LAB ZERÕ

被招牌刨冰吸引而嚟嘅雲朵主題Cafe，夏天食刨冰真係好爽🧊😙🔸多芒小丸子 $108甜甜芒果夏天食好正！氣球咁大個芒果牛奶冰🍧啱晒二人share食～冰刨得好細緻，基本上入口即溶。芒果醬配牛奶冰加埋甜度啱啱好。入面仲有粒粒芒果肉同小丸子，感覺似食緊以前許留山嘅芒芒小丸子嘅放大刨冰版💛🔸慢煮封門柳玫瑰醬意粉 $138封門柳睇落幾靚，食落有牛香不過可能凍咗有啲韌。玫瑰醬似係韓式辣醬加忌廉，微辣有奶香幾好食😋🔸櫻花蝦帶子明太子忌廉意粉 $128擺盤幾精緻，櫻花蝦味幾香～ 可惜明太子味唔係太出😶雖然只得兩粒帶子，勝在都幾大粒，彈牙煎得唔會過熟。加埋木魚片滿滿日式風味～🔸芝士黑松露薯條 $68薯條外脆內軟，入面薯肉滿滿果款～厚厚一層芝士拉晒絲好邪惡🧀️ 加埋黑松露勁香🩶🔸凍朱古力 $46男友嘅凍朱古力幾香濃。🔸凍焦糖鮮奶咖啡 $46唔記得影嘅凍焦糖鮮奶咖啡，甜甜焦糖香配咖啡幾好飲。Cafe樓底夠高空間感大，配合雲朵主題適合不過，座位都幾闊落。一早訂咗枱準時到唔洗排隊，我哋食完離開出面已經排晒隊～🫢咁啱撞正G-Dragon生日月，佈置都以GD為主題，如果我係佢嘅fans會希望餐廳播返GD嘅歌會更切合主題🤫員工服務都好好，當日係我男友生日，多謝店員配合幫我放蠟燭響刨冰上️🎂☺️整體食物環境服務都唔錯，會為咗刨冰再嚟💛🐾貓奴足跡🐾🌐LAB ZERÕ (尖沙咀)📍尖沙咀金巴利道68號地下B號舖…查看更多

朋友生日飯我地一行6人去咗Lab Zero晚飯慶生。店內光鮮亮麗，掛响天花上嘅雲係會自動郁。我地點咗幾款菜式，各有特色。芝士忌廉耳朵粉 $108唔常見耳朵粉，煮得夠淋，芝士味亦好香濃，帶有些微嘅辣味，一款唔錯嘅開胃菜式。大閘蟹意粉 $158一個幾特別嘅配搭，大量嘅蟹子擺盆，反而令人忽略咗大閘蟹嘅味道。慢煮封門柳玫瑰醬扁意粉 $138又一款帶有微辣嘅意粉，「玫瑰醬」個味道幾特別，上網睇番原來係韓式嘅醬汁，韓式辣醬、茄汁、蒜蓉嘅味道令到個菜式好豐富。封門柳嘅熟度剛好，冇出血水，同肉質夠淋，鍾意食牛嘅我覺得值得一試。芝士黑松露薯條 $68大量嘅芝士加上黑松露嘅香氣，薯條炸得夠脆。如果可以用較粗身嘅薯條，相信口感會更上一層樓。蒜香牛油單骨雞翼 $68蒜香味夠突出，雞翼炸得夠脆，小食嚟講算正常水平。開心果鮮奶咖啡 $68略嫌有啲細杯，同埋佢用個杯似即棄杯，成件事誠意欠奉。味道上亦比較淡，開心果嘅味道唔算太特出，咖啡味亦偏淡，同我想像中應該帶甜味有所出入。晴天雨天 $53好特別嘅飲品，杯上加上一舊雲，淋上咖啡後就好似「暴雨」咁溶哂。味道亦唔算太濃，但比開心果鮮奶咖啡好啲。同樣係用上即棄膠杯，視覺上大打折扣。開心果杜拜朱古力刨冰 $138响Lab Zero甜品先至係主角，香濃嘅開心果加上杜拜朱古力，好有滿足感，而且佢個刨冰好軟綿綿，入口即溶，唔似一般刨冰咁太凍，即使有敏感牙齒嘅我都唔覺得有問題。提拉米蘇法式吐司 $88店員好用心响碟度寫上生日祝福字句，佢個吐司嘅質感同丹麥麵包好似，我好喜歡呢個口感，加上香濃嘅流心朱古力一齊食，完全係刺激味蕾。店內嘅裝飾好特別，雲係活動式上下移動。好光鮮嘅門面至於服務方面，係半自助式，好似薩利亞咁自己去斟水，所以服務方面扣咗啲分。各款菜式各有特色，尤其係將唔同國家嘅調味加上西菜上，味道更見驚喜。佢嘅份量明較少，可能希望食客留肚食佢個主角。主角嘅甜品冇令人失望，刨冰更加有驚喜，大大杯，六個人食啱啱好。…查看更多

❝雲朵Cafe☁️香港又多一間高質日式刨冰🍧新出大熱口味✨杜拜朱古力開心果💚🍫❞位於尖沙咀 @labzerohongkong 既雲朵打卡門口位係網上成日見到! 除左鹹食 另一主打係日式刨冰🍧😍有多款口味 最近仲新推出呢排大熱既杜拜朱古力味🤤刨冰相當高質 都拍得住香港最多人識既S牌刨冰店😳講真幾surprise!杜拜朱古力刨冰🍧一半開心果💚一半朱古力🍫面頭有大量開心果絲酥knafeh(會較甜但expected) 中間仲有開心果雪糕同白玉丸子!😚不過口感就較單一 如果中間有啲脆脆就更好🙂‍↔️鹹食有小食同意粉🍝推介慢煮封門柳意粉🐮牛肉軟腍重牛香!😙小食以炸物為主 有雞翼薯條炸魷魚等等 冇咩特別但份量好大~꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍LAB ZERÕ 尖沙咀金巴利道68號地下B號舖@labzerohongkong 🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_尖沙咀🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦/𝘧𝘰𝘰𝘥…#joys_甜品 #joys_icecream #joys_cafe…查看更多

今日嚟到尖沙咀呢間LAB ZERÓ，佢哋主打日式西餐fusion，裝修走簡約風，坐得幾舒服。今次專登為咗期間限定嘅杜拜朱古力刨冰而來，果然冇令我失望。呢座刨冰賣相已經贏咗——成個雪山咁高，面頭鋪滿杜拜朱古力碎，奢侈得嚟又唔俗氣。第一啖試開心果嗰邊，堅果香氣好出，磨得幼細嘅果碎帶啲鹹香，完美平衡咗甜度。另一邊嘅朱古力味濃得嚟唔會死甜，食得出係用咗高濃度可可，帶微微回甘。最精彩係挖開冰山之後：裡面竟然藏住煙韌嘅白玉小丸子同輕盈嘅鮮奶油！將冰碎、朱古力醬、丸子同奶油一齊放入口，凍冰冰嘅刨冰遇上暖糯丸子，口感層次即刻爆燈。個朱古力醬應該係特調，濃稠度剛好，同面頭嘅脆片形成對比，真心有心思。另外叫咗件提拉米蘇，面頭撒滿可可粉，係合格以上之作。不過比起個刨冰，都係做配角嘅份。總結：如果鍾意探索特別甜品組合，呢個杜拜朱古力刨冰絕對值得試。份量夠兩三個人分享。📍LAB ZERÓ 尖沙咀金巴利道68號地下B號 …查看更多

Lab Zero 甜品體驗今晚飯後衝到Lab Zero食甜品，幸好8點半前未到甜品高峰期，只排15分鐘就入座。餐廳規定每人必須點一項食品，我們四人點了兩款刨冰、一件芝士蛋糕和一壺烏龍茶。杜拜朱古力刨冰 - 外觀相當吸睛，朱古力味濃郁而不過甜，刨冰質地細膩，入口即化。裡面藏有驚喜配料，包括朱古力碎和軟綿綿的布朗尼，層次豐富。芒果小丸子刨冰 - 清新之選，芒果鮮甜，小丸子Q彈有嚼勁。刨冰帶有淡淡芒果香，配上新鮮芒果肉，夏日感十足。芝士蛋糕 - 口感綿密，芝士味香濃，餅底酥脆，與刨冰搭配正好。烏龍茶 - 清香解膩，完美平衡甜品甜度，一壺份量足夠四人分享。整體來說，Lab Zero的甜品質素不錯，刨冰尤其出色，值得排隊一試。每人消費約$100-150，在尖沙咀區屬合理水平。…查看更多

食物性價比高，下次會再來！有齊正餐和甜品，適合女士們來慶祝生日或傾偈地方！食物香濃，價錢唔貴。這間的雪冰非常濃味，因為之前食過其他餐廳的雪冰是很淡味道的。下次會再來！因為有很多甜品和其他口味的飲品想嘗試！…查看更多

呢間cafe唔只靚可以黎打卡，刨冰🍧都超高質，隻隻口味都好出色，兩個人share一個刨冰岩岩好～同幾個朋友黎食就一次過試多幾個味😛雖然要排一個鐘隊，但都無阻我地食冰嘅決心～開心果 & 芒果🍧開心果味好出 下面仲有開心果軟雪糕 開心果fans會超滿足～芒果味好fresh 加埋小丸子好有咬口～黑芝麻🍧唔太鍾意食黑芝麻嘅我覺得呢個好出色 黑芝麻濃但唔會好漏 朋友們都好鍾意呢個冰 同佢讚不絕口～蜂蜜海鹽焦糖脆脆牛乳刨冰🍧呢個係我最鍾意嘅冰 每啖都好似食緊奶蓋咁 超滿足～焦糖脆脆都好出色唔會痴牙又唔會太甜～…查看更多

最近去咗尖沙咀嘅 Lab Zero，環境舒服靚靚😆，適合影相同埋約朋友一齊食。慢煮封門柳沙律🥗牛扒口感嫩滑，食落都有濃厚嘅牛味，搭埋新鮮嘅生菜同牛油果，加上辣辣地嘅醬汁，非常之開胃，特別適合夏天食。🤩海鮮冬陰功耳朵粉 🦐冬陰功醬汁濃郁，帶有一啲酸酸辣辣嘅味道。呢隻耳朵粉非常掛汁，不過唔知係咪煮得唔夠耐，食落去比較硬身，同埋都比較有粉感。覺得如果煮得夠熟同淋身，應該會唔錯。香橙美式咖啡🍊☕️飲品方面，我試咗香橙美式咖啡，呢個搭配真係適合一啲怕飲到苦澀嘅咖啡味，但又想醒神嘅朋友仔。香橙嘅清新中和咗咖啡嘅苦味，我非常之鍾意😆焙茶鮮奶 🥛另外我哋嗌咗一杯熱嘅焙茶鮮奶，飲落焙茶味香濃郁。店員仲整咗一個好靚嘅獨角獸拉花。🤩…查看更多

依排天氣真係熱到傻🥵 夏天最啱就係食冰🍨🧊😍 前排去尖沙咀本來想食Shari Shari，但真係好多人排，就轉左去試下依間日式刨冰😍我地試左個特濃咖啡拖肥刨冰☕️🍨咖啡味果然濃郁😍 面頭有locus餅乾碎，食到中間仲有d 咖啡啫喱同牛奶雪糕🍨，好有層次😍 仲配左杯double expresso 咁濃嘅咖啡☕️，可以比你倒落刨冰到，不過本身個刨冰咖啡味已經夠濃，我地都係食到中段先加🤣依間Cafe嘅正餐好似都幾好食咁🤣 有機會再黎試😍🌟特濃咖啡拖肥刨冰😍Extreme Coffee & Toffee…查看更多

尖沙咀 │ 專程為開心果刨冰而回訪🍧🎀分享美食的純粹｜玩樂分享❣️ ❣️呢間餐廳其實已經食過幾次，每次都係為咗佢哋嘅刨冰而嚟。主食方面試過意粉同pizza，味道同性價比都比較一般，唔算特別推介。🩵反而刨冰就真係幾值得一試。餐廳氣氛舒服，成間店偏日系簡約風，門口有張木凳幾適合打卡，最近仲見到有做GD應援😗#開心果杜拜朱古力刨冰味道大約就係預期中嗰種開心果x朱古力組合。另外配搭朱古力醬可以倒上去、但我覺得朱古力醬唔算好濃郁，加唔加都冇所謂～面層有杜拜開心果朱古力脆絲，香脆口感加分，食到中間仲有開心果雪糕，質地滑順、味道唔會過甜。中間加咗丸子增加口感，成碗刨冰層次幾豐富💚✽ 開心果杜拜朱古力刨冰 $138✽ 特濃朱古力石板街刨冰 $98📌INFOLAB ZERÕ 尖沙咀金巴利道68號地下B號舖價格：約100-250𝑝𝑝💟可訂座⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ …查看更多

見到threads有人介紹佢出咗多芒小丸子嘅刨冰感覺上好吸引 唔知有冇回憶中許留山嘅味道於是就去試試佢多芒小丸子牛奶刨冰 🔥 🔥🔥賣相係幾好的但係佢唔係回憶中許留山嗰隻芒果小丸子味可能因為係刨冰 芒果味冇咁濃同埋佢中間嗰啲都係牛奶雪糕食到後面啲芒果味就冇咁出整體算係幾fresh但係就係普通芒果刨冰味冇乜驚喜同埋啲小丸子大部份都偏硬 感覺未熟蜂蜜海鹽焦糖脆脆牛奶刨冰🔥🔥🔥🔥🔥呢個反而幾有驚喜睇OpenRice食評仲有啲人話佢太鹹唔好食都係本着一個試吓嘅心態去嗌點知佢嘅牛奶味都好重 同埋啲海鹽味幾match成個甜品balance都做得好好鹹甜鹹甜食到中間入邊都有啲脆脆雖然入邊都係牛奶雪糕但因為出邊嗰啲刨冰海鹽味所以有種海鹽芝士奶蓋嘅感覺而且入邊啲焦糖脆脆都呢個刨冰增加咗口感焦糖脆脆都有焦糖回甘味 唔算苦值得一試濃厚朱古力石板街 errrrr❌🍫唔好食😂😂😂好普通嘅朱古力味就係嗰隻舊式好平民餅舖嘅朱古力味去到後面直程剩返半個唔想食鹹食方面就冇甜品咁出色炸海苔魷魚🦑呢個價錢嚟講($68)算幾大份但係炸粉厚 魷魚唔算彈牙普通但係唔好食亦都冇海苔味芝士黑松露薯條🍟佢嘅芝士醬唔濃郁佢啲黑松露醬一pat pat咁擺喺薯條上好唔均勻唔可以每條薯條都點到黑松露同埋個黑松露味唔出寧願佢整個黑松露醬俾我點住食又未去到差但可能如果想叫小食嘅話可以試吓雞翼或者其他嘢 總括而言海鹽可叫 多芒小丸子都可以試吓其他味可能有伏😂其實佢環境坐得舒服又大嗌個冰同朋友傾吓偈係幾唔錯…查看更多

提拉米蘇（big fan of tiramisu MUST TRY !!!)宜間嘅Tiramisu 好正宗，明顯食到柔滑的口感和濃郁的咖啡香味。咖啡浸泡的手指餅乾、馬斯卡彭奶酪和可可粉層疊而成，口感輕盈卻不失厚實感。每一口都帶來了甜與苦的完美平衡。（小貴) 蜂蜜海鹽焦糖脆脆牛乳刨🐮🍯🍧(大推！！！！真係好好食）這道甜品結合了蜂蜜的天然甜味與海鹽的微鹹，形成了獨特的風味。焦糖的香氣與脆脆的口感相得益彰，讓人一口接一口。搭配牛乳刨冰，清新的口感在炎炎夏日中格外受歡迎。每一口都像是在享受一場味蕾的盛宴，令人難以忘懷。…查看更多

黑芝麻刨冰🍧($128)刨冰入口即溶 雖然係用冰𥖁打成 不過佢淋咗奶醬 奶味都幾重🥛 呢款刨冰淋上黑芝麻醬 不過芝麻味唔算好濃 食到底偏淡😗不過中間有黃豆粉蕨餅 食落好煙靭😆加上佢個牛奶雪糕好軟滑 奶香十足❣️口感層次豐富🙌🏻 不過作為黑芝麻控 就覺得佢個芝麻味唔太重😿 但係成個組合配搭係夾嘅✊🏻-芋泥芋圓刨冰🍧($98)呢款刨冰入面加入咗芋泥同芋圓 面頭仲有芋頭醬 口感有啲似奶蓋 有少少芋頭粒💜芋泥口感幾綿密 芋頭味幾香 唔會好甜 芋圓食落都有咬口 微微煙靭 正常水準 食到中間就有牛乳雪糕 呢款口感層次好豐富 整體比其他口味甜啲😂-蜂蜜海鹽焦糖脆脆牛乳刨冰🍧($98)刨冰嘅面頭有好多焦糖脆脆 食落好脆 不過好甜😂有啲海鹽醬 鹹鹹甜甜 中間仲有木糠碎 鍾意有咬口嘅刨冰 朋友可以試吓😙 雖然味道甜咗啲 不過有海鹽醬中和返 ✅-慢煮封門柳玫瑰醬意粉🍝 ($138)嗰日目測幾乎每台客人都會叫嘅意粉🍝 封門柳熟到啱啱好💗肉質軟腍 唔會好韌 呢個醬汁味道有啲似韓式辣醬 甜甜辣辣 帶有奶香🤍仲有菇片一齊炒 整體食落都幾惹味‼️不過就鹹咗少少🤏🏻…查看更多

點了開心果杜拜朱古力刨冰味道很好，但上菜時沒有立即到，還見服務員猶豫了才上菜，還好刨冰都不怎麼會融化，所以完全沒有問題。搭枱是意料之內，但上菜送錯去了旁邊，還好服務員馬上幫我們取回。刨冰味道有驚喜，朱古力味道還好，有高級感，開心果味可以再濃一點，白玉有粉味，不好吃。另外點了oero奶昔，冰塊有點大顆，雖然並不綿細，不太像我想像中的奶昔，但味道仍是很濃的，朱古力和oero混合起來的味道很好。刨冰當然不錯，值得一吃，我太喜歡了。…查看更多

2025.07.05見好多人讚 @labzerohongkong 既雲朵打卡位 今日去開尖沙咀就試下！首先食物方面 質素算中上 但服務方面就真係好唔得 ☹️海鮮冬陰公耳朵粉All day breakfast香橙咖啡 tonic竹炭鮮奶咖啡海鮮冬陰公意粉夠辣 都好有冬陰公味蝦大隻 青口都新鮮 貓耳朵粉就偏硬身 不過味道香香辣辣幾好食All day breakfast都好豐富好大碟 賣相都唔錯特別係啡菇烤得剛剛好 唔會烤得好乾 最欣賞係個酸種多士 好脆口 好有麵包香好彩食物唔算太差 因為本身等位時已經令我有少少不悅首先餐廳係無號碼拎 一定要係門口排隊係我前面有四個韓國人拖住兩個大喼 一路等位 一路就見不斷有人食完埋單離開但服務生都無出過黎安排位置 以為佢地未執好枱啦點知望入去起碼有四張吉枱 但啲服務生企晒係門口咖啡bar 都唔安排入座前面四位韓國人都等唔住 自己開門入去啲服務生先安排位俾佢地但依然係無人理過我 然後我自己開門入去服務生居然問我：有無book 位？我話無，我一路都係門口排隊！佢先指張枱叫我坐需知道餐廳自己都貼左張紙寫住排隊等位 但點解可以無望/ 無理門口排隊既人？然後餐具同水係要自助拎 但服務生都無講過 如果唔係因為無餐具而我又咁岩見到有其他食客拎緊餐具 我都唔知係要自取自取都唔緊要 但啲碟同餐具全部都係濕既我拎到埋枱都仲要自己抹乾 抹時仲發現啲碟洗得唔乾淨 🥲🥲雖然食物質素唔錯 但咁既服務的話 真係要再考慮值唔值得再去多比推薦指數 👍🏿👍🏿…查看更多