陳儀興飯店 (崇齡街)

同朋友黎打冷，飲返枝汽水，食D重口味野，真係人生一大樂事。今日我地揀啲餸，店員都讚我地食得好「潮」 🤣普寧浮豆腐皮薄外脆內軟，點喼汁食，入面熱辣辣。蒜香骨勁多蒜 🤤 唔係只在表面，每舊肉食落都好香。排骨仲好多肉，唔使點汁都夠好味。重點黎喇！避風塘茄子！一大堆辣椒同香料下就係一塊塊炸到外乾內juicy既茄子！蒜、辣、豉油真係perfect match，唔太食得辣既我俾佢陣香氣都吸引左，加上茄子大舊，唔會沾到太多辣，但炸就炸得好香。…查看更多

在香港，想起潮式打冷，想必一定會聯想到在街旁的大排檔，撐著摺檯和摺椅，拿著支裝的啤酒，大快朵頤的情境。這次來到這間潮式打冷店，幾年前在新蒲崗一試難忘。轉眼間數年後，晚上閒逛過後，口癢癢想吃潮式打冷，又再想去這間【陳儀興飯店】。從小到大的都愛吃潮州菜，不論是蠔仔粥，凍蟹，鵝片，蠔餅等等通通都喜歡吃。如果呢間飯店在的家附近的話相信是家人最愛飯堂。.【陳儀興飯店】位於崇齡街，但它是有分店的，相隔大約一街有另一店舖，相信是想分隔人流吧，畢竟也是該區的老字號了。店內光猛，相比一般的打冷店較為企理乾淨，坐得都幾舒服，入面設明檔，吊着滷水鵝、紅腸、豬大腸，桌上有大眼雞、鵝肝鵝腸、鹹酸菜、滷蛋豆腐、韭菜豬紅，百花齊放，任君選擇。還有多款小炒，喜歡牆上貼滿圖文並茂的菜式，清楚易明，更快揀到心頭好，仲加入左調皮介紹，如涼瓜煮雞蛋寫着「吾係週圍有」、避風塘炒蜆「上報率最高，有辣有勁辣」。創意十足呀！BTW道道菜都好吸引！點了三樣食物，「蒜香骨、澄海鹵水鵝、潮式炸蠔餅」第一樣到來的是澄海滷水鵝 $90「滷水鵝之鄉」，澄海。澄海的鵝，有如香港的燒味，每一條街，都有滷水鵝店鋪，總有一家在附近，在哪裡吃滷水鵝，非常講究。滷水鵝淋上熱滷水後上桌，滷水汁恰到好處，滷得入味，鵝肉尚算嫩滑，但並不是件件皆是，食落去肉汁豐富。㸃上辣椒醋汁，酸酸辣辣又惹味。底部仲有滷豆腐墊底，一樣入味。份量跟想像中差不多，好像平時外而吃的例一樣吧。呢個時候配配白粥就最棒了。蒜香骨 ＄75 蒜香骨，重點只在醃味，沒有特別的技巧，這裡另一樣多人點的就是它，究竟有什麼特別呢？蒜香骨新鮮即炸，熱辣辣上枱。蒜香骨外層酥香味美，內裡口感非常的棒，件件都厚肉，沒有過多的油膩感，蒜香味好重，給果好喜歡蒜味既你，應該會好鍾意。潮式炸蠔餅 $70打冷見到潮州蠔仔餅都會必點的吧，總共兩小餅，兩個人食，一人一餅，剛好。市面上的蠔餅，家家都有自己獨特配方而呢個蠔餅粉醬厚薄適中，炸得香口不油膩，口感好爽脆，亦有結實質感。另一方面蛋香味濃而蠔仔比想像中多，蠔仔大小屬小巧，未去到飽滿的形容，但入口不腥。整體調味幾好，好夠熱同脆口，如果想更加好，蠔肉大一點會更有口感吧。㸃埋醬汁會更突顯蠔仔餅的風味喔。上菜速度又快又熱辣辣，正宗的打冷風味令人滿足而歸，可能是老店的關係，會感受到人情味濃，員工非常以禮待人，而且價錢街坊價，沒有收加一。絕對值得專程而黎一嚐【陳儀興飯店】呢個老字號。正宗的味道，換來有口皆碑，就算是地址在哪都好，也可以靠實力贏得客似雲來。…查看更多

每次經過新蒲崗見到呢間陳儀興飯店都會被這間餐廳的店名和招牌吸引，這個雲石金漆招牌，一看便知道是老字號。剛好今日的飯腳其中一名就在新蒲崗工作，我們二話不說就約在這間地道潮州餐館～除了門口的明檔很吸睛以外，店內的牆上貼滿圖文並茂的餐牌，還有配上字句介紹菜式，設計用心又有香港特色～潮洲菜必點的當然是滷水，滷水鵝腸從廚房送出來時已經聞到香噴噴，滷水汁恰到好處，不會太咸。驚喜的是鵝腸夠肥，中間還夾著肥膏。底下還有吸盡滷水汁的豆腐，也是不能錯過～潮州菜當然也要有蠔餅，蠔餅炸得香脆而且不會太油膩，滿滿的蠔仔也很鮮味。原本以為魚湯浸大蜆會比較清淡，但反而胡椒味突出，加上吸收了湯底的粉絲，層次更豐富。除了一般的潮州菜外，餐廳也有不少小炒的選擇。其中最令人期待的就是大漠牛柳粒。牛柳粒和四季豆先油泡過，十分香口，加上炸蒜和果仁更加有口感～而且微辣令整個菜式更惹味。避風塘茄子也是另一特色菜，茄子沾上一層薄薄的炸粉，做到外脆內軟的效果。與其說是避風塘茄子，我認為更像辣子茄子，香辣味足～喜歡香口菜式的也要點蒜香骨，蒜香骨肉質鬆軟得來沒有醃粉的味道，配上炸到金黃色的炸蒜，非常下飯。老字號果然性價比高，而且沒有加一收費，每人$150埋單，非常划算～…查看更多

新蒲崗呢個地方久唔久都會來一次，因為10分喜歡食他們的打冷及火鍋，而我的朋友因此亦遠道前來一坐低大家唔使睇餐牌已經知道有邊幾款必食的前菜、小菜淹獅蚶-滾幾秒配上秘制醬汁淹，肉非常鮮甜，生蒜頭很爽口淹制瀨尿蝦-蝦肉咸鮮味，還為我們每隻分成三小件，很細心外面店舖少有得食黃油烏頭王魚肉嫩滑肥鵝腸內裡處理得幾乾淨，真的想 Encore 鹵水鵝肥瘦適中，鵝味其香無比蒜香骨-炸到金黃色，外脆內裡還有很多肉多汁，還有很多就還有很炸蒜，好好味呀蠔餅少漿多蠔，還可以讓每隻蠔緊貼在一起，蠔仔很飽滿店前玻璃掛住各式各樣的潮州滷味，好吸引呀潮式淹獅蚶、淹制瀨尿蝦，已向門口迎接我地淨係睇牆上貼住嘅推介小菜已經可以點到10樣8樣嘢返嚟食…查看更多

潮州打冷款式多，鹵水鵝、生腸墨魚，鹹菜小食送粥一流，飲番杯啤酒，人生一大樂事。喺新蒲崗食打冷，冇乜邊個唔識《陳儀興》，老字號潮州舖，傳統菜式樣樣齊，今日三個人六個餸，一於扮下《嫁哋冷》😋元朗烏頭是本土名產，脂肪豐滿肥美，口感特別香滑。清蒸凍食，點一下普寧豆酱，簡單味美打冷點可以唔叫滷水鵝，鹵水汁香料豐富，入味非常，鵝隻肥瘦適中，肉質嫰滑，係鵝之上品豬紅大大粒好完整，咬開卜一聲是軟滑內涵，超索汁夠曬入味，爽爽韮菜，情有獨鍾佢嘅草腥味，唊一口潮州粥，食兩口韮菜豬紅，真係夠曬潮呢個惹味小炒，牛柳粒係胆，紅紅綠綠嘅係指天椒、豆角粒、最正係D腰果仁，成碟小炒味道互通，小小辣《席笨席妹》都一流😆😆😆蒜香骨甘脆鬆化，小小椒鹽脆炸，小鮮肉堆滿黃金蒜，夠哂香口，即刻要叫枝啤酒飲番杯🍻炸蠔餅又係打冷必點項目，脆漿唔會粉糯糯，蠔仔分佈適中，猛火熱油成份炸到卜卜脆，例牌都大大碟，認真抵食食飽飽講拜拜，見到門口有個凍櫃放滿潮州凍蟹，真空包裝好企理，順勢買隻返屋企比阿仔做宵夜，開心到佢猛問邊度買，我咪同佢講新蒲崗《陳儀興》…查看更多

今晚又過來新蒲崗，做完野已經九點幾，宵夜時段最好梗係去打冷啦。但咪以為好容易搵位，去到陳儀興，仲係爆曬場要等位，好彩唔算等好耐，不過就要去佢隔離街嘅後舖坐，其實隔離街同正鋪都係相通的，大部分食客都會知道。其實除左打冷之外，呢度嘅小菜都好出名，選擇多又可以自由配搭，我地馬上Order左幾款打冷小菜等食。首先出場嘅係元朗黃油烏頭，滷水鵝件。正宗嘅本地黃油烏頭，有哂身份証明架，絕對唔係粉絲當魚翅。特登比大家睇下佢幾咁黃油，肉味零捨不同，甘香嫰滑，真正食魚🐟有魚味，仲要係啖啖肉滷水鵝件，當然是打冷必點的菜式之一，喜歡連骨一起啜的感覺，和鵝片啖啖肉是截然不同的食法，連骨頭一起吃是可以品嚐到肉和骨的精髓，特別適合送酒。大漠牛柳粒，大量的配料把牛柳粒隠藏著，配料的精華滲透至牛柳內，香辣而不嗆喉，又是一度送酒佳餚。蒜香骨，炸得金黃的酥香外層，上枱時蒜香的味道已經四溢，火候控制適中，不溫不火，外皮香脆，肉香味濃，十分滋味。炸蠔餅，其實不須多介紹，所有炸物，重點是油嘅質素，和油溫要高，將食材用高溫迫出濕氣而又能保持食材新鮮，絕對不像一些採用千年油將食物浸熟的餐廳，還有蠔的大小適中，配上少少魚露提升鮮味，不可錯過啊。韭菜豬紅，也是打冷必點菜色之一，大大件方形大小，挾起也不容易散掉，送粥送飯一流。高朋滿座，大家把酒言歡，風花雪月，這種港式地道風味，久不久就要來回味一下，這間傳統老店，屹立這區多年，晚晚爆場，無人不識，無人不曉。…查看更多

最近念念不忘上次去潮洲食既潮菜，返到香港都忍唔住口要再搵啲潮野食下，於是乎尋尋覓覓終於搵到間有返咁上下既打冷食下一去到門口便知龍與鳳啦，先唔講佢明顯係間老字號，去到有位姐姐帶我地行勻屬於陳儀興既三間舖，間間都爆哂棚，好生意到咁，又豈會中伏？！呢位師傅好pro睇住佢兩三下手勢就斬好哂拼盤既料，碟碟新鮮熱辣仲出哂煙，下次一定要試！好多潮州打冷必叫菜色，絕對唔野少！食潮州野有時都難免係煎炸野多，叫定個王老吉先！先黎個春菜，友人身為潮州人，都對呢個春菜讚口不絕！菜夠哂稔身，一啲渣都無，勁易咬，岩哂啲老人家食！入面仲放左啲煲稔左既燒肉，成件好香好好惹味普寧浮豆腐絕對係潮州經典菜色，但係要做得出色一啲都唔容易！坊間既炸豆腐啲炸粉放耐左係會硬到爆好難咬碎，入面既豆腐又會有渣。但係呢一間野既普寧炸豆腐好出色，出色在於佢既炸粉係岩岩薄薄地貼住舊豆腐，所以做到外脆內嫩滑，好考功夫！加上再點埋鹽水韮菜，好香好正，食多多舊都唔覺熱氣蒜香骨看似係無咩特別，但係肉一咬就可以同骨分開絕對唔容易做到，有炸蒜加上少許南乳味再點埋陳醋好開胃好岩送飯最後個避風塘炒蜆深得我心！蜆粒粒厚肉兼juicy，冇沙，仲要超級入味，炒得好香好有四川麻辣火鍋既味重點係坐近收銀姐姐招呼好周到好熱情，不停介紹啲野食比我地，又話我地知邊樣係特色菜，仲想送個甜品比我地，好有人情味！可惜我地真係好飽唔想浪費下次一定要叫一大班人黎試勻哂佢地既名菜！…查看更多

成班朋友，講起打冷就有朋友提議黎陳儀興，佢地話呢個小店係幾有水準。就試試佢啦。蒜香骨 - 炸得好鬆脆，而且唔會好似得骨無內食，啖啖肉咁。不過係有少少重口味，咸左少少。滷水鵝 - 滷得幾入味，份量啱啱好，不過滷水料既層次就略略唔足，咸味比較突出。蠔餅 - 炸得好脆身，不過我就唔係特別好太脆身既蠔餅，不過呢個蠔餅唔會太過淡口。而且蠔既分量都唔少。但係講好味，又唔算稱得去好好味。大漠牛柳粒 - 係我最滿意既一道菜。呢味係偏向麻辣，如果本身唔食得辣既朋友就可能會覺得太辣，但係一般朋友就應該會食得好爽。而牛柳既肉質就無令人失望，一樣係好嫩多汁。避風塘炒蜆 - 我就唔係好確定避風塘炒蜆係咪打冷食品啦。不過佢係炒得好香濃，而且最重要就係唔會殼多肉少。春菜 - 我就未食過春菜既，整體菜好淋，湯好清甜。…查看更多

今次同一班都係住九龍東既朋友食飯，有朋友就提議咗打冷，我地就搵咗新蒲崗呢間老字號打冷試下。舖頭係新蒲崗好出名既甜品華園隔離，去完仲可以係隔離食個甜品入到去都幾多人，好滿座。本身中菜就已經樣樣都想食，呢間仲要好多選擇，四個人就嗌咗成六個餸。成枱都係嘢～澄海鹵水鵝 - 呢個係職員介紹，啲鵝肉都好滑，食落去好多汁，底仲有啲豆腐添，滷水味都好勁。蠔餅($70) - 好鍾意呢個蠔餅，口感好爽脆，又好多蠔仔係入面，點埋魚露啱啱好。春菜 - 叫得多肉都係要返個菜平衡返，啲春菜連埋湯汁好好入口，又好香甜，而啲肉都軟又好肥美大漠牛柳粒($80) - 呢個都好鍾意，事關佢係辣味好香，食落去無論係四季豆定係牛柳都好惹味，而份量又好多避風塘炒蜆 - 呢個蜆又係份量非常多，而蜆好入味，炒得好好蒜香骨 - 蒜香味好重，如果鍾意蒜香既朋友應該會好鍾意，外層非常之香脆…查看更多

早排返左大陸玩左兩日潮汕美食鴨仔團，對當中嘅潮州滷水併盤念念不忘。就係同團友人介紹之下一行五人黎到陳儀興再食多次潮州菜。估唔到呢度店面細細，但座無虛席好彩友人一早過黎攞位先唔使等咁耐。一坐低即刻點左個三點蟹先，因為係旅行團有機會食的但礙於內地嘅生蟹安全所以無食到。但返到黎香港係呢度當然放心大吃特吃啦。呢個三點蟹醃鮮真係無得頂，鹹甜有致當中蒜頭、辣椒與香料味均勻，一口吸吮軟腍的蟹肉，嗰種醃漬鮮味着實令人難以忘懷，其間仲隱隱散發出酒香令蟹肉嘅味道層次更深厚。而且唔會死咸，空口食完都唔覺口渴。螄蚶的鮮甜又係另一種享受，因為醃漬螄蚶嘅醬汁偏淡口，所以將肥美螄蚶肉連血水一併吃下，那種鮮甜可算話敢試嘅朋友一定會愛上。加上特別開殼夾，輕輕一啪就將蚶肉取出，一粒接一粒送入口十分過癮。之後就係打冷必點之一，酥炸蠔餅。雖則經過油炸但無乜油羶味，係酥脆粉漿包裹下蠔仔肉仲保持濕潤。同埋調好左味食落唔有蠔仔腥味，輕輕點一點魚露提鮮，香口又好食。滷水鵝，單睇外觀上晒色就知道滷左夠耐。入口鵝肉腍身中帶點咬口，又夠入味當中嘅鵝油、鵝汁與滷水融為一體色香味俱全。因為知道呢度嘅滷水夠正，所以再追加埋個鵝肝。經過低溫及長時間浸熟鵝肝，入味之餘仲保持鵝肝嫩滑絲質口感，唔知仲以為自己食緊下面墊底嘅豆腐。食完滷水香味同鵝肝甘香亦充斥口腔內，久久不散。而且不能錯過墊底豆腐片，因為佢吸收晒滷水嘅咸香同鵝嘅精華，絕對唔俾鵝肉同肝遜色。鵝腸非常爽口，拉得也很直而且依附在腸衣的肥膏沒有全數刮走，所以食時仍會有淡淡鵝酥味發出。正正係呢啲嘅肥膏先會造就到咬勁同味道十足嘅好味鵝腸出黎，美食當前健康飲食可以稍微讓步一下。潮州凍馬友。因為馬友魚本身肉質鮮甜脂肪比例又夠高，所以凍食係一個唔錯選擇。原條馬友以粗鹽醃製後蒸熟雪凍，食落魚嘅油脂甘甜平衡左醃製嘅微鹹的味道，肉質綿滑緊緻魚味香濃，點埋普寧豆醬同食更美味。最後大家再點左幾個下酒菜，啤啤佢。蒜香骨同小炒王鑊氣同火候都好夠，咸酥香口味道非常適合用黎佐酒。黃金鮮魷入口熱辣辣，鮮魷魚放入拌炒至冒泡泡嘅鹹蛋碎中形成一層金沙薄膜。食落咸香又爽口加上魷魚大大件，所以唔似出面因為細細條好容易炸到乾爭爭，無晒口感味道。多得團友建議黎到呢度，如果唔係都食唔到咁正宗味道又價廉物美嘅潮州菜，下次要食都可以唔使再跟團返大陸了，近近埋搭個地鐵就過到黎夠晒就腳方便。下次要黎補一補了。…查看更多