投鮮食 (已結業)

小胖今日去太子找朋友，中午時因爲落雨中唔想外出，所以就想搵搵有冇得叫外賣的食店，最後搵到間近的外賣食店。食完後，小胖友和小胖的第一諗法就係“我下次要再食！”，佢的食物質素和味道真心不錯，而且價錢又唔貴，性價比高小胖和友人2人叫咗蒲燒鰻魚飯，鹽燒多春魚，蟹肉忌廉薯餅，飲品就叫咗手調果茶：檸檬和蜜桃佢的蒲燒鰻魚飯絕對係真材實料，可以食到啖啖鰻魚肉，而且佢的鰻魚肥瘦適中，唔會淨食到肥肉，佢的鰻魚汁不錯，唔會過鹹，帶有少少甜味，佢的白飯都有淋上鰻魚汁，佢除咗鰻魚外，配咗蔬菜伴飯，可以一解食肉過多膩如果想食魚但又怕有骨，一定要選鹽燒多春魚！佢一盒大約有8條多春魚，份量都幾多，佢的多春魚原條連頭一齊食都唔怕哽親，佢同鰻魚飯一樣有蔬菜，用菜墊底，有甘荀粒，西蘭花和花椰菜，份量都幾多，可以當一份主餐，佢食物味道整體都唔會過鹹，味道適中。佢的蟹肉忌廉薯餅真心驚喜，超好食！！！係3樣食物中，小胖的最愛！佢外表酥脆，但內裏卻係流心的！一切開，d蟹肉忌廉多到流曬出黎，因爲佢的皮薄，蟹肉忌廉又多，所以咬落去成口都係蟹肉忌廉的味道！佢配咗芝士醬俾你一齊食，如果加咗芝士醬，就會中和咗蟹肉忌廉的甜，添加多咗少少鹹味，但小胖認為就算無芝士醬都好食！蟹肉忌廉薯餅真心推！佢的手調果茶味道唔會太甜，幾清新，如果食得太飽，飲返啖會感覺清新咗😆佢的主餐大多$50～$60有交易，而且份量都適中又好食，作為午/晚餐都係一個幾好的選擇，佢的餐點都好多樣化，有飯，意粉，包，如果一班人一齊食，可以滿足到大家不同的要求🤣…查看更多

餐廳用上各國盛產既食材，例如日本和牛，韓國泡菜等，製作多款餸菜。各個時段都有唔同set可以選擇。叫左晚航特投set($90)，有1個主食，3款小食、1個飲品。再叫鰻魚炒飯(特上空投)($50)，主食加配特調飲品(+$18)。主食雙重和牛飯有大量和牛厚粒、和牛牛肉片，可以雙重享受和牛既油香及濃郁既牛肉味。燒完之後，和牛冇變韌，仲keep住d肉汁。而且有大量西蘭花、椰菜花，添加色彩之餘，仲好健康。d飯吸哂牛肉汁同肉味，配飯一流，飯量亦唔少。3款小食分別有蟹肉忌廉薯餅、吉列炸蟹鉗、北海道原隻吉列炸蝦。吉列炸蝦炸粉皮薄薄一層，蝦肉結實。蟹肉忌廉薯餅有驚喜，蟹肉鮮甜，混合忌廉打成團狀再炸，口感幼滑，一咬就好似流心咁d餡湧哂出黎，重點係一d都唔膩，仲好脆身。而炸蟹鉗既蟹肉部份大大粒，肉結實，就算過左一陣先食，依然脆，外皮冇變軟。除左dinner set豐富之外，鰻魚炒飯好值得叫黎食。加入大量鰻魚厚粒、紫菜絲一齊炒，每粒飯都沾上燒汁，而且炒到粒粒分明。面頭仲灑上好多蟹籽，啖啖都食到。而且份量好大盒，好飽肚，好難得食到咁足料既鰻魚炒飯。牛奶抹茶幼沙將冰粒打到變幼沙，第一啖飲落口，竟然出奇地有好濃烈既抹茶味，好驚喜，而且牛奶味重，甜度適中，一流。手調氣泡既荔枝味重，唔會假甜，而且一大杯。整體，好有誠意製作食物既店鋪，由主食到小食都做得好出色，重點係用料十足。…查看更多

在Moko 附近的洗衣街見到一間新餐廳，以「空投(airdrop)」作為主題。.原本我不知什麼是「空投」，問了愛打機的弟弟才知是打遊由空中投放到陸地的supply。所以外賣盒的包裝正正方方的，很像drop-and-grab 的情境。而我今次就grab-and-go 啦！.特上空投-日本蒲燒鰻魚飯（$56）成大條鰻魚呀，分成2半，還灑上蟹籽燒汁煮得很入味，鰻魚很鮮甜飯及鰻魚是分開放的.普通空投-日式和牛飯（$45）用上肥牛正呀，0失敗的飯，另配上蔬菜.蟹肉忌廉薯餅（$28）香脆可口，入面啖啖蟹肉加忌廉，邪惡之選呀！.薄荷朱古力幼沙（$35，跟餐-$10）薄荷和朱古力配合得十分好還可選擇叫少些沙冰，口味更濃郁突出跟餐飲品可減$10大大杯.下午餐的炭烤雞扒飯（$36）下午茶的份量無午餐多，但女仔細食都夠飽雞扒烤得剛剛好，肉質鮮嫩.裝修光鮮簡單，店員都是年輕人，要加油呀！…查看更多