悅滿軒

話說呢日去咗美孚一間cafe打卡，假期去吓打卡已經變咗一種習慣😝好開心咁打完個靚卡，發覺都幾肚餓吓🥲近近哋搵咗附近一間西餐廳食野，開頭睇個名一定以為系中菜，原來系食西餐的。喺得紅磚牆後面嘅餐廳環境都吾同啲😊寶藍色同白色嘅櫈，顯得環境更高級。地板系好傳統嘅圖案，但比人感覺吾會話好老土。店員話麵包系自家製麵包，好有誠意。口感鬆軟，好易咬得開，咁比人感覺就吾會好滯。其實仲配埋牛油，牛油嘅忌廉味好重，配埋麵包就好夾☺️呢度嘅泥蟹湯都有啲名氣，一於叫黎試吓先😍裡面有泥蟹肉、白蘭地忌廉同埋法蔥，飲落嘅味道會比想像中好飲，蟹肉味香濃又吾腥，成個湯都夠稠身。主菜方面，叫咗份蘋果木煙燻美國野雞，好似好特別咁呀😆雞肉表面原來系茄汁。店員呈上燒雞戈陣原來已經有個煙燻嘅爐，煙燻味撲鼻，吾知大家中吾中意？雞肉偏向結實，本身就冇乜味，加埋茄汁又幾正。最底下原來仲有栗子，諗起以前細細個成日食優x良品嘅栗子🌰爽口又甜甜哋。老公叫咗個麵包蟹殼燴南瓜意大利飯，麵包蟹蓋嘅份量比得非常慷慨！就咁睇個蓋冇乜特別，原來裡面有超多麵包蟹肉🤩淨系食蟹肉分分鐘都滯滯哋lol 跟住意大利飯系粒粒都充滿南瓜味，口感仲好smooth，高汁。…查看更多

之前同朋友食過一次，事隔差唔多半年，再嚟食多次。上次飲完呢個泥蟹湯太好味，今次再飲多次。個蟹味都係咁濃，加埋餐包食就啱啱好，唔會太咸。見到呢個和牛膝，有d好奇就叫嚟試一試。本身諗住係d和牛肉同意大利飯撈埋一齊，點知個和牛膝咁大嚿😂牛味濃之餘，同時可以食到牛肉同牛根，口感一流。必食之選。另外叫咗個煙燻野雞。一上台好大陣象，有專人幫手上碟，喺台邊都聞到好大陣煙燻味。雞肉食落，每一啖都好重煙燻味，雞肉都好嫩滑。但份量比較少，可以一試。最後叫咗個檸檬撻，個撻幾靚，影相呃like一流😂味道就偏酸，啱曬食完個和牛同野雞，可以清一清個味蕾。…查看更多

今餐晚餐好特別，食之前要探下路😝先黎到饒宗頤文化館入口，見到有路牌教轉右搭升降機，出LIFT後直行一段路仔終於到達餐廳。如果唔係朋友帶路，冇諗過饒宗頤文化館裡面居然會有高質餐廳，真係有食神😜今次叫左2個MAIN，分別為蘋果木煙燻美國野雞($238)、自家製意粉配慢煮八爪魚‧海膽汁($228)餐包🍞：先免費送上餐包，麵包夠鬆軟，搽上自家製牛油，唔會太硬搽唔均勻，味道香滑😁蘋果木煙燻美國野雞🍎🌳🍗：呢道菜有驚喜，因為需要用上蘋果木煙燻雞肉，故製作需時。上菜時職員拎出一個好大嘅鍋，打開個蓋就聞到勁香嘅木烤味道😍然後職員再將煙燻雞肉放上配菜碟上面，非常吸引🤩以蘋果木煙燻出黎比起普通煎烤方式，更加增添風味，墨西哥醬搽滿晒雞肉，味道香濃入味🤤至於雞肉肉質嫩滑無比，伴碟配菜都唔簡單，椰菜仔、粟子粒都幾好味😋自家製意粉配慢煮八爪魚‧海膽汁🐙🍝：賣相簡單，但見到個質感都知個醬汁係非常之CREAMY😋呢到個意粉係自家製，比起食開現成嘅意粉粗身少少，口感豐富D😉而且每一條都掛滿海膽醬汁，味道均勻唔算太濃太搶味，裡面仲有D八爪魚粒同蟹肉食下，口感彈牙又鮮甜👍🏻補張合照😎環境寬敞座位舒適，色彩配搭特別得黎又幾襯😃加一後埋單$513，以呢個價錢食到FINE DINING高水準質素食物都算唔錯。職員服務態度幾好，REFILL WATER都幾快，適當時機就會幫忙收碟👍🏻補MENU…查看更多

呢日同呀媽提早食聖誕大餐🎅🏻，之前扮文青嚟過美孚饒宗頤文化館影相，知道入面有間西餐廳唔錯，因為我食過afternoon tea。我揀嚟呢到食聖誕餐，係貪佢環境靜靜地，causal得嚟又好氣氛，唔使喺商場入面咁焗促。食之前，我仲可以同呀媽喺館內周圍行下，睇下野☺。由於訂咗枱，一入到餐廳店員就已經搵到我個名同電話資料，好快安排我哋入座。餐廳環境好decent，枱櫈地板係有襯過，採用湖水綠同白色嘅座椅；餐廳主要分開左右兩邊座位，一邊有窗，另一邊就有梳化位🛋。除此之外，我好鍾意呢到好有聖誕氣氛，掛滿咗雪人仔☃，成個感覺好溫馨，同時仲播住聖誕歌。呀媽比較少食西餐，所以由我發辦😎。我之前已經上網睇過個menu，見到呢度嘅菜式比起出面西餐廳特別，用嘅食材顯得出係有心思，唔係普通一塊扒或一碟意粉。餐廳由湯、前菜、主菜、伴菜、甜品到飲品，都有唔少選擇，花多眼亂🤤。首先，店員為我哋送上熱辣辣嘅法式麵包🥖，外皮偏硬，但係脆脆的，而且富有麵包嘅香味。最特別之處係，呢到唔係好普通咁搭配快餐牛油，而係用上黑水欖牛油(我都係專登問店員先知🙈)，隻味甘甘地幾正，黑色嘅一點點應該就係橄欖。法國泥蟹湯($78)，湯嘅顏色同味道都有啲龍蝦湯🦞嘅感覺，但無咁濃咁鹹之餘，仲好鮮味，而且真係食得出有蟹肉㗎🦀。同時，湯用上咗白蘭地忌廉同洋蔥熬煮，所以好creamy同有好微好微嘅酒香。香煎鵝肝配鵝肝批無花果芒果莎莎($128)，前菜造型非常精美。一邊係香煎鵝肝配salsa，煎鵝肝嗰種油份加埋好fluffy嘅口感真係無得輸🤤，配上水果salsa中和返一下，成個組合無懈可擊。Salsa芒果味唔算太出，反而有啲青瓜味🥒🤔。另一邊係細細個圓形嘅凍鵝肝批，口感似醬多啲，啱配麵包食。烤西班牙乳豬配蘋果醋燴紅椰菜($268)，🐷烤西班牙黑毛乳豬仔嘅份量一啲都唔細，有2大塊，其中一邊仲係豬脾仔嚟添。乳豬皮雖則無港式燒味嗰種脆得咁誇張，但一啲都唔韌，連埋下面類似手撕豬肉口感嘅肉絲一齊食，又係另一種風味，唔錯唔錯。不過唯一有少少煩就係乳豬係原大塊上，🍴無切開一件件，食落無咁方便，但好彩有媽的孩兒像個寶，將乳豬交比呀媽搞掂😛。烤乳豬旁邊其實有唔少配菜，首先有一個完整嘅烤蒜頭，平日多數我都無理佢，但一食發現口感原來係有啲啲似啫喱，稔稔地，幾得意，同埋唔算好大浸味。另外，就有一兜🍎蘋果醋燴紅椰菜，呢個食落唔似椰菜，似果肉同莓粒，味道甜甜酸酸，啱哂解食咗大嚿肉嘅膩😌。醬就有2種，分別係印尼燒烤汁同芥茉汁，我鍾意食前者多啲，似BBQ ribs；後者嘅芥茉同平日有啲分別，無咁攻鼻，我自己一般。蘋果木煙燻美國野雞($238)，呢度主菜一上碟嘅時候，真係估唔到佢個造型。因為店員真係會喺你面前將件雞🐔，由喺一個煙燻緊嘅爐仔網上面搬落隻碟到，期間散發出嚟嘅煙燻味真係好香好正😍。燒雞上面配上大量嘅墨西哥harissa汁🇲🇽，都幾辣下，就咁試啲醬我嫌太濃，但連埋雞肉食又ok啵。雞肉好嫩唔鞋口，有2大件，每件都有隻雞髀同去骨雞胸，啖啖肉啊！燒雞下面嘅配菜係令我非常欣賞嘅地方，因為唔係一般嘅薯蓉同薯仔粒，而係用上椰菜仔(Brussels Sprout)，西芹頭蓉同埋粟子。每樣食材均唔係常見嗰啲，同時個配搭又幾好，上碟造型亦睇得出花上心思，大大加分💯。阿拉斯加焗雪山($88)，食埋呢個甜品就為呢餐畫上一個完美嘅句號。甜品可以話係隆重登場，因為係食晒主菜先焗，要等一陣。造型同想像中一樣吸引，店員會嚟到你面前將啲酒淋上個雪山到，做出火焰嘅效果🔥。但我掛住影相，店員提我可以吹熄嘅時候，已經遲咗少少，所以望落好似燶咗啲🙈。我鍾意食焗雪山主要係貪佢有冰火嘅口感，而且有幾層layer，外面係焗蛋白，中間係朱古力蛋糕，最入面就係雪糕。我覺得🍨雪糕口味係芝士蛋糕味，所以有少少鹹鹹甜甜嘅感覺，複雜得嚟又幾特別。總括嚟講，悦滿軒真係一間無乜可挑剔嘅餐廳，我唔敢講食物味道係超級好食😋，但每道菜都睇得出餐廳別出心裁，花心思注重喺食物嘅細節位上，例如造型、食材同食物組合等。依個係我捨得比錢花費嘅原因，因為你買到嘅正正係烹調技巧，唔單單係高級食材。服務方面，每位店員都非常專業，對菜式有充分嘅了解，好好笑容又好好禮貌😚，而且主動幫我哋換咗幾次乾淨嘅碟。呢一餐雖然唔平，但物有所值，我媽媽都好滿意，絕對係一頓令人開心嘅聖誕大餐🎄🎅🏻。…查看更多

朋友介紹我有間新既西餐廳幾好食而且係我屋企附近所以就諗住同屋企人一齊去試試啦一入到去餐廳環境比人感覺好舒服 藍白色既配合令到視覺效果唔會好單調乏味之餘又舒服我同屋企人睇左一陣餐牌就有waiter主動過黎介紹下有咩新菜式同埋有咩好食 佢地介紹左個燒日本鮑魚配墨魚汁燴義大利飯同埋蘋果木煙燻美國野雞 聽個waiter講野雞係真係野生飼養既雞黎要自己親身去捉先得而唔係我地平時食開果d農場飼養既雞d waiter有禮貌之餘會考慮到我地人數而介紹我地食乜唔會逼我地叫好多嘢食 抵讚！我同屋企人到最後叫左個鮑魚義大利飯、煙燻野雞、5成既牛腹肉、心太軟同埋梳乎厘個燒日本鮑魚配墨魚汁燴義大利飯冇介紹錯！勁好食但可惜有d漏所以食剩左少少不過佢鮑魚煎過所以好香而且墨魚汁味好重！食到我同我d屋企人成嘴都黑曬而蘋果木煙燻美國野雞真係冇得輸 個肉質完全同我地平時食開既農場雞唔同 當佢一上既時候waiter幫我地由個爐移過去個碟到果時超級壯觀 d煙噴出黎果下十分值得影相但可惜我遲左一步私心推薦野雞牛腹肉煎得好靚 一食落去又唔會好肥 係食完會想繼續再食果種真心超級好食最後甜品心太軟同梳乎厘waiter同我地講要等25-30mins左右但我地都覺得值得等 個心太軟一上既時候係佢仲熱辣辣既時候食佢d朱古力醬真係超級正梳乎厘除左有一舊梳乎厘之外仲有一球雲呢拿雪糕係到超超超超好食到最後我地3個大人都食得勁飽咁走 下次一定會再過去試其他嘢食 私心極力推薦依間餐廳 用唔係好貴既價錢可以食到咁高質素既嘢食真心抵出面如果依種質素一定唔止咁既價錢…查看更多

今日下午同屋企人一齊去左饒宗頤文化館散下步 影下相 行完之後又熱又攰 開始肚餓 就去左裡面既西餐廳食晚飯 食完之後真係返唔到轉頭我地5個大人叫左3個法國泥蟹湯，2個鵪鶉清湯，法國油封鴨，蘋果木煙燻野雞，美國牛腹肉（5成），澳洲M5和牛斧頭扒（5成）泥蟹湯唔洗多講，一定要試！超級濃郁，好重蟹味，不過飲得多會有啲漏。鵪鶉清湯就好清甜，好適合小朋友同老人家飲。Main course方面，油封鴨都好入味，野雞就有個爐係你面前夾出黎，夠曬壯觀。 兩塊牛扒話要5成，佢真係煮到5成！岩岩好！ 牛腹肉就少啲脂肪 肉質嫩滑，而斧頭扒就好重牛味，入口即溶！最緊要係價錢一啲都唔貴！係出面比更高既價錢都食唔到呢啲質素！一定會再帶其他朋友黎食…查看更多