鮮一 (已結業)

〖 天一篇 -- 鮮一 〗⁣⁣⁣⁣⁣💛 快將結業的日本菜黃店 😭⁣⁣🙇🏻‍♀️ 今次啲相影得較矇，唔好意思！🍜 肥牛拉麵 -- $43⁣🍣 花之戀壽司 -- $20/件⁣🦐 蒜香牛油赤蝦壽司 -- $23/2件⁣🐟 三文魚刺身 -- $42/4件 $80/8件⁣🥗 附送中華沙律，味噌湯⁣⁣😭 作為天北僅有嘅日本菜黃店，終於要面臨結業了。講真雖然講唔上好精緻美味，但係其實價錢唔算貴，要結業真係好唔捨得啊😭 以後想食日本野就只能返新北江了☹️⁣⁣🍜 肥牛拉麵味道較一般，不過都足料嘅，真係好夠肥牛！同埋仲有好多菇🍄，不過拉麵嘅味道有點過於普通，43蚊尼講有點唔抵。⁣⁣🐟 壽司刺身方面，三文魚刺身的確係幾鮮味嘅，花之戀壽司就正常好食，蒜香牛油赤蝦壽司都幾香，蝦都好大隻好厚，食得過。中華沙律就普通到我都唔知可以講咩，不過飲品嘅選擇就好似少咗啲，凍飲尼講淨係得汽水，乜都淨係得熱飲，真係好奇怪！所以就要咗個好普通嘅味噌湯。⁣⁣🙆🏻‍♀️ 睇完我食評可能都feel到，總括尼講就係一間極度普通嘅日本菜😂 不過至少唔難食，亦都唔會話好貴然後咁嘅質素，💛 所以作為同路人，間中支持下過下刺身壽司癮都唔錯嘅！⁣⁣🙇🏻

一入門，佢話無曬壽司飯，我心諗，一間日本食店竟然都會無曬，意味住可以揀嘅食物少咗好多，得翻普通飯同埋啲麵類，後來朋友叫咗個類似吉列豬扒嘅菜式wow，你唔同我講我以為自己叫咗個吉列火腿。。佢竟然出面係炸粉，入面係火腿同芝士？！我即刻黑人問號咗。分量又係細，我個人認為完全唔值44呢個價。都唔知自己食咗乜。唔會再去幫襯。我建議大家去同一地方，天一嘅圍屋物有所值多啲，大家不妨可以去試下👏🏻

天水圍北雖然都有唔少黃店，但正餐嚟講選擇都唔算多，天一商城就有兩間（鮮一同Bello Dining），兩間都喺同一層，都幾方便～小編去嗰日正值五一黃金週，兩間都大排長龍，唯有買個外賣啦😝醬汁三文魚即係啲三文魚已經搽咗醬汁（廢話。。。🤣），再落豉油都唔覺好鹹，只係塊三文魚薄咗啲，不過呢個價錢同埋有咁多塊就抵返晒～ 除咗三文魚之外仲有三塊青瓜同幾粒三文魚子。買lunch仲會跟埋個麵豉湯，麵豉湯無乜特別，唔係好鹹，唔錯～

琴晚又住咗晚天秀間酒店，今日lunch就喺酒店附近間天一商城搵嘢食喇！我同朋友誤打誤撞見到呢間小店有張「黃店證書」裡面都有張poster 枱面仲放咗選民登記表格順便來個1.5米座位隔離全日供應飯/烏冬/拉麵，跟餐配埋飲品，都只係大概$50嘅價位，算係性價比好高！本身朋友想食魚生飯，但我就提佢呢排疫情嚴重，最好食熟食啦，好在呢間日式小店有熟食，眼見全部食客都食熟食朋友揀咗鰻魚飯，$52餐連埋汽水/飲品配鰻魚汁、中華沙律擺盤精緻鰻魚燒得色香味俱全，見朋友食得幾滋味，不過碗飯其實唔算好大碗，但一個女仔係會食剩嘅份量而我一見到餐牌有明太子雞翼就心心眼😍本人好鍾意食雞翼！而明太子雞翼比雞翼更好食！無得輸！雖然上菜時有點失望因為比我預期細隻 不過因為有好大碗飯（最後有食剩）、中華沙律、鰻魚醬，所以都夠晒飽！ 明太子饟落雞翼到真係好好味，明太子帶有少少辣，口感好，雞翼又整到好香。白飯有得跟饅魚汁配埋可樂都只係$50👍🏻👍🏻👍🏻👍🏻👍🏻可以再來！

輕便又好食既日式午餐定食雖然餐廳既款式唔算多，但應有盡有-呢款辣味火灸三文魚都幾特別以辣椒醬取替wasabi食既時候仲有d 辣油滲落白飯度三文魚夠大塊，鋪滿成碗飯上面既沙律醬都好豐富，食落好Juicy 如果三文魚可以切得再厚身小小會更好-鰻魚飯既鰻魚有三塊，上面鋪滿蛋碎另外，老闆好貼心比一小碟既燒汁，可以撈飯食鰻魚都幾厚身，肉質鮮嫩上面放左少許芝麻，食落更香口-手卷份量比較細，味道唔算好特別唔知係店內既wasabi 太勁定小編唔小心落得太多，好攻鼻

店家既所有丼飯好大碗，仲送中華沙律。醬汁三文魚飯加三文魚籽好好配飯。三文魚唔夠肥,所以炙燒配埋沙拉油就岩啦。辛辣三文魚唔係wasabi，係真係辣油, 本人覺得太辣over左。醬汁三文魚飯 $52炙燒黑椒三文魚飯 $54炙燒辛辣三文魚飯 $54飯餐可以優惠價加手卷/小食，手卷紫菜夠脆三文魚幾厚切, 軟殼蟹就不過不失。三文魚手卷+$15軟殼蟹手卷+$17炸南瓜薯餅+$15炸芝麻雞髀$48個人認為拍得住大喜屋, 皮夠香雞肉夠滑蜂蜜熱情果茶+$3唔洗加錢有汽水送, 有熱情果果籽,絕無欺場想搵黃店，商場選擇不多，小店來說款式頗多，真心抵食！

天水圍少有既良心食肆 要多啲幫襯下仲要係少有既日本餐廳店鋪內外既裝修唔多 係一間樸素既小店蜂蜜熱情果蜜菜 +$3午市套餐其實免費跟汽水但我想試下熱飲對我黎講覺得檸檬味太重 有啲酸下次都係要返汽水~厚切刺身飯 $88由於我唔食吞拿魚所以我加左2蚊將吞拿魚改左做三文魚小店既好處就係彈性比較大厚切真係厚切~連蝦都大隻過人 話就話帆立貝2粒 但如果好似平時咁切開一粒計 其實就係4粒食落感覺魚生都係新鮮 唐揚炸雞球烏冬 $48雞球要讚下 因為係即叫即炸仲保留左啲肉汁 個粟米粒都好驚喜因為平時食係乾爭爭同硬但佢竟然係好飽滿 唔似平時急凍果種😎而烏冬就不過不失

又試天水圍餐廳啦其實天水圍真係好多食店但真係有良心又唔係大集團的真係唔多依間係家庭式小整本經營位於商場內某一暗角裝修唔算突出好容易走漏眼餐牌上都算多選擇價錢親民不過正如大家食評都有提及佢地的服務態度有待改善我個人認為佢地可以加多少少笑容兩大一少黎食小朋友都係食熟野好大爺揀左刺身飯刺身夠凍夠新鮮等級當然不可以與大集團相比但絕對比外帶店好飯微暖配有中華沙律及麵豉湯我點的是粒粒魚生飯看起來份量蠻多有2款魚，蛋，八爪魚，青瓜，蟹柳好抵食同樣有湯，中華沙律湯並不是稀稀的小朋友就吃炸蠔拉麵湯底濃郁炸蠔有點腥但可以接受也炸得很香脆另外還點了玉子壽司但未拍照已被鯨吞總結這價位2大1小來說品質算是不錯了而且不用等位大家不妨試試

其實黎幫趁小店預左唔需要要求D咩服務態度，但最基本叫羅多個碗仔既然給左隻碟，之後叫第二次羅碗仔指住隻碟話已經羅左😡😡，從來去任何一間食店都未試過甘差態度，貼錢都唔會再黎食

其實味道真係唔差！夜晚做套餐既鋪頭真係越來越少，我見咁靜以為會中伏，但原來真係好食㗎！燒三文魚真係好好食，十幾蚊都有2舊，同埋睇得出一d都唔馬虎！拉麵套餐（有野飲，小菜）都係$4x點解晚市咁靜？

朋友未來過天一商城，帶他來逛逛，之前見到好多扭蛋，可能他會有興趣，但去到發現分散了，而且無正常版龍珠，所以不看了。於是逐家餐廳看看有什麼想吃，朋友還是鍾情魚生，所以選擇了這裡。人客不多，只有6位左右，朋友一心吃魚生，㩒了海鮮丼飯，我心大心細都想吃三文魚的，但見到有炸芝士豬排，雖然本身好熱氣，還是想試，豁出去了。套餐全包飲品，前菜和甜品，好抵！飲品我要桃味梳打（我覺得太甜），朋友要蘋果梳打。海鮮丼飯賣相一般，材料平面擺放，看下去比較遜色，朋友說不算新鮮，但亦不算差＝0＝炸起士豬扒拉麵，即是內有芝士，賣相不錯，但芝士味不出，外面很油，分了半件給朋友，拉麵過熟，太腍，湯底一般前菜有中華海藻，甜品是一粒忌廉泡芙，應該買的，不是自家製o_O整體一般，勝在夠平

朋友家住天水圍，接朋友放工到這個自己未來過的商場醫肚，因為想食日本菜，見到廚窗的餐牌有價錢相宜的套餐，又有自己喜愛的魚生飯，便毫不考慮入內幫襯。店內顧客不多，店舖小小但空間充夠。因為沒有卡位，和朋友選了窗邊的座位。原來想著對住窗可relax一點，但奈何窗用反光紙及布遮蓋，不知道有甚麼醜要遮，但心想有點浪費。叫菜了，我當然點了魚生飯，而朋友則點了拉麵。例牌等主菜來時，先嚐嚐日本菜必有的綠茶。這間餐廳用的是茶包，試了一口，完全無味，已不想有下一啖了。魚生飯上到枱，是期望中的魚生飯，因為在這客不多的小店也不會太大期望。魚生色澤不算鮮艷，加芥辣也沒有芥辣味，但這個價錢來過下口癮，整體來說不過不失。套餐的前菜有中華沙律，初時見到顏色暗啞有點卻步，但吃過後味道和一般中華沙律差不多，只是賣相不夠而已。餐的甜品是士多啤梨cream泡芙，和元x吃到的差不多，也是不過不失。餐飲可叫一般餐廳少有的汽水，算有些驚喜，我點了蘋果味，朋友要桃味，朋友覺得甜了點，我覺得還可以。而朋友的拉麵目測似過林，初時我認為過熟 朋友則說見到湯裡有些麵粉狀的東西，認為未熟，所以我們之後一致認為麵底不好所致。自己無試，見朋友整個吃

饅魚丼飯 大大碗價錢平 食得過 天水圍好少有明太子 竟然發現到明太子雞翼 少少辣但幾好味   鰻魚丼真係最抵 又好食  味食過既快d去試下    咁既價錢有咁既水準算唔錯  當然就比唔起果D貴幾倍既餐廳  但係最緊要價錢夠平 不滿既地方係  間野太細間  所以叫外賣番去食  

放假 突然想食日本野!!經過天一商場，見到鮮一店子，環境乾淨整潔，點了鰻魚丼，好美味!另外再叫了一個"甘粟紫薯薯餅" 不太油膩。用餐過後還和年輕老闆傾談，十分健談，有熱誠的人。滿足的一天，我會下次再來。

見到門外的相片, 睇落唔錯又似幾好食, 就入去試下喇, 點左帝皇蟹棒壽司(唔好食)、天婦羅蝦壽司(唯一好食的)、鰻魚手卷(鰻魚皮好似橡皮膠一樣, 完全咬唔開, 用手撕都難, 中伏中伏中伏), 明太子雞亦(明太子又辣又難食)、天婦羅蝦烏東(第一次見識咁幼的烏東, 湯底勁鹹的味噌湯)。刺身無叫到, 但見到隔離枱的女仔, 咬左1 啖, 肚都肚唔切, 無法吞噬的樣, 已經話左俾我知, 唔使試。響天一商城中, 呢間創業的壽司店, 應該無咩人會再嚟食第2次囉！