紅煮意

.老公同朋友黎過呢間餐廳食飯話食物質素高，今日有機會到我黎試下啦！💛我地叫左兩個main，一個跟餐一個單點，因為我地都細食，而我又唔想飲湯食沙律😅香草燒法式紐西蘭羊仔架 丨燒汁．薄荷醬 丨薯菜 (單點HK$110)羊仔架兩大塊，羊肉都易切開，食落都覺得肉嫩，如果煎少兩分鐘可能更好食更tender，成塊都肥瘦均勻有油脂肥肉位，好香，冇羊羶味👍🏼可惜燒汁凍左，但薄荷味好出。配菜係薯蓉、蕃茄片、生菜。薯蓉都幾大個，如果加牛奶整，食落會更加幼滑，呢個比較粗糙啲，但都唔錯既。軟殼蟹黑松露忌廉汁意粉 (跟餐 HK$108)一上枱就聞到陣陣黑松露香，意粉份量巨大，每條意粉都沾上黑松露同忌廉汁，足料唔吝嗇軟殼蟹都炸得好脆，原隻上，入面都有啲蟹肉的😋跟餐配蒜茸包、蕃茄雜菜湯同一杯熱飲。Bora Bora 果茶-德國 (HK$50)(Strawberry. Mango. Currants. Apple. Raspberry.Sunflower)呢杯果茶酸酸甜甜好醒胃，食完兩碟比較油膩既野飲返杯果茶即刻解膩，推介👍🏼壺茶係用小蠟燭熱住，咁就唔怕茶凍哂啦，杯係比細細隻有耳既杯仔，其實叫呢壺茶同三五知己飲都幾chill 比利時特濃朱古力切餅伴雪糕 (HK$50)呢個切餅幾特別既，第一佢唔甜，第二佢既味道係dark chocolate + caramel，食落會有焦糖少少甜帶苦既味道，第三佢既texture偏硬身，似大理石蛋糕既質感。雪糕係有少少似阿華田味道，都ok既。呢個切餅伴隨兩塊蜜桃都幾得意😂環境方面呢到都坐得幾舒適，都係梳化座為主，普通椅都會有個大咕𠱸。呢到weekend 會有live band，平日應該就播下mirror d歌🤣成晚loop住姜濤, AL啲歌😂唯一唔太好係佢係open kitchen，啲油煙會谷哂出黎，頭髮會吸哂味😢不過返屋企落多幾下洗頭水洗頭ok既🤣服務方面都好架，店員、廚師都好有禮貌👍🏼其實呢餐西餐廳既性價比都高，食物質素都中上，支持下小店！^_^.味道 ★ ★ ★ ★ ☆ 環境 ★ ★ ★ ★ ☆服務 ★ ★ ★ ★ ☆性價比★ ★ ★ ★ ☆.…查看更多

軟殼蟹黑松露忌廉汁意粉：原隻軟殼蟹酥脆，黑松露忌廉汁好香黑松露味又creamy, 意粉軟硬適中炭燒美國草飼肉眼牛扒：牛扒燒得好靚但比較韌，比較難咬開，咬落牛味香濃。…查看更多

某月某日小馬特登搵呢間黃店帶我去食本身見金銘潮州粉麵上邊就係佢但原來佢個入口要兜返後邊 喺俊逸豪園後座入口嗰度上到去發現環境都唔錯👍🏿炭燒美國草飼肉眼牛扒配薯菜 (跟餐) $114 🙆🏿‍♀️塊肉眼扒超大塊 大過我塊面 啲汁都好味薯菜係我最愛嘅薯蓉 同沙律身為牛魔王嘅我 對呢個餐好滿意💛💛💛軟殼蟹黑松露忌廉汁意粉 (跟餐) $108 🙆🏿‍♀️呢個有一半原因係見OpenRice熱門所以嗌另一半係我本身鍾意食軟殼蟹同埋OK黑松露🤤軟殼蟹都算大隻 幾香口(利申 小馬雖然隻夾比我 但我又俾返半隻佢㗎🥰🥰🥰)佢個意粉幾重忌廉味 好邪惡果然冇令我失望😍單點同跟餐爭$22有蒜蓉法包、餐湯 (當日係蘑菇湯)同餐飲我覺得值得加嘅 除非你細食 驚食唔晒🤣✅ 加一服務費…查看更多

朋友想試，一齊try try佢～1️⃣炭燒美國草飼肉眼扒（$92）叫左3成熟，但應該扒太薄，所以變左5成。但呢個價錢算係咁～🔅另一朋友叫左西冷扒，會推薦呢款扒多啲，因為牛扒厚身啲之餘，烤到外脆內嫩，有炭烤味～正好多～🤤2️⃣軟殼蟹黑松露忌廉汁意粉（$86）軟殼蟹唔會油膩，意粉質感都可以，不過不失，仲有進步空間。3️⃣士多啤梨乳酪特飲（$50）睇個名以為真係乳酪飲品，但一拎到黎見到沙冰，即刻有啲失望！😕…查看更多

男朋友鍾意食西餐，特別係牛扒同意粉。點左炭燒肉眼同軟殼蟹黑松露意粉，我個奄尖到爆嘅男朋友都讚到不得了。個肉眼叫左5成熟，切開仲紅紅地，但唔會咬唔到，啲肉汁正到呢😋百鬆啲嘅價錢食到咁正嘅質素，講真出面300蚊一個塊牛都未必做到。個意粉真係食到好濃黑松露，冇揸流攤，個蟹炸得啱啱好👍佢價錢好平，但份量都好大份下😮抵食夾大件。而且餐廳坐得幾舒服，幾啱撐枱腳👩‍❤️‍👨呢啲小店一定要大大力支持💪🏽💪🏽💪🏽…查看更多

家下諗邊度食飯，餐廳嘅良知係考慮因素之一，不過有堅持有質素嘅餐廳就唔係時時都見到，呢間除咗後生仔，都有唔少中年嘅客群，唔通真係咁好味？羅宋湯煮得唔會過酸過甜，拿捏得宜麵包浸湯更回味5成熟嘅肉眼扒啱啱好，醬汁唔會太乾，薯蓉濕度剛剛好軟殼蟹雖然係炸，但咬落肉汁解鎖，意粉沾滿黑松露醬，滿分呀伯爵茶莓蜜幾有驚喜喎胃民就嗌咗檸檬茶雞翼煮得非常入味，啲汁好食到連沙律都要浸晒啲醬先食北海道嘅蜜桃喎，一定唔簡單雪葩超smooth，滿滿果香又唔死甜雖然餐廳位置幾多，但老細堅持一人製作保持食物質素，要食好嘢梗要畀啲耐性嘅…查看更多

以前喺附近做嘢，搵到呢間隱世西餐，同同事去食都好唔錯，只係嗰時油煙勁大，搞到想再去食，同事又唔肯再去。不過事隔三年再嚟懷緬吓，發覺煙霧不再瀰漫，環境好好多，唔知食物質素點呢？餐包似乎進步咗，外脆內軟剛剛好蕃茄忌廉湯好好飲，兩者相得益彰，稠結度又係剛好開頭以為佢冇乜汁，有啲擔心，原來啲汁喺晒底度，咁就唔會晾乾，等食嘅時候撈勻佢，超級juicy羊架通常伏味濃，好難煮得好，但佢火候掌握得非常之好，嫩口到不得了是日指定果汁係熱情果夜晚仲有特備節目，呢晚就有大律師同大家講吓法律意見，幾有心…查看更多

估唔到樓上cafe食物質素都可以咁有驚喜，媲美出面既西餐廳。每個禮拜六7點半仲有LIVE MUSIC添，下次可以禮拜六再唻。可以單點項目或轉套餐，套餐有法式烤包，餐湯或湯律，冷熱飲品或指定果汁。今晚點左兩個人氣之選套餐。前菜醒胃，分別要一個湯，一個沙律，是日餐湯係番茄雜菜湯，沙律菜新鮮爽翠。炭燒紐西蘭西冷牛扒，燒汁，芥末及配菜 $124，可以跟飯，意粉或薯菜。牛扒煎得岩岩好，外表金黃香脆，好容易切開，牛扒好有肉汁，肉味濃，薯蓉好滑，配上燒汁好味。軟殼蟹黑松露忌廉汁意粉 $102，軟殼蟹有兩舊，炸得好鬆脆，意粉彈牙有口感，最怕食到一舊粉團既意粉，黑松露忌廉汁好香，配意粉一流。跟餐指定果汁係蜜核汁，枝奘上，都唔錯呀。如果想飲其他飲品，可以加錢將餐飲升級轉以下飲品。另有素食餐單，岩晒食素朋友仔。…查看更多

好姊妹宣佈出年結婚，邀請我做姊妹，約會出來傾談結婚事宜，相約於係好姊妹家附近既~紅煮意餐廳。餐廳装修簡潔明亮，有一個開放式廚房，時常聞到食物香氣但又不會烏煙瘴氣，枱櫈之間有一定距離，各客人也不會受到傾談聲騷擾。侍應熱情招待，有禮週到。主菜組合有十七款之多，仲有沙律、頭盤、小食、甜品、花茶、mocktail、特式咖啡，種類選擇多，連素食餐點都有，總會有一款適合自己口味。先來蒜蓉包、沙律 : 包夠脆，蒜蓉不少，好香;沙律加上千島醬，好frensh。:):)小食~避風塘BB雞槌(辣)($50) : 本身雞槌肉相對雞肉其他部分，肉質較為粗嚡，但以避風塘這濃味嘅方法不但褪去雞搥肉本身嘅缺點，吃起來惹味非常，這個必叫。主食~海鹽燒加拿大比目魚扒. 香草忌廉汁及配菜($114) : 整條魚連魚皮煎到脆卜卜，肉滑如忌廉，骨少，啖啖肉，配合忌廉汁，creamy至極。主食~ 軟殼蟹黑松露忌廉汁意粉($102) : 陣陣黑松露香味飄散，加埋香脆可口既軟殼蟹， 再配上軟硬度剛剛好嘅意粉，吃到津津有味。甜品~比利時特濃朱古力焦糖布甸伴綠茶雪糕($45) : 朱古力味香濃，綿密無比，軟滑順口， 非一般布甸既質感，令人回味無窮，唔怪之得，係餐廳既人氣之選。餐茶 : 熱檸茶及熱檸蜜(加$5)。臨走時，發現這裡逢星期六會有live music , 原來牆壁上既幾支結他存在是有原因的。整體來說 : 紅煮意餐廳食物水準性價比高，侍應友善，又是一個可以好好聊天既地方，值得再去。…查看更多