漁民麵館 (已結業)

咁岩入天水圍學插花，順道同住元朗嘅朋友食晚飯，佢推介花膠麵，心諗應該要起過百蚊一碗，我呢個朋友對食比較高要求，所以我望到menu價錢都呆左！$48有一碗燜冬菇花腸撈麵？太抵食了！上菜見到冬菇大大隻厚肉燜得好入味，花膠仔爽口彈牙，個汁同撈麵味道好夾，我記得自己都冇乜點撈湯！食飽左個花膠麵之後再叫個$55足料嘅紅棗花膠燉鮮奶，超級滋潤，花膠嘅膠質都溶左喺鮮奶度，鮮奶飲起黎係張住個口的，岩岩轉涼嘅天氣飲好滿足！

食多左係要還嘅，星期六就入左元朗大棠行山。行完幾粒鐘，落返山已是下午茶尾聲時間，決定入得黎元朗梗要試下元朗名物，終於揀左花膠麵，補返啲骨膠原。可能因為已經4點幾所以唔使等位，但都有7成滿。其實佢個餐牌都幾單調，基本上係得花膠同海參單拼、雙拼甚至拼盤的選擇再有啲花膠燉品、熱飲、幾款小食咁。叫左個小食，秘製辣醬皮蛋老實講，個醬一啲都唔辣，幾咸下本人唔鍾意食海參，所以只叫了花膠蠔汁撈粗，麵食黎講已經係最貴 $48，有4、5塊大花膠，同埋4舊厚肉花菇，食完好飽下似呢個價錢黎講, 花膠係俾足料，唔會薄chic chic，質地係偏爽脆。而蠔汁冬菇好厚，但本人覺得太咸。漁民湯麵，其實就係花膠同海參雙拼，相對地，條海參就細左啲，大約手指尾大小，不過$40，又花膠又海參又冬菇，仲想點。平時食碗譚仔或車仔麵都唔止呢個價。加6蚊可有罐裝汽水或豆漿，其實好抵。再黎碗花膠燉鮮奶share，$55，大碗，夠兩個人share，料都好多，個人覺得偏甜，朋友覺得ok總括來說，入開黎元朗不妨一試，但特登入黎又唔使，因為喺荃灣同尖沙咀好似有分店架！價錢唔知係咪一樣呢?

話說呢排好忙好多野煩，為食媽話帶我去食番d好野補一補..原來係黎食花膠~~~為食媽之前黎食過，佢介紹我黎呢度除左食花膠麵，仲一定要食個肉鬆豆腐同皮蛋酸薑喎...花膠紅棗燉木瓜為食妹唔識分花膠靚唔靚呀..不過好唔好味都仲識分..呢個燉湯應該都幾補既，不過飲落就有啲腥...覺得木瓜同花膠個味道唔夾...花膠蠔汁撈麵呢個麵既size岩岩好~個花膠炆得好淋好入味，入口完全吳洗咬~值得一讚既係佢伴碟既大花菇都炆得好入味好好食！為食媽推介既兩個小食~~桂花蜜皮蛋酸薑....um...都幾好食既..不過我覺得就無咩特別...咪普通既皮蛋酸薑咁囉...海參肉鬆豆腐呢個個樣唔多討好，不過又真係幾好食喎~d海參都幾多下，仲好爽口而且一d都唔腥...個汁都幾濃..但夾埋個豆腐一齊食岩岩好。食完呢餐~補一補感覺上即刻靚番哂~~

星期日想試下這間之前在元朗專頁力捧的餐廳，主打養生花膠。看到價錢很親民，當然要一試。星期日無疑要排隊，店舖不算大，幸好食客都食得很快，等了大概20分鐘後便能入座。首選花膠蠔汁撈麵，$48一碟配有一個湯，這個性價比真的超高口感滑溜的花膠鋪在粗麵上，旁邊有冬菇和菜心。蠔汁味濃，粗麵有淡淡鹼水味，好吃但這個花膠雞絲魚翅就一般，感覺像吃即食碗仔翅，質地過膠和濃稠。魚翅裏有三塊大花膠，口感像咬膠，要嚼超過1分鐘才能嚼開。本人比較喜歡撈麵的花膠，口感較淋身，易入口。另外，雞絲不多，反而冬菇片就過多。秘製辣汁伴皮蛋不過不失，秘製辣醬應該是普通的辣椒油？！本人不太能吃辣，也覺得辣到OK，可以一試。這裏有很多花茶選擇，這次選了雪菊柚子花茶。幾朵小菊花浮在水面好可愛，可惜柚子醬過多，掩蓋了菊花的清新味道，變成了一杯普通的柚子茶，賣$22不太值？下次試其他花茶吧！總括而言，這間漁民麵館性價比高，以此平價可吃到花膠菜式，在香港實在少有，可bookmark為月尾最佳選擇，哈哈！

嘩！係真唔係呀！ 48蚊食到大大塊花膠？！元朗多好野食不嬲都知，但呢間小店最近成為元朗區既新寵！睇黎一定係有佢既特別之處～今日黎到元朗，就一於試下佢既真偽！晏晝4點半黎到，店入面客人只係半成滿，好彩唔洗排隊～因為得一個人既關係，所以只係叫左花膠蠔汁撈麵！拿拿拿！ 實物與餐牌竟然係相符嫁😍😍😍完全唔係果句「圖片只供參考」😂花菇有4大舊，仲要厚過我手指兩倍呀！絕無欺場！到主角花膠啦，有4大塊😍相信大家最想知個味道！本人覺得花膠有一半炆得唔太夠，有一半就好林好好味！（不過人人口味唔同，有人鍾意爽d，有人鍾意林d) 仲有滿滿既膠質🤤 花菇都好入味!唔好睇佢好似細細碟咁，其實食哂係好飽！我仲好欣賞店家既餐具🍴好有質感！完全係襯哂花膠～聽聞遲下會研究海蔘做既菜式，大家可以期待下😋😋😋

有元朗朋友介紹，話有平價抵食花膠湯麵，即刻去試試！味道：🌕🌕🌕🌑🌑環境：🌕🌕🌕🌑🌑服務：🌕🌕🌕🌑🌑衛生：🌕🌕🌕🌑🌑抵食：🌕🌕🌕🌑🌑.🍴花膠蠔汁撈麵（$48）🍲元朗都幾多人食，以花膠為主，配以無味精雞湯底，的確食完唔會口渴。👍🏻同一碟入面有d花膠較爽口，有d較腍，呢個價錢仲想要求咩野？麵可以自選，有得配粗麵、幼麵、米線、米粉。撈麵會配一碗湯比你，不過，鹼水味稍重，可能食米線米粉會好d。.🍴花膠湯麵（$38）🍜花膠湯麵嘅湯底係唔同撈麵配果碗湯，呢碗係濃少少，花膠會腍身少少，由於湯麵會無撈麵果d蠔汁，所以會無咁濃味。另外，佢呢到d冬菇幾好食。.餐廳：漁民麵館 (元朗)地址：元朗擊壤路9號金寶大廈4號地舖

窩夫與蝦子餅日前在元朗光顧了一間主打花膠的新食店。漁民麵館採用正宗北極鱈魚膠，零污染叫人吃得放心，煮法有鹹的亦有甜的，滿足不同客人的口味。不吃花膠的話也有其他選擇。窩夫點了花膠湯米($38)，花膠的份量不少，炆得很入味，膠質很重，大大隻的冬菇很厚肉，同樣有水準。蝦子餅點了花膠蠔汁撈麵($48)，窩夫個人認為湯麵的味道較好。愛入廚的朋友還可以買些花菇和花膠回家自己動手煮。

Openrice之前既新推介 花膠麵阿😍😍😍應該無一個女士係唔想食既😝😝我一見到就同男朋友講想食啦😍😍我地叫左一個花膠湯麵 一個花膠蠔汁撈麵😋😋咁就可以試哂兩款啦😍 花膠阿🤤🤤撈麵其實係多少少冬菇同花膠既 賣相一流哦🤤食落我就覺得咸左dd🙈 湯麵就正好多🤤份量一位女士岩岩好！d花膠有d厚身d 有d薄d 食落唔會話腥！每啖都骨膠原哦😝😝 冬菇就炆到好入味 但又唔會話好咸 空口食都okay😙咁有幾舊花膠又冬菇 都係$38(for湯麵) CP值好高阿！😝😝😝仲叫多個花膠紅棗燉鮮奶 本身都驚整得唔好會腥 但原本入面係有薑架(小妹屋企都無落既🤔🤔) 所以好香薑味😛唔怕腥 有d似薑汁撞奶咁hahaha 好大碗！同男朋友share都好多😋😋紅棗煲完又特別甜 好適合女士食哦😍😍😍 下次帶埋媽咪黎食先💁💁

經過巴士總站附近見到呢間新開嘅食店，主打嘅係花膠，價錢又唔貴，咁吸引，梗係要去試下啦。$38有花膠湯麵你食，咁滋補嘅食物又真係好難唔心動嘅。一上枱，賣相都幾驚喜，花膠都幾多下。冬菇好厚肉，炆得好淋好入味，而且仲有幾條菜，感覺都算健康。另一款係花膠蠔汁撈麵，今次揀左粗麵，感覺一樣咁足料，都係有菜有花膠冬菇。蠔汁撈麵比湯麵濃味，兩種食法各有特色。睇下你個人口味係濃味定係清淡，我就覺得湯麵清清定岩我多d。另外再外加一碟郊外油菜，份量都唔細，而且蠔油係分開上唔係倒喺菜上面，都算幾細心。佢仲有甜品同埋碗仔翅，不過食完個麵已經好飽，下次經過要試埋其他野先得。

經過元朗廣場巴士總站附近，見到依間新開的漁民麵館，叫埋朋友入左去試下。估唔到依個價錢，可以有咁大塊花膠，性價比高，花膠同冬菇都好入味。推介花膠撈粗同花膠燉鮮奶，食完個鮮奶個咀真係黏住黏住，好潤，一定會再去。講真，咁嘅價錢食咁大塊花膠，好過自己發，推介大家去試吓😋😋😊