傷心酸辣粉 (已結業)

原本想食burger原來我地太早未開門！唯有行返深水埗個邊食今次嗌左二人餐+水煮肥牛 野飲好快送到，個餐有3個小食，一人一碗酸辣粉(小辣), 仲有水煮肥牛夫妻肺片，豬耳，涼拌海帶 睇到個色水已經知道好鬼辣，食落真係每一分每一吋嘅食材都入哂味，辣到眼淚都標埋囉！豬耳好爽啲豬軟骨同豬耳肉嘅比例好好，涼拌海帶係第一次食，d 海帶係shok shok聲，每夾一著都好大著，好come食。酸辣粉 小辣嘅酸辣粉黎了！好粗條好林嘅酸辣粉實在太飽肚，亦因為薯粉本身都係一款好吸水份嘅食物，所以會感覺食極都仲有同埋越食越辣，因為一路食d薯粉一路吸緊個湯底啲精華，下次我個碗要小薯粉。阿姐見我地夾哂所有酸茶同芫茜喺tray紙就話下次可以叫佢走哂佢，好細心啊水煮肥牛 Yeah!最想食嘅水煮肥牛送到！今次勁大盤，我用盤黎形容因為佢真係一個盤, 見到超多辣椒！八角！芽菜！仲有我叫唔出嘅湯料, 喺面層嘅重手辣椒下面，靚雞雞lay埋左好多塊肥牛呢，每啖(記得連小小湯)食，好入味，個辣好突出，個人認為如果酸辣湯個湯底係水煮效果都不錯。今餐好明顯唔係深水埗街坊價，但以li個價錢食到咁用心制作嘅水

去開呢頭，係OK換完野就黎呢度開飯啦 gogogo!!我地點左2個套餐share，辣度全部都係BB辣，皆因同朋友兩個都唔受得太辣，哈哈夫妻肺片: 即牛展、牛舌、牛肚、牛心切成薄薄一片，夠香夠麻夠辣，用來當送酒小菜應該不錯酸辣粉: 配有小小花生、葱花、炸菜、辣肉碎酸辣粉呈半透明，灰色的不太討喜但原來煙韌非常，我食第一啖已經有"麻"既感覺，湯帶點醋味(朋友估計係黑醋??)酸辣做的平衡，配埋配料食好香口，非常讚口水雞: 雖然浸泡係紅色辣油，但唔算好辣雞肉夠入味，又滑又嫩，不錯川北涼粉: 第一次食涼粉，涼粉很滑很清爽，醬汁香辣，味道濃郁，撈埋食好好好好好味 推介!!!依家睇番相都流哂口水，會繼續去既!

說要評川菜，自問仍未夠班，頂多只屬幼稚園級數的我，還有排慢慢學習。帶一位四川同事到長沙灣政府合署辦理証件，完事後正值午飯時間，就和他來吃點川菜，免得回到公司附件佢又冇啖好食。套餐有一選涼菜，配一個麵食，及一罐汽水。揀了兩款不同的，大家可試多一點。包括口水雞、夫妻肺片、酸辣粉及雞絲涼麵，為照顧四川同事的口味，辣一點就辣一點，全部都要勁辣。酸辣粉，上檯時已聞到唔嘢少，很香的，粉條爽滑又不失煙韌質感，入口先辣後麻，仍保留一點酸味，相當刺激；另一味雞絲涼麵，麵質未算幼滑，好在夾雜著些芽菜，增強口感。這個麵，吸收了辣油之外，還有不少辣椒籽，同樣是辣得厲害。不過，正宗四川涼麵的辣又好像不是這樣的。口水雞用的是冰鮮雞肉，鮮味欠奉，還好的是雞肉不算粗嚡。而口水雞精華仍落在醬汁之上，既有麻香，亦存芝麻香味。當然，如果換上好一點的雞，這味菜必會更出色。最後的夫妻肺片，每片都是薄切，肉質雖不會韌，感覺卻不是特別新鮮。醬汁好似少了一點，不過味形是對辦的，做法亦似樣。吃罷滿頭大汗，喝完一罐可樂仔未能止辣，出去要再買東西飲。

去德發食完甜品，想有點麻辣刺激，就以傷心酸辣粉為終點站。其實一直都很想去試試，到底佢可以整到我有幾傷心，不過其店外之人潮後，都令人望而卻步；現在開了新舖座位較多，終於有機會一試。初臨貴境，未知龍或鳳，就先試中辣；先上桌的是口水雞，竟然沒有一絲的辣感!! 猶幸雞件都幾香滑，算ok。酸辣粉吃時也不太覺得辣，只感到其粉條都幾爽滑而煙韌，加上那點酸香，都算吃都愉快；要待喝湯，方能感受到一絲辣意；下次，還是要點大辣，甚或勁辣！尖椒皮蛋是最厲害的一道，雖然同為中辣，但因為添加了尖椒，麻辣感大大提升！尖椒切得很細，很容易走漏眼，要小心；而皮蛋有兩種，一種是重慶黃金皮蛋，另一種是普通廣東皮蛋；前著有點流心，蛋香豐富而爽滑得多；後者則一如其名：「普通」囉！吃畢，絲毫不感到傷心，終究不夠暢快；不過食物質素不俗，下次要來試試大辣，看看能否牽動我的真情！

我一向喜歡吃辣, j某日路過見到呢間鋪, 比個名吸引,幾個月前帶我來試, 已經覺得好好味, 但要坐街邊, 而家日日三十幾度仲要食辣, 真係唔掂 唯有外賣口水鶢半隻($60)去朋友家吃!最近j又路過附近, 見到隔兩個鋪開咗分店, 比舊鋪大同舒服, 又有冷氣, 於是今日再次吃吃套餐: 口水鶢+酸辣粉+汽水=$39酸辣粉 $15鶢好滑, 粉chewy 中辣已經係我極限! 辣到個咀震晒... 超正