華嫂冰室 (皇廷廣場) (已搬遷)

其實好耐之前聽就已經聽日講華嫂好食，有一輪又成日見朋友post相上ig/fb，都想試好耐不過去親觀塘，都大把野食揀，華嫂個位置我個人又覺得唔係咁易搵元朗果間更加唔洗講，因為元朗對我黎講係一個勁遙遠既地方，我又冇話想食到特登走入去個地步咁岩我有幾個係觀塘上堂既朋友話想去華嫂食lunch，咁就跟埋佢地一齊去啦由於中午係超多人放飯既關係，未去到門口已經見到好多人等緊位／外賣，不過我地都仲有時間既，咁就等下啦等左大約20分鐘就有得入我地幾個就分別叫左佢地招牌豬扒雞翼蕃茄湯通粉，招牌菠蘿包同芝士咸牛肉蛋豬仔包，仲有凍奶茶個蕃茄湯係幾濃既幾好味既，雞翼都夠入味幾香，但塊豬扒真係差左d，煎得唔夠香口同埋太林個菠蘿包我就冇試到，因為我自己平身對菠蘿包興趣不大。朋友就話唔差既，咸咸甜甜咁囉～～個芝士咸牛肉蛋豬仔包就認真麻麻地，覺得成個包都唔夠味，唔可以話難食，但真係冇咩特別Overall其實食物係唔差既，但係我覺得名過於實，可能係期望太高。…Read More

作為觀塘上班一族，難得有間名氣甚大的冰室在附近，聞說排隊的人數超多，在地利的優勢下，就來一試。來到門口，的確傳來食物香氣，引起食慾。上看到很多人讚 招牌菠蘿包 /   豬扒雞翼蕃茄湯通粉 ，其實兩款都想試，不過價位不便宜，還是單選豬扒雞翼蕃茄湯通粉（$44）好了。熱度十足，先試蕃茄湯底，蕃茄味超濃，且帶微微蕃茄酸，開胃~不過多喝兩口開始很口渴。雞翼都不錯，很入味，不過只有2隻，而且SIZE不大，而且豬扒來說，個人認為水準一般，沒有什麼特別。提大家，建議豬扒雞翼 另上，因為上桌時豬扒已浸淋，影響了本身味道。個人認為只屬不過不失之錯，大家來都是吃個名氣，畢竟價錢不便宜，沒有餐點~ 加飲品熱飲也要$14。…Read More

實際上，我唔知華嫂冰室係咪真係有個老闆娘叫華嫂還是其實係老闆娘鐘意劉德華才叫華嫂😂😅其實我只係想話：「都係覺得元朗華嫂比較合味道比較いちばん🙈」住在九龍區的我，下下搭一個鐘頭車入元朗食華嫂都幾係野😟搭車要時間都唔係一個問題，最大的問題係唔知要等多幾多個鐘先食到😭（我已經有過等兩個鐘才食到的經驗）所以觀塘真係一個福地，有華嫂坐鎮，好羨慕😳不過好在我去的是平日，所以只需等半小時就食到都算係咁啦（覺得欣慰😇）我們二人點了一碗豬扒雞翼蕃茄湯通粉、一碗雞翼豬潤煎蛋冬陰公米粉、一個招牌芝士咸牛肉蛋豬仔包、一杯凍檸檬益力多和一杯冰花奶茶豬扒雞翼蕃茄湯通粉（$44）果然名不虛傳 名符其實🍅蕃茄湯底雖然味道沒有上次係天水圍食的蕃茄湯底濃稠但幸好還有蕃茄味 整個湯底仍然都是紅紅的👀華嫂豬扒和雞翼繼續保持水準👍🏻雞翼滷得相當入味豬扒煎得很香口 肉質軟嫩又富有彈性😋雞翼豬潤煎蛋冬陰公米粉（$46）本來想叫肉眼筋的，但沒貨了，所以就選了豬潤😟冬陰公非常濃郁，微辣惹味😋食米粉就最夾啦 最容易吸湯😙滷水雞翼好味唔再講啦🐒豬潤煮到剛剛熟（仍然泛着少少血水😳），口感爽滑有嚼勁，有可能比專賣豬潤麵的專門店還要好太陽蛋🌞味道當然是煎蛋味 但煎得好靚要比個like佢👍🏻招牌芝士咸牛肉蛋豬仔包（$20）上次係元朗華嫂被芝牛蛋豬仔包溶化左因為意外地比招牌菠蘿包味道更夾更多層次感所以今次就想食過返尋味但今次的豬仔包不夠熱，咸牛肉鹹味沒那麼之前重口味配上仍然煎得半成熟的煎蛋和半溶的芝士 算是不過不失吧！🙈凍檸檬益力多（$17）檸檬酸混合甜而不膩的益力多喝起來消暑解渴 很適合炎炎夏日🌞的清涼飲料冰花奶茶（$20）真的有冰花呢！😆飲完有d懷疑自己上次飲個杯係咪普通奶茶😂😅（因為上次飲個杯「冰花奶茶」唔係碎冰黎架，而堅係一粒粒冰🙈)冰花奶茶果然有口感，就像奶茶味碎冰，粒粒都要咀嚼茶香依然香濃 配上幼滑的鮮奶 味道依然出眾😎不過我都係比較喜歡原始凍奶茶🙈總括來說，觀塘華嫂確實比元朗華嫂差dd🤔唔知係咪上次等完兩個鐘食野會好食d，還是因為華嫂係元朗，無辦法上演分身術，所以食物質素無元朗的好食物質素不過不失吧！😏但環境真的舒適得多，而且等候時間無咁耐住九龍區的朋友唔得閒入元朗就將就下住先啦😆觀塘華嫂都係食得過ge👍🏻…Read More

相信有部分人認識華嫂冰室係因為余文樂。一直都好想試好想試，但要山長水遠入元朗食，又真係好似好遠。好彩，佢終於喺觀塘開分店喇！終於可以去探個究竟！第一次去係佢開張嗰日，但去到籌已經派晒，連樽裝奶茶都好似話未有，唯有Sad住走。今次終於有得食，雖然等都等咗成半個鐘，但為咗食好嘢又無計咁多。點都叫做係一間人氣冰室，人多都明嘅，要同人搭枱都無可避免，好彩佢上菜速度都算快，唔洗係度有得睇無得食咁慘豬。叫得【招牌】都無有走雞，果然層酥皮好鬆脆，都幾足料，咬落去口感好豐富。但一塊凍牛油加一層無味煎蛋加一層無味番茄，感覺上好似無咁油膩，但味道又好似融合唔到，好明顯食到上面係咸咸地、凍凍地，但下面真係無味。但口味呢D嘢都好個人，咁樣好唔好食就見仁見智啦。另一樣【招牌】我就無食過，但朋友就話好好食，仲食唔停口呢。我係蕃茄湯嘅忠實粉絲，所以一見到有呢個即刻眼都發光。呢個湯底都稱得上「濃」，而且可以食到蕃茄肉，而雞翼滷得夠入味，豬扒都夠鬆軟（最怕食到韌到咬唔入嘅豬扒），成碗通粉一共有兩隻雞翼、兩塊豬扒、幾條生菜，都算豐富又飽肚。原本睇圖都對佢幾抱有期望，感覺上呢碗嘢會幾開胃。但原來係我諗多咗，火腿絲、午餐肉、豬扒、紅腸真係夠晒肥，而麵食落只有好重麻油味，感覺好油膩。如果佢可以係酸酸辣辣，一定會好食好多。奶茶夠濃，同埋佢樽裝奶茶賣相很討好，三點去到見到雪櫃裡面嘅樽裝奶茶已經得返兩支。總括嚟睇，華嫂冰室價錢都算合理。兩個人食到飽一飽都係＄155（真係飽到連夜晚嗰餐都唔想食）。如果大家經過觀塘，都可以試下華嫂冰室，但未至於要特登去試：）…Read More

今朝9點，終於的起心肝去觀塘食華嫂，係觀塘方便左好多，梗係要黎食啦！見到入面既人食野好肚餓呀係呢個位置排隊等，等左10分鐘就入得，仲有華嫂係度坐鎮！招牌菠蘿包($17)「招牌菠蘿包，吃過皆稱讚」唔係講笑，呢個菠蘿包真係好好食，可以食10個，簡簡單單蕃茄、蛋加牛油，熱辣辣菠蘿包，味道點解可以咁夾，牛油熱溶、蛋半熟、蕃茄新鮮，菠蘿包唔係平時出面麵包鋪超脆口既感覺，輕輕既脆有口感得黎唔會搶左其他食物既地位，Perfect！豬扒雞翼蕃茄湯通粉($37)呢個通粉係就係好濃，但反而覺得無咁特別，相比之下d料好好味，豬扒有d似澳門食既味道，夠稔夠入味，雞翼用秘製醬汁整，入哂味呀！芝士咸牛肉蛋多士($20)芝士半溶，蛋一咬蛋汁出哂黎，加埋咸牛肉同烘香既包，份量夠哂足，相當好！奶茶($14)呢間既奶茶一定要試，因為茶味夠濃又夠滑。…Read More