金滿都越南餐廳 (已結業)

幫公司拎完野係長沙灣簡單食個飯，依到表面係間越南餐廳，但都幾多創新菜色越南咖哩牛腩飯$48牛腩大大舊，薯仔好淋好入味，咖哩較結身但唔會好辣，好莣味；仲配上大大碟飯，要黎食咖哩岩哂冬陰公牛尾飯$52好特別所以覺得依到好多創新菜，冬陰公有少少辣，但再酸Ｄ會更好，牛尾好嫩滑輕易做到骨肉分離黑椒豬手煲$78超好食！必試，脆卜卜既豬皮，食落啖啖骨膠原，加埋黑椒汁口感唔會太油膩明爐酸辣烏頭$108 配上冬陰湯，下面有個火熱住，但第一次夾開食既時候粉紅色唔熟，侍應幫我地拎入廚房要再加熱

今日老婆突然話想食越南菜，好在我記得元州村有呢間金滿都越南餐廳，於是放工就約埋阿爸阿媽同老婆去啦。餐牌都有幾多選擇，而且價錢都係街坊價，絕對唔貴呀。特別係有幾款推廣優惠，每日限量供應，睇啱就快快手手落單啦。店員特別推介呢兩款清酒，左手面呢支紀土, 純米大吟釀，微微辛口，味道爽口怡人。右手面呢支陸奧八仙，更係日本青森名酒之一，味道芳香易入口，適合女性或較少飲清酒嘅人仕。$68/ 1合(180ML)叫左清酒，自然要有小食作伴，呢個越式拼盤就啱晒啦。有春卷、蔗蝦同蒸粉包，一啖清酒一啖小食，一樂也。廚師推介--飛天炒通菜，加上泰國辣椒豆醬一齊炒，辣辣地夠晒惹味，連埋個白飯只係$55，認真抵食。之前睇新聞報導過好多餐廳會重覆翻用原個菠蘿整菠蘿炒飯，實在太唔衛生啦，好在呢度碟頭上，唔駛擔心呢個問題。而菠蘿同其他材料份量夠多，炒飯又炒得夠乾身，味道唔錯呀。呢個就係每日限定5條嘅古法三葉烤爐魚，佢先將香茅、檸檬葉釀喺魚內，再將蕉葉包住條魚再焗20分鐘，魚肉就會夠嫩滑多汁，而家做緊推廣只係$88/條，值得一試呀。仲有呢個越南咖哩牛腩飯，同平時食嘅咖哩牛腩飯唔同，越式嘅咖哩加左魚露，中和左D辣味，口感特別