咖啡弄 (已結業)

平時阿媽都係中意食川菜多 台灣野比較少食所以今日行完街就帶佢去食下去到2點幾都係要排排左40幾分鐘 好彩阿媽等得《玉米里肌司可頌》入面都幾多芝士 而且有D蕃茄生菜可以中和返油膩感 食落去口感豐富 不過有少少咸但未試過可以試下唔伏《草莓冰淇淋鬆餅》呢個係我至愛窩夫好厚實 入面無空氣 但士多啤梨唔夠甜都係偏酸食左甘多次水準都算Keep到必試…Read More

三個人一起來吃，點了三份「玉米里肌司可頌」，即是粟米火腿牛角包，還加上不少芝士，實在是太好味！幾乎每次也會點這個！另外加了一份「鹽酥雞」小吃，這個沒有很特別，中規中矩吧！最後，來咖啡弄，當然是一定要點「草莓冰淇淋鬆餅」！三個女生，點了五份東西，其實是有點多，但忍不住！😋😋😋😋😋而且我們胃口超大，全部吃光，很過分吧！XD沒有在台灣吃過這間，所以未能作比較，但對這店的出品感到滿意, 只是感覺銅鑼灣店坐得較舒服。…Read More

好耐冇食呢間，幾年前都唻過幾次，每次都會食得好開心今次主要係慶祝朋友生日，星期六既晚上，只係等咗一陣就有位，唔算太滿座終於食到黃金拿破崙千層派，以前每之唻到想食都賣晒，第一次食，味道真係幾好，不過切落去就散，可能裡面係cream既關係仲有呢個草莓冰淇淋鬆餅，每次都一定要食，賣相已經好靚好吸引，有雲呢拿同草莓味既雪糕，好正！草莓絕對係唔少女生至愛既甜品仲點咗份鹽酥雞，好鐘意鹽酥雞既口感同味道，再加埋檸檬汁真係好配搭，食唔停最初其實想點杏鮑菇加鹽酥雞，點知杏鮑菇賣晒:(希望下次可以食到…Read More

今晚和愛人食最好味食物，系最幸福的事，上次去台灣，咖啡弄就在隔離街都無時間食到，今次在香港滿足自己啦兩間分店都是上樓食什麼好啦咖哩味不太辣，包外皮脆口，豬肉碎入味好食我愛鬆餅啊，超厚身大大粒士多啤梨，好甜啊，包含住士多啤梨雪糕和吉士，將雪糕掃滿鬆餅上面，咬一口，上凍下暖，好好味啊紅豆抹茶，濃郁抹茶香味，紅豆惹味自己加圓肉干，哈哈哈，好特別好多材料，有圓肉，紅棗枸杞，好夠甜，健脾養胃，補血，足料啊，邊食邊飲…Read More

今日約左幾個朋友食飯, 大家都想食D輕食, 有人推介左咖啡弄. 對上一次食都已經1-2年前, 果陣食咖啡弄至少要排45分鐘隊, 今次去到, 發現原來訂位服務, 朋友話已經實行左好一段時間. 雖然我地7.15去到, 但可能落大雨關係, 冇乜人等位. 可是用餐時間只限1.5小時, 於是同朋友等齊人先入去.我地叫左鴨胸沙律, 一如以往既幾味道, 菜同青/紅/黃椒好爽脆, 夠新鮮, 鴨胸肉鹹香幾入味, 肉好實淨, 有少少咬唔開, 不過都OK! 另外叫左總匯三文治, 原本以為會好似茶餐廳公司三文治咁, 但比我想像中足料, 蛋, 火腿, 肉, 青瓜, 蕃茄, 要有既都有齊, 仲有少少沙律同粟米片(味道似係超市買倒既DORITOS)伴碟, 特別要讚下個蛋, 煎得又滑又鬆軟, 加埋個烘得脆脆既麵包一齊食, 一流! 身為甜品FANS, 特地叫左兩個waffle, 草莓冰淇淋鬆餅同埋葵瓜子芝麻冰淇淋鬆餅, 草莓雪糕OK, 雖然唔似有真草莓係裡面, 但味道OK, 旁邊既草莓伴碟大大粒, 微甜, 質地都實淨, 幾好, 窩夫熱辣辣, 外脆內軟, 加埋配料一齊食幾好味! 葵瓜子芝麻冰淇淋鬆餅, 有驚喜! 雪糕好有芝麻味, 感覺好似芝麻糊, 而且唔太甜, 旁邊有一杯仔芝麻醬, 非常之香, 感覺似係有真芝麻係裡面, 有誠意! 另外有個黃色好似雪糕既物體, 一食之下先知原來唔係雪糕, 類似栗子溶, 食倒有少少夥粒, 似係新鮮製, 這個配搭幾有新意, 而且同平時食開蛋糕上既完全唔同層次, 好味, 加埋窩夫一齊食味道非常之夾, 好似吉士醬咁, 但絕對唔油膩, 推介! 另外因為最低消費, 每人叫左杯野飲, 我叫左熱既洋甘菊果茶, 茶冇乜特別, 係平時茶包沖出黎既味, 要讚既係佢生果分開上, 唔似部份餐廳會將生果放入個茶壺裡面, 焗到林晒, 沖出黎會有渣, 我食左佢D生果片, 幾脆口幾新鮮, 中意飲果茶既可以試下!真係要一讚咖啡弄既質素同我1-2年前食既一樣, 幾好味又抵食, 想係尖沙咀搵倒呢個質素, 真係好難. 值得推介, 我一定會再黎!…Read More

早兩日去尖沙咀排舞，落堂已經近九點，見難得無乜人排隊，即管坐低食。點了一客草莓鬆餅，賣相一流口感好正，格仔餅夠厚身，個漿調得好，蛋香十足，配了一球草莓雪糕、一球吉士、一大堆鮮草莓這客黃金𥖁見到就好興奮口感比預期遜色，略嫌太多cream，酥皮不太脆，但算係好味的，可試兩個人就點了一客鮮果茶，主要係見隔離位有點，賣相不錯味道不錯，不太甜，生果粒都多，有橙、蘋果、檸檬，酸酸甜甜，幾開胃其實之前在台北旅行都有食過咖啡弄，過江龍來說，這間算係能保持水準，價錢唔太貴，但開咗咁耐都只仍是只收現金，呢樣有待改善…Read More

咖啡弄已經在港開業一段時間，隨即捲起一陣飲食的台風熱潮，大大小小的台式餐廳相繼臨立，有主打文青路線、懷舊風格及少女風情等。不同台式餐廳都各有特式，但總覺得咖啡弄有不能代替的地位。它雖然是連鎖餐廳，但卻意外地擁有著cafe的感覺，而且食物質素與環境沒有因餐廳規模變大而改變。上次光臨銅鑼灣分店，今次則與曾在台灣留學的朋友來到尖沙咀分店品嚐一進漢興大廈便會見到牆上已貼著前往咖啡弄的指示，只要步行上1樓便會看到圖中的大型餐廳名，左邊已是餐廳大門當晚大概8點半到達，店內已經人山人海，店員示意不用拿號碼牌，只需要排隊等候座位即可在排隊等候期間，發現咖啡弄的卡名非常有特色，我與朋友一共找出了5款印出不同花的卡片，花圖案則以水彩繪畫，款款都很精美，我們各自也不忘拿了一張作留念。大家可以估下最後我拎左邊張😆？由於我們大概等候了45分鐘，所以在等待期間已經想好想點選的食物，一就坐時便可立即點菜。當看到菜牌時，我的台灣留學朋友驚訝價錢與台灣cafe相近，估不到沒有因在港擴充業務而大大加價一共有4件鬆餅，有2球雪糕，雪糕外圍圍著士多啤梨，最後更淋上士多啤梨醬鬆餅送到時的溫度屬暖偏熱，質感扎實厚身但不失鬆軟，感覺有點像蛋糕。溫暖的鬆餅把雪糕溶化再配上酸甜的士多啤梨，令平凡的鬆餅增添了味道與層次感，4件札實的鬆餅真的會令女生飽肚，如果想嚐試更多菜式，建議與朋友分享牛角包包裹著生菜、番茄和火腿，最後淋上芝士、煙肉粒和粟米粒。隨碟附送粟米杯、沙津和沙津醬。軟綿綿的牛角包與其他餡料非常夾，非常容易咬開或切開，本以為濃郁的芝士會非常咸，但原來咸度剛剛好，反而把淡味的三文治帶來一份味道，整碟菜式很清新，但同樣份量對於女士亦很飽肚鹽酥雞上菜時，台灣留學朋友即時讚鹽酥雞夠地道，因為她說有些台灣人吃鹽酥雞會配蒜頭，而該餐廳的鹽酥雞貼心地隨碟附送蒜頭及檸檬。鹽酥雞溫度屬熱，灑上鹽與胡椒，皮薄脆身可口，而且肉質嫩滑，不知不覺與朋友在談天說地期間吃光了，會食上引架！沙冰的冰與奶比例剛剛好，而且Oreo碎豐富，愈食一口也有濃烈的Oreo味，除了Oreo外，沙冰中還有朱古力粒，增添了沙冰的口感—————整體評語：味道-非常滿意所點3碟食物和飲品的味道，所有食物富有層次感，而且溫度剛好，特別是冰淇淋鬆餅系列，個人應為鬆餅溫度不需要太熱，溫度剛好能使冰淇淋溶化而不燙口，而咖啡弄就做到這一點.服務-由於咖啡弄長時間人流高企，服務員也忙個不停，所以他們都收起笑容，快速努力地工作，雖然在人流多時難以顯出親切的態度，但上菜速度是頗快的.衛生-所有餐具和用具都非常乾爽企理，沒有殘留物或污垢.環境-雖然咖啡弄所售買的是cafe食品，但由於人流眾多，始終都較嘈吵，但座位與座位之間尚算有空間，枱亦有足夠空間擺放餐碟，因為一般餐碟也較大.抵食-抵食指數頗高，據台灣留學朋友稱其價錢與台灣 cafe無異，像是沒有因鋪租等成本問題大幅加價，而且碟碟份量頗大，正常食量的女生自己一碟已經很飽肚…Read More

對上一次去的時候係2年前和朋友去台北旅行去的，品嚐左佢招牌菜式「墨爾本龍蝦包🥙」、水果鬆餅同埋特式水果茶🍹，賣相好用心而且味道好味🤤，食完一生難忘。而今次，很有幸地可以重返依間餐廳，不過係尖沙咀開的「咖啡弄」😂因為我朋友早前話想食，就趁放假可以一齊品嘗美味的下午餐😛 Walk in竟然唔駛等位，因為之前聽聞銅鑼灣果間要排一個鐘😅，訂位唔係咁易訂到位，可能今次下午時間無夜晚咁多人，不過枱就限時一個半鐘，最低消費每人至少一杯野飲。餐廳環境同台北店的差唔多，侍應安排我地坐卡位，又可以坐得舒服d😘但傾計唔係太傾到，因為有點嘈，可能空間唔大。朋友一坐底好興奮話要點果份''🍓草莓冰淇淋鬆餅''，佢話一定要試，由於時間有限，而且我地目標清晰想食咩，就好快order完下午茶：蒜蓉蝦芝士烤吐司（忘了係咪依個名）、咖哩牛腩飯🥘、草莓冰淇淋鬆餅、一杯冰鮮水果茶🍹、一杯冰可可亞🥛🍫首先個烤吐司黎到前，侍應將新鮮滾熱辣的「濃厚芝士」係蒜蓉蝦上面淋落去，再加返d煙肉碎增加佢味道。賣相好睇，食落去個包邊好脆、咬落去蝦肉加汁好juicy、煙肉又香口，側邊仲有沙律好fresh又健康☺️加汁好味，食落都幾好又有新鮮感。另外，「咖哩牛腩飯🥘」之前食過一次今次再嗌返因爲太肚餓驚唔夠飽😝佢係印度咖哩味道，有點辣，不過我接受到，醬汁香濃順口，牛肉份量都夠，肉質厚實帶有筋 的Q感，裡面有大塊而且好入味的薯仔，白飯煮得軟硬適中👍🏻我地2個人食都岩岩夠食😚而「草莓冰淇淋鬆餅」基於係甜品關係無咁快到，侍應貼心等我地食完所有主菜最後先幫我地送上。賣相好靚.....d草莓加鬆餅太犯規😍，依份鬆餅強烈建議2人一齊食，超級有料，草莓至少大概有6-7粒，都幾大粒，伴有草莓果醬，卡士達醬，仲有草莓味雪糕，鬆餅4塊。鬆餅好厚實，外酥內軟，焗得岩岩好，而且香氣十足，放係枱上已經香味四溢，鬆餅ge 熱度令雪糕一下就融化，一啖咬落去可以明顯感受到嘴裡面冷熱交替的奇妙滋味。不過食一件已經好飽，所以建議2人一起order😝另外草莓方面帶有點酸，可能遇唔到草莓ge當造季節,無咁甜，但配埋卡士達醬、奶油就會好d。「冰鮮水果茶」都係依度ge人氣推介，好大一壺，另外附上一杯裝有青檸的杯子，可以分開裝黎飲。依杯水果茶份量好多，2人份量，入面又有好多五顏六色的鮮果，包括有：鮮橙、菠蘿、火龍果、百香果等等......賣相ok而且味道酸酸甜甜，好醒胃，可以一路飲一路食水果，好清新又健康☺️ 如果夏天黎飲會好消暑！如果濃度方面可以再淡多少少就好d, so far 整體都唔錯!而最後我地因爲好奇叫左一杯「牛奶冰棒可可亞」依個設計真係好特別又好有心思！佢係將熱可可加入特製牛奶冰棒之中等佢融化，佢仲有兩塊特濃朱古力片比埋你，um...不過飲落去同平時飲的朱古力奶差唔多，試一次就可以！…Read More

本人其實係台灣已經食過咖啡弄，但因為念念不忘佢既鬆餅同水果茶。因此，番到香港都想再試一次。我今次去左尖沙嘴個間，由於假日，等左起碼超過一小時先可以入到去。我就叫左杯熱水果茶同埋草莓冰淇淋鬆餅。先黎既係熱果茶，用茶壺載住啲果茶，內面有好多生果如橙，蘋果，檸檬，藍莓等等，可以飲到3杯到。 我覺得同台灣既味道相差不遠，好好味呀，我太喜愛呢個果茶吧。跟住就係個signature dish，由於本人係草莓控，所以一定要草莓味。香甜既草莓醬，草莓雪糕，再加埋甜甜地既吉士醬，同鬆餅一齊食，簡直係天堂既美食。分量又夠大，啱哂我呢d大食之人。…Read More

😋粉紅草莓樂🍓再嘗龍蝦堡😍👌🏻墨爾本龍蝦堡 Melbourne lobster roll $152：龍蝦肉質嫩嫩，加上清新秘制醬及細蔥十分滋味！焗包外層薄脆，只可惜裡面有點乾。配菜有香氣四溢炸薯，同秘制醬完美搭配。仲有沙律菜配橄欖檸檬汁都幾可口。整體味道很好，只希望份量可以多啲🤤✅Waffle with fresh strawberry & strawberry ice cream 草莓冰淇淋鬆餅 $60：草莓新鮮香甜，下面有一球係士多啤梨雪糕，而另一球竟然係係吉士醬！熱窩夫胖胖的，蛋香十足，質感厚實而且唔會吃到一粒粒糖，呢個份量要餵飽兩個人完全無難度。雪糕、吉士、窩夫、草莓 組合好夢幻！又睇得又吃得真幸福... 比起咖啡弄正餐同飲品，感覺呢個甜品更好味抵吃❤️👌🏻tiramisu latte $44 : 比較苦…Read More

咖啡弄咖啡弄永遠是一個最放鬆和性價比很高的地方來享用美食，咖啡弄來自台灣，有裝修與食物上都有著台灣注重的小清新，例如店內的Menu就好像一本雜誌‧報紙，十分吸引首先，我選了一個總匯三文治，材料十分多，有蛋，火腿，雞，生菜等等，麵包亦有烘過，所以吃起來脆脆的。旁邊也配有蛋沙律，因為我最喜歡就是蛋沙律，所以我一定會說好吃也點了一份草莓冰淇淋鬆餅，有四份鬆餅及幾粒真真正正的士多啤梨，鬆餅也是超級厚實的所以沒有欺場。而且拍照起來真的很漂亮，咖啡弄最出名的鬆餅果然沒有令我失望，大家也可以一試呢…Read More

台灣美食，一直都好愛，特別去台灣周街都係cafe呢間開左好耐嘅大家知係台灣開過嚟香港嘅一入門口就係台式普通話嘅“歡迎光臨”，份外好聽😍由2013年2月進註香港到今時今日，依然都係排住隊等食今日朋友正日生日，request嚟呢度就要排幾耐都奉陪，而且我自己都想食14:00上到去，今次只係等5張枱，等左25分鐘喥，我覺得都算快排隊期間，有book枱客到，太耐無嚟，原來已經接受訂枱今日3個人嚟，Order左4樣1️⃣台灣鹽酥雞2️⃣北極蝦沙拉吐司佐馬鈴薯3️⃣烤雞Pizza4️⃣草莓冰淇淋鬆餅另外一人一杯飲品：熱鮮果茶、熱柑桔蜜、熱朱古力人龍遇見是常識熱鮮果茶，橘子味較濃，比較酸個人覺得同鮮果茶味道差唔多，柑桔味唔特出，都比鮮味茶甜啲熱朱古力，綿花糖係分開上，size亦比較大粒，建議用小size的會比較好鹽酥雞係台灣嘅街頭小食，基本上隨街都買到咖啡弄呢度嘅鹽酥雞有少少辣，size啱啱好，唔太大，唔太細，外皮唔會好厚，味道仲好好北極蝦沙拉吐司丘馬鈴薯，呢個唔大啱我個人口味，蝦係嫩蝦，細細粒，但沙律醬偏淡酸又有少少甜，個人覺得好奇怪用多士做pizza底，其實無咩特別，正常味道反而伴菜個蛋沙律好好味，可以塗埋上pizza度一齊食，又係另一個味道其實去台灣，喺捷運中山站附近有間叫“米朗琪”嘅cafe，係我食過鬆餅最好味嘅一間，每次介紹朋友去都100%話好好味，因為鬆餅好重蛋香味，呢個味道我未喺第二間食到，包括“咖啡弄”，但啲士多啤梨係無得輸嘅…Read More

眨眼間，咖啡弄已在香港開業了數年。想當初，只有銅鑼灣店，為了一嚐他們的草莓鬆餅，所有人在狹窄的樓梯排個多小時，真是想起也覺得瘋狂！數年後，咖啡弄現在於尖沙咀也有分店，人流亦得以分散。原本我以為已不用排隊，但我低估了他的受歡迎程度！星期六下午一時多，店外已有不少人等候。當然，人潮早已沒有剛開業時的多。 每次來到必點草莓冰淇鬆餅 $60 一份四塊的鬆餅，非常厚身，外面微脆，內軟口感紮實有彈性，配合一大球草莓雪糕，吉士醬，新鮮草莓以及草莓果醬，十分美味！ 或許太長時間沒有吃，我覺得比起以前，現在的水準更佳！ 香草雞肉巧巴達三文治 $56 這款三文治用了Ciabatta 並非普通方包，個人更喜愛這款包的口感，烘熱後比較脆和乾身，配合香草雞肉和沙律菜一起進食，味道上質感上都頗豐富。飲品方面， 要了一杯海鹽焦糖拿鐵 $50 賣相精緻，latte奶味偏重，咖啡味較淡，有微微焦糖味，但不會太甜，整體中矩中規。附送的鮮忌廉很幼滑，果仁很脆。另一杯飲品要了冰滴咖啡 $60 咖啡的冰其中一粒是用咖啡製成，原意想保持冰凍口感之餘又不會減淡咖啡味道，但為何只有一粒是咖啡冰？實在有點摸不著頭腦，但冰滴咖啡的味道是不差的，咖啡味道濃郁，沒什麼酸味，但稍為欠缺了層次。 整體而且，我覺得咖啡弄的食物比飲品佳。 …Read More

每逢假期都要面對長長的人龍，等候時間頗長。所以閒日去能夠避免排隊之苦，店內的佈置尚算簡潔，座位也寬敞。草莓冰淇淋鬆餅($58)，鬆餅整齊地排列著，四件厚厚的鬆餅散發出香濃的蛋香味，碟上更伴隨著一球草莓冰淇淋，並且有很多草莓在旁邊，賣相不俗。再淋上草莓醬和煉奶，即使草莓有點偏酸，也可以中和酸度。草莓的酸度也是可以接受的。鬆餅除了有香濃的蛋香味外，質感也很軟熟，有點像日式蛋糕的口感，配合著草莓醬和草莓冰淇淋，口感有種甜甜的味道，十分匹配。甜品評分:7/10店鋪評分:6/10…Read More

來到星期天，爸爸又要打波，三口子上教會後，媽媽又帶同妹妹，約朋友在尖沙咀咖啡弄來頓久違了的茶聚。說來大鄉里，怕排隊的我，香港咖啡弄才是首次試！感覺挺不錯呢。　　一來先點了非常馳名的 水果茶 ($58)，以現切新鮮水果製作，非常真材實料、果味濃郁，清新好喝又解滯，一壺可以倒出很多杯，味道與份量都令人很滿足呢！　朋友說又這裡新出了很多款美食，那就每款都來些，首先是 鹽酥杏鮑菇：薄身脆口的炸漿緊鎖飽滿肥厚的菇身，效果香口惹味，稍加一點檸檬汁會帶來更芳香的食味。也點了 鹽酥雞，成品又是香脆不油，不過相比之下較喜歡肥厚的鹽酥杏鮑菇食感。　也點了朋友大力推介的 墨爾本龍蝦堡 ($148)，烘得香口美味的軟包中盡是鮮美彈牙龍蝦肉，那醬汁微帶芥末香氣，每啖都是滋味；同上的薯角亦十分香糯，點上沙律醬吃十分美味，再加上清新的沙律，陣容與誠意都是十足，值得一試呢。去到甜品環節，當然要吃 草莓冰淇淋鬆餅 ($60)：超厚身的鬆餅分別可拌吉士醬及士多啤梨雪糕吃，甜美好吃，最妙是拌上超大堆頭的清甜士多啤梨，食感十分幸福，一整份都吃光了！還嚐了新出的 繽紛莓果熱蛋糕，成品融合了南美玉米麵包及紮實及海綿蛋糕的鬆軟，並有　Ricotta 芝士的香氣，再加上酸甜繽紛的雜莓，香甜而不膩，一整份又給清光！　最後，為了後醒的妹妹，又加點一份 蛋沙律三文治 ($44)，成品簡單得來挺好吃，為食妹一吃就是兩件，大家都吃到無比飽足兼滿足的離開。順便一帶，尖沙咀店有lift，推車來也方便！　事實上，囝囝因病去不了檳城，而下次旅行就是三月尾的台北之旅，咖啡弄的這頓下午茶也帶來新的盼望與憧憬。人，就是要向前看嘛～:)…Read More