大馬路海鮮酒家 (已結業)

來南丫島無數次，經人介紹第一次到大馬路吃飯，真係好好味😋我哋同埋兩個早年移民英國嘅香港人，四個人都食得好開心。首推芝士龍蝦炒飯底，蝦肉鮮甜，炒飯底尤其好食；椒鹽瀨尿蝦非常滋味；清蒸藍瓜子，熟度啱啱好，魚肉嫩滑；另外叫咗蝦醬通菜，預定咗一只炸子雞，中途經理話自己作主將炸子雞改為半只上，費事浪費，真係好貼心嘅服務啊，絕對加分❤️…查看更多

兩個人想食個簡簡單單嘅晚餐，又想食少少海鮮，因為有朋友介紹，所以去咗大馬路試一試。叫咗豉椒炒蟶子，粉絲蒸扇貝，同埋海鮮雜菜煲。蟶子鮮甜，一啲都唔鹹，同埋有好多隻，抵食！扇貝好新鮮，肉質彈牙，好好味！海鮮雜菜煲啲湯底好清甜，非常足料。開頭諗住唔肚餓，所以只係嗌咗三樣餸，食少少，估唔到三樣餸，已經令到我哋捧住個肚返度假屋。大馬路入邊嘅夥計，個個都好友善，招呼十足，老闆好好人，出嚟同我哋打招呼同傾偈。下次嚟南丫島，一定會再去幫襯！…查看更多

朋友係島民，誠意推介入嚟南丫島一定要試吓呢間大馬路。餐廳位置有啲偏離碼頭，不過就算冇朋友帶入嚟，用google map都揾到。或者問吓沿路啲店主/島民都揾到。過咗阿婆豆腐花，有條一路直入就到，好方便！👍🏻其實自己本身唔係特別鍾意食海鮮，都係衝住朋友推介必食嘅上湯龍蝦炒飯底而嚟🤭個水缸就喺我哋枱隔離，見侍應拎岀嚟超生猛，已經期待滿滿，上枱賣相靚之餘，味道一流😋👍🏻朋友叫我哋唔好掛住影相，要趁熱食，話凍咗唔好食，但係食到最後都係好好味！佢個上湯係唔會死咸，會食到龍蝦鮮味，而且肉質好實好彈牙，加埋炒飯底，真係絕配。絕對值得為咗呢碟龍蝦再返嚟Encore。除咗龍蝦，我哋仲叫咗個辣酒煮螺，椒鹽鮮魷，乳鴿，腐乳炒通菜，全部都好好味😋朋友果然冇介紹錯，隔咗幾日對個上湯龍蝦都仲係念念不忘🤭🤣…查看更多

環境舒適！餐廳水準很高！食物美味！南丫島隱世美味餐廳！休閒半天遊遇上喜出望外美味餐廳！通常離島餐廳也不會要求太高！但「大馬路」餐廳比美高級酒樓！招牌菜超高水準菜式！清蒸賴尿蝦比流浮山更鮮甜！乳鴿香脆可口！連普通一個菠蘿咕嚕肉也美味非常！廚師真係用心煮每道菜！我吃飽後就可以漫步沙灘！👍…查看更多

七月份的夏天，帶同一家大小回到兒時居住的南丫島，又回到熟悉的道路，跟家人們享受島上寧靜的環境，及美味豐富的海鮮午餐，我哋前數天前預約了十人的菜式，比預期更美味呀：1. 鹵水拼盤： 味道適中，夏天享受一頓冷盤，熱氣全消2. 冬瓜瑤柱魚肚湯：清甜，魚肚十分鮮味3. 清炒龍蝦球 ： 賣相值十分，比個讚4. 金沙大蝦： 超級入味，勁好食5. 荷花百肉卷： 清新好味道6. 椒盥鮑魚： 鮮味十足7. 濃湯元貝： 好像無添加，魚湯配上新鮮元貝，好味8. 東星海斑魚： 炸魚好好食，不能停下來9. 炸子雞： 一定要試試，比起外面市區酒樓，嫩滑鮮味下次一定會再來😀😀😀…查看更多

趁假期，過嚟南丫島抖下氣見食評都幾唔錯，就試下佢地方雖然有啲偏，但環境舒服望住個海食晚飯一嚟到，伙記已經好好招呼等我哋放低晒袋，先介紹我哋海鮮每一款都有介紹，亦有講我哋二人大概嗌幾多就夠食首先嗌咗4樣：白灼鮮蝦鹽水南丫島特產青口果皮蒸鮑魚薑蔥炒肉蟹嗌完海鮮伙記介紹生啤咁熱嘅天氣梗係要嘆下生啤涼下先大概5分鐘已經有得食首先嚟到係灼蝦紅通通熱辣辣隻隻到大大隻未剝殼蝦膏已經清晰可見由於新鮮熱辣要涼一涼先剝到殼剝殼時已感覺到肉質十分彈每一隻蝦都好新鮮好鮮甜配搭加咗魚露嘅辣椒豉油開胃一流👍🏻👍🏻👍🏻未剝完半碟已經上鮑魚同青口鮑魚蒸到啱啱好一啲都唔韌果皮亦唔會搶咗主角嘅味豉油亦唔會太鹹或搶味細心嘅廚房亦已清理好內臟部分又係抵讚👍🏻👍🏻👍🏻青口係伙記特別介紹南丫島先有得食依款的確好大隻好厚肉每隻都烹煮得真係啱啱好輕輕一刮就甩殼鹽水及炸原粒蒜嘅搭配十分夾每隻青口都飽滿多汁一啲都唔腥海草味👍🏻👍🏻👍🏻食到差唔多就上蟹大廚好勁每樣海鮮烹調時間真係啱啱好又起菜起得啱好唔會搞到我哋食得好趕驚啲海鮮凍咗肉蟹又黃流質勁正啲蔥吸晒味正到爆食到啜埋手指食完4樣感覺仲未夠飽就嗌埋伙記一開始介紹嘅龍蝦炒飯再飲多杯生啤感受下海風傾談其間龍蝦炒飯已出爐原本以為個賣相已經令我喜出望外估唔到係咁嘅炒飯但食第一啖飯先知乜叫喜出望外個種炒飯係炒得粒粒均匀每粒飯都吸收曬龍蝦頭入面嘅精華仲要係打咗芡都食得出嘅口感真心難得嘅炒飯功夫龍蝦更加唔使講肉質彈牙一啲都唔韌用叉一吉一轉就甩殼配搭住黃金炒飯真係人生一大美食勝過伊麵搭配幾層樓除咗美食質素伙記同老闆都好細心黃昏有蚊會幫手點蚊香放附近入夜會轉黃燈更有情調亦會移個風扇吹住我哋又會問我哋夠唔夠花生食十分有人情味咁嘅質素咁嘅服務態度咁嘅價錢香港嘅海鮮餐廳包括西貢鯉魚門我相信得佢比到我如此賓至如歸嘅感覺…查看更多

環境清靜，乾淨，海鮮新鮮，好味，食物水準好好，價錢合理，一試再試，去南丫島必到地方，回程路較黑，最好自備電筒，手機燈都唔夠光，外國人多，好有外地感覺，好正。🤤👍🏻…查看更多

薑蔥豬扒撈丁$40，沙嗲牛肉撈丁$40，沙嗲蛋牛麵$43，炸魚沙律（兩塊炸魚＋新鮮蔬果沙律 ）$43，脆多士$20，西多士（3層麵包）$30，炸雞脾著條$43全部套餐跟飲品一杯（跟熱飲，凍飲＋3）食物樣樣都好對版，價錢合理，真心講呢個價錢呢個質素嘅，收哂貨啦，環境方面枱枱櫈櫈餐具亦算乾淨企理。由於無手機先食嘅習慣😝，所以只影得一張食物相和剛才的餐牌。希望店主可以keep 住呢種態度繼續努力加油💪🏻💪🏻…查看更多

從openrice 搜羅南丫美食，發現呢間隱閉餐廳，原來係上風車路往下走，沿途有個迷你沙灘，有人划艇，有人游水，有人打排球，有人燒烤…經過沙灘繼續行無耐，就會見到呢間大馬路餐廳，環境清幽潔淨。餐廳主打中式海鮮菜，從介紹見到椒鹽魷魚及三層西多就被吸引，所以都照樣order呢兩樣食物，果然有驚喜👍🏼 加埋一杯凍檸茶少甜少冰，就錦上添花。最失望係咕嚕肉，味唔掂，肉質鞋，乾爭爭，最後放棄，已反映店主改善。餐牌上既價錢，同其他本區飯店比較，都係差唔多，唔會因為偏僻而較經濟，本來想試鴻燒鴿，但$80隻，好似有啲伏，最後無叫。…查看更多

遊客來到南丫島，如路過此店內，見環境舒適，相中介紹的食物吸引，可能會立刻一試。但亦不妨先向附近居民、甚至此店，了解一下海鮮店在這位置是如何處理污水，看看大家如何回應，再行決定也不遲。大家應該是喜歡大自然環境才山長水遠來南丫，希望大家每個決定也是以愛惜大自然為目的，先了解，再決定。…查看更多

入南丫島探朋友，順便周圍行下，係碼頭行入去餐廳大概15 分鐘，餐廳對面就係海灘，環境好舒服，空氣又好，又乾淨，叫左粉絲蒸帶子，金銀蛋豆苗，同埋蜆，三樣都好好食😋，二個人食啱啱好，本身佢有下午茶，下次一定會試下…查看更多

遠離煩華都市，到南丫島行山食海鮮，次次都係榕樹灣出發行去索古灣食X紅。今次朋友介紹榕樹灣呢邊開左間新既海鮮酒家，一於將行程倒轉，我地搭兩點幾船由索古灣出發慢慢遊遍所有景點，五點去到呀婆豆腐花，呢度有條小路行入去大約五分鐘就到。呢度比較偏僻所以冇咁多人，我地選擇坐露天坐位，佈置中西fusion，高脚枱加上情調燈光下，氣氛一流，食吓飲吓吹吓抖吓，實在好滿足。員工非常友善，本來想跟食評order，原來好多野都需要預定先有，蛋白龍蝦肉好鮮甜而且打卡一流，蒜蓉蒸扇貝乾淨無沙，椒鹽鮮魷好好味力推，蜜餞燒排骨同蒜蓉粉絲蒸勝瓜。總結，海鮮新鮮，小菜夠鑊氣，價錢合理，下次一定會再黎， 再黎我一定會預定食物……虎蝦，聖子，羅漢齋菜卷……我真係好想食呀!…查看更多

上星期日相約了一班老朋友在南丫島相聚 , 原本以為是一般海鮮餐廳, 位置雖然較為離開碼頭較遠, 有點像隱世餐館, 在發電廠向沙灘方向會見到一座村屋有露天, 遮篷的亦有室內座位, 有度假異國風情感覺.員工非常友善 主動介紹推介菜式. 試了多個菜式, 例如龍蝦刺身, 椒鹽魷魚, 蜜餞燒排骨, 南瓜海鮮湯, 美極燒白鱔, 炸乳鴿（每件為整整半隻😀）, 酥炸小棠菜 和 蓮花白玉卷等. 先講賣相： 食物配搭顏色出色, 差不多每道菜都有精緻伴碟 （心機嘢😄）, 食得出有鑊氣, 惹味得來不會太濃, 食材新鮮. 環境方面： 有室內, 室外可以望海邊雖然週邊有不少樹木不過好清新 就像在郊外享受一頓美饌一樣. 面向沙灘左右方當黃昏夕陽的時候可以欣賞埋日落特別有情懷 遠離於煩囂城市像度假一樣feel 淨係這一點已經加分不少總括來說食物一流, 服務非常好, 環境舒適度假感覺…查看更多

昨天和老友們一心抱著興奮的心情重遊當年一起遊玩過的榕樹灣，一心想找回當年品嚐過的酒樓，原來已經關門大吉了！正當大家失望之際，我便順勢問問路經賣緊亞婆山水豆腐花的人附近有沒有酒家，她便著我們繼續向前行近沙灘旁有間新開的酒家。我們一起抱著不妨一試的心態去看看如何！一步一步向前行時愈來愈感受到舒爽寧靜，終於到達呢間位於大灣肚沙灘旁的大馬路酒家。店員友善哋落力推介厨師的巧手小菜。打頭陣係原個上的南瓜濃湯後，有新鮮的油鹽水浸蜆和美極燒大鱔，炸咖哩角和春卷、椒鹽鮮魷、香甜可口蜜餞骨、蒸娃娃菜碎豬肉還有脆炸乳鴿，最後還來客有三層厚的西多士格格，我們每個由頭盤開始滿意到尾，過了一個充滿驚喜和美味的午餐。我們離開時亦見多了原居民帶同愛狗來一起用膳，讓養狗狗的我好有興趣下次帶埋牠一齊再來幫襯😊。…查看更多

今日我高太俾人放左飛機，所以搵我攝時間，甘我地就係甘樣沖左入南丫島拍拖入黎行下睇下又到晚飯時間上openrice 搵下有咩好食見到有間唔係榕樹灣大街既海鮮酒家食評好似唔錯我同高太人生路不熟甘邊行邊問人，終於搵到間酒家啦餐廳有户外位置，播住音樂，坐得好舒服，超好feel清蒸紅蟹超鮮甜高太話好好食鹽焗奄仔蟹雖然唔係好當糙不過啲膏都係好香甜本來想嗌扇貝:)不過侍應哥哥推介我地食依個紅鏡貝蒸得岩岩好，蒜蓉味又夠香馳名豉油雞雞好滑豉油汁又夠香甜蒜蓉粉絲蒸勝瓜都係好食，成餐飯無野唔好食飲埋酒埋單九百幾蚊抵食到不得了老闆又健談，超有人情味好彩我同高太有搵路入黎咋，超滿足既一餐…查看更多