生昌潮州海鮮酒家

依次去左生昌潮食地道潮州菜，雖然地點有點遠，但CP值都幾高，真的值得一試。蠔仔粥，粥底滑順，蠔仔新鮮，吃起來清淡又鮮美。炸蠔餅，外皮酥脆，裡面包著嫩滑的蠔肉，咬下去時，簡直令人食唔停口。返沙芋頭也非常出色，芋頭的口感綿密，外面裹著一層薄薄的糖衣，甜而不膩。最後，鹵水鵝的味道也很棒，肉質嫩滑，但醬汁未算入味。總的來說，這次的潮州菜體驗讓我感受到正宗的風味，適合一家大細黎食！…查看更多

🥳適逢爸爸生日，帶佢去大圍老字號打冷慶祝！我哋揸車去生昌隔離就有爛地停車場，仲有埋食飯泊車優惠好方便。🥰去到門口，姐姐就好親切帶我哋入房坐，環境舒適無咁嘈。我哋太耐冇食出街食打冷，🤩一拎到Menu就起勢咁嗌，姐姐仲叫我哋唔好嗌咁多夠食㗎啦🤣🤣一開始煎炸野好快上枱，🤪熱辣辣好香口。花枝蝦棗好彈牙，點埋酸甜醬好開胃。我最中意食蠔，蠔餅蠔仔粥一定係打冷必點！👏🏼呢度既蠔餅係我中意食既style，厚實多料，啲蠔鋪滿哂，唔會薄到得啲脆炸粉底，包保分件一定唔會無蠔，調味亦唔會過鹹。🙈但我地食得太慢，好快比冷氣凍左😭😭解議大家蠔餅一到就要快快食😲椒鹽九肚魚勁大份，😍食極都仲有唔怪得知姐姐叫我哋唔好再嗌🤣平時出面街食例牌得幾條，呢度真係好抵食。最有驚喜係鹽焗烏頭，魚肉鮮嫩多汁。🤤作為潮洲人媽媽都非常大讚無泥味，☺️肉質結實，非常喜歡，睇返原來條尾有個牌仔認證。😲魚肉流出黃油+魚汁，入口好香濃😋蠔仔粥好多蠔仔，好足料👍🏼👍🏼👍🏼一鍋可以分到十幾碗🤤終於嚟到打冷重頭戲：滷水拼盤，入面有滷水鵝肉、大腸、豬頭肉、豬耳、墨魚、生腸、鵝腸、紅腸、滷水蛋.......另外，仲叫左春菜同豉椒炒蜆，不過冇影相📸️最後甜品食左冰鎮菠蘿同潮洲大四喜🤭，菠蘿有成半個喺冰下面，好甜又多汁。炎炎夏日食落好爽！😇😇至於大四喜，🧐我都係第一次食。原來係潮洲傳統甜品入面係姜薯、白果、、綠豆、清心丸。糖水偏甜，但可以清熱解暑，而且清心丸口感好獨特，😳煙煙韌韌咁，好搞笑，大家不妨一試！👍🏼👍🏼最後真係好多都食唔哂，😂姐姐仲好好人咁幫我地打包，仲提我地下次再去，可以打電話book枱😆呢到又真係幾適合一家人聚餐，大碟夾抵食，係性價比極高既打冷，下次一定會再去！🥰…查看更多

朋友聚會，今次揀左係大圍既生昌🤤因為上次同屋企人食過，大家都覺得性價比非常高，而且實在太好味啦！所以忍唔住要推介其他朋友過黎試下，好彩都不負眾望，大家食得非常開心☺️！眼闊肚窄既我地叫左好多樣餸菜，但真係無諗過咁大份！我地4個大人食得十分吃力！（唯有打包😝）我最中意食蠔仔粥，一個人食左4碗！ 好彩夠大份，食左4碗後其他朋友都仲有得分haha! 如果多人食既話，必定要叫尼個！超抵！今次試左d新菜式，就係醉蝦同魷魚！醉蝦非常入味，而且用料新鮮，搞到我一個人食左三隻😂至於魷魚，完全無粉感！係我中意既口味！壓軸出場就係每次黎得食打冷都必點滷水拼盤！🤤尼一間算係我去過咁多間潮州野入面做得最出色戈間，唔知係咪因為料既問題。因為我成日覺得滷水野其實間間都應該做得差唔多，但生昌做得出奇地好食，雖然唔知係咩原因，不過希望佢地可以一直keep住水準，等我地有啖好食啦！重點係，佢地自選拼盤可以任拼簡直就係加曬分， 因為我地唔係乜都食，最怕餐廳搭左d我地唔食既野比我地！！😢最後，舖頭d姐姐都好好招呼呀😊我地食得好開心！係一次好滿足既聚餐經驗😝…查看更多

生昌潮州海鮮酒家 潮味十足蝦棗 - 蝦棗和蟹棗，就是最有名的潮州四拼盤之「雙棗」。今次只叫了蝦棗，外脆美味可口。進食時配以潮州甜醬和桔油等醬汁，就更能品嚐到蝦棗的風味。鵝腸併墨魚，補充膽固醇。鵝腸肥美爽口，墨魚鮮甜軟熟。厚身雙麵黃 - 有別傳統扁平的雙麵黃，口感雖然非常脆口，但份量十足。蠔仔粥 - 肥大蠔仔鮮味，再配上惹味大地魚及清新芹菜。感覺用料十足，製作認真。魚飯- 帶戒指嘅元朗烏頭，充滿黃油，沒有泥味，值得一試。…查看更多

猶記得昔日家人很喜歡到生昌吃飯，但隨著五花八門的餐廳岀現，已經越來越少特地前往吃飯了。今天和友人想吃潮州菜，腦中浮現這間老字號，便決定去回味一番到達後發現餐廳面積十分大，除了四個舖位，室外的位置都擺滿桌子，因此縱使人多，要找到位子也不難。值得一讚的是餐牌上所有菜式都是明碼實價，所有海鮮如蝦、蟹都寫明價錢，不像其他餐廳以時價標籤滷水餣得夠味，底下還附送豆腐，吸了滷水後味道不錯蠔餅上桌時熱騰騰的，但是這個份量對三個人來說還是太大，慢慢吃待它涼了後就沒有這麼好吃了這間餐廳每碟菜的份量都超大，這窩蠔仔弱最少可盛十碗粥岀來，但吃下去啖啖蠔肉，風味十足我們都被烏頭的大小嚇倒了，百多元一條烏頭，我想足夠6個人分甘同味吧，非常超值，檸檬汁配上滑溜溜的魚肉，果然是絕配…查看更多

本身唔係成日打冷,所以跟住朋友黎食我都無say~一坐低就叫左碟鹵味鹵水自選百搭裡面有好多款鹵味,我其實只食紅腸蛋同魷魚,朋友話鵝腸其實都好爽好好咬我就話魷魚夠曬口感,紅腸仲好夠味,有得追加滷蛋的話我應該會無限追加,因為隻蛋有鹹香但蛋黃仲keep到原味,蛋白同其他食材一樣夠咬口,唔怪得個個都要食滷味,而且佢一碟份量超大!4-5女仔食的話要最細size都得我地每個人揀自己喜歡嘅小菜,打冷當然要食潮D!潮州煎蠔餅 $88佢個顏色偏深,雖然話係煎,但都有D炸嘅酥脆感~最抵讚係蠔仔超多,入口啖啖都有蠔,鹹香滿瀉,一D都唔油膩,係我食過的蠔餅top 3!蠔仔粥食粥的朋友就一定要呢碗粥try try!!!湯底海鮮味爆發~~但一D都唔腥,新鮮蠔超大粒,粒粒都好滑無沙,仲有蔥花減膩,飽肚又滋味作為菠蘿控嘅我,見到鮮菠蘿三個字即刻雙眼發光鮮菠蘿糖醋果肉 $88D菠蘿真係新鮮嘅菠蘿,無罐頭菠蘿嘅味道,唔會死甜.D肉外層炸得好酥脆一D都唔油,配埋爽到爆嘅三色椒,送飯一流!食食下鋪頭姐姐強烈推薦我地食條魚,所以叫左鹽焗烏頭,阿姐果然無介紹錯首先魚皮順利一秒剝落,完全不留痕,魚肉好有煙熏感覺,因為係鹽焗所以鹹味分布均勻,魚肉仲keep到滑滑質地~男仔frd 唔使5分鐘已經KO了條魚~下次唔知吃甚麼不妨聽聽阿姐推介…查看更多

由住大圍的朋友推介大圍出名的食店，果然有信心保証。鹽焗烏頭 $128大大條夠多肉，魚肉夠乾身得來又多黃油，簡直冇得頂，怪不知每枱客都必食。每一條烏頭都附有標籤，保證是元朗烏頭。蠔仔粥 $58不太似潮州粥，這個會明顯似湯飯，用吃湯飯的心態來食，這個我一試難忘，細細粒蠔仔夠鮮夠肥美，配上用柴魚跟香蔥煮的湯底，食不出蠔腥味之餘，更見湯底份外香甜入味！腐乳通菜 $68兩個人食，原以為份量一般，所以想點多個菜，怎料原來這裡的餸菜碟碟大份，連這碟通菜都份量十足~…查看更多

踏完單車搵野食，朋友有介紹，就一行九人去依肚，好味，比想像中更正祟，可惜地下無大枱，如果唔係就更有風味。少少一提，朋友提前將蛋糕拎去雪，三樓個waiter好醒目，我地一食完叫佢收野，佢將碗碟清晒，膠枱布換埋，立即送上蛋糕，幫我地影相，十分友善及快手，值得一讚！…查看更多

一家人今晚食潮州打冷 , 星期日如果要book 位要叫指定的套餐, 一點也不值....所以我們決定去等位 必食佢最出名的烏頭魚, 這個魚焗得好靚, 裡面沒有腥味, 而且肉質很滑, 帶有少少油, 配豆板醬一流 必食蠔仔粥, 蠔仔好大粒, 有口感, 而且粥很鮮味, 一家人食都食到兩轉! 這個蠔餅自己在家整不到了, 在街叫就最好, 蠔餅炸得很脆, 不會一團粉糊, 有功力哦, 而且蠔也很大粒 這個札肉牛丸都不錯, 牛丸真的是手打呀, 有口感夠彈牙 ^^札肉也很好味! 喜歡吃滷水, 下次可以不叫拚盤, 其實只有鵝肉同鵝腸好味, 墨魚沒味, 豆腐偏乾硬這個"阿鴻小吃" 更好吃 冰菠蘿......可以不再吃, 很不值呢菠蘿都未熟, 不甜又沒味....趕客用的 …查看更多

已經係第四次來吃生昌啦！雖然地方有點遠，環境都麻麻，但是每次吃都覺得好不錯，也好抵食。八點半左右到達，沒有等位，要自己搵位啦~好在好快就搵到一個冷氣位鹽焗烏頭必食必食啊！好吃的要爆掉了，油脂丰富，魚肉緊實。普寧豆醬本該點睛之筆，不過好salty。同埋我覺得最近烏頭變細了，明明選的大烏頭，上來之後感覺還沒有之前細的大。今次撿咗三拼，紅腸魷魚同埋鵝腸，大豆芽做底。鵝腸尤其好吃，肥而不膩，魷魚也很有嚼頭。紅腸就麻麻，不過L先生覺得很好吃，可能因為我唔鍾意食紅腸。通常都撿豆腐做底，沒想到大豆芽都很鮮美，必食之一蠔仔粥很足料，加上肉碎和大地魚提鮮，味道上去一個檔次。吃到一半加了一碗白粥進去，很和味！這個賣相極佳，不過食咗第一件就不想食第二件了，口感似churros，有點油膩。適合大夥人叫，每人一件還差不多，我地三個人最后食唔嗮仲要打包，下次唔會叫啦。據說是潮州特產的綠豆爽，白果軟糯，綠豆爽QQ哋，不過綠豆口感有點奇怪，我鍾意平時食到個哋綠豆多D。…查看更多

這是大圍顯徑村旁的生昌潮州海鮮酒家 。這裏附近沒有特別的景點，所以會來吃飯的，都一定是特意前來的。地舖由三間村屋連成，有outdoor area，亦有"樓上雅座"。七時來到，已經人山人海。沒有知客，沒有侍應告訴你那邊有位子，全靠自己站在吃客旁等，有點像在快餐店。迷網下走到了其中一棟村屋的三樓，有張二人檯，運氣太好了！蟹棗是我最愛來的原因,外面很少潮式店有買這個菜。它其實時蝦蟹丸，比平常泰式蝦餅少一份彈牙，卻因有蟹肉而多一份鮮甜。加上外面炸得脆脆的，沒有可能不會愛上！大小姐是蟹怪，所以一定有選凍蟹！$100有兩隻，比手掌大一點點吧。一分錢一分貨，當然不能與很大很貴那些凍蟹比較，但這兩隻蟹都十分好肉好膏，可算抵食另外還叫了一碗蠔仔粥和一個滷水三拼(鵝肝，紅腸，墨魚），味道都是above standard 的。不得不提，如果你不介意吃人內臟，一定要試試滷水鵝肝，軟滑的口感不會令你失望。…查看更多

半年後再聚，今趟坐室外位，吹着清風用餐份外滋味。是晚美食如下：滷水拼盤：中拼盤已很大碟，來有鵝肉、墨魚、大腸、鵝腸、生腸、紅腸、豆腐等等。滷水汁略鹹，食材夠入味。但內臟食材眾多不算太合意，下回還是指定滷水美食更佳。椒鹽走地豬：不夠香口，走地豬頗肥，味道很一般。鹽焗烏頭： 本地烏頭，味道甜鮮，不錯。金銀蛋豆苗：豆苗嫩度中等，微甜並帶點爽。蠔仔粥：蠔仔多，味甜，湯底略鹹。糖醋兩面黃：兩面黃夠脆，紅酸味道差一點點。…查看更多

一行六人到生昌食潮州菜~~ 之前已經食過一次, 只係記得好好味, 但因為冇寫食評, 所以都唔太記得食過啲咩 ^^'' 唯一記得既係呢度餸菜名好多好都攪笑, 例如 "今生無悔白果芋泥" 今次要一一記得, 因為每樣嘢都好鬼好食!   鹵水鵝片+鹵水豆腐超入味, 鹵水味好香, 塊鵝片好軟熟, 好多汁!個鹵豆腐都好好味, 唔會太鹹, 個豆腐皮都好似特別香咁!但呢碟嘢就貴咗啲, 差不多一百蚊, 鵝片唔多, 但真係好好味, 要試一次! 蠔仔粥平時我唔鍾意食粥, 特別係潮州粥, 因為水還水, 米還米咁, 又淡, 所以少食. 但好興幸表弟叫咗, 因為佢係我全晚最鍾意既一味! 佢啲蠔仔都唔"仔", 幾大粒吓, 仲要幾肥美! 隨便撈都會見到有蠔, 好足料. 除咗蠔仔, 裡面仲有好多豬肉碎, 大地魚, 菜絲, 好似仲有芹菜. 味道豐富, 一啲都唔會寡! 每一啖都好有"內涵" (拍手) !! 豬油渣炒白菜仔真係貪得意叫, 因為一碟炒菜收$68個大洋, 貴!不過多人SHARE, 又可以食平時唔容易食到既豬油渣, 都OK!豬油渣好味就唔駛講, 碟菜仲好有鍋氣, 小心辣咀! LIKE 酸甜咕嚕果肉不嬲都麻麻地酸甜, 更唔鍾意食咕嚕肉, 因為通常都係厚粉包肥膏, 仲要有骨.. 但呢個竟然係讚不絕口, 同表弟兩個一路食一路係度研究點解會咁好味!呢個餸我地唔係佢一上台就食, 放咗一陣, 但夾落口個陣都仲係"熱呼呼" "脆卜卜"~件果肉個皮應該係腐皮yam粉炸, 但完全食唔出有粉, 而係脆到好似薄薄既糖咁!裡面係軟軟既豬肉, 馬碲, 芹菜等~ 外脆肉軟, 貼切不過~!! 咸檸檬蒸烏頭好大條! 雖然$128定$138, 但都值!魚肉香軟, 咸檸檬個味都好香. 不過好魚既我, 特別係烏頭, 都係覺得凍食個味出啲, 魚油一滴不漏咁留返係個魚肉度好味啲!*聲稱係用台灣飼料, 係自家元朗既漁場一條龍既出品供應, 食都食得有歸屬感啲~ 哈哈~! 童年回億走地豬俾個名吸引咗! 攪笑! 其實佢個味好似柱候豬肉加南乳咁~都好香好野味既, 不過同其他出色既餸菜比較, 佢就普通咗啲~ *爸爸們話呢個味都係熟悉既, 不過係咪真係有童年回億呢, 就真係見人見智啦~ 呢間唔駛問, 一定會再嚟啦, 已經成為我既飯堂首選之一!不過大夥兒就啱啲, 因為碟碟份量都好誇張吓架~~**期待下次食辣酒煮獅hum**…查看更多

週日行山日，先到大埔賞蝶獵豹，晚上到大圍打冷揾食。生昌由數座村屋組成，門外設户外枱，風味雖足，但難免吃得汗流浹背，炎炎炎夏日，還是坐室內較好。因沒有訂枱關係，雖自行到各枱等候，此等安排不甚理想。可幸的事等了十數分鐘終等到一張室內餐桌。一行六人，點了多款美食，整體來說，各小菜美食碟頭夠大，貫切大排檔作風。滷水鵝片：鵝片腍身入味，食味不錯。香煎蠔餅：蠔肉夠多夠大夠鮮味，但蠔餅本身則炸得過火過厚一點，都OK嘅！鹹檸蒸大烏頭：烏頭都算滑溜味鮮，但鹹檸力度不足，有點美中不足。咕嚕走地豬：相較咕嚕肉(排骨)，走地豬選用肉片製作，肉香不俗。炸漿外層稍厚，部份夠脆，部份則稍實，不夠平均。咕嚕汁質感較稠身，放涼了後更見明顯，味道合預期。豬紅：小弟不吃此物，聽聞味道口感不俗。蒜蓉白菜仔：白菜仔爽甜度OK，蒜蓉汁微微過鹹。蠔仔粥：足料味佳，蠔仔大隻味鮮，湯底亦甜美，好吃！糖醋兩面黃：麵餅脆中帶實，老火了少許。白糖早已放於麵上，調味自由度減少，建議分開上。鹹檸七：和鹹檸烏頭一樣，鹹檸力度不足。…查看更多

其實呢檔好野食左好多年囉,但都主要是和家人吃,因為姨媽姑爹都住在大圍,睇住佢一日爆過一日亦有其原因既!今次帶班朋友入來食,因為佢地住得遠(港島人)入到來顯徑要轉幾次車,又確實煩左少少,不過佢地都認為是好味的,無介紹錯1. 雞煲翅~一梳梳夠足料,六個人每人都有成兩碗半湯,仲有一梳大翅,湯底用上大量豬手,半隻雞去燉,湯成奶白色,個個讚一流.其實我以前同家人,四條人叫一煲翅加碟炒菜就一餐了,淨湯料d豬手同半隻雞都夠食了,哈哈2.盬焗鳥頭~傳統的潮菜魚飯,夠大條,入面黃油充足,一d都唔係覺得魚肉"鞋"口,永遠都要高速被各人消化的菜式3.滷水拼盆~係一款超齊的拼盆,豬耳,滷肉,鵝件,紅腸,生腸,鵝腸,豬大腸,豆腐,蛋,墨魚;大豆芽和花生墊底,真係食唔晒,其實可唔可以設計一個少份量d,因為呢個已經叫係"細"的,仲有個大的,我都唔敢大有多大了4.蠔仔粥~肉碎和蠔仔比例好好,加上香芹的清香,配上該店招牌的翅湯底,正! 不過我在今餐唔應該咁叫法,因為有雞煲翅的湯在先,搞到大家一肚水,食唔晒d野!5.石蛤~其中一位朋友是潮州妹,一來到就要叫,佢不斷解釋即係日本人所叫的赤貝,不過大家睇到好似血淋淋的,唔敢食,最後只有我同佢食的份兒了.其實石蛤是一樣好鮮味的東西,潮州人真係好識食呀最後仲叫左一個金銀蛋莧菜同蒸扇貝,好基本的大排檔菜式,味道是ok的…查看更多