LAB ZERÕ

營業中

休息中

早幾日帶媽咪同奶仔去咗呢間可愛嘅雲朵餐廳慶祝母親節💕灰白色水泥風設計，有打卡位置，奶仔被天花板吊著嘅雲朵燈飾吸引過去。食物賣相很打卡，而且仲好好食！🔸櫻花蝦帶子明太子忌廉扁意粉 $128兩大顆帶子兩面微焦，鮮甜美味！意粉掛滿明太子醬，配上櫻花蝦同炸蒜片增添口感，非常好食！😋🔸慢煮封門柳玫瑰醬扁意粉 $138封門柳肉質嫰滑，意粉掛滿玫瑰醬忌廉，奶香味十足，微微香辣增添風味，好食又唔膩！👍🏻🔸6寸 五重芝士薄餅 $78滿滿嘅芝士係口腔遊走，芝士嘅香氣令整個薄餅🍕更加吸引！🔸蒜香牛油單骨雞翼 $68雞翼炸得好脆，蒜香味好突出，加上炸蒜片同牛油的鹹香，令人忍不住一啖接着一啖！😍🔸濃厚朱古力石板街刨冰 $98濃濃嘅朱古力冰配上朱古力脆脆，棉花糖同堅果碎，裏面仲藏着牛奶雪糕，真係超級好食！！而且超級打卡！💕炎炎夏日吃完簡直是透心涼!🥰🔸士多啤梨乳酪奶昔 $56呢款士多啤梨乳酪奶昔係仔仔嘅最愛，酸酸甜甜，上面嘅幾塊士多啤梨都甜，超好飲！唯一嘅缺點係唔解渴！🔸Oreo 奶昔 $60士多啤梨乳酪奶昔嘅出色令Oreo奶昔比較之下遜息一點！

朋友生日飯我地一行6人去咗Lab Zero晚飯慶生。店內光鮮亮麗，掛响天花上嘅雲係會自動郁。我地點咗幾款菜式，各有特色。芝士忌廉耳朵粉 $108唔常見耳朵粉，煮得夠淋，芝士味亦好香濃，帶有些微嘅辣味，一款唔錯嘅開胃菜式。大閘蟹意粉 $158一個幾特別嘅配搭，大量嘅蟹子擺盆，反而令人忽略咗大閘蟹嘅味道。慢煮封門柳玫瑰醬扁意粉 $138又一款帶有微辣嘅意粉，「玫瑰醬」個味道幾特別，上網睇番原來係韓式嘅醬汁，韓式辣醬、茄汁、蒜蓉嘅味道令到個菜式好豐富。封門柳嘅熟度剛好，冇出血水，同肉質夠淋，鍾意食牛嘅我覺得值得一試。芝士黑松露薯條 $68大量嘅芝士加上黑松露嘅香氣，薯條炸得夠脆。如果可以用較粗身嘅薯條，相信口感會更上一層樓。蒜香牛油單骨雞翼 $68蒜香味夠突出，雞翼炸得夠脆，小食嚟講算正常水平。開心果鮮奶咖啡 $68略嫌有啲細杯，同埋佢用個杯似即棄杯，成件事誠意欠奉。味道上亦比較淡，開心果嘅味道唔算太特出，咖啡味亦偏淡，同我想像中應該帶甜味有所出入。晴天雨天 $53好特別嘅飲品，杯上加上一舊雲，淋上咖啡後就好似「暴雨」咁溶哂。味道亦唔算太濃，但比開心果鮮奶咖啡好啲。同樣係用上即棄膠杯，視覺上

❝雲朵Cafe☁️香港又多一間高質日式刨冰🍧新出大熱口味✨杜拜朱古力開心果💚🍫❞位於尖沙咀 @labzerohongkong 既雲朵打卡門口位係網上成日見到! 除左鹹食 另一主打係日式刨冰🍧😍有多款口味 最近仲新推出呢排大熱既杜拜朱古力味🤤刨冰相當高質 都拍得住香港最多人識既S牌刨冰店😳講真幾surprise!杜拜朱古力刨冰🍧一半開心果💚一半朱古力🍫面頭有大量開心果絲酥knafeh(會較甜但expected) 中間仲有開心果雪糕同白玉丸子!😚不過口感就較單一 如果中間有啲脆脆就更好🙂‍↔️鹹食有小食同意粉🍝推介慢煮封門柳意粉🐮牛肉軟腍重牛香!😙小食以炸物為主 有雞翼薯條炸魷魚等等 冇咩特別但份量好大~꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍LAB ZERÕ 尖沙咀金巴利道68號地下B號舖@labzerohongkong 🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_尖沙咀🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦/𝘧𝘰𝘰𝘥…#joys_甜品 #joys_icecream #joys_cafe