蟹仙海鮮蒸氣鍋 (龍崗道)

家姐最鐘意食蟹🦀， 所以就係佢生日嘅時候， 帶佢去屋企附近一家專食蟹、海鮮蒸氣鍋嘅專門店—「蟹仙海鮮蒸氣鍋」， 豪食一頓！😏 餐廳麻雀雖少，但五臟俱全， 有不少玻璃魚缸養住各式各樣嘅海鮮， 保證新鮮！😏 預先訂好枱，  甫入店，店員便親切地講解呢到嘅海鮮來源， 仲介紹我地食野生瀨尿蝦皇， 話有一隻前臂咁長，😍 真係未食已經流晒口水啦～ 呢到有4個套餐，由$298/位起，  有10款海鮮，好抵食呀！☺️☺️ 不過一分錢 一分貨， 由於我地想食野生瀨尿蝦皇， 所以就點左$398/位嘅套餐～😎 越南頂角膏蟹/ 菲律賓大黃奄 野生瀨尿蝦皇/象拔蚌刺身/野生琵琶龍蝦 澳洲青年龍蝦 翡翠九孔鮑魚 泰國海中蝦 越南貴妃蚌 日本大元貝/紐西蘭大蟶子 韓國慶南蠔/紐西蘭青口 深海龍躉片 有機蔬菜籃 上海鮮之前，先上個粥底， 店員將米、南瓜粒、排骨預先放係鍋底， 等成個蒸鍋食完之後， 就可以品嚐到集海鮮嘅精華於一身嘅靚粥～☺️ 因為海鮮中最重味道嘅係蟹🦀， 所以小編建議最後先食～ 野生瀨尿蝦皇 相機食先之後店員會幫我們剝殼，好細心呀！♥️ 咁我地就可以無障礙大快朵頤～ 入口啖啖肉， 肉質鮮嫩多汁，  完全唔需要蘸任何醬料， 原汁原味！👍🏻 翡翠九孔鮑魚 鮑魚新鮮，厚肉，軟腍得黎又不失咬口。 越南貴妃蚌大大隻， 肉質鮮美，好juicy， 可以連埋湯汁一起吃，鮮甜味美～ 韓國慶南蠔 原隻生蠔擺上去蒸， 蠔肉肥美，蠔身綿滑， 鮮甜並帶點海水味。 紐西蘭大蟶子 幾長幾大隻，蟶子肉爽嫩。 深海龍躉片 入口嫩滑鮮甜，魚皮膠質豐富。 澳洲青年龍蝦 正值青年嘅龍蝦，梗係最美好時代～ 雪白嘅龍蝦肉幼嫩鮮甜，爽口彈牙， 蝦頭仲有唔少膏～😍 最後， 輪到主角蟹出場啦！♥️ 越南頂角膏蟹 鐘意食膏嘅foodie一定唔可以錯過！ 頂角膏蟹係母蟹，  鮮橙色嘅蟹膏比較硬身、甘香， 蟹肉紮實，鮮味十足。 菲律賓大黃奄 蟹膏入口軟滑鮮甜。 有機蔬菜籃 清蒸蔬菜，原汁原味，健康又有益。 到最後加入香蔥、菜脯吊味， 薈海鮮精華於一身嘅靚粥就完全了～ 鮮甜，仲有米香，不錯！👍🏻 木瓜雪耳燉官燕 燕窩好足料，清甜滋潤～☺️ 整體來說， 呢到嘅海鮮非常新鮮，  超級推薦鐘意食蟹嘅foodie， 價格合理，性價比高！😎…查看更多

幾年前蒸氣海鮮在香港已經興起，好多做蒸氣海鮮的酒家最早期是散叫的後來演變成套餐。 朋友知道我喜歡吃海鮮，所以介紹我到九龍城的蟹仙海鮮蒸氣鍋。 預早已經訂好枱， 入到店內店員非常親切地講解這裏的海鮮來源，還介紹我們吃野生瀨尿蝦皇，這裏共有四個套餐，我選了$398/位， 共十款:⭕越南頂角膏蟹/ 菲律賓大黃奄 （ 半隻）⭕野生瀨尿蝦皇 （半隻）⭕澳洲青年龍蝦 （半隻）⭕翡翠九孔鮑魚 （ 一隻）⭕泰國海中蝦（一隻）⭕ 越南貴妃蚌 （ 因為休漁期所以冇貨）⭕ 紐西蘭大蟶子（ 一隻）⭕ 韓國慶南蠔（一隻）⭕ 深海龍躉片（ 一塊）⭕ 有機蔬菜籃（一份）⭕ 南瓜粥底野生瀨尿蝦皇～ 送上枱的時候真是特別興奮， 超大隻有我半隻手臂啊！ 影完相之後店員會幫我們剝殼，之後可以慢慢品嚐。 入口啖啖肉夠鮮嫩， 完全唔需要點任何醬料， 享受海鮮的鮮味已經足夠。越南頂角膏蟹～ 頂角膏蟹是母蟹， 蟹膏比較硬身，色澤是鮮橙色的， 蟹肉紮實， 鮮甜好味， 如果喜歡吃硬膏的可以選擇這一款。菲律賓大黃奄 ～ 平時食奄仔蟹多數都是細細隻的， 這裏的奄仔是大隻妹啊， 入口蟹膏軟滑鮮甜。澳洲青年龍蝦～ 龍蝦肉爽口彈牙紮實， 連龍蝦都可以有咁多膏， 清蒸是最好的烹調方法。炸魚皮～ 這是老闆娘送的， 這裏的店員非常好客， 但我覺得炸魚皮的質地不夠脆。翡翠九孔鮑魚 （ 一隻）～ 鮑魚質地厚身，煙韌有咬口。泰國海中蝦（一隻）～ 蝦肉爽甜。日本大元貝 （一隻）～ 鮮甜好味。紐西蘭大蟶子（ 一隻）～ 爽口肥美。韓國慶南蠔（一隻）～ 蠔肉肥美飽滿。深海龍躉片（ 一塊）～ 入口鮮甜， 如果魚的份量可以多少少更加好。南瓜粥底～ 所有海鮮精華都入曬裏面， 可是粥底比較稀。有機蔬菜籃～ 用蒸的烹調方法來煮蔬菜是最好的， 又健康又有益。木瓜燕窩～ 清甜滋潤， 燕窩份量非常多。青島啤酒 ～ 大熱天時飲返支啤酒消暑是最好的。雀巢檸檬茶～ 雖然雀檸偏甜，但我很喜歡飲呢！整體而言這裏的海鮮非常新鮮， 超級推介喜歡吃蟹的朋友， 這裏的蟹鮮甜多膏好味， 還有其他海鮮都是高質的， 我會很快再帶家人來這裏吃海鮮大餐啊。…查看更多