得閒飲茶 (MONTEREY Place)

聽朋友推薦，將軍澳海旁嗰邊有間高質嘅點心茶樓，可以望住海景chill住咁歎茶💕 餐廳個名仲幾盞鬼，叫做DHYC，即係得閒飲茶😂😂一於嚟飲啖茶、食個包‼️【鵪鶉蛋松露燒賣】賣相精緻👀 黑松露香口怡人，加粒滑溜溜嘅鵪鶉蛋令燒賣變得不平凡，完全係燒賣界嘅升級版‼️【韭菜金錢蟹盒】
外皮煎到金黃香脆，入面韭菜味道鮮甜足料，香醋令到更加香胃，食完仲想再叫多份😂【瑤柱香茜餃】
餃皮薄得嚟唔會爛，瑤柱鮮味十足，香茜味啱啱好，唔會太濃，啱晒鍾意清新口味嘅人。【焗叉燒包】
外皮焗到微脆，帶少少甜味，入面叉燒餡好香口，唔會太膩，係嗰種一食就停唔到口嘅包🤤🤤【明火例湯】
湯底清甜，絕無添加味精‼️ 材料十足，豬𦟌、老黃瓜全部大大嚿，飲落暖笠笠，好有家嘅感覺💕【蟹肉大良炒鮮奶】
驚喜之作👀 炒得好滑，奶香濃郁但唔會太膩，蟹肉鮮甜，口感好細膩，真係好考功夫嘅一道菜👍🏻…Read More

得閒飲茶DHYC 食點心，環境乾淨企理，服務員態度好。今次晚飯嚟食，都好高水準😋🍤窩貼蝦多士 外皮炸到金黃香脆，咬落去蝦肉鮮甜彈牙，蝦肉又大又新鮮。多士炸到透，正！蟹肉大良炒鮮奶 滑溜嘅鮮奶蛋白同鮮甜嘅蟹肉🦀完美結合，味道層次豐富口感幼滑，另外可以加啲醋提鮮味🐷焗叉燒包，包皮外層焗到脆，入面充滿叉燒餡甜而不膩😋韭菜金錢蟹盒炸得香炸脆脆，🦀蟹肉鮮甜多汁，夾埋炸得脆卜卜嘅皮，好香口松露雜菌餃，餃皮薄透，入面係鮮嫩雜菌，松露味夠晒岀，食完一件仲想再食明火例湯好飲 唔係味精湯👍🏻湯底熬得夠晒火喉，香濃但唔油膩，每口都暖入心，暖笠笠☺️無論味道還是環境都好滿意，下次一定會再約朋友嚟慢慢歎。推薦！…Read More

放假唔想獨留毛孩在家，間中會帶埋寶貝嚟呢度食飯一入門口果位侍應叔叔都很NICE, 見我地帶住小狗嚟食飯, 因為時間尚早, 可以比我地任揀室外任何一張檯嚟坐又可以比小狗坐梳化, 當然我地做主人的, 如果整污糟都要自行負責清理返呀!經過尋日掛咗全日颱風, 香港人困咗一日起屋企又無啖好食,所以今日好似放監咁, 叫咗好多美食對自己個胃好D其實之前都嚟過幾次, 最近仲出咗D新野, 又有老火湯, 搬咗出嚟住之後真係好少湯水老黃瓜赤小豆扁豆湯, 材料好多, 有紅蘿蔔, 老黃瓜, 瘦肉等, 功效: 養肺消暑清熱利濕我地成日起冷氣室, 飲呢個湯就最啱, 無味精, 飲完都唔口渴呢個份量啱哂2個人晚上可以食到點心係開心事, 點咗都唔少野架:窩貼蝦多士: 之前食過好食, 所以encore, 最正係配埋雜果沙律醬, 有少少懷舊feel酥皮菠蘿叉燒酥 (新): 3大條, 最初以為似菠蘿包皮咸甜咸甜咁, 原來個面有似蘿蔔絲酥嘅口感, 咁樣我都鐘意, 好鬆化, 入面就有蜜糖叉燒, 都好好味小籠包: 呢個都係必點, 皮薄超多肉汁, 非常JUICY建議食嘅時候放涼一點才夾起, 因為剛出爐熱辣辣時, 個皮是超軟身的蟹肉大良炒鮮奶: 一定一定要加多個白飯, 下飯一流, 奶味好香濃又滑入面有真蟹肉, 蘑菇片同埋金華火腿絲, 所以會落有咸香同埋有層次感 鮮蝦腸粉, 入面有韭黃, 蝦都大隻, 不過蒸得有點過火, 所以蝦仁同腸粉皮有點老但是...佢嘅甜豉油係幾好味的多謝DHYC職員包容我呢隻很嘈的小狗, 職員對我地同對住小狗都係笑笑口, 無黑面, 笑容可掬呢度真係真.寵物友善餐廳同埋雖然門面寫住用餐限時90分鐘, 但餐廳鬆動時都無趕我地走, 而家起香港做生意service真的很緊要平日嚟呢度消費滿$200就可以有2小時free parking, 亦都易有車位假日成日都好full的…Read More

餐廳：DHYC Dimsum Restaurant地點：將軍澳澳南海岸菜式：點心小菜餐牌：時令廚師精選，晚市精選，煎焗炸點、蒸點、腸粉、素食、益新臻品、小食、青菜、粉麵飯、甜品糖水，多款茶，無酒精飲品，酒精飲品，飲品。茶位每位$15，包括陳皮普洱茶及其他汁醬小食。窩貼蝦多士 $88 另加一窩貼蝦多士一客五件，賣相唔錯。多士好脆口又香口，蝦味濃又彈牙，好味道，感覺唔會太油膩。伴有水果沙律可解膩，好貼心。焗叉燒包 $38 另加一焗叉燒包一客三件，熱辣辣上枱，整得皮脆餡多，唔會太乾。蒜蓉粉絲蒸鮮魷 $55 另加一蒜蓉粉絲蒸鮮魷熱辣辣上枱。超嫩口滑溜鮮魷配惹味蒜蓉汁，味道少少辣。粉絲吸嗮d汁，好正。韭菜金錢蟹盒 $55 另加一韭菜金錢蟹盒一客三件，整得好似金錢形狀，好意頭。炸得外皮香脆，咬落去韭菜味香，仲食到爽口蝦肉，口感味道豐富。菜苗餃 $42 另加一菜苗餃一客三件，熱辣辣蒸起。餃子皮晶瑩透亮，明顯見到入面嫩綠菜苗同蝦肉。食落係外滑內爽脆，蝦肉一咬就開，係好正既口感，而入面豆苗真係好新鮮。蟹肉大良炒鮮奶 $148 另加一蟹肉大良炒鮮奶超滑溜，肉眼都見到好多蟹肉，仲加有蘑菇片加添爽脆口感。另上酸甜黑醋，調味之後更好食。瑤柱蛋白炒飯 $128 另加一瑤柱蛋白炒飯好大碟，乾身炒飯加有菜段同蛋白加蔥花，面頭加上脆口乾瑤柱仲可以加添口感。今餐食物質素高，值得一讚係所有菜式都係熱辣辣上枱。餐廳走新式點心路線，裝修舒適，面對開揚景色食飯感覺好chill。…Read More

將軍澳海旁附近有好多餐廳，但比較精緻嘅中式點心就係呢間😍 無論後生仔女定比較年長嘅客人都好多，餐廳仲有戶外位置可以帶寵物每枱設有陳皮普洱茶，甘甜唔澀，配搭多款傳統點心可解膩懷舊灌湯餃 $34 係最傳統嘅做法，大大隻餃入面包住豬皮精華，食落有啲似雪燕口感；非坊間湯浸餃做法，油脂更加齒頰留香蘿蔔絲酥餅 $42 同 焗叉燒包 $38 都係皮酥足餡窩貼蝦多士 $88 可算係招牌菜式，長條形多士炸得金黃但食落唔油，配上沙律醬酸酸地更清新蒜蓉粉絲蒸鮮魷 $48 份量算幾多，大大件爽口彈牙，蒜蓉惹味帶微微辣，粉絲索晒汁都好香蟹肉大良炒鮮奶 $148 又一個招牌菜唔係度度有，炒得挺身同時好軟滑，同菇同煙肉一齊炒口感更豐富亦好鹹香，點醋或就咁食都係冇得輸！…Read More

男朋友知我最鍾意就係望海，所以今晚他揀了一間對住嗰海和將藍大橋的餐廳同我共聚晚餐。餐廳環境優雅，開放式設計，感覺開揚。每張沙發座都好闊落，坐得好舒服，最開心當然係對住嗰無敵海景，早啲多到見到白雪，坐晚啲就見到閃亮夜景，很美呀!菜式選擇都好多，有煎焗炸點、腸粉、蒸點、小食、蔬菜、粉麵飯、甜品糖水等。茶位係$15一位，我哋轉了玫瑰烏龍茶(+$9)，啖啖玫瑰花的幽香，烏龍茶`味道甘香，好順喉。點了幾款點心，先嚟鵪鶉蛋松露燒賣 ($55)包咗全隻鵪鶉蛋在內，好大粒。鵪鶉蛋仲係半流心，好正! 咬一口，蛋香和肉香兼備，仲有黑松露的幽香，味道好夾。接住係焗叉燒包 ($38)圓碌碌，脹卜卜，好靚仔！外酥脆內軟熟，叉燒饀極豐富，味道甜甜地，又有肉香。韭菜金錢蟹盒 ($55)外皮脆卜卜，中間夾着滿滿嘅韭菜，好香！再加了些蟹肉，更矜貴！最喜歡係窩貼蝦多士 ($88)，炸得金黃，香脆可口，唔油淋淋，讚！多士面舖了層彈牙嘅蝦膠，鮮香美味，加啲雜果沙律醬同食，配搭也美味！福建炒飯 ($148)就最岩男朋友，大大碟，落足料！飯一粒粒，炒得乾身，唔油膩。用料夠矜貴，有帶子、蝦仁、瑤柱、冬菇、蔬菜粒等，全碟鮮香美味，正！蟹肉大良炒鮮奶 ($148) 高質之作！用了大量蛋白加入鮮奶和蟹肉同炒，非常香滑鮮美，再配啲金華火腿蓉和蘑菇，添些鹹香和爽口。…Read More

今日搵食搵到將軍澳南嘅DHYC Dimsum ，DHYC意思姐係夠鐘飲茶。餐廳裝修佈置比較新式，同酒樓或者其他點心店唔同，坐位比較闊落而且坐得比較舒適。餐廳望向將軍澳跨灣大橋，環境幽靜又夠chill，可以望住個夜景食點心。叫得夠鐘飲茶，當然講講佢啲茶先。餐廳以細細壺嘅茶壺上茶，可以自己加水，細細壺可以保持住水溫，唔怕好似一大壺茶飲到一半就凍晒。鐵觀音($9/每位) 佢呢到茶葉好靚，鐵觀音茶葉完全無苦澀味，飲落好好香好順口，飲完個人好舒服，超推薦。餐廳主打傳統同新派點心，點心即叫即蒸，仲有好多傳統同新派家鄉功夫菜。今次叫左幾款試下，全部都好正。蒜蓉粉絲蒸鮮魷($48)鮮魷爽口彈牙，而且充滿蒜香，墊底嘅粉絲吸收鮮魷同蒜蓉嘅精華，超惹味。鵪鶉蛋松露燒賣（$55）鵪鶉蛋燒賣係一款傳統點心，DHYC將佢同黑松露結合埋一齊。豬肉嘅油香混合埋黑松露嘅香氣同鵪鶉蛋鮮嫩嘅口感，食完一啲油膩感都無，而且口感豐富。焗叉燒包($38)叉燒包用酥皮焗成，入口香脆鬆軟。叉燒同叉燒醬汁亦配合得好好，唔會太甜。最重要新鮮出焗，熱辣辣勁好食。蟹肉大良炒鮮奶（$148）呢道功夫菜，好考廚司功力。鮮奶炒得好滑，唔怕散晒，而且好多蟹肉，配埋鎮江醋，真係以為自己食緊賽螃蟹，但食落又無賽螃蟹咁油膩，同埋多左一份牛奶香味。好一款新舊融合嘅菜式。櫻花蝦家鄉煮米粉 （$148）湯底完全無味精，簡簡單單連埋豬肉絲、娃娃菜，櫻花蝦同冬菇絲，將最普通嘅米粉帶到另一個層次，味道好鮮甜。餐廳每款出品都非常有心思，特別鵪鶉蛋松露燒賣及蟹肉大良炒鮮奶，有新意之餘又不失傳統風味，配合埋優美景色，下次可以再翻兜黎試埋其他點心。…Read More

餐廳名稱DHYC是“得閒飲茶”的英文簡稱, 是益新旗下一間新式茶樓, 由第三代後人打理, 面對住將軍澳跨灣大橋, 環境一流, 裝潢幽雅高尚, 播著外國慢歌, 蠻有情調 ☺️ 除了普羅大眾已喝慣的茶類🫖外, 還有其他新穎的。 我們嚐試了桂花觀音, 入口有觀音的香, 桂花的甜味會在喝完後才體會到, 非常特別 😚窩貼蝦多士 $88五件蝦多士炸得金黃, 超酥脆鬆化的, 咬一口咔嚓幾聲, 香口味美, 蝦味甚濃, 口感一流! 而且完全不油膩!! 😋 吃完一件隨即想再吃多件, 另配牛油果和沙律醬, 兩款醬都同樣出色, 令人垂涎欲滴, 是非常有驚喜的點心! 焗叉燒包 $38正確來說是焗“菠蘿”叉燒包, 外面是菠蘿包的雪山酥皮, 既熱又軟熟, 餡料是有香甜蠔油的叉燒, 縱使如此, 不會如一般茶樓的叉燒包甜過頭 😀蟹肉大良炒鮮奶 $148混合鮮奶, 雞蛋, 蟹肉, 草菇一起炒, 口感滑溜, 另外米粉墊底, 目的主要是吸油, 不過這個菜本身也不油膩 😁 再加配陳醋更添味道!魚香脆肉寶 $178切碎豬肉和咸魚搞拌後再炸, 咸香味重, 乾身而不油膩, 更配了紅酒醋, 酸酸甜甜更開胃! 🤗鵪鶉蛋松露燒賣 $55小籠包 $48鵪鶉蛋燒賣色澤比傳統魚肉燒賣淺淡, 觀感上相對差一點 😬 最驚喜的是鵪鶉蛋有流心效果 🤩 要做到這個效果也不容易! 小籠包皮薄多汁, 同樣美味。皆因其他食物太出色, 顯得這兩款點心相對普通 😅秉承著益新六十多年宗旨, 真材實料和認真的烹調, 果然沒令人失望 👍🏻 味道如何在上面篇幅已經描述了, 但想再多讚一點, 所有食物都不油膩 😊 正如標題所言, 這餐廳是寵物友善餐廳, 儘管如此, 餐廳衛生情況沒受影響, 員工服務周全又有禮貌, 絕對是很推薦的一間餐廳!…Read More

.將軍澳·飽覽海景高質新派點心店DHYC Dimsum Restaurant📍將軍澳澳南海岸唐俊街23號MONTEREY Place 1樓2A號舖➰今日同朋友行完將軍澳海濱，發現海傍餐廳有間中式點心餐廳，可以飽覽海濱景心，決定同朋友試試，餐廳裝潢佈置走簡約新式風格，有別於傳統點心店，坐位間格亦非常闊落，坐得好舒適。餐廳亦用上焗茶方式上茶，可以自己加水，更為方便。➰✥窩貼蝦多士(五件) 💲88 ⭐️4.2/5⭐️蝦多士炸得非常香脆，光澤亮麗，蝦肉彈牙，更加驚喜係除左沙律醬之外，餐廳供應牛油果醬，可以一解蝦多士嘅油膩感，非常出色。.✥焗叉燒包(三個) 💲38 ⭐️4.1/5⭐️用上菠蘿包皮製作，外脆香甜，叉燒調味亦都適中，大人細路都鐘意..❀鵪鶉蛋松露燒賣(3粒) 💲55 ⭐️4.3/5⭐️鵪鶉蛋燒賣市面雖小，但相信大家都試過，但餐廳依度自家製作嘅黑松露版本更加高貴之餘，最令我地驚喜嘅係鵪鶉蛋一咬開做到流心效果，非常出色，一試難忘，必試推薦。.❀蟹肉大良炒鮮奶 💲148 ⭐️4.2/5⭐️上枱非常吸睛，一份雪白鮮奶伴上絲絲蟹肉，入口順滑，奶香豐滿，加上黑醋汁更為提鮮。.✥魚香脆肉寶 💲178 ⭐️4.1/5⭐️又一份家常小菜嘅改良版本，將肉餅混入咸魚碎再煎香，入口酥脆咸香，令人一試再試，份量亦係非常滿足。.➰總結餐廳主打新派點心，每款出品都令人非常有驚喜，特別蝦多士及鵪鶉蛋松露燒賣，保留傳統風味又加添新意，青出於藍。加上環境景色優美，下次經過過將軍澳海濱朋友一定要試試。.➿➿➿#得閒飲茶 #DHYCDimsumRestaurant#將軍澳美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#好西 #相機食先 #香港美食#窩貼蝦多士 #鵪鶉蛋松露燒賣…Read More

DHYC = 得閒飲茶有養寵物嘅朋友仔, 想搵間『真。寵物友善餐廳』都唔係咁容易西餐都叫多少少, 但中餐又可以比你帶埋寵物, 真心少我家老野脾氣臭, 心情唔好時成日鬧(吠)人, 知道呢間店員都very nice我地都自律的, 請佢地安排最入的位置比我地, 免得影響其他食客呢度最正有"半露天座位", D位仲要好寬闊, 狗仔都可以上梳化喔秋風起, 望住將軍澳跨灣大橋, 好舒服!呢度最正係晚市都食到熱辣辣嘅點心仲要唔係由早蒸到晚, 唔係淋哂嘅質地叫咗幾樣再加個餸發現唔係間間酒樓都食到嘅懷舊點心, 當時配返呢個年代, 都加咗少少fusion野鵪鶉蛋松露燒賣係其中一樣燒賣入面包咗原隻鵪鶉蛋, 一咬開仲要係流心, 蛋黃唔係蒸到實的的焗叉燒包, 老野都想吃面頭有點像菠蘿皮和雪山feel, 入面滿滿叉燒餡, 咸咸甜甜好味!小籠包, 熱辣辣皮薄有肉汁窩貼蝦多士拼牛油果和生果沙律醬 (超推)本身徘徊起"籮蔔絲酥"同佢兩者之間, 因為外間而家唔易食到但最後點咗蝦多士, 男友話因為5件和3件的比較 (佢當時應該係好餓 XD)上到檯賣相超得, 仲要配埋2款醬, 好好因為有款我不吃的, 牛油果醬入面加了洋蔥粒, 男友食哂!而好彩我有另一選擇"生果沙律醬", 覺得好似食緊沙律明蝦角咁多士脆得嚟唔算油膩蟹肉大良炒鮮奶, 因為想食d濕濕地又淋淋地嘅野呢個有d似賽旁蟹咁, 蛋白炒蟹肉, 仲加咗啲蘑菇, 最正係個底加咗D脆米粉條, 食落有多重口咁呢個老人家真係好好火, 每次有侍應嚟送餐或收野佢都要鬧下人好彩呢度啲員工都nice, 笑笑口話"唔緊要"搞到我地都唔好意思, 想飲多啖茶enjoy下都唔得呀....差d忘了講, 平時飲茶多數都係熱茶, 呢度係有冷泡茶供應, 仲有幾個味道選, 啱哂我男友…Read More

得閒飲茶呢句說話就講得多🤣 呢日朋友真係帶咗我嚟佢屋企樓下嘅呢間叫得閒飲茶嘅點心舖飲夜茶😳 環境同埋氣氛都好舒服 點心質素仲好高添呀窩貼蝦多士蝦多士唔係度度有得食 呢度嘅蝦多士整得好香脆 而且唔會好腍油👍🏻 蝦膠同埋多士嘅厚度啱啱好 呢度仲附上一碟特製牛油果醬同埋鮮果沙律🥗 沾上蝦多士一齊食 唔會好油膩招牌小籠包呢度嘅小籠包皮薄多汁 真係要小心翼翼夾起☺️ 湯汁唔會好鹹 入面仲食到肉嘅鮮味鵪鶉蛋松露燒賣呢度嘅鵪鶉蛋燒賣同外間嘅有少少分別 就係鵪鶉蛋係藏喺燒賣嘅中心 而且入面仲係流心㗎😗 面頭嘅黑松露除咗令到燒賣更加好睇之外 仲能夠帶出豬肉嘅香味排骨陳村粉面頭嘅排骨半肥瘦 都醃得好入味 底下有層次分明嘅陳村粉 不過覺得呢個可以再多少少豉油😂 底下嘅陳村粉就比較乾身柱侯金錢肚除咗有金錢肚 底下仲有白蘿蔔🥕 醬汁唔算太多 但絕對已經夠味😋 金錢肚都好腍 焗叉燒包呢碟外脆內軟 外層酥脆又甜甜地 麵包軟熟 加上入面有大量嘅叉燒餡 都幾抵食🐷蟹肉大良炒鮮奶呢碟係店舖嘅其中一碟招牌菜 入面嘅材料有蟹肉 金華火腿蓉 蘑菇 鮮奶同埋蛋白☺️ 食落口好滑 呢個炒鮮奶嘅主要鹹味就係來自金華火腿 蟹肉 鮮奶 蛋白炒到一絲絲 加上仲有啲蘑菇同埋炸米粉喺底 其實質感都唔錯😝 店員仲推介我地加少少醋做調味 茗茶呢度有多款茶葉可以選擇 我同友人各自想試一款 店員話即使兩人都可以一人開一壺茶🥰 咁樣實在太好啦 分別叫咗人蔘烏龍同埋碧螺春🍵 呢度嘅茶壺設計非常好 即使係坐半戶外嘅座位都唔會凍得好快😉店舖嘅環境都屬於新派嘅點心店 呢個環境配上美味嘅點心 真係令到整個用餐體驗都更昇華😎 半戶外座位仲可以帶埋寵物一齊嚟㗎…Read More

尋日就去咗將軍澳海濱食高級fusion點心點解話佢高級呢一嚟佢個名竟然用英文🤣譯出嚟原來系得閒飲茶😂😂二嚟佢上菜速度有啲似西餐一碟碟咁上不過史努比覺得咁幾好😎可以趁住啲嘢熱辣辣即刻食😙同埋佢哋啲茶好特別 除咗普洱鐵觀音之外仲有四季春 玫瑰茶等等😳一於等史努比試下到底佢質素如何🤪-茶芥 $15/位.👍🏿玫瑰烏龍 +$9連茶壼都特別靚😂另外仲會提供一大壺水比你自助加茶飲得到淡淡嘅玫瑰香但冇蓋過烏龍茶嘅甘潤唔會好澀口👍🏿送點心一流味道: 8/10性價比: 6/0.👌🏿桂花鐵觀音 +$9呢隻茶相對就冇咁好飲桂花唔太明顯飲起嚟有啲啲澀史努比唔太鐘意🙌🏿味道: 6/10性價比: 5/10👍🏿小籠包(3件) $48小籠包一向都系史努比嘅comfort food夾起上嚟已經feel到個皮好薄 但唔易穿👍🏿先咬頂部一啖 連最頂嗰位都唔會太厚皮😙啜晒入面嘅湯汁 再加少少醋半肥瘦豬肉口感軟滑且多肉汁🤤配搭酸酸地嘅黑醋正好balance翻豬肉嘅油膩呢個小籠包系幾出色嘅真正做薄而不穿嘅皮 同埋ratio啱啱好嘅內餡🫶🏿味道: 9.5/10性價比: 7/10👍🏿鵪鶉蛋松露燒賣 $55呢個價錢3粒燒賣確實頗貴燒賣皮厚薄適中食落幾滑 口感較為淋身松露唔系得個名 味道幾出😛同燒賣系match嘅見人哋話中間嘅鵪鶉蛋系流心嘅但史努比呢粒就冇啦雖然系全熟 但食起嚟有蛋香😆幾好食～味道: 8.5/10性價比: 6/10👍🏿窩貼蝦多士(5件) $88炸到好酥脆 食落有啲似油炸鬼嘅感覺😳但略為偏油咗啲蝦肉比得幾足食得出蝦嘅鮮甜😆配搭牛油果醬或者系雜果沙律一齊食史努比就建議配雜果沙律甜甜地嘅沙律醬有助降低炸物嘅油膩感令成件事fresh啲😎味道: 7/10性價比: 6/10👍🏿焗叉燒包(3個) $38攞上手已經覺得個包好軟熟微脆嘅外皮口感非常酥化 如我所料個包好鬆軟中間嘅叉燒瘦得嚟唔鞋口😙略嫌蠔油落得太多 overall稍稍偏甜但無可否認系好食嘅😛味道: 8.5/10性價比: 7/10👍🏿蟹肉大良炒鮮奶 $148店員建議加醋食 佢話如果唔系會好漏真系食到一梳梳嘅蟹肉😳帶出其鮮甜炒鮮奶食落有啲似蛋白😂非常之滑 而且好creamy底部仲鋪咗層炸脆米雖然鋪喺底一定唔會好脆 但都唔會漏到淋bla bla👍🏿Keep到個texture史努比覺得佢似creamy啲嘅賽螃蟹定係其實佢就系賽螃蟹😂😂味道唔錯配搭黑醋的確有助解膩味道: 8/10性價比: 7/10👌🏿魚香脆肉寶 $178其實就系將蒸熟嘅鹹魚肉餅攞去炸😂外面炸得非常香脆肉餅好滑 淋得嚟依然帶有口感🤪鹹魚味頗重 史努比就唔太鍾意但爸爸👨🏻話送飯一流😂味道: 6.5/10性價比: 5/10👌🏿杏仁茶 $32隔渣隔得好乾淨但杏仁味好出😳飲落非常滑身但史努比又唔鐘意杏仁又唔鐘意奶所以對呢碗糖水唔感興趣😂都系留翻比爸爸👨🏻享用算🤣🤣味道: 5/10性價比: 5/10*另設加一服務費*雖然價錢偏貴 但點心嘅水準喺度嘅餐廳其實有海景睇不過史努比當日系夜晚去食就乜都冇得睇啦😂服務態度好好 完全唔同平時酒樓waiter史努比覺得呢間系同爸爸媽媽慶祝嘅好去處😛值得一試😚整體評分：味道: 8/10環境: 8/10服務: 8/10衛生: 8/10抵食: 6/10回頭率: 6/10-…Read More

自月頭確診COVID至完全康復接近一個月, 特登抽空今晚帶婆婆去食dinner, 知道佢中意飲茶, 就帶咗佢去將軍澳近海嘅一間主打點心嘅餐廳---《DHYC Dimsum Restaurant》嘆一盅兩件。餐廳面海, 可以遠望將藍大橋, 視野廣闊, 邊飲茶食點心, 邊欣賞海景好寫意。入座先選擇茶種, 揀咗【人參烏龍】HK$9味道清香回甘, 飲落令喉嚨甘甘地好舒服。【窩貼蝦多士(4件)】HK$68蝦多士好鬆脆, 蝦膠帶少少彈牙, 有蝦嘅鮮甜味, 配有撈咗沙律醬嘅生果粒, 平衡了蝦多士嘅膩。【鵪鶉蛋松露燒賣】HK$55燒賣皮薄鮮甜, 面層有少少松露點驟, 一咬中心嘅鵪鶉蛋慢慢流出蛋汁, 蒸煮時間掌握不錯, 美味推介!【焗叉燒包】HK$38面層為菠蘿包皮, 整個包都好軟熟, 餡料香甜, 叉燒唔硬, 食得津津有味。【蟹肉大良炒鮮奶】HK$148口感好滑, 間中為固體蛋白, 充滿濃郁蛋白香, 配有黑醋, 令味道更提升。【西檸雞】HK$190炸無骨雞件香脆不油, 雖然連帶嘅肉唔多, 不過肉質不算好柴, 香甜微酸嘅西檸汁另上, 因應個人口味自行沾點, 唔會影響到雞皮嘅脆度。…Read More

🫖傳統工藝傳承 🌉海景手作點心專門店🥢👨‍👩‍👧‍👦得閒飲茶☕️今次同豬仔嚟到將軍澳海旁行街，海旁附近有一種好似去咗度假既感覺，沿路仲有多間餐廳同酒吧，環境特別舒適寫意🏝️嚟到Monterey Place既1樓，我地見到一間名為”DHYC”「得閒飲茶」既新式手作點心專門店吸引住🤭個名夠曬特別，鍾意食點心既我地，一於入去試一試🤗哩度既點心集合傳統與創新，啱曬年輕新一代同長輩既口味😋哩間餐館有分室內同室外：室內既設計好用心，採用水泥質感既牆壁，展現出一種未加工過既原始感覺，就好佢地既點心一樣，全人手製作，食材天然夠曬新鮮🌱而室外座位係寬闊嘅梳化椅，適合家庭或者朋友聚會，仲可以見到浪漫迷人既全海景😍，兩種好鮮明既風格～餐館仲有一個開放式既廚房，可以見到點心既製作過程😎值得一讚，佢地既餐牌設計好用心，有特別去介紹廣東人既茶樓文化，有部份餐點更加有列明材料😌店員仲好有禮貌，對客人都好親切🥰有別於傳統酒樓，哩度既茶葉款式較多，除咗傳統既熱茶，仲有冷泡茶，啱曬年輕人鍾意飲凍飲😉我地選擇咗兩款平時酒樓都無見過既茗茶：🌼桂花苦蕎（茶位）$9淡淡桂花味配上苦蕎麥特殊嘅風味，帶一點點回甘🌹玫瑰烏龍（茶位）$9玫瑰味好香濃，同烏龍茶味好夾，特別香✨窩貼蝦多士（4件）$68必點‼️用上鮮蝦🦐製作的蝦膠，啖啖蝦肉，好鮮美彈牙，炸得酥脆金黃😋配上雜果沙律醬，簡直一流🤤✨懷舊灌湯餃（2件）$682大隻灌湯餃，成個拳頭咁大‼️皮薄餡靚，一咬下去，成個口都係高湯，全是鮮蝦豬肉餡料，加上薑絲黑醋，更鮮美😋佢既設計仲好貼心，用上不鏽鋼片制既小片子，方便我哋攞上嚟食用🥰✨XO醬炒蘿蔔糕 $88蘿蔔糕酥炸得金黃香脆，一啲都唔鬆散，粒粒分明，咬落入口即融，口感外脆內軟，帶微辣既口感，用上XO醬更香更惹味🤭✨鵪鶉蛋松露燒賣 $55必點‼️從來無食過咁特別既鵪鶉蛋燒賣，一口下去，整個口腔都係流心既鵪鶉蛋蛋香味😍豬肉混個鮮蝦作餡料，肉質好嫩好新鮮，配上黑松露，味道更加鮮美絕倫🤤✨松露雜菌餃（3件）$48必點‼️ 餃子皮好軟糯😍皮薄又足料，黑松露充斥整個口腔，配上雜菌醇厚芳香既氣味，味道絕配！一定要試👍🏻✨瑤柱番茜餃（4件）$48餃子紋理摺得好靚，一隻餃子入面有好幾隻鮮蝦🤩配上瑤柱、番茜，口感均勻豐富，食出食材既原始鮮甜😋✨蒜蓉粉絲蒸鮮魷 $48必點‼️一上枱蒜蓉味噗鼻而來，鮮魷好新鮮，特別彈牙鮮甜😋粉絲好濕潤，好入味，滿滿鮮魷既精華🥹好似整個口腔都係海鮮既盛宴🌊🌊🌊✨蟹肉大良炒鮮奶 $148必點‼️鍾意奶味香濃既朋友仔一定要試吓蟹肉炒鮮奶😎口感鮮上加鮮！啖啖都係蟹肉🦀，鮮奶炒得好滑溜，奶味好香濃，好似飲緊特濃牛奶咁濃郁🐄同蟹肉異常地合襯😆加上黑醋更可解膩，味道更鮮更上一層😍✨瑤柱蛋白炒飯 $120必點‼️從來都冇食過咁香口鮮美十足既炒飯🤩瑤柱炸得金黃酥脆，每口食落去都係脆脆既口感～蛋白好滑溜，配上菜莖粒粒，口感更清甜😍炒飯層次豐富，食落一啲都唔油，好夠鑊氣，份量十足，3-4人食用都夠曬😝✨自家綠豆沙 $64必點‼️從來冇食過咁好食嘅綠豆沙！口感濃稠，綠豆打磨得好細緻，一啲顆粒都冇，口感好滑順🥳食得出哩度既綠豆沙好正宗，加上咗臭草、陳皮，特別香～綠豆沙係凍既，啱晒夏日透心涼😝食物✨✨✨✨✨環境✨✨✨✨✨衛生✨✨✨✨✨價錢✨✨✨✨DHYC Dimsum Restaurant (將軍澳)將軍澳唐俊街23號Monterey Place1樓2A號舖…Read More

DHYC原來係”得閒飲茶”的廣東話俚語，好盞鬼😆餐廳原來係米芝連背景！係60年老字號<益新>出品。餐廳menu 每一頁都有介紹一d飲茶的典故同餐廳背景，希望傳承傳統手工點心，令更多年輕人認識點心文化，好有意思！另外餐廳仲有180度無敵海景😍景色真係一絕，帶黎無與倫比的視覺同味覺的用餐體驗❣️茶錢$15/位 (陳年普洱茶)另名加錢可以轉其他茶品。我地試左玫瑰烏龍冷泡茶$9同熱碧螺春$12。冷泡茶超好飲！玫瑰味好出，加埋清新的烏龍茶味，好解渴👍🏻碧螺春都吾錯，好清香。窩貼蝦多士$68 （4件）脆卜卜超香口！入面的蝦滑好足料，好鮮味彈牙。蝦滑仲好多，釀滿成塊多士🤤招牌小籠包$48 (3件)熱辣辣即叫即蒸，入面滿滿的湯汁好鮮味🤤皮好薄但隻隻都夾得起吾會穿👍🏻真正皮薄餡靚！入面的鮮肉大大粒，香濃肉味。鵪鶉蛋松露燒賣$55 呢個係新出menu, 好創新。鵪鶉蛋係流心😍火喉蒸得剛剛好。呢個特別之處仲有係用左鮮蝦，面頭仲有松露醬，比一般的豬肉燒賣鮮味同香😋焗叉燒包$38 （3個）菠蘿包皮脆脆地同好薄，入面的餡料係填滿晒，絕對冇空氣感，足料抵食。蟹肉大良炒鮮奶 $148呢個都係新出晚巿menu, 餐廳將呢個經典中菜，加入左蘑菇，另外用左金華火腿蓉同大量蟹肉，個底仲有炸米粉。師傅的火候掌握得好好，鮮奶炒到雪白，入口嫩滑，係我食過最濃郁的炒鮮奶！😍配埋醋一齊食，消濟解膩😋薑汁炒芥蘭$78清清地的一碟炒菜都好出色，芥蘭好新鮮爽口，加入薑汁炒可以僻左芥蘭的苦澀味仲可以暖胃。芒果布甸$42醬油奶凍$42最後食個甜品黎個完美作結😆芒果布甸好清甜，醬油奶凍超級特別！加入左日本醬油，食落有清清的醬油味，同奶凍估吾到又幾夾喎😋提外話: 職員好親切有禮，每道菜都會簡單講解，一入座仲主動幫我地將帶黎的急凍食品放入雪櫃keep住先，觀察好入微同貼必🫶🏻❣️我地由傍晚坐到晚上，睇住海景的天氣變化，真係好治癒❤️好舒適的用餐體驗🫶🏻…Read More