大馬路海鮮酒家 (已結業)

在南丫島發現隱世美食！佢碟碟餸都煮得好好味，但重點推介蓮藕炆腩仔煲！腩肉好食之餘啲蓮藕炆得好粉好林，仲要入晒味，啲汁仲要出面食唔到！真係從未試過蓮藕可以炆得咁好味！另外要推薦薑蔥炒膏蟹，可能因為而家秋天，所以啲蟹膏比平時食到的更香！而且食完唔會覺得好膩，仲要啲蟹好新鮮，所以真係唔錯！同埋蜜餞燒排骨，啲肉質地非常好，雖說是排骨，但其實舊舊都好好肉！同埋都係要讚多次啲汁，真係好用心去整。仲有小兔子伴碟，好可愛！這間店在發電廠附近，大家如果經開果邊記得入去試下喇！

秋高氣爽當然係郊遊嘅好時候，今次有老人家同行，所以就揀咗去南丫島輕鬆自在遊，感受一下南丫島嘅獨特風情。漫無目的四圍行，行吓行吓去咗南丫島地標 — 發電廠。老人家嗌肚餓要醫肚，正煩緊要拖住佢哋出碼頭搵食嘅時候，見到大～馬～路～！第一眼望落去以為係食西餐，因為門外空地全部都係外國人，個個好chilled 咁嘆啤酒，原來係南丫島划艇會有event，佢哋攪咗個all you can eat，都係啲西人喜歡嘅小食，仲有Prosecco飲！再望入啲居然見到海鮮魚缸，攞餐牌睇吓，咪玩啦，根本就係做中菜🤣🤣🤣 老人家開心哂，立即埋位！結果… 喜出望外，有驚喜喎。菜式都幾多選擇，味道好，而且個廚對每一碟餸嘅presentation 似乎相當講究，唔信可以睇下啲相😂有機會去南丫島可以去試吓。

趁週末入南丫島感受一下大自然氣息 不知不覺行到天黑 在阿婆豆腐花小橋附近右行3分鐘左右 發現一處島民飯堂 老闆娘介紹了蜜餞燒排骨 果然係招牌菜 蜜味同肉香兼備 好好餸飯呀 另外仲介紹左咕嚕蝦球 賣相好吸引 味道雖然同出面差不多 但蝦球感覺輕盈d 兩個人食岩岩好椒鹽鮮魷香酥內軟 食得出材料新鮮 重口味友人覺得可以再濃味一點 但我覺得調味剛好 食完唔會口渴 而且原來有兩種分量 小倆口都可以試多樣餸 好貼心食左太多香口野 叫左一個翠塘豆腐清清味蕾 簡簡單單配惹味小炒一流呀 大馬路酒家服務好好 又體驗到島民熱熱鬧鬧既生活文化 下次黎要試埋個燒乳鴿先！