樂天經典 (奧海城二期)

好味指數😋😋😋回頭指數 ⭐️⭐️⭐️開心指數🤗🤗🤗朋友揀咗呢間頗 fusion 嘅餐廳食飯，係星馬泰廣東菜，而網上評價都唔錯！由於大家太懶諗嘅關係，就叫咗一個4人套餐 + 湯 + 海南雞。4人套餐（$888）🍴招牌酸柑香茅凍呢個甜品竟然成為整個套餐我覺得最好食嘅食品，香茅凍非常Q彈，味道清新，甜度適中，如果要感受酸柑，就要用手將上面嘅酸柑汁榨出嚟，夾埋酸酸甜甜好好味！🍴星馬特色拼盤拼盤有4款小食，最特別嘅係1️⃣椒盬香酥鮮淮山，冇諗過可以用咁嘅方式食淮山，外面脆入面爽，有趣！2️⃣金磚豆腐都唔錯，外脆內軟。3️⃣脆皮蝦醬雞中翼，都係外脆肉滑，不過味道就似就咁嘅炸雞翼，冇咩蝦醬味。4️⃣黃金魚皮係香脆，但又係唔睇都唔知係有黃金，只係一舊魚皮，可能咁啱我食嗰舊冇咸蛋啦～🍴蝦味魚子蝦球炒飯蝦球頗大隻，肉質新鮮夠爽，飯炒到粒粒分明，呢個幾好味！🍴星洲黑胡椒螃蟹蟹唔算好大隻，肉唔算多，蟹蓋冇咩蟹膏，黑胡椒味比較嗆喉，完全蓋過咗蟹味，相比起新加坡當地食嘅，醬汁調較上有少少距離。🍴菜香鐵板豆腐嚟到嘅時候，未有發現鐵板滋滋聲嘅狀況，唔係好熱辣辣，方型嘅豆腐浸咗響肉碎、榨菜醬汁中，用匙羹切開時，豆腐有外皮，食落有兩種口感，外皮有少少煙韌感，中間嘅豆腐非常滑，其實個榨菜肉碎醬汁係幾惹味嘅，不過個芡汁有少少太渴撻撻，厚咗少少。🍴泰式空心菜非常翠嫩，味道正常。🍴星洲咖啡骨呢個一咬落去，肉質比較硬，個味怪怪哋，鹹鹹苦苦，唔太討好，望清楚 menu 知道係咖啡骨，就明白點解會有苦味，我個人鍾意飲咖啡嘅，但呢個可能係調味或者balance 方面唔太啱我口味。另外加：🍴干貝冬瓜排骨湯（$155）店員裝到5碗就收埋個煲，個湯幾濃味，算係真材實料，從湯渣中見到都有唔少干貝絲，排骨唔會太嚡可以食埋。🍴新加坡海南雞半隻（$128）雞係幾滑嘅，不過略嫌欠缺海南風味，味道上似白切雞多少少，另外黑醬油風味都唔太足夠，呢個就一般啦。裝修同價錢都係中價，因為蟹宴嘅主角 - 蟹，未令到我好滿足，至於其他食物，好食嘅都有，勁好食又未算有，所以感覺上覺得 okay 而已，呢個價位可能會去試其他餐廳。☆follow my IG @tracyloveliving ☆…查看更多

以為有得食小籠包，睇都無睇就衝左入去，原來係食新加坡菜😂但係有時誤打誤撞反而幾有驚喜🤭菜香鐵板豆腐($118) 一磚炸過嘅豆腐蓋上惹味肉醬，微辣嘅鹹香味夠曬入味，而豆腐亦非常嫩滑，質地好似玉子豆腐咁滑溜，係超好餸飯嘅一道菜。馬來風光(小)($80) 似馬拉盞通菜，不過又有小小唔同，食得出加左啲特色香料，惹味但唔會太過濃味，突顯返本身通菜爽脆口感。海鮮皇炒飯(小)($98)黃色嘅蛋炒飯加上蝦仁、帶子粒、飛魚子、葱粒等配料拌炒，極具口感，飯粒都炒得粒粒分明，頗有鑊氣。最後估唔到甜品都幾出色楊枝甘露用左芒果漿，所以質地比較幼滑，配搭果肉，又甜又香，順滑可口😽酸甘香茅凍($36)質地似大菜糕，清甜得黎又有啲泰國風情~ 加左啲奇亞籽，口感爽脆又幾得意。桂花斑蘭椰子糕 ($38) 香甜清潤集於一身，將呢幾樣野擺埋一齊，毫無遺和感，睇得出甜品方面都做得幾有心思🥰…查看更多

早幾日約左兩個朋友睇戲，睇戲之前諗住先填飽個肚，咁岩見到呢間樂天經典。佢主打南洋風既新式中菜，聽落好特別，所以就決定試下！由最好食個個講起，就係呢個黃金鹹蛋蝦球啦！呢一兩年鹹蛋興起，好似咩野食都中意加下鹹蛋咁，但就好少整得好食。呢個黃金鹹蛋蝦球真係整得鹹、香、酥，好濃鹹蛋味之餘，又仲食到蝦既鮮味同彈性，係我最滿意既一道菜。呢個蝦醬雞翼都非常好食，蝦醬味唔算太重，但好香口，雞翼亦好脆，而且份量話就話係「小」，但都有好多隻！海蜇頭係前菜，爽口，好開胃。鐵板豆腐嫩滑，下面鋪左層薄蛋餅，幾特別。扣肉包係我朋友嗌的，佢話好食，但如果舊肉肥肉既部分再多少少會更好XD最後係呢個老鼠粉煲，份量真係大到嚇親我！我地三個女仔知自己細食，已經特登嗌左「小」（佢仲有「中」／「大」可以揀），但都係食唔哂！！女仔黎計既話，佢至少有四人份量裡面除左老鼠粉之外，仲有好多料——蝦、鹹魚、蛋……等等。呢個老鼠粉煲都幾好食，不過因為食落偏鹹，所以會比較容易「漏」，真係至少有三四個人先好嗌呢道菜呀！…查看更多

之前就經常聽到媽媽對這間餐廳讚口不絕，今次終於有機會來吃晚飯啦！前菜小吃是一碗非常軟稔入味的花生和栗子，好吃到我們很快就把它吃光光了！首先當然要點他們的招牌扣肉包啦！需要自己組件，就把扣肉放在生菜和包上⋯五花腩扣肉肥瘦均勻，而且烹調的非常鬆化，濃郁又入味！ 放在熱辣辣又鬆軟微甜的包上，再加一片生菜，吃完一整個都不會覺得油膩啊！被高度讚揚的第二款菜式就是這個菜香鐵板豆腐啦！放在鐵板上的菜香豆腐熱辣辣，發出滋滋的聲音非常吸引！豆腐上面鋪著滿滿由菜心、冬菇、榨菜、肉碎組成的特製醬汁，微辣而且非常惹味！ 豆腐外皮香脆，內裡滑溜溜，配上菜香醬汁，是個送飯首選啊！ 豆腐下面有一層薄薄的蛋皮，防止豆腐燒燶之餘，還很好吃呢！雖說老鼠粉的名字有點可怕 哈哈，但個人挺喜歡銀針粉這種懷舊料理，當然就不能錯過這個古早魚香老鼠粉啦！一整個砂鍋送來的時候嚇了一跳，原來小鍋已經很大鍋了 哈哈。鍋裡的材料相當豐富，除了銀針粉外，還有鮮雞蛋、超爽口的鮮蝦、鹹魚碎和椰菜花等等。 經店員推存下，我們就決定把整碗檸檬鹹魚汁加入拌勻，果然，味道變的更加出色，咸香惹味 ！ 吃一口滑溜溜的老鼠粉，再喝一口濃郁的湯汁，真的是滿滿的南洋風味啊⋯是晚的重點 — 黃金焗螃蟹終於要來了！從遠處已經聞到鹹蛋黃的味道，讓我們都垂涎欲滴！約莫1.2斤的螃蟹比想像中要大呢，蟹身、蟹拑和蟹腳都非常厚肉，份量十足！ 而極之邪惡的鹹蛋黃醬和蛋黃碎佈滿了整隻蟹，濃濃的鹹香滲入了蟹肉中，邪惡又滋味！ 大部份蟹殼事先被敲碎，非常輕易的就吃到大大啖肉，肉質鮮甜，配上金黃鹹蛋黃，簡直是一流的享受！…查看更多

今晚在奧海城睇戲前到商場覓食，看到這家”樂天經典”，看看菜單都幾好，便進去試試。店內裝潢雅緻，樓底高地方大，坐得十分舒適，店員態度有禮。白胡椒排骨豬肚湯 $168有老火湯當然要叫，今日揀左白胡椒排骨豬肚湯，菜牌上有提到有提神補氣、活血強身、抗風濕的功效；湯好多材料，有豬肚、玉竹、胡椒粒、排骨、赤肉老雞和雞腳等等。特選糖心皮蛋 $22皮蛋味香濃，內流心，外層晶瑩。菜香鐵板豆腐 $98外脆內軟的鐵板豆腐淋上香噴噴的菜心肉碎特製醬和下層的蛋底，搭配成一個可口美味的菜餚。家鄉鹵元蹄 $148這道家鄉路元蹄，用了許多中式草藥和香料，鹵上至少六小時才能讓元蹄完全入味以及熟嫩，確保水分不會流失， 而且瘦肉及肥肉相間，口感味道極佳。金銀蛋浸時蔬 $85柔軟的菠菜好新鮮，加上鹹蛋皮蛋雞蛋再用肉碎和高湯烹煮。…查看更多

新加坡過江龍「樂天飲食集團」進駐香港都已好一段日子了，其下多個不同「樂天」品牌主打不同路線，而位於大角咀奧海城的「樂天經典」則以東南亞風味的家常小菜為主。餐廳位於奧海城二期商場內，是晚光顧時雖然已七點有多，但餐廳竟然差唔多全滿，以「閒日」黎講做到咁既成績真係非常厲害！另一方面，餐廳於大部份餸菜中均設有大、中、小三個不同份量的價錢，非常flexible可以滿足晒不同客人的需要！蒜香紅海蜇頭 ($75)︰半透明、軟硬度適中的海蜇頭，浸透在辣得黎卻帶點酸味的醬汁之中份外開胃醒神，加埋裏面的青瓜作為餐前的點綴實在最適合不過！馬來風光 ($75)︰由於用上南洋香料，入口時感覺有點辣，不過通菜炒得鑊氣非常夠！美中不足的係辣油會隨時間慢慢從裏面滲出，雖然唔影響口感，但見到自己食晒「成碟油」落肚感覺有點內疚。荔枝咕嚕肉 ($88)︰咕嚕肉使用的炸粉份量剛好，唔會食到成口粉之餘入口時亦唔會太腍，師傅功架十足！醬汁方面酸酸甜，配埋青椒、紅椒同埋荔枝等等既配菜寧舍開胃！黃金蝦球 ($138)︰蝦球用上沾了鹹蛋黃的炸粉泡製，入口時感覺就好似近期大熱的「鹹蛋炸魚皮」咁，非常香口惹味！菜香鐵板豆腐 ($98)︰絕對係整晚的highlight，不可不點！豆腐用上鐵板作容器，吸精度十足。外脆內滑的豆腐，喺淋上香噴噴的特製菜心肉碎醬後和雞蛋出奇地夾，交織出一道可口美味的菜餚。三色桂花斑蘭糕 ($38)︰三色糕分別為「斑蘭」、「桂花」及「椰子」。師傅巧妙地將看似毫不關連的食物結合在一起，呈現出一道清涼得黎又精緻既美點，為這個難忘的用餐體驗劃上完美的句號！總括黎講，食物整體質素非常好，侍應們亦十分細心，主動提出為小孩準備BB櫈，值得一讚！今次用餐體驗感覺非常好，對於想在平日找個安靜的地方，與三五知己一齊談天說地的朋友非常適合不過！…查看更多

當晚同屋企人黎到奧海城行街，母親就提議食呢一間樂天經典，結果冇令我地失望雖然當晚叫咗好多唔同嘢食，但我最推薦以下呢三款。菜香鐵板豆腐＄90呢個係全晚最最最好食既菜式，內裏十分滑溜既豆腐同加入左冬菇、榨菜等既醬汁好夾，好送飯之餘又唔油膩！楊枝甘露 $35呢度嘅楊枝甘露比較稠身，芒果味濃郁，酸酸甜甜好清新~脆炸美人魚 $52好香口，微辣夠哂惹味既小食環境坐得好舒服，侍應服務亦都好周到，食物質素相當高，十分推薦…查看更多

今晚有要事與朋友到大角咀去，回程經過奧運站，已覺肚餓就索性先吃飯才打道回府。真心說，由前菜開始，我和朋友都覺得很好味，前菜是栗子花生，很好味，上菜時還是暖的。更欣賞的是，大部分小菜也分大、中、細三個size，初時以為細碟會很少，眼闊肚窄的叫了很多，結果要打包😆此店主要是食中菜和富有東南亞特色的菜。餐牌上有「贊」的應該是推介，我點的大都是有「贊」的菜。脆炸美人魚超好味，脆脆的炸魚，有蜜糖和淡淡的辣味，極推介。朋友強烈要求吃通菜，點了的參巴通菜很娘惹，味道較濃，送飯很好。至於扣肉包，以每件為單位，我們一人一件，自己動手包，包蒸得軟熟，很配合扣肉的汁。咖啡雞也是有「贊」的菜色，炸雞加上咖啡汁，初時吃未覺有咖啡味，但慢慢咖啡味就滲出來，是屬於新派菜吧! 鐵板豆腐是店員推薦的，玉子豆腐加了些有炸菜冬菇等的調味汁，也很好味。友人還覺未夠就加了老鼠粉煲，原來老鼠粉即是狗仔粉，上菜時有一碟咸魚醬，店員提議襯熱加，我們怕味太濃只要求加一半，味道已很好。總的來說，店員友善，小菜碟碟也很好，讚！…查看更多

今晚和老公約了兩位好友聚一聚，地點由他們安排，他們推介在奧海城二期的樂天經典，說之前午飯和同事試過好吃所以推薦我們一同品嚐新派南洋菜門口很有中式菜館感覺裝修簇新光潔, 內裡每張枱都很寬闊, 十分簡潔舒適還有海景有幾款燉湯選擇, 一煲己足夠三至五位享用了, 我們4人選了一煲湯有乾貝的咸香味, 配竹笙大白菜來煲很適合夏天飲小吃一碟, 栗子十分腍入味, 一點都不馬虎香脆有點微辣, 甜甜辣辣很醒胃扣肉肥瘦均勻而且切得厚薄適中, 炆得十分入味, 咬下去肥膏部份鬆化不會油膩, 配搭芫茜同吃更感清新蝦肉很結實彈牙, 每口都吃到咸蛋黃的香味四季豆本來很難入味, 平時多以濃味配料同煮, 今次配上櫻花蝦、大量蒜茸及少許辣椒同炒很惹味, 店主很大方落了很多配料, 為味蕾帶來新衝擊很脆口的銀雪魚銀針粉配上咸魚茸、冬菇、蝦仁、蛋等配料烹調出濃郁的味道, 吃下去很有住家菜的味道, 每條銀針粉都吸滿了濃濃的湯汁外面炸得很脆、內裡的豬肉饀料很豐富彈牙而且十分結實不會一咬鬆開, 配上甜甜的醬汁同吃更好味口感好滑, 有點像玉子豆腐, 醬汁有炸菜、肉碎等調配, 十分香濃最後侍應推介了一款甜品三層分別是椰汁糕、桂花糕及斑蘭糕我們4人吃得十分飽十分滿足, 笑笑說說渡過歡樂一夜, 想不到南洋菜滿有特色, 望著熟識的食材造出新穎的味道, 真是味蕾另一番的享受!餐牌上的價錢都分有大、中、小 三個定價, 朋友說點小的份量已經足夠, 我們今晚全都是小份量的, 也飽得捧著肚子走…查看更多

好耐都未試過係星期二晚去睇戲，為左我地心愛的Minions，今日同老婆約埋同樣喜愛Minions的老友兩夫婦收工係奧運集合，食個Early Dinner再睇八點場。😁 由於節目緊湊，我地預早上Openrice搵定奧海城的食店，最後揀左呢間近來屢獲好評的'樂天經典'。好彩大家今日都唔駛加班，我地4個未到7點已經集齊係奧運站，由於仍未到晚市繁忙時間，所以不需等位已經可以安排入座。我地入座時天仍未黑，餐廳裝修好有新式中菜店的風格，枱與枱之間空間十足坐得好舒服。👍餐牌好厚，菜式種類好多，而且於餐牌內亦有對南洋風格中菜的描述，所以我地先知呢度係食南洋中菜。😆餐牌設計精美。菜式種類好多，但由於兩位女士都好揀飲擇食，所以我地係點菜時用左好多時間，點好餐時發覺天已黑了。🙈好多款菜式都有分(大)、(中)、(小)三個價錢，原先我地4個人打算點(中)的份量，但店員解釋俾我地知，原來(小)已經足夠3至4人享用，所以我地全部菜式都點了(小)，結果原來(小)都好大份。有我超喜愛的黃金蝦球，雖然兩個女士都唔食，但我都決定點。🙈餐牌內面我地發現其中一樣有特別推介: 古早魚香老鼠粉煲，我地即時上Openrice睇睇，見其他食客都有讚冇彈，所以都點左一煲。餐前小食我老婆從來都唔喜愛品嚐，但今日呢個栗子花生佢竟然讚不絕口，最後兩位女士仲清哂! 好遺憾我係唔知呢碟餐前小食係咩味道。😆我地點的燉湯上之前店員先擺放給湯煲加熱的工具，令我地全餐飯都可以品嚐到熱湯，好貼心。個燉湯好足料，我地每人先飲一碗後繼續煲住保溫。燉湯入口好滋潤，竹笙爽口富有彈性，菜膽燉得非常腍軟，味道唔太咸，好好飲。呢個店員推介的四季豆好有水準，由於櫻花蝦份量相當多，蝦味好濃配埋同樣濃味的香蒜，果然值得店員推介。脆醬美人魚好香脆，雖然我唔太喜歡吃煮過的魚，不過睇到佢地清的咁快就知味道應該唔差。西蘭花都唔錯，加上蒜頭炒香，西蘭花都炒得乾身唔油，入口爽脆。我最愛的黃金蝦球雖然用咸蛋黃整，極其邪惡，但外層又咸蛋黃咸香味十足而且有少少脆口加上蝦球的清爽，我一個人都食左4隻。呢個招牌扣肉包好彩只點了兩件，雖然非常入味亦熟得好腍軟，配上刈包油而不膩，但真係好大件，如果我地一人食一件就好難食到其他野。菜香鐵版豆腐好有特色，豆腐外層香脆，豆腐豆味香濃而且非常嫩滑配上香蔥冬菇等等的配料，清淡之餘亦好美味。酥炸豬肉蝦棗外層炸漿非常香脆，豬肉涵料豐富，豬肉鬆軟多汁混合其他配料，口感富有彈性。呢個餐牌推介的古早魚香老鼠粉煲果然好味，首先只係睇蝦的份量已知佢足料啦，老鼠粉好彈牙唔會煮得過腍口感順滑，富有鹹魚香味，配料都好多，味道好豐富，下次黎我會再點呢個老鼠粉。油浸銀鱈魚交左俾佢地三個食。雖然餐廳有熱茶提供，不過我地男士們食野都係鍾意飲杯凍飲，呢個檸檬薏米水好清新。最後食埋呢個特色甜品三色桂花班蘭糕後，我地就趕去睇戲。三色桂花班蘭糕三層有唔同口感唔同味道，呢個食法好特別。埋單每人唔駛$300，價錢合理，不過我地以為(小)的原來份量都好多，所以今餐其實係點多左要捧住個肚去睇戲，下次黎點少兩個菜都應該好夠食。…查看更多

一家人運動過後，是時候補充體力的時候了這附近是姑媽的主場，當然由姑媽去發板踏入餐廳，明亮的裝修又帶有幾分傳統特色我們靠近玻璃坐下能夠望見附近的街景景觀姑媽說必吃這裏的招牌扣肉包大大件扣肉，肉色亮澤，夾在包一齊食肉汁滲出，滿足度非常高喇沙海鮮米線喇沙湯底的椰汁和甜辣度剛剛好讓我想起在新加坡時食的喇沙咖啡脆雞是我叫的，聽過名字而覺得特別咖啡脆雞一上枱面瞬間飄來咖啡的香味雞件外脆內軟，同時滲出淡淡的咖啡香味老鼠粉煲，口感好似狗仔粉用冬菇等材料去一齊煮老鼠粉滲透了肉汁的香甜還有菜香鐵板豆腐表面有有少少焦香內裏似蝴蝶結姐姐的皮膚軟滑配豆腐一齊食應該相當不錯的向來也很喜歡新派的菜式這個集合廣東、新加坡、上海風味彷如讓大家走訪那麼多個地方去品嚐傳統而有新派的風味…查看更多

早前係奧海城睇戲前，先和男人去食個晚餐，首選樂天客棧 (現已改名為樂天經典)，所以今餐食記係以當晚用餐環境和食物為準，現在餐牌好像也轉了。這間分店的用餐環境和樂天皇朝的極俱中式裝潢截然不同，走簡潔明亮的設計，感覺舒適。餐牌上款式眾多，沒有了小籠包系統，多了多款特色中菜、冷盤小食，連一壺壺熱花茶都有。茶介 $7/位，另需加一服務費。手工蝦棗 $68外層炸漿夠薄和脆，裡頭填滿蝦棗(蝦膠)，也加入了馬蹄增加口感，味道豐富又香口。椒鹽香酥鮮淮山 $52炸得香酥的鮮淮山，淮山咬落爽脆，簡單加上椒鹽，喜歡香脆食物既小妹食唔停。菜香鐵板豆腐 $82不得不說呢個鐵板豆腐真係好好食！熱辣辣既鐵板上放了一大件玉子豆腐，上面淋上蛋汁，食落豆腐好滑溜，加埋超惹味既榨菜肉碎，撈飯一流。麥片蝦球 （細）$132一碟有六隻蝦球 ，面頭鋪上滿滿的麥片，食落蝦肉夠爽彈，外皮沾上麥片的蝦球食落多左份脆口感，仲帶有甜甜的味道，好特別，味道唔錯添，而且就咁食個堆麥片都幾好食！三色桂花班蘭糕 $32三色糕分別係班蘭、桂花和椰子的組合，三色糕咬落煙煙韌韌，食落有椰子的香甜，桂花的清香，係一個不錯的配搭。…查看更多

老實說, 我甚少走進大角咀覓食, 但卻很清楚該區有什麼好吃, 為何?皆因我識一個報料專員, 哈! 這位好友住大角咀, 而返工又在奧運站附近, 大部分時間都在這區覓食, 所以一切的飲食資料都快而準, 加上她樂於向人匯報, 我自自然然是受惠者之一, 棒! 她今期就介紹一間南洋家鄉風味的餐店給我。一聽其名, 便知有信心保証, 馬上扮乖女帶老媽去吃返餐。餐店的門面不算闊落, 燈光的店名招牌高高鑲在正中央。甫進內裏, 原來地方不少, 設有多排四人卡座、一排四人的長沙發座、多張四人枱和六人圓枱, 還間了數個獨立位置設十二人枱, 可容納不少客人, 而枱與枱之間不少空間, 令食客坐得舒適自在。餐店環境光猛, 裝潢簡約平實, 牆上鑲了一兩個擺放古色古香瓷器的木架、採用特色設計的吊燈, 既有古代懷舊風味, 亦帶些時尚感。餐簿每頁均附有精美的菜式相片, 圖文並茂, 亦分門別類, 非常清晰, 有湯品、冷盤小吃、豆腐其它、肉類、海鮮、菜類、飯粉麵、星洲米線、甜品和飲料, 選擇相當多。我和老媽都不是大食之人, 外出吃飯最怕就是一客菜式大大碟, 兩人只能點一兩碟, 不能試多幾款, 很可惜! 但餐店相當貼心, 大部份菜式都設大、中、小份量, 我倆全部揀小份量, 那自自然然可試多幾款不同菜式, 讚!******************************商討一大輪之後終於點齊菜式, 在等待各菜式上枱之際先吃些餐前小吃（$15）醫醫肚。除了有多粒半腍半爽、烹調入味的花生 外，還有我很喜歡的栗子，粒粒圓潤飽滿，粉腍入味，很討我歡喜。老媽正正知我心意, 不停說已吃了……已吃了……其實是故意留給我吃, 真是很窩心。******************************問老媽想不想吃海參, 她非常喜悅地回答“最愛吃它!”,真的估不到有如此大的反應, 那一於來一道砂煲花菇西蘭花扣海參 Braised Sea Cucumber with Mushrooms and Broccoli ($178/S)吧! 熱辣辣上枱，散發着香氣。選了小量，數數看，海參 和花菇 都均有六件，而每件都大大件，還有不少西蘭花，份量都幾足，好適合兩人共享。每件海參 厚度適中，腍滑中帶些彈性，味道鮮美；每隻花菇 都肉厚肥大，咬一口便爆出香濃的菇汁，菇味香濃；西蘭花 保持翠綠色澤，煮弄的時間剛好，不會過生或太熟，眾食材都烹調入味，味道合宜，少油少鹽，很美味。******************************蒸、炆、炸、紅燒都吃得多，但鐵板豆腐咁有特色，必要點一客試試。菜香鐵板豆腐 Hot Plate Tofu with Preserved "Cai Xin" and Minced Pork ($88/S)以一個長形鐵盤盛載，淋滿醬料，打入雞蛋，灑上青綠的蔥花，熱烘烘上枱，散發着陣陣香氣，挺吸引。豆腐 外香口，內白滑，富有豆香，而醬料是以冬菇粒、醃菜粒、肉碎、辣椒 等炮製而成的菜心肉碎特製醬，鹹香帶微辣，相當惹味。口感豐富的特製醬跟嫩滑的豆腐 同吃，再加埋鐵板中雞蛋，配搭美味，很有風味的菜式，令人吃得滋味。******************************第一眼看到這客菜圃蒸白鱈魚 Steamed White Cod Fish with Preserved Turnip ($162/S)時的確有些失望，為何跟餐牌圖片不同？突然想起，我是點了小份量，相信圖片是大份量, 明白了! 白鱈魚扒上放滿菜圃 外，原來還加了豬油渣，加添鹹香，更添美味。鱈魚扒 厚度適中，色澤雪白亮麗，魚肉片片分明，鮮香嫩滑，只是不夠油潤。最愛還是滑嘟嘟的魚皮，充滿鮮香的魚油脂，富有膠質，最討我喜歡。鮮香的魚肉 拌上鹹香爽脆的菜圃碎，還有酥香脆潤的豬油渣，配出另一番風味，不錯！******************************天氣乾燥, 最好吃些甜品滋潤下, 我倆對招牌酸甘香茅凍 Lemongrass Jelly with Lemonade ($26)都很有興趣, 一於一人一杯, 唔駛爭食, 哈! 青黃色的香茅凍 面浮着蘭香子, 放了半小個柑桔仔 和一些碎冰粒, 再以翠綠的薄荷葉 作點綴, 清新冰涼之感。吃前先唧入柑桔汁, 加添清新的甘酸味道。香茅凍 相當滑溜, 伴上清爽的蘭香子, 一滑一爽, 送上雙重口感。每啖都滿有香茅味, 味道相當突出, 甘酸甜美, 滋潤順喉, 乾涸的喉嚨馬上得到舒緩, 正正是我的需要。------------------------------一間小店既有傳統風味的菜式, 亦有創意料理, 讓大家吃出另一番風味, 加上客棧環境簡樸舒適, 而多款菜式亦分了大中小的份量, 不論倆口子、一家四口, 或是大夥兒都適合, 的確是一個聚餐的好地方。…查看更多