Igatti (已結業)

新界區終於都返啲有水準嘅餅店，以後買餅唔洗突登出港島區喇😝Igatti近期進駐屯市一期，主打多款不同拿破崙，亦會因應季節定期推出新嘅時令水果口味～風櫃裡擺放嘅切餅，賣相都絕不失色於酒店貨式，層巖疊嶂嘅餅層、鮮艷飽滿嘅水果，每次經過都忍唔住停低腳步觀賞。難得近期輕咗少少，決定獎勵吓自己，唔食邊有能量去減肥🌝 經店長推薦下，揀咗 人氣草莓🍓 同 甜度較低嘅咖啡 口味☕️草莓 三層酥皮，第一夾層為吉士醬、一開四嘅新鮮草莓，第二夾層為口感紮實嘅牛油蛋糕。因為吉士醬佔比不多，加上帶微酸嘅莓味中和，整體甜度剛好；餅皮挺拔薄脆，因微微受潮未算非常鬆化，蛋糕略微偏硬，如果可以換返吉士會更可口🫣咖啡口味夾層為咖啡吉士醬，略帶甘澀以及可可香，入口更香而不膩。無受到水果汁液影響，拿破崙餅皮比水果口味酥脆，加上甜度較低，個人比較中意呢個口味😇

🧡❤️💛精緻的拿破崙蛋糕🍰經過見到依間拿破崙蛋糕店，櫥窗入面嘅拿破崙都好精緻🥰聽店員講每日都有唔同口味，而水果系列係最受歡迎🤪既然第一次嚟，就買2件試吓先🍰💛芒果拿破崙💛 $54千層酥皮果然酥脆😝，夾住自家製吉士同埋新鮮芒果🥭，芒果甜度足夠，整體口感豐富😚酸酸甜甜，好味！❤️草莓拿破崙❤️ $54一樣都係酥脆嘅千層酥皮，今次就係自家製吉士配新鮮草莓🍓，頂層除咗有士多啤梨🍓仲有cream cream😋酸甜又滋味！今次食咗2件，感覺唔錯😗千層酥皮夠晒酥脆，配上軟滑吉士，真係會食上癮呀！有機會食埋其他口味先！😍📍Igatti📍屯門屯順街1號屯門市廣場一期1樓Kiosk 6

最近見到朋友放上社交平台的蛋糕相，被那件精緻的拿破崙所吸引。細問之下，終於得知是一間名為「Igatti」餅店的出品。當天傍晚時分來到店舖光顧，餅櫃內的每件拿破崙蛋糕都好吸睛，所以帶走2件回家。話說店名「Igatti」是一個意大利詞語，解作可愛小貓，難怪logo有貓咪圖案的元素。店家主打的草莓拿破崙，蛋糕上有一大顆士多啤梨和忌廉唧花作點綴。然後一層酥皮、一層吉士醬和士多啤梨果肉、再來酥皮和蛋糕層，層層分明。士多啤梨有少少酸，而當中以底層的酥皮最有酥脆之感。這件就有一塊oreo餅乾作裝飾，但可能放久了，口感是腍的。整件以濃烈的咖啡味為主調，oreo味就不太明顯。酥皮層帶著微微牛油香，不過同士多啤梨那件一樣，頭2層會因吉士醬而軟掉，這裡就有少少遜色。

早前品嘗了鄰鋪的拿破崙蛋糕印象不錯，今次走過此鋪看到件裝拿破崙頗吸引，加上正處於推廣優惠中，決定買2件作晚上飯後甜品。1個大階磚之格便是另一拿破崙小店，售賣相同甜品鋪位設於一起甚有有壓力，難免比較。正在推廣期中的IGATTI以深木及黑色為主，小小鋪面貼滿及擺放各式各樣拿破崙蛋糕，確實頗吸引大約有10款口味拿破崙有售，有件裝亦有原個，還有4款焗芝士蛋糕提供，今次買2件不同味件裝拿破崙試試～酥皮尚算酥脆但未算鬆化，意外地食完成件都不覺溜，因為酥皮之間夾住自家製吉士醬，吉士醬飽溜度較忌廉少，更多添牛奶及雲呢拿味，令味道不只是砂糖甜般單調。味道更有層次，不論夾心的吉士或表面的忌廉都甜度適中，底層還有士多啤梨增加清新度，士多啤梨清甜。酥皮之間同樣夾著吉士醬，此拿破崙餡則沒有夾著蜜瓜粒，口感較單一，略嫌少了一份清新感，幸好同樣也不覺溜，放於表面的2顆蜜瓜甜度與水份中庸。整體味道與口感都不俗，期待品嘗其他口味的拿破崙或其他產品。

此店出品選用優質食材 自家製吉士今次揀選了⭐芒果拿破崙店舖主打用上新鮮生果 陣陣芒果香的確香甜帶微酸 中和了吉士的微甜只是餅底略為微濕 整體味道賣相都不錯・⭐草莓拿破崙拿破崙上面放有草莓及cream 每層都舖有草莓跟自家製吉士餡料絕不吝嗇 夾雜著吃 味道相當匹配只嫌有部份餅底未夠酥脆 不然就更完美・⭐雲尼拿拿破崙店員介紹這個跟栗子都是新產品加入新鮮牛奶製 吉士跟上面兩款有分別是新配方雲尼拿吉士 濃濃奶香微甜喜歡牛奶味甜品的朋友仔 這款很適合