蘭芳園

Me and my friend wanted something light before heading to the gym. We past here and thought it’d be easier to get some light snacks. The hot milk tea was good, but not as wow as they make out to be. The pork chop bun was yummy, but it was a bit small. I don’t mind paying a bit extra, if I can get it in a slightly bigger size, and if the pork chop was a bit thicker too. The braised noodles with chicken and spring onion was good, the chicken was nicely fried, and it went well with the spring onions. 熱奶茶係可以嘅，不過今日嗰杯就多咗少少奶。個豬扒包略為有啲細。其實我寧願你收多少少錢，但係比返大個少少。食豬扒包，塊豬扒要厚切，食落先有質感。有樣嘢比較貼心嘅就係，佢會切咗一半上，方便食，或者方便同朋友分享。個蔥油雞扒撈丁都好味嘅，不過唔知點解，食落去個公仔麵唔係好似出前一丁囉。服務態度就唔好講喇，因為好多侍應都有種老屎忽嗰種感覺，所以你可以想像到啲服務如何…查看更多

今日同妹妹一起去body check，完事後去食過遲來的早晨，十一點去到蘭芳園竟然見全店滿座，都幾好生意，在場所見大部份是遊客，等左幾分鐘後就有位，剛好安排了卡位，幾好唔駛同人搭枱。店內多人但唔算嘈雜，研究左個餐牌一輪，見撰擇唔多而且價錢偏貴，最後點了兩款餐。薯仔鮮茄湯火腿通粉+迷你奶油豬仔包+絲襪奶茶 ($39)薯仔和蕃茄都好淋身，茄湯有點偏咸，食食下只想飲少點湯剩食通粉，通粉細細粒煮得剛好，配埋火腿栗米有口感無咁寡。豬仔包話明迷你，比正常細少少，試下都ok，皮薄少少脆內軟身，味道正正常常。奶茶係幾滑偏多奶感，飲落唔覺有茶香，味道一般。蔥油雞扒撈丁+凍西檸檬茶($58+$3)麵唔多油，撈蔥油唔算太咸味道剛好，主角雞扒皮薄身，皮有煎過但無香口惹味和脆卜卜的口感有點可惜。雞肉無咩肉汁似烚完再煎，無咁油應該都係健康煮法掛。檸檬茶有四片檸檬味道正常。…查看更多

來香港第一天的晚餐。明明就住在附近，可是來回走都找不到。跑到重慶大廈繞了一圈，問了一個廣東話流利的印度人才發現不在大廈裡。終於找到後，點了大家推薦地豬扒包，絲襪奶茶，蔥油雞扒撈丁。其中，最最最喜歡的是豬扒包。不會干柴，算是嫩而且有汁。會是想時不時去點來吃的小吃。其次是可能食物上太快？吃完豬扒包才要把麵撈一撈時，有點太乾了。還是本來就那麼乾？一滴汁都沒有。不過味道還不錯，雞肉也很嫩。奶茶的話，可能我平時也不喝茶，所以對我來說，也就這樣。一杯20hk，一定要很完喔阿姨們雖然耐心有限，可是態度都算ok的。…查看更多

好耐都無去呢間「蘭芳園」全是譚詠麟的唱片封面做主題的茶餐廳食野啦，咁岩約左朋友係附近，就去醫肚先。一落到好多人排曬長龍，等左差不多20分鐘終於到我地啦。👀咁今次我地點選了：「蔥油雞扒撈丁$52」、「龍蝦汁蟹籽雞扒撈丁$52」、「皇牌厚身多士$17」、「跟餐凍奶茶+$2」。🍜🍞🍹「蔥油雞扒撈丁$52」用薑蔥油撈成的麵，當中配上椰菜、雞扒，雞扒煎得香味脆口，整體食落有點鹹。🐔🍜「龍蝦汁蟹籽雞扒撈丁$52」用白色的龍蝦汁及蟹籽撈成的麵，當中配上椰菜、雞扒，雞扒煎得香味脆口，整體食落都係有點鹹。🦐🍜「皇牌厚身多士$17」選擇了牛油及煉奶，整片的多士烘烤得好香脆，整件都是滿滿的牛油及煉奶，甜甜地好好味。🍞「跟餐凍奶茶+$2」來到一定要叫呢間的奶茶，因為是好出名，香滑茶香。但今次發現已經沒有用上奶茶冰啦，用上普通的冰粒取代，愈飲就愈淡啦。🍹「餐牌」我已經影左上載至openrice既「餐牌」入面啦，方便大家查閱相關菜式。📋…查看更多

有朋自遠方來，日本朋友來旅遊，當中兩晚入住重慶大廈，體驗香港特色星期日他們已安排節目，所以只有個多小時一起食lunch~加上佢地港幣用得七七八八，指定了budget不過$50~~幸好我記得重慶附近這間地下商場有間蘭坊園，雖然難與中環本店比較，但勝在地點方便，環境較舒適，還能嚐到香港的特色美食~午餐全部大約$50，完全附合了日本友人的要求~perfect~!太耐無黎呢個商場，想不到現在全面裝修，除了蘭坊園的兩個舖位，其餘全部是運動用品店，真的是煥然一新!而蘭坊園亦由一個舖，變了兩個舖，進駐了以前甜品的舖位。12點左右到，一開始店員說沒位了要過隔離舖~幸好隨即另一店員說仍有一個卡位剩~~實在太幸運了。我還是比較喜歡原舖喇，地方大好多，裝飾和座位都比較有「香港特式」，人多又擠迫，但大家距離較近較親密。(4人的卡位是出面很多舖的兩人卡位size lol)之前都黎過尖沙咀呢間舖食奶油脆豬，今次就試試其他推介食物。見好多人都介紹蔥油雞扒，真係要試一試。雞扒煎到個皮幾脆，D雞肉都幾滑，屬中上級數。伴菜有椰菜和紅蘿蔔絲，另外亦附有像是點白切雞用的薑蓉，不過我沒有用黎點雞，而是跟撈丁一起吃。撈丁軟硬度和醬汁比例剛好，也不似女人街某些舖頭會煮到個麵好硬又好油好肥。份量也不錯，有4舊雞(照片中是被男友偷了一舊)，麵亦都食極仲有咁，都咪話撈丁會唔夠飽呀~~食食下，日本友人留意到牆上貼滿了譚詠倫的poster。於是大家便談論起，以前的香港樂壇確實輝煌，可以紅到衝出香港，好多係日本都有開show同有好多忠實fans~但而家就唔同哂喇，莫講話衝出香港，連係香港都唔紅啦~!!日本友人也很感慨地說，其實而家JPOP也是一樣~! 很難回到以前最光輝的年代，亞洲音樂已成了KPOP的世界了~~~不過友人最後說，覺得香港人的餐廳老闆，竟然可以把自己的偶像放到餐廳裡，真的非常有趣~!*很多事物從外國人的角度來看，與本地人真的很不同**我們也應該學懂更細心地欣賞本地特色，並好好珍惜這些"理所當然"的事物*…查看更多

知道蘭芳園開咗分店喺尖沙咀, 當然要去試啦! 可惜祈望高, 所以失望而回, 個人都係覺得總店好味d. 蔥油雞扒撈丁 : 個麵摷唔開同埋太乾, 個雞扒味道一般.豬泵兜撈丁 : 可能有叉燒汁嘅關係, 所以都可以撈到個麵. 豬頸肉配叉燒汁味道都唔差, 不過就辣咗d.鐵板什扒 : 未試過什扒只係得1塊豬扒, 2片煙肉, 1隻雞翼, 1條腸, 咁點解要叫做什扒呢? 一般嘅餐廳都會有最少2塊扒啦! 真係搵笨!!! 論味道其實都ok 既, 不過叫做什扒就唔得o羅!羅宋湯 : 跟扒餐送既, 味道都ok, 雖然唔係濃湯, 不過都ok.芝麻糊 : 都係跟扒餐送既, 見到都唔想食, 不過心口有個勇字嘅我, 都要試下先寫到評語ka. 一入口....完全唔得, 重差過人哋嗰d 包裝沖既.奶油豬仔包 : 個人而言, 翠華好過佢, 起碼都夠脆先啦! 招牌奶茶 : 我都係為咗呢個奶茶而o黎, 可惜奶太多連茶味都蓋過, 失敗......…查看更多

同朋友相約之係尖咀行街，係街接到蘭芳園既傳單，當然去試試啦蘭芳園位於商場地庫最入，地庫有一半舖位在招租，人流不多，唔係收到傳單，絕對唔會識黎呢度食野囉。點了兩個餐填肚凍奶茶: 奶味夠，茶味不夠濃不夠勁，成杯野唔計兩粒奶茶冰，大半杯都係冰，奶茶飲左幾啖就冇，好冇癮蔥油雞扒撈丁: 第一次食蔥油撈丁，感覺都幾新鮮，雞扒香口可惜乾身左小小，但可接受，丁麵夠彈牙，撈上蔥油調味一下，味道異常match，正!!奶油豬仔包: 豬仔包焗到脆卜卜，外層一咬就碎開哂 包內既熱力令牛油同煉奶溶成一體，效果很不錯!! 但嗜甜如我就覺得若有所失，如果多d牛油同煉奶就好啦P.S. 店舖裝修得很懷舊，乾靜企理，服務員隨叫隨到以後係尖咀食tea可以黎呢度encore， 哈哈。…查看更多

是日和朋友行尖沙咀，一直打算去中環老店一試蘭芳園奶茶，但我們這些沙田人，過海未免麻煩了些，所以一看到尖沙咀開了分店，二話不說便衝入去試了~和朋友一起share了香脆奶油豬仔包和蔥油雞扒撈丁，一人一杯凍奶茶。香脆奶油豬仔包:豬仔皮又熱又香脆，一口咬下時真的可以聽到"索索"聲，外脆內軟，豬仔包熱力夠，令牛油處於溶與未溶之間~和煉奶mix一起，香濃幼滑，開心! 我覺得煉奶份量適中，不會過份甜，但嗜甜的朋友就覺得未夠多......要看看個人口味了。凍奶茶:茶香奶濃，香滑，有一粒奶茶冰，令整杯奶茶飲到底都不會淡，很細心哩!!不過冰實在太多，有半杯都是冰粒......下次可以要求少冰。但飲完仍然十分滿足~蔥油雞扒撈丁:究竟誰是主角?這裡好像太過集中在那個蔥油撈丁上，而那雞扒被ignore了......因為那雞扒實在是失色了點，味道淡和鞋，反而那個蔥油撈丁十分出色，蔥油是點雞的蔥油，那個丁麵又有點醬油，撈在一起十分好吃，又香又濃~正!!碟邊有很多椰菜，令罪惡感頓時減退(始終都是用油來撈麵嘛~)在這裡進餐實在十分享受，那懷舊的裝潢令人彷彿置身於五六十年代~新開張不久，地方十分乾淨，連椅子都有個『蘭』字，正！！…查看更多