金枕頭泰國餐廳

性價比超高的Thai Food被我找到lu！！唔使再喺香港島同九龍掘食啦！新界呢間泰國菜絕對係寶藏！今次同朋友兩個人食咗成枱餸，人均$200有找，食到超滿足，即刻要同大家分享！！1.菠蘿炒飯：飯炒得乾身，粒粒分明，充滿鑊氣！菠蘿肉又甜又多，仲有好多腰果同肉鬆，口感豐富到爆炸！真心講句：（小幽默，大家明就得啦！）總之係必點！Team Carps Member has to taste it!2.冬陰功湯：叫細份已經夠4個人每人飲到一碗有多！重點係裏面嘅蝦真係好新鮮，蝦肉爽彈，絕對唔係雪藏到霉嘅貨色。湯底酸辣度平衡得剛剛好，好開胃！3.炒通菜！作爲一個食得清淡嘅人，特別要求咗「少鹽少油」，佢真係做到！上枱翠綠爽脆，冇多餘嘅油淋淋，就係屋企炒出嚟嘅味道！4.柚子沙律：呢個真係超有驚喜！一上菜我哋都嘩咗一聲，幾乎成碟都係爆多柚子肉！沙律底嘅蝦乾同花生只係點綴，每一啖都係清甜多汁嘅柚子5.青咖喱：食完濃味嘢，呢個甜品簡直係清泉！奶凍口感滑溜，椰香味天然，重點係，食完成個都唔會膩，好清爽！新界居民請冲！…查看更多

由上學時期已知粉嶺牽晴間下面有間好有人氣的泰國餐館，就算隔離餐廳仲有空位時，呢個泰國餐館已經早早有人龍。早排去探朋友仔，所以去開個頭，順便試下呢間餐廳有咩咁吸引。我們一行6人，共叫左份四人餐($568)及再散叫D野。四人餐包無骨鳳爪、泰式燒豬頸肉、明爐烏頭、生菜包、炒通菜、炒飯、甜品及四杯飲品。泰國酸辣脱骨鳳爪的辣味比其他餐廳辣，鳳爪肉彈牙，而且酸酸地非常開胃。泰式燒豬頸肉燒得唔會燒得太乾，重點佢惹味得黎又係唔會太肥。明爐烏頭的魚肉都幾鮮味，餐廳更貼心地準備了另一碗酸辣汁，可以避免個魚滾瀉之餘，唔夠汁仲可以後加。生菜包的肉碎煮得超級惹味，係餐紙上更教大家泰國人正宗食法：先食肉碎，再食蔬菜去減少辛辣味。飛天炒通菜的味唔算超香，不過D通菜炒完仲係嫩綠，都OK的～菠蘿炒飯用菠蘿殻上，本身已經好香，加埋大量的腰果及肉鬆，令到整體的口感及味道更香。由於我們有6個人，一份四人餐係唔夠食的，所以我們都散叫左D小食及一個炒河。其中更有優惠價加配小食，呢份蝦餅都只係加$58，佢表面炸得金黃，而且裏面又夠彈牙，真係無叫錯！泰式豬手係餐廳推介的菜式，唔算太肥的豬手更健康，加上惹味的醬汁，令味道更濃郁。炒芥蘭同通菜一樣炒得咁嫩，食落都有鑊氣。炒乾牛河好有鑊氣，炒的加上少少的蛋，令到整個河粉更香。甜品方面，有千層糕及椰汁大菜糕，兩款都幾高質！千層糕的椰味超重，而且口感彈牙。椰汁大菜糕的軟硬度岩岩好，加埋上層的椰糕，比落蛋絲的大菜糕更香。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)…查看更多

未食已經嬲嬲地13個大人竟然安排張8人圓枱俾我哋仲話加櫈坐問個職員點坐態度勁差話""俾埋隔離張4人枱你哋囉""唔好玩啦張4人枱已經坐咗兩個食客人哋食緊嘢咖***(我明而家生意難做，老闆想每張枱多做幾轉生意，但你都冇理由要我哋13個大人，迫落張8人枱坐，就算坐到，咁又點食嘢呢，有時做嘢，都過得人，過得自己，唔好咁過份啦)***最終分咗3張枱坐但明顯有面色睇囉算 我忍我哋咁大班人已經好識做諗好晒食咩先叫人一次過落單但好明顯d四五十歲嘅女職員好似睇你唔到囉叫佢寫嘢一個應都唔應你就行咗去一個應完等等就行咗去幾尺遠囉等咗一陣終於有個後生d嘅女職員過嚟落單串燒燒豬頸肉千層糕咖喱雞扒飯菠蘿炒飯海南雞飯海鮮湯粉泰式炒金邊粉泰式豬肉炒河(濕炒)泰式牛肉炒河(濕炒)總括嚟講如果住喺附近，唔想出到九龍城食泰國菜，你可以接受到冇人理你，接受到職員無禮貌，接受到職員俾面色你睇，你可以考慮試下呢間…查看更多

呢間泰國餐廳....其實好多野都唔錯....上星期日同個 fd 去左食....由於我鍾意食咖喱既關係...同埋叫得太多肉既關係...所以就點左個南瓜咖喱...先黎個串燒, 睇落去好似乾左D.....但食落又唔係喎....咬落去都仲有少少肉汁...再加上D咖喱汁....正喎...之後main course 有 菠蘿炒飯, 墨魚餅, 羊腩煲, 仲有烏頭魚菠蘿炒飯: 足料, 唔太喊, 不過菠蘿有少少酸墨魚餅: 幾香口, 幾彈牙, 不過又好似細件左D & 薄左D羊腩煲: 見天口凍凍地, 叫左個羊腩煲, 又見佢做個promote $68, 所以就叫黎試下...開頭睇落細細兜好似冇咩料咁....但食食下又發覺幾足料喎.....不過個D味就普通左D...烏頭魚: 呢個又真係幾好食喎, 條魚幾鮮, 再加上佢配左碗魚湯, 幾入味....好正....南瓜咖喱: 咖喱正...咖喱味十足, 但又唔搶左其他配菜既味道...我仲張剩低既咖喱汁用埋黎撈個埋個菠蘿炒飯度.....正正正!!!最後黎個飯後甜品....椰汁糕.....原本睇落去只係一個好普通既椰汁糕....冇乜特別...所以我都冇影低....點知食落....先知道原來係非一般既椰汁糕...椰汁幼滑得黎又好香....夾埋D西米真係一絕...個fd既女友唔鍾意食既關係....我就食埋...真係估唔到原來粉嶺呢個地方都有好野食....返黎見到下面D post 寫到D咖喱炒蟹咁好食......下次真係要搵機會試下個咖喱炒蟹...…查看更多