可見這瀨尿蝦相當巨型，可以佔領整張碟，沒有十吋也有八吋長吧﹗第一次吃這麼大隻的瀨尿蝦呢﹗這醉蝦也是用花雕來醃製，一樣是凍食，有預先拆殼當然方便我這種懶人相當貼心。夾了近尾部的那塊來吃，感覺花雕味不太突出，難怪會另外附上一碗花雕來加料，而瀨尿蝦肉質還可，結實彈牙度未到最佳，多煮一會較好。額外澆了花雕上去，酒香還是不夠濃郁，直接呷一口酒，果然是酒的問題，不太夠純，換第二隻酒較好。避風塘金沙炒蟹雖然被金蒜所掩沒，但看得出所選的蟹也大隻，比我的手板還要長。拿一隻蟹鉗來吃，從蟹殼的脆度得知這蟹炒得夠乾，蟹鉗厚肉而鮮甜，拌以金黃香口的炸蒜自然更惹味，另外辣味中等適合大眾享用。一隻，真的不夠喉。銀山火焰桶蠔火熱登場，看著這個On Fire菜式大家當然會尖叫，不是叫到像李逸朗般就OK了。聽說是用了玫瑰露做燃料，不知道是不是豬膽樽型天津露酒，但由於火是在錫紙下燒而不是在桶蠔上，所以即使玫瑰露夠香，也不夠勁傳到桶蠔裡。有火的情況下拿蠔時自然要“睇住呀﹗”，桶蠔大約是掌心的一半大，吃起來帶香甜但不肯定是不是耳熟能詳的砵酒桶蠔，肉質鮮嫩而不帶腥，肉身夠飽滿而多汁，實在吸引。甚至連配菜的洋蔥都被掃清，可見其受歡迎程度。 立體3D芥蘭大家都很期待是怎麼3D，應該不會是架床疊屋起城堡吧？結果當然不是砌屋，而是將芥蘭鋪成三層，一層菜莖一層菜葉一層肉碎。為何菜葉會獨立出來呢？因為菜葉經過油炸，吃起來有像薯片的清脆聲音，感覺很有趣。菜莖則有點營養不良，導致清甜的感覺較弱。肉碎就挺不錯，看色水就知味道很濃郁適合跟白飯同吃，帶點醬油香和辣勁很醒胃，但肉質就有點乾瘦，若然肉碎選帶有肥膏的部份會更吸引。椰子龍蝦菠菜麵明顯是芝士龍蝦伊麵的變種，其實除了菠菜麵還可以選回熟悉的伊麵又或者肥厚的烏冬，配菠菜麵還是第一次見就試試吧。賣相來說和芝士龍蝦伊麵沒太大分別，不過色水上看得出較白，未食就已感覺得椰汁的香氣四溢，吃起來果真是滿滿的椰奶香，還能吃到裡面有不少椰絲。龍蝦肉也不俗，結實而帶甜味。菠菜麵就顯得格格不入了，雖然能夠做到掛上椰汁的效果，但基於麵質問題，黏在一團的情況很嚴重，而且麵條斷開的比率很高，如果是換成烏冬的話就好得多了。黃金蝦的擺碟有用心，不是把蝦堆在一團，而是每隻分開再以粟米墊底。這黃金蝦味道相當的好，首先鹹蛋黃用得足夠，由頭到尾都能吃到其鹹香味，第二這蝦做得炸得夠乾脆，香脆得我連蝦殼也一併吞下去，而且蝦肉也夠結實新鮮，做得相當出色。底下的粟米也帶甜，不過水份略為不足，配角就不要求太多了。沒有吃飯總不覺飽，就來一碟闊少炒飯，即是瑤柱蛋白炒飯，為甚麼叫闊少就不得而知。這炒飯色水略帶白，鹹度則適中，可惜飯粒有點硬身也不夠飽滿，飯香不足。瑤柱亦乾身，好像沒有浸軟過。由於不太看到炒飯中間有瑤柱絲，估計是最後才灑上去，所以先拌好再吃味道會較好。 這次吃到的菜式味道不差，算是中上水準，不會令人失望。海鮮則相當新鮮，看它店裡又不覺有鮮活海鮮存在，原來在不遠處有一檔自家的海鮮檔賣給街坊自己煮，隻隻都生猛游水，難怪門面明明看不到存貨但又有優質海鮮﹗…查看更多

九龍城真的美食超多,半熟蛋糕,泰菜,點心....住這兒的話,我應該會食不停!!!!前陣子有朋友生日,他是海鮮狂,加上咁o岩好多朋友都是住九龍城周邊,所以我地又去左九龍城食海鮮慶生宴!雷公子海鮮串燒大排檔,在我心目中確實知名度不高,只因我唔熟九龍城!!唔聲唔聲但超旺場,幸好朋友有預訂,當晚店內的 40-50 個位都坐滿了,好熱鬧 :)朋友未齊,先品嚐免費附送的例湯,當晚是合掌瓜豬骨湯!雖然是免費附送,足料,飲落味道也順喉的,不錯~等了一會,朋友陸續到齊,開始上菜,第一道是新菜式 "杜康醉酒瀨尿蝦" $200/隻皇帝時期杜康始創造酒類,杜康亦成為了美酒的代名詞平時食到的瀨尿蝦都是椒鹽,比較重口味,而且肉質易變"梅"今晚這個是先蒸熟,再用花雕酒浸著,所以未上台已經聞到酒香,咬落肉質肥美,一大隻幾個人分好過癮 (最重要是店方已幫我們去殼!)之後再來的都是以酒入饌,銀山火焰桶蠔 $288一上台見到一個冒著火的錫紙球, 滿室都是玫瑰的清香! 沒錯!今次用的是玫瑰露酒~~桶蠔隻隻又肥又厚肉,經過油炸後也沒有厚厚的粉漿,最重要是入口沒半點討厭的腥味,連我這不大喜好蠔的,都覺得不錯!!另一亮點是玫瑰洋蔥汁,有點點的玫瑰清香,很好下飯的汁就是....避風塘金沙炒蟹 ($298)差不多兩年沒吃過,以前食到怕!!什麼節日也來一客!!!!花蟹先飛過一層油,肉質保持鮮味十足,沒有過火...只嫌蒜粒炸得未夠乾身,入口有點濕濕的,不太脆口!!椰子龍蝦波菜麵 (可配烏冬 或原味粗麵)白色汁你也以為是忌廉吧?!聞一聞,醬汁原來是椰汁也!!!吃著也有不少的椰絲椰肉,味道很輕怡清爽,沒半點漏的感覺!龍蝦也夠新鮮,只是邊吃邊要拆殼就有點煩....綠色的菠菜麵,令顏色更加豐富,不過我覺得麵放得太久,把醬汁的水份都吸引了,變得過淋,相信轉為不吸水份的烏冬效果會比較好黃金蝦 $188排得工整,遠看好似一朵花, 每件黃金蝦下面都有粟米碌,不過就來得有點不明所以,好像是為了美觀而放在一起!!黃金蝦炸得香脆,就像披了一件金色的斗篷,咸蛋味濃重好下飯....接著,是話題之作 3D 立體芥蘭 $88記得第一次聽到呢個名,是從 Facebook 中 ! 搞笑!!我也暫時未吃過平面的食物~這間店是原創這個 3D 立體芥蘭, 一上台.....真係笑到眼突! 完全參透不到施主.....原來,呢個3D 立體芥蘭,係有三層的, 最底的一層係菜柄的部分,爽口沒渣,中間的那一層是炸過的芥蘭葉, 炸得脆卜卜沒燶,好像有在吃紫蘇葉的感覺,最上層是 豬肉碎 , 就像生菜包那種味道的,少少辣辣地,下飯好拍檔!我們也忍不住要額外叫一個白飯呢!最後的闊少炒飯 $98就是蛋白瑤柱炒飯吧!清清淡淡沒太油膩,正好完結豐富的一餐!接著就是蛋糕時間,我們揀了近排很火熱的半熟蛋糕,留意下篇文章,我會講呢個蛋糕....呢餐生日飯,拆龍蝦又拆蟹,人均消費都是大概 300左右,價錢比到西貢更加抵食!原因係餐廳在街頭有自己的批發店,自然又平又新鮮!想食的朋友記得要訂位!!!平日都好好好爆場的!…查看更多

與明星做同學，這種機會並非人人有，更何況與明星做親戚！（不過如果有這種情況，我估都會有少許引人羡慕，說個秘密給各位知，我丈夫的兩位小學同學，一位是已移居北京的人夫男歌手，另外一位是國際動作巨星的兒子，他們小時候的反斗頑皮事真是估你唔到）我有位閨蜜住在九龍城，她說有很多時候在街上可隨處遇見明星，連發哥都遇過幾次，某一次在買海鮮時遇見國際動作巨星洪大哥，聽到洪大哥與海鮮店職員傾偈，說甚麼海鮮怎煮怎弄，後來更說到在對面街的某一食店就是海鮮店的直營食店，可以在這兒即買在那兒即煮即食。後來從閨蜜的 fb 得知她已吃過那食店的廚師手勢，發照片上群組，我齋看食物照片已大呼過癮，火紅火綠，炒蟹插蝦的樣子，我又怎能不與丈夫及飯腳立馬走去試試。根據閨蜜的教路，第一站當然是走到海鮮店撞明星兼買海鮮，居然給我撞見駕著七人車的艾威先生在附近泊車 ! 買海鮮的任務就交給他們，而我就四處拍拍 ......魚缸水清澈，目觀下的海產很有活力 我們買了一些海鮮後，便跟著閨蜜的指引向前方行走 ...走到來這間「大排檔」，別人都是用玻璃魚缸來作食店裏有售賣活海鮮的慿據及裝飾，這兒竟然是用半隻艇，丈夫睇過艇邊痕，這半裝飾半實用品是選用真的玻璃纖維艇割半而成，很有創意 ! 踏進店內並向侍應生道出人數，被安排坐在圓檯處，見牆上掛著一件東西，是我首次在食店裏見過 --- 自助充電區，設有獨立房給手機充電休息，可以個別鎖上之用。 店內設有 5 張大檯配圓凳，可容納 30 人左右。 入口旁是開放式廚房，依當日所見是用作燒烤之用，油煙給爐頂上的抽油煙機抽走，所以坐在店內是不會沾有一絲油煙味。餐牌裏共可分為四個大題，小菜篇、套餐篇、精選海鮮篇、串燒燒烤篇，侍應生也會在客人坐定後，為每人送上熱湯一碗，還推介一些菜式給客人。 每人送一碗的紅蘿蔔粟米煲豬骨，一坐下便可以喝碗熱湯，飲得出是無味精的家常時令湯，味道精華全部甜一甜的溶在湯內，感覺好比回家去了。剛才在海鮮店買的泰國草蝦，侍應生介紹可以用「海鹽手插」的方法來烹調。海鹽手插蝦 ... 送上檯時是見到有多支蝦串插入錫紙袋內，而錫紙袋下面是堆了一堆海鹽，感覺上似鹽焗雞的做法。 隨後把錫紙袋打開，內裏有大量調味醃料在醃著蝦串，醃料細碎但憑目測估計有金銀蒜、乾蔥蓉、紅椒碎等等。原隻蝦應該是泡油及與醃料炒過後才用海鹽焗，蝦殼是脆到可以原隻連肉吃，香香辣辣很惹味，更顯得彈牙蝦肉本身的甜味來。這個是從閨蜜的 fb 裏認識到的銀山火焰桶蠔 $ 288 ... 火辣辣地降臨到我們的檯上，侍應生說火焰是經玫瑰露酒而燃燒起來的，所以錫紙袋內的蠔也會染到玫瑰露的香。 桶蠔通常都是美國貨，今次一桶有 7 隻所以蠔身也不會太大隻。 廚師把桶蠔沾上炸粉來炸，我吃到這隻炸蠔的炸皮是與平常不一樣，薄薄的也帶有煙韌彈性，難道採用了地瓜粉 ? 炸蠔底墊有洋蔥條，醬汁有砵酒香，與蠔一起吃是甜甜地，很有砵酒焗蠔的 feel ~食店前的半隻艇，不是有很多蜆嗎 ? 丈夫提議炒蜆又如何 ! 見餐牌上有道蛋家佬炒蜆 $ 78 夠特別，問過侍應生，她說是用廚師自創的蛋家醬來炒蜆，用甚麼土魷乾、蝦乾這些水上人才懂的物產來製作的醬汁， 剩聽介紹已估到有幾鮮味 !咕嚕肉菠蘿船 $ 128 ... 半隻菠蘿盛載咕嚕肉，咕嚕肉的肉質爽嫩，與一向是肥肉的那種咕嚕肉是有分別，因此缺少了一陣甘香酥脆，醬汁甜酸醒胃，帶果味重，更驚喜的是底層全部是新鮮又甜的菠蘿肉與咕嚕肉配搭一起。避風塘金沙炒蟹 $ 298 … 菲律賓肉蟹的肉質相當鮮嫩，口感比起一般的肉蟹更為可口鮮美，經避風塘料爆炒，蒜香入味，辣味爆走。侍應生向我們隆重介紹的是這碟 3D 芥蘭 $ 88 ... 因為店主已邀請到製作 3D 芥蘭的創始人在這兒掌廚，因此在這兒才吃到最正宗的 3D 芥蘭。 何謂 3D , 其實是把芥蘭配搭三重做法，嫩枝泡油、菜葉炸脆至透、再加入台式滷肉碎同吃。 雖然做法是完全與油同煮，但完全也不會油膩，碟底也沒有油份存在，一碟嚐盡芥蘭的嫩與脆。 闊少爺炒飯 $ 98 … 用蛋白來炒的飯夠清新，配料有帶子、瑤柱絲、花枝粒、蝦仁等等，炒飯的油份少，鑊氣夠，粒粒分明，難怪能以奄尖的闊少爺自居。緊張的閨蜜在我們進餐的過程中不斷 whatsapp 我，其實朋友們都非常喜歡這兒的味道，這兒的餸菜看似造法簡單，火喉的掌握更是重要，廚師在拿捏食物的香、鹹、辣、鮮、嫩的準繩度亦高。雖然今次撞星之旅 ，只有我見到艾威先生，反而在飲食的旅程上尤如走進海洋公園。…查看更多