茶理史 (已結業)

茶理史係位於尖沙咀厚褔街的小巷入面，環境同位置都唔太理想，企係到等野飲都成日比人撞到，因為條巷實在太窄又暗，而且又人來人往，d 人係通過巷仔穿對面街。 但之前聽朋友介紹都唔錯，所以都係決定買返屋企一試。題外話，原來膠袋係要+$0.5，第一次買凍台飲個袋係要收費，覺得好奇怪，唔太合理～今次叫左草苺鮮乳地瓜小芋圓，正常甜度同冰塊，見到店員製造途中，係冰箱拎出一盒士多啤梨，而且杯野飲都有一粒粒士多啤梨籽，我相信都係用真正生果整飲品的！ 依杯野飲好靚，有分層效果，第一層係士多啤梨汁第二層係牛奶，最底一層係地瓜小芋圓，飲落第一啖有淡淡士多啤梨既酸味，牛奶味比較弱，整杯飲品唔夠甜，反而作為配料的地瓜小芋圓有驚喜，原來係有2種味道，黃色係蕃薯同紫色係芋頭，粒粒都係軟硬適中又不失彈牙，有天然既蕃薯同芋頭味，好好食!! 真係名符奇實的妹仔大過主人婆~

天氣持續炎熱，列日當空，真係忍唔住要買杯野飲消消暑。見到個招牌幾有style，就試下你啦。買咗杯草莓鮮乳地瓜小芋圓（$32），顏色好靚好sweet呀。飲落感覺幾fresh，草莓🍓加鮮奶呢個組合真係永遠不敗。但略嫌芋圓有點硬，整體亦偏甜，有待改善。