新香園 (堅記)

話說前排同寶寶同到美食推介，睇到呢間鋪好名蛋牛治，滿心歡喜一於試下。深水埗有兩間新香園，一間新一間舊，呢間堅記，外貌認真古色古香。一點鐘，lunchtime要等位，阿姐話入得，點知入到去，要等上手客畀錢走，噢，即是趕客服務，急住食急住走，唔好諗住長坐。坐低就畀餐牌價錢價錢嚇親，無套餐，散叫，一麵一包一杯飲品，自制常餐預咗$50-60，貴過茶記少少。寶寶叫我發板，兩個人叫咗蛋牛、西多、豬手麵、沙爹牛、熱奶茶。一上豬手麵，豬手淋膩剛剛好。不過，啲麵好重鹼水味。寶寶就話沙爹牛係生牛，食得出唔係普通料，杯奶茶好似都滑啲。萬眾期待嘅蛋牛，都冇其他人影到咁厚，食落就係沙爹牛嘅牛嚟。個人認為西多好食啲，食得出係靚牛油整嘅。整體而言，食物ok，環境一般，價錢略貴。值得朝聖，朝聖一次夠皮啦～…查看更多

呢間非常出名既蛋牛治 禮拜六日遲少少去都要排隊 最好12點半前去到 今次食完大約1點出返去已經見到有條隊蛋牛治係必嗌 而呢度既蛋牛治係用新鮮牛肉 非常足料之餘 牛肉同蛋既份量配合得好好 每啖都食到晒麵包牛肉同蛋而呢度另一樣出名既係豬手麵 不過不失 算係中上既水準豬手炆得幾入味 隻滷水汁亦都幾好味 個麵既湯底都變左大地魚湯加少少滷水汁 所以個湯比起食開腩汁就清淡d 最後仲有西多士 都係水準中上 最緊要係熱辣辣 呢度既野食全部都即製 一定係夠晒新鮮高質舊式小店 要支持！…查看更多

深水埗平民區 但得獎餐廳多的是堅記真心堅！有出名的蛋牛治&豬手麵價錢唔貴 $50內一定食到哂兩樣今次特地來食豬手麵叫餐要睇下店員得唔得閒 見到有眼神接觸就大叫食咩 佢就會識做幫你落單豬手麵上枱時 店員會俾一隻碟仔你放骨咁就唔會食到成枱都係 食得乾淨點見到一向麵都有兩隻大豬手係面叫了幼麵 鹼水味唔重 不用落醋豬手 雖然大隻但皮薄夠肉淋煮得入味同時又唔會好油膩 食入口feel到骨膠原 好滑好正湯都可以飲兩三啖 都幾清幾好飲豬手，麵，湯都咁好食 得到獎都係實至名歸的…查看更多

每次去到深水埗 我地99%會泥新香園食野😛指定動作一定會食番個南乳豬手麵 佢地既豬手煮得好淋手 調味亦做到岩岩好 2隻真係唔夠喉架🍜🐽 而麵底同樣都係做得非常出色 麵條非常彈牙 唔會食到半點嘅鹼水味😋😍而另一個必食既當然係佢既馳名蛋牛治 🥪😋我地仲會叫烘底 蛋牛治入面有好多餡料 好厚 d牛肉唔係咸牛肉係鮮牛肉 同樣調味一流 外脆內軟 💯🤭加埋佢地杯無得輸既熱奶茶 茶味香濃又夠滑😆呢個下午茶真係真係無得輸😚…查看更多

過到嚟深水埗附近搵食 循例搵到附近 頭十大的餐廳， 地方不算很就腳但是算好找。 叫了最有名的蛋牛治 及豬手麵。 可惜第一口咬下去已經讓人失望， 牛肉吃不出 有牛肉味， 煎蛋 很乾身亦不算有蛋香， 極其量說是烘底比較好吃。 反以豬手面的豬手很淋， 很入味 像是 炆了數小時的口感。 湯底亦不是味精的， 所以 還算是ok。 老闆應奉上一小碟用來放 骨頭，有特色。大概老店的質素 開始每況愈下， 可以不用再嚟下次了🤔， 對於現在仍然有人慕名而來， 實在叫人失望…查看更多

成日聽到新香園呢間餐廳就諗起蛋牛治同豬手麵 但因為隔住港島嘅關係甚少去到深水埗難得今日要去鴨寮街買電話卡同埋去黃金買啲嘢終於有機會去新香園食個lunch 今日要排隊呀排左差唔多三至四個字先入得一坐低即刻order左兩碗豬手麵一個蛋牛治同2杯熱奶茶呢份蛋牛治係舊式茶餐廳嘅味道 個多士烘得好脆 而個碎牛唔會太咸 可能有d蛋中和下 幾正南乳豬手係一樣我好鍾意食嘅嘢 呢度嘅豬手好入味而且好林 林都可以骨肉分離 有時有啲餐廳嘅豬手皮上面嘅毛會清得唔乾淨 好嘔心 但呢度唔會喎 佢清得好乾淨食得好安心 抵讚雖然呢度嘅嘢唔係話一百分咁好食 但姐食嘅係回憶 係香港老店嘅味道啊…查看更多

今日同友人黎到深水埗食成名已久既新香園（堅記）由於小弟一直都未食過，對佢既蛋牛治期望好高，黎到發現原來除左牛治其他粥麵都好正👍🏻一黎係蛋牛治，加左一蚊烘底，佢烘得剛剛好，唔會太乾太脆好似界損口咁，加上佢煎得好靚既蛋牛餡，口感一絕～ 味道方面都好好，由於唔係平時啲咸牛肉，所以令味道清啲同鮮啲👍🏻另一個好出名既係豬手麵，麵質一般但勝在南乳豬手調味好，成隻豬手都好淋滑，比平時出面既南乳豬手清好多～ 最意外係佢加左佢地秘製辣椒油好好食，個油好香，味道有層次，重香多過辣！用黎加係都到定點豬手同豬潤都好好食～叫豬潤粥目的係試埋佢個粥，原來呢到粥底有好重皮蛋味，一食覺得都好綿而豬潤熟道好好，食落好彈牙同好嫩～最後係呢到既奶茶，叫左小甜之後味道有啲似台式珍珠奶茶～ 口感好滑但我本人都係鍾意多啲茶味～總結新香園（堅記）出名係好合理，價錢係現今香港地黎講算係好平，同時佢大部分食物都好高水準（起碼我地今日叫個啲全部爽都係好食既），而且係辣辣油同豬手上面感覺佢地食物有下功夫去準備～ 本人非常推薦未去過既朋友一試！…查看更多

今天跟細佬佬去腦場買平野, 見到open rice 話這間正，所以特別去試一試裡面非常多人，我哋唯有坐近門口，不過枱都未坐落，更別說睇餐牌，已經俾阿姐問左3次食咩我哋嗰樣似熟客我哋立即睇餐牌，立即叫左介紹必食豬手麵，紅豆冰，菠蘿冰，西多士，額外叫多嗰醬爆貢丸麵豬手麵：豬手腍，麵爽口彈牙，無鹼水味紅豆冰： 勁多紅豆，奶味濃菠蘿冰： 勁多菠蘿，甜甜哋西多士：牛油味一般，不過煎得脆，配埋糖漿，味道更好醬爆貢丸麵： 出事啦！下次都係叫出名的食物，其實貢丸彈牙大粒，正想讚時，竟然獲得鑽石一粒，頓時扣分， 不過麵爽口彈牙，無鹼水味…查看更多

蛋牛迷必食路經深水埗一定要嘗試這間美食名店。今次叫左招牌蛋牛冶烘底，豬手麵，大可樂。雖然正值下午茶時間，店鋪仍然非常多人。小店雖然擁擠，但店員親切友善，急趕得來又不會催食客快點。蛋牛治烘底，推介。面包烘底，新鮮熱烘烘，十分脆口。再夾份量頗大的蛋牛，牛肉不是咸牛肉但調味得十分入味，蛋十分香，完美配搭。豬手麵。有3件豬手，豬皮滑及軟，豬肉夠淋，但偶然有一兩條豬毛，影響不大。再配一支大冰凍可樂，完美配搭。…查看更多

黎到深水埗,點都要黎新香園食個蛋牛治先叫完滿呢度既蛋牛治係即叫即整,所以出黎既時候熱辣辣,好香個包脆得黎又好軟熟,而入面既料唔算話好多,但比例岩岩好啲肉係用新鮮牛肉,而蛋都幾嫩滑,正!雖然我覺得隻蛋可以再嫩啲,不過整體食落係冇得輸既另外仲叫左碗豬手麵呢度另一樣招牌菜係豬手麵佢啲麵質好彈牙爽口,而且豬手好有膠質,有黏黏地既口感而且肉質好好林,最欣賞佢既係豬手去毛去得好乾淨,最怕食豬手時見到佢啲毛仲係度同埋豬手唔會淨係比舊骨你,啖啖肉總括黎講,幾好味,食完好滿足…查看更多

店名： 新香園（堅記）地址 : 深水埗桂林街38號A地下好味指數：7.5／10價錢：$21豬手麵大大碗的豬手麵才不過是$21, 而且味道絕不兒戲。大大件的豬手有2件， 入味夠腍，湯底索左豬手汁味道好juicy，麵質都算頗爽。店名： 新香園（堅記）地址 : 深水埗桂林街38號A地下好味指數：8.6／10價錢：$19馳名蛋牛治（烘底）識食一定要烘底，未試過都知一定好味好多。蛋煎得很滑，平時食蛋牛治出面多數係用罐頭咸牛肉，但呢度係用新鮮免治牛肉製成，鮮味十足。一份有兩件，熱辣辣之餘配料亦煎得厚厚的，好想大叫：伙記再來一份。…查看更多

這個週日要渡海去辦事...就順道去深水埗吃個馳名蛋牛治，早料星期天的這區會擠滿人，更有人車爭路的情況出現，老遠看到店前有條人龍，馬上加快腳步走到人龍的尾端，幸好前面只有不到10個人。等位期間在店外看到店裡坐得人頭湧湧的，枱與枱之間緊貼著，每張圓枱都坐上5-6人，大家為了品嚐美食都得擠一點吧。安頓下來，馬上點一份「大火」的蛋牛多，「大火」是茶記用的術語，意思是多士要烘得燶一些，很多人(包括小妹)都喜歡燶燶的焦香感，所以每趟吃多士時會要求「大火」 蛋牛治(烘底)($19)是這裡的名物，幾乎每枱總有幾份，開放式的廚房手不停地製作，送上的是熱辣辣的「大火蛋牛多」，面上有著焦香的痕跡，中間夾著一片厚薄恰好的《蛋餅》，這兒的《蛋牛》並非如一般茶餐廳的以罐裝碎咸牛炒蛋作為餡料，而是用自家醃製的鮮牛肉混鮮蛋打成的漿來煎香，兩邊金黃酥香，做就成真正的《蛋牛》，這份創意和製作的誠意，是小店聞名的原因。輕輕咬一口蛋牛多，上下層鬆化酥脆的多士，中層鹹香惹味又嫩滑的蛋牛，帶來豐富的層次口感，很是滋味呢 。另一個令小妹欣喜的是這兒的 奶茶紅豆冰，幼滑冰凍的奶茶亦是這兒的名物，入口柔滑細緻，茶香滿滿，紅豆的份量恰好，每顆都飽滿清甜，軟綿煙紉的。不是很多茶餐廳有提供這個混式飲料，終於能在這裡嚐到一杯可同時滿足小妹的兩個貪心願望(凍奶茶及紅豆冰)啦看到同枱客人點的豬手麵，亦是這裡的名物之一，我們當然不會錯過，豬手味道是不錯，肥大肉厚，肉質軟腍，外皮部分膠質豐富，只是略嫌味道可以再濃郁些，麵身雖然爽彈，但鹼水味稍嫌過強，與蛋牛多對比，會有點失色呢。小店24小時營業，十分難得，夜半肚子餓的朋友們不愁沒地方吃夜宵啦。…查看更多

經常係網上見到新香園蛋牛治既推介，所以今次就去深水埗試下係咪真係咁正。新香園非常近地鐵站，係c2出口行幾分鐘就到，超方便。一去新香園門口，大排長龍，心知不妙，但為左蛋牛治，在所不惜！好彩，等左大約十五分鐘就入得。一黎，緊係要嗌個蛋牛治小試牛刀啦！隻蛋煎到好滑，牛肉淋得黎又有牛肉味，蛋同牛互相襯托，究竟邊樣先係主角？我唔知，但烘底一定係最佳配角！正呀！之後就嗌左豬手麵，豬手好好食，但d 麵去到最尾好大陣簡水味，個人唔太中意陣味，扣小小分！食完豬手麵，都係覺得有少少唔夠，再嗌多份蛋牛治同一杯凍檸茶。埋單都唔洗一百蚊，超抵食，好滿足，正！…查看更多

之前見有報導介紹，又咁岩喺西九龍中心附近，於是就傻下傻下搵倒嚟呢邊，不過提提大家google map上面個地址要再行多條街，向住生果舖方向。初頭諗住要等位等好耐，點知一入去就有位，嘢食真係不負眾望啊，好好食，見到推薦既豬手麵同蛋牛治，於是好快就點咗，好快佢地就嚟咗，三文治d蛋好滑，豬手更滑，話咁快就食完，兩個人都只不過$54埋單，超值呀！…查看更多

係深水埗周圍行周圍食，嚟到新香園即刻衝入去試下佢馳名嘅蛋牛治，豬手麵同埋紅豆冰。蛋牛治，5個字講晒：“無得輸”。:)開頭以為都係炒蛋加好多咸牛肉之類，點知食落有驚喜！牛肉唔係一般罐頭貨色，同蛋均勻混和埋一齊，夾係烘底麵包中間，一齊食好正！必食！豬手麵令人失望，麵既鹼水味驚人地重，湯底基本上唔係湯，只係一碗鹼水。豬手有色無味，可能唯一可取嘅係豬手煮得好腍。紅豆冰味道普通，但紅豆一粒粒，無乜點煲過咁，我個人認為應該煲到起沙嗰種先為上品。…查看更多