鮮一 (已結業)

天水圍北雖然都有唔少黃店，但正餐嚟講選擇都唔算多，天一商城就有兩間（鮮一同Bello Dining），兩間都喺同一層，都幾方便～小編去嗰日正值五一黃金週，兩間都大排長龍，唯有買個外賣啦😝醬汁三文魚即係啲三文魚已經搽咗醬汁（廢話。。。🤣），再落豉油都唔覺好鹹，只係塊三文魚薄咗啲，不過呢個價錢同埋有咁多塊就抵返晒～ 除咗三文魚之外仲有三塊青瓜同幾粒三文魚子。買lunch仲會跟埋個麵豉湯，麵豉湯無乜特別，唔係好鹹，唔錯～

店家既所有丼飯好大碗，仲送中華沙律。醬汁三文魚飯加三文魚籽好好配飯。三文魚唔夠肥,所以炙燒配埋沙拉油就岩啦。辛辣三文魚唔係wasabi，係真係辣油, 本人覺得太辣over左。醬汁三文魚飯 $52炙燒黑椒三文魚飯 $54炙燒辛辣三文魚飯 $54飯餐可以優惠價加手卷/小食，手卷紫菜夠脆三文魚幾厚切, 軟殼蟹就不過不失。三文魚手卷+$15軟殼蟹手卷+$17炸南瓜薯餅+$15炸芝麻雞髀$48個人認為拍得住大喜屋, 皮夠香雞肉夠滑蜂蜜熱情果茶+$3唔洗加錢有汽水送, 有熱情果果籽,絕無欺場想搵黃店，商場選擇不多，小店來說款式頗多，真心抵食！