Add Some Thai Restaurant

營業中

休息中

星期日晚七點幾APM泊好車再行過去餐廳，尚算方便見到二人餐已經有我想食既幾款菜式就叫咗呢個套餐冬蔭功料足，唔會太辣，入口舒服小食拼盤跟嘅醬唔係出面一般泰式辣醬，如果唔習慣可以問店員拎泰式辣醬芒果糯米飯有3款口味，芒果很甜，再加上椰汁，鍾意食甜嘅人可以一試，餐廳裝修很有特色，燈光柔和偏暗，都幾啱同FD吹水，座位鬆動唔會覺得侷促，叫到一枱食物都唔怕冇位放。

觀塘區內美食店林立，大家都會想起有大量選擇的駱駝漆大廈，今日就跑到「Add Some Thai」來試下泰國菜。睇睇餐牌菜式甚豐富，散叫或套餐都齊全。今次點了二人套餐，套餐包括有前荣，湯，小食併盤，炒菜，還可加$100將主菜轉為咖哩炒蟹, 加多$48有芒果糯米飯甜品。青木瓜沙律 大量爽脆青木瓜絲紅蘿蔔絲生菜絲，配上酸酸甜甜的魚露醬汁，還有鮮蝦做配搭，清新又醒胃。椰青雞湯 雞湯肉味又帶點棷青清香，配搭起其他泰國菜式真係剛剛好。小食拼盤 併盤有八款小食中任揀四款，我就選了香口惹味單骨雞翼，香甜燒菠蘿，沙爹雞肉串燒，彈牙爽口手打蝦餅，款款都十分美味，碟旁還配有脆脆蝦片。咖哩炒蟹 這碟咖哩炒蟹，蟹身都大有肉，咖哩醬汁味道温和，用蒜蓉包配食，夾到絕。馬拉盞通菜 通蔡炒到翠綠爽脆，馬拉戔咸香味適中。芒果糯米飯大大片香濃芒果舖在較糯米飯上，店主還配上椰子雪糕，清香甜美。凍檸檬茶飯後來一杯凍檸檬茶，茶味濃郁檸檬味香散， 解膩消暑。總括來講，這個二人套餐cp值高，選擇又多，下次會再來試過其他菜式，相信一定有驚喜。

今晚去左觀塘工廈一間叫Add some Thai食泰菜。呢排天氣悶熱唔係就落大雨，最啱就係食啲東南亞嘢。一入到門口，泰國氣氛好濃，寬敞坐得舒服，喺餐廳中央有個小小的流水池，繽紛的發光波波游嚟游去好得意。見餐牌都好抵食，尤其是二人餐，款式配搭多，加錢再多啲選擇。套餐已包括嘢飲、頭盤（沙律+湯），小食，自選小炒，主菜同甜品。特飲（+$25 )桑格妮亞，材料有芒果，蔓越莓，橙，菠蘿，檸檬。沙灘小子，材料有荔枝，薄荷菜，青檸。兩杯賣相好靚，好有夏日色彩，我個杯沙灘小子甜甜酸酸，有青檸同薄荷好清新。泰式鮮蝦青木瓜沙律好醒胃，有少少辣，鮮蝦好鮮味，加上木瓜感覺清新。椰青雞湯材料足，有雞、菌類和椰青肉，飲落好舒服清新。自選小食拼盤(8選4)紐西蘭牛柳粒串沙嗲雞肉串沙嗲豬肉串招牌手打蝦餅串燒燒得不錯，特別係牛柳粒好嫩滑必叫，加上特製沙嗲醬。招牌手打蝦餅好鬆化，外面炸得好脆，果然係招牌菜。金邊粉配黃金蝦份量好足，唔會太乾身，黃金蝦一上枱已聞到陣陣香味，蝦好大隻，黃金即係鹹蛋黃好惹味。蒜蓉炒椰菜苗鑊氣夠，椰菜苗出邊比較少食，份量足，炒得比較爽身，幾啱我口味。芒果糯米飯（+$48升級）芒果好新鮮，糯米飯煙煙

食友帶路到這間名叫:Add. Some.Thai.Restaurant:嘗嘗泰式風味，坐落區内工厦的樓上店，門面及內部皆富泰國風😂細看門前招牌寫著: 便了解英文名字: Add.Some.Thai.Restaurant的神髓;原來是泰西融合菜👏👏先點了傳統泰式小食:曼谷經典手打蝦餅， 上桌時 香噴噴，熱氣騰騰，外脆内爽口😋再選:蒜蓉炒椰菜苗;泰西黃咖哩配香煎新西蘭牛柳伴手抓餅;明爐青斑魚;每款都是廚師推介蒜蓉炒椰菜苗, 椰菜苗新鮮爽嫩, 味道中和, 蔬菜味未被濃味魚露搶走😋泰西黃咖哩配香煎新西蘭牛柳伴手抓餅, 牛柳想必是慢煮烹調, 軟滑而仍有韌度, 黃咖哩香而不辣, 配手抓餅妙😋明爐青斑魚, 全餐最正, 整條青班浸在清湯, 肉碎及配菜放在火爐上煮滾, 魚肉火候自己控制, 入口嫩滑鮮甜, 加些湯汁更顯魚味😋芒果糯米飯配雪糕作單尾甜品, 香甜軟綿口感味覺同現😋回憶的泰西融合菜👏

同朋友行完觀塘廣場喺附近搵咗間餐廳坐低唞吓順便食晚飯。喺駱駝漆大廈一座找到Add Some Thai Restaurant ，店內裝修充滿度假風情，座位寬闊，有好多單邊嘅梳化椅，感覺好舒服環境唔錯。☘️🍀二人套餐$388幾抵食嘅二人套餐，包括頭盤+湯+小食+主食+蔬菜👍🏻泰式鮮蝦青木瓜沙律青木瓜絲爽脆清甜，加入微微辣嘅泰式醬汁別有風味。鮮蝦肉質爽彈但蝦味稍欠。椰皇椰青雞湯結合椰皇和椰青，椰子味十分濃郁，有大量嘅雜菇和雞肉，湯底清澈不油膩，朋友極讚好飲！這份小食拼盤十分大堆頭。紐西蘭牛柳粒沙嗲串：十分厚切的牛柳粒，啖啖肉而且肉質唔柴，有驚喜！仲夾雜着大大粒嘅菠蘿同車厘茄。越式絲網海鮮春卷：脆口外皮，內裏餡料比例啱啱好。招牌手打蝦餅：同樣係巨型嘅size，蝦餅質感好實在，外面酥脆，內有很多蝦肉，口感彈牙美味！招牌海鮮菠蘿炒飯用料十足，淨係面層嘅肉鬆鋪得滿滿的。炒飯內有極多嘅泰國臘腸，令炒飯多一重油香，配合各款海鮮，有蝦、青口和魷魚和甜甜地嘅香烤肉鬆，味道非常豐富！蒜蓉炒豆苗加入咗好多濃味嘅配料，有蒜蓉、炸蒜和炸紅蔥蓉，整體味道非常濃郁。另點了軟殼蟹金邊粉，炒得好有鑊氣，金邊粉唔油膩亦都唔會黐

第一日係觀塘返工，跟同事吃工廈泰菜🇹🇭，冇唸到觀塘啲泰菜竟然咁好味😋！而且環境勁大勁正勁有feel🤩，我嗌咗一個泰式BBQ牛扒套餐同埋追加左一款芒果糯米飯，泰式BBQ牛扒 $98牛扒煎得好香夠林，牛扒熟度啱啱好，而且好juicy😍，同出面吃啲高級牛扒差唔多，但只需$98，好抵吃！👍芒果糯米飯 $48芒果好甜同埋好多舊🥭，加上糯米飯好煙韌好有咬口，搭配椰汁🥥，真係好好味😋，基本上係必選甜品！總體黎講，呢餐Lunch體驗非常好☺️，如果平日係觀塘返工嘅話，非常推薦試下Add Some Thai！👍

裝修有特色，令人有輕鬆既感覺1️⃣🐥泰式酸辣鳳爪沙律 沙律同鳳爪各佔一半，伴碟既菠蘿好甜，啲汁落哂係沙律菜到，鳳爪唔係好夠辣2️⃣ 🦐曼谷經典手打蝦餅蝦餅好厚身好彈牙，外層炸到金黃色，配埋沙律醬都幾夾，但如果配泰式辣醬會更好3️⃣🦀黃咖哩咸蛋軟殼蟹配法式蒜蓉包 軟款蟹一開二，外層炸到好脆，但就比較細隻同無咸蛋味，法包同咖啡汁一齊放沉淋左，如果蟹同法包分開放會更好4️⃣🌶原隻大蝦冬蔭公湯 因為怕太辣，所以揀左少啲辣，湯好足料有成6-8隻蝦，仲有少少菇，味道帶酸同偏濃5️⃣🐷泰式燒豬肋骨 （推介指數: ⭐️⭐️⭐️）肋骨唔算多肉，本身味道唔重，係肯面層個醬汁，帶少少辣，不過不失6️⃣🐔泰式無骨海南雞(半隻) 雞肥瘦適中，雞肉都好滑同帶鮮甜味，略嫌切得有啲大件7️⃣🐟泰式明爐青斑 魚唔算太太條，個湯底係甜甜地，則邊有啲豬肉碎，好重香葉既味道，魚質會越煮越老8️⃣🥭芒果糯米飯 最有驚喜係個甜品，雪糕係椰子味，仲帶有椰肉，糯米飯煮到好煙韌軟糯，芒果都好甜🌟餐廳主打泰式fusion菜，唔係正宗既泰國菜

用餐時間：普通星期5 1500今日特登揀左優惠時段 1430-1730黎食，有7折優惠。(唔包括星期6，日，假期)餐廳環境幾闊落，坐落舒服既。呢個湯比較重味精，不過免費黎講真係唔要求得幾多。炒飯賣相幾靚既，不過味道我就覺得麻麻，平時好少食炒飯會落青椒，黃椒，紅椒嗰啲野，所以我覺得唔係好夾，味道一般。黃咖哩做得幾好食，不過牛肋條味道一般。手抓餅係配咖哩食既，不過因為保唔到溫，所以味道一般。濃心魚腐配一隻類似千島醬既醬黎食幾夾。通菜炒得唔算好入味，而且保唔到溫，所以味道一般。泰式奶茶同一般既港式奶茶味道唔同，我覺得幾新奇又好飲，值得一試。糯米飯外觀好可愛。味道都唔錯，椰汁份量適中，芒果好甜，美中不足係啲糯米飯痴埋曬一舊，好難咬。最後埋單免加一係$199，兩個人平均每人$100。其實性價比黎講真係唔錯，咁平都可以食到咁多野。不過餐廳明顯要提升下食物質素，大多數食物都有好大既改善空間。

觀塘工廈餐廳林立，但好味、價錢合理、回頭度高嘅餐廳唔多。Add Some Thai 就係其中之一～ 兩次晚飯都有新發現。第一次full-booking，店員比我地係晚市最早時段walk-in (6 p.m.)，限時2小時。1\泰式沙嗲燒豬、雞串每款各兩串，兩串為一客（$36）。大大舊肉、新鮮口感、肉汁原汁原味，中間夾住脆肉瓜，唔怕啖啖肉食到膩。配沙嗲醬，更惹味。(⁎⁍̴̛ᴗ⁍̴̛⁎)沙嗲醬雖多，但仍唔夠我地一班沙嗲fans用。豬肉肥瘦適中，口感一流。雞肉都好鮮嫩。2\西班牙火腿肉碎生菜包大約8片咸火腿，肉碎份量算多，生菜好fresh。配上特製沙律醬同酸甜醬，好好味。我地整咗8個生菜包，仲剩咗啲肉碎可以送飯喔。3\秘制香辣雞煲雞件頗多，湯底微微辣（食辣程度：譚仔清湯），味道唔算特別出色。好處係無平時果啲雞煲咁油，送飯唔錯。4\蒜蓉炒椰菜 $66椰菜份量唔少，蒜蓉亦頗多。炒得幾香口，只係有啲油。基於大部分餐廳用油較多，所以可以接受。5\白飯 $10 / 油飯 $15叫咗兩碗白飯，但未煮熟...... 店員話白飯未煮熟，建議轉用油飯。剛開始晚市，廚房有機會準備不足，客人要注意喔。第二次晚飯嘅新嘗試👇

前幾日我細妹黎探我班，於是就帶左佢去食好西，黎左附近一家泰國餐廳。呢度用左一條小河做裝飾，最初以為有魚😂😂😂我地叫左兩個午市套餐，餐湯係輕盈泰式冬陰功湯，每碗都有一隻蝦，味道唔算好辣。我叫左個泰式滷水豬手飯配滷蛋及迷你肉碎生菜包($78)。豬手嘅量特別多，每一舊都好好肉地，嫩滑肥美，好正😆細妹叫左個菠蘿海鮮炒飯($88)，裏面都好多料，有青口、蝦同魷魚，上面仲舖左肉鬆，加埋清甜嘅菠蘿粒，好惹味😋另外，我地仲外加左個手抓餅($5)，一碟有四塊。飲品方面，我地叫左清涼椰青($28)，夏天飲就最啱喇😉食完正餐當然要食番個芒果糯米飯($58)，份量都好多，好滿足，不過芒果就有少少酸，但都好食的。因為係下午茶時段，全單有7折，所以真係好抵食。

穿過工廈，走到角落處，發現這餐廳的入口。走進後有如去到另一國度。不論是裝修，餐具還有背景的音樂都充滿泰國風，讓人有如置身異國一樣，感覺很好。食物卻又很有新意。生菜包除了肉碎外，還有咸火腿。嚐味自然不同了，新穎的感覺。冬蔭公湯的水準也不俗，酸酸辣辣的很開胃。最後這款芒果糯米飯甜品配上雪糕，叫漸熱的天氣增添冰涼感。雖然未至炎夏，芒果的甜度也很足，很好。

最近很想很想吃泰國菜，尤其是芒果糯米飯，所以今日找了一家有芒果糯米飯吃的，又是吃午餐的餐廳。*南瓜湯很CREAMY，很香南瓜味，亦都夠熱。*招牌泰式無骨海南雞配黃薑飯（$78）泰式無骨海南雞配黃薑飯，伴了蝦片和沙律。黃薑飯乾身，帶點香料的香。無骨海南雞真是懶人的恩物！雞肉很滑溜。*泰式凍奶茶（+$3）很有泰式茶葉的香。*芒果糯米飯（$58）來到吃甜品的時候，一碟兩個人分剛剛好。糯米飯很煙UN，伴了椰漿，很香，很有罪惡感！芒果很甜