喜記避風塘炒辣蟹 (謝斐道)

營業中

休息中

週末期間，一心到此吃馳名的避風塘炒蟹。午後走進餐廳，蠻有舊式中餐廳的韻味，墙上更見到蔡瀾提的一手好字。一客二人套餐外另叫的椒鹽瀨尿蝦，先叫先上，香味沒法擋！蝦肉吸盡椒鹽味，蝦肉大舊而爽，部份殼更脆到食了入口！醉鮑魚超級爽彈，一夾而二，趁以日式芥末豉油，美味。豉椒炒蜆帶點昔日的情懷，鹹香夠獲氣，而蜆肉一點也不老。一碟下酒佳品九肚魚拼白飯魚，無需蘸汁已經超級夠味，一點也不腥，脆卜卜一口一條，必然要一支青島朋友啤一啤！重中之重避風塘炒辣蟹，未食已聞到陣陣香氣氛撲鼻而上，無法不迷！炸過的蟹香口不已，肉質仍保持鮮甜，炒蟹的高手！貌似一碟普通的豉油皇炒麵，詎料一吃之下竟然透出啖啖蟹香，殊不簡單；麵條條條分明，相當乾爽，另外一絕。店方上菜速度很快，坐著的時候還聽到後鑊的炒菜聲，果真即炒即出！

朋友從外國返港，一於帶佢食番D香港馳名美食，佢話想食海鮮🦀🦐，咁就去喜記避風塘炒辣蟹。🦀招牌避風塘炒辣蟹🦀必點喜記招牌菜，蟹肉鮮嫩，搭配香脆炸蒜蓉粒，微辣調味，香氣撲鼻，非常好下飯。🥢椒鹽特瀨尿蝦🥢手臂咁長，超大隻瀨尿蝦，肉質鮮美，椒鹽調味連殼都酥脆入味，要吮埋個殼😂。🦪美國薑蔥生蠔煲🦪採用美國生蠔飽滿又大隻，肉質滑嫩，大量薑蔥香氣為蠔肉增添豐富層次，薑蔥又吸晒蠔味，忍唔住食晒。🐏枝竹羊腩煲🐏天氣凍最啱食羊腩煲補一補，羊腩炆得入味，湯底醇厚，加入枝竹同竹筍索晒吸收湯汁，口感增添層次。🥢招牌蟹油炒麵🥢招牌炒麵加入蟹油香氣撲鼻，麵條吸收蟹油精華，炒得乾身唔油膩。🐔脆皮皮沙鷄🐔脆皮鷄外皮炸得金黃酥脆，內裡肉質鮮嫩多汁，多風沙炸蒜粒好香口。餐廳晚市都幾滿座，而且服務不錯。

同朋友聚餐揀咗呢間餐廳叫咗兩個餸 一個湯 一個面兩個人食到好飽 好滿足豉椒炒蜆呢個炒蜆同出邊嘅炒蜆嘅味道有啲唔同佢係加咗啲海鮮醬去炒甜甜地幾得意啲蜆好新鮮隻隻都好肥美唔會剩係得啲殼蟹油炒麵呢個聽落個名好特別 所以好想試但係食落又唔覺得有好重嘅蟹味有少少失望依個麵有加避風塘脆脆落去好香口海鮮豆腐羹有好多隻蝦 豆腐嘅份量都幾足幾好味好暖胃椒鹽焗鮮魷唔會好油 幾香脆上面又係啲避風塘脆脆好好味相信避風塘脆脆會係呢間餐廳經常用到嘅配料

屋企人一家五口個個都返shift，好難夾時間食飯，所以我哋就喺上個星期六去咗喜記避風塘炒辣蟹提早慶祝父親節。好彩我哋有訂枱，入面真係座無虛席。揀呢度係因為貪佢嘅海鮮夠新鮮生猛，靚蟹隻隻都咁肥美。仲有賴尿蝦都好新鮮。一家人各自有想食嘅菜式，最後決定單點。避風塘炒辣蟹係佢哋嘅招牌菜，一定係冇得輸，真係啖啖肉又惹味。蒜蓉粉絲蒸蟶子味道校得啱啱好，唔會搶咗蟶子嘅鮮味，粉絲都好好食。椒鹽賴尿蝦好香口，成家人真係爭住食。豉椒炒蜆都好有大排檔嘅水準。薑蔥美國生蠔煲嘅蠔仲係脹卜卜，唔會過熟。菠蘿咕嚕肉唔會剩係得啲骨，菠蘿青椒等配菜都好好食。滑蛋炒蝦球啲蝦勁大隻，蛋亦炒得好滑。清炒白菜仔一樣咁正。最後再食佢嘅蟹油炒麵，一家五口飽到捧住個肚咁離開。

上次路過這小巷, 知道有家避風塘炒蟹. 朋友介紹近期推出經濟套餐, 所以今天就要來食蟹.還特地選擇午市光顧, 因為保證有位. 下單後, 先去清潔雙手, 慢慢等待靚蟹來到! 避風塘炒蟹    招牌菜, 蟹的呎寸不算大. 以市價計算, 呎寸相若的肉蟹也要數百元. 無奈在家卻不會浪費時間來製作炸蒜! 要享用<避風塘>口味, 就要到餐館了. 聽覺: 下單後, 便會聽到廚房傳出<CHORP CHORP>砍件聲和拍蟹聲. 視覺: 一堆炸蒜把炒蟹壓得實實, 只露出蟹鉗和蟹爪. 蟹鉗的殼超厚, 但經過拍打後便容易剥殼.   嗅覺: 香味是來自炸蒜.   手感: 剛炒起的避風塘蟹熱辣辣, 但硬崛崛的蟹殼卻是熱辣辣. 幸好餐廳提供金屬蟹鉗. 口感&味覺: 蟹肉鮮甜, 就連蟹鉗位的肉質都是爽口彈牙, 是新鮮即煮的靚蟹. 來到蟹蓋, 當然有蟹膏的甘香, 還有留在蟹蓋的蟹油. 把蟹身絲絲蟹肉拆出來, 放在蟹蓋, 沾盡蟹油, 再加上少量炸蒜, 正! 蟹身內有軟骨來分隔和控制每隻蟹腳的肌肉.如果直接咬, 必定會CHARM傷牙肉. 所以用牙簽拆出蟹肉, 保証有儀態. 不過, 下次嚐蟹,

記不得是上年底或是年初的一個提議…大家嚷着叫好…但等了半年才湊好日子成事 - 吃炒辣蟹!一行四人,七時一刻左右到了<喜記小廚>,今期他們做大閘蟹套餐,包茶芥加一,再送一隻炒辣蟹,只收$87x (唔記得尾數添?!),算好吸引,菜單如下:蜆肉蝦乾九肚魚湯:材料算好足、又新鮮,飲落唔太味精味… 幾好!清蒸陽澄湖大閘蟹四隻-嘩! 好正!蟹黃好滑、肉又鮮…食到"啜啜聲"(聽聞今年當造)!(唔記得XX)炒大閘蟹: 大閘蟹拿去炒…太浪費(走哂啲蟹黃,no good),不及清蒸大閘蟹好吃。蟹油炒麵: 夠辣道、有豉味,正! 但一定要趁熱食。蟹黃扒西籣花: 蟹黃好滑,為蔬菜添上華衣!(唔記得XX)黃金球: 除了蟹黃好滑、好吃外, 那做用?甘筍汁或?南瓜汁搓成的粉糰就是失敗之作! 是晚唯一的遺憾!中辣的辣椒炒蟹:可能我吃得辣或是放涼了,那些蒜頭辣椒碎一點也不辣…蟹殼"啜落"辣辣地、蟹肉丁點兒也不辣, 越南蟹 - 肉多,但不夠大閘蟹肉鮮甜。薑湯湯丸: 好味、好滿足! 乃驚喜之作!如廚房可按各枱菜單分段出菜,不用一下子「出哂」,把菜餚放涼,影響食味;壞其「寶號」! 考慮下!