新泰東南亞餐廳 (雙子匯1期)

不論食物，環境，服務，都非常好。難怪Fully booking😂值得一讚，雖然繁忙，經理同員工都會好細心照顧每位客人。今時今日嘅飲食業，實在難得。最推薦：芒果糯米飯👍🏻👍🏻👍🏻超級非常好味，先讚一下紅糯米，每粒都好有咬口，煙煙韌韌，米味香濃。椰汁亦煮得很好，芒果亦很新鮮。椒鹽軟殼蟹👍🏻👍🏻份量很多，很香口，很鬆化唯一美中不足，泰式椰菜苗，鑊氣唔夠，好似烚菜咁。整體嚟講，會推薦俾朋友，非常好的一間餐廳。…Read More

雙子匯新開張，非常多人見到有一間泰國餐廳，非常有興趣試！人頭湧湧超多人等位！餐廳環境大氣，具有泰式風情，部份侍應都係泰籍，幾有氣氛。不過可能太忙碌，服務一般般，應接不暇。有多款餸菜都售罄。成個用膳過程唔夠60分鐘，已經洗碗收碟侍應直程講出口，想我哋結帳。但明明話用膳時間有90分鐘。理解出邊都多人，但我哋都排隊等咗好耐，都希望同親友，慢慢食傾吓偈這裏不是快餐餐廳呢泰式濕炒海鮮河 $108海鮮有魷魚，蝦，同埋BB青口，冷藏料。配菜有野菌，芥蘭，小粟米及西蘭花醬汁真係好多，味道適中。鴨肉生菜包 $118上菜已經聞到好強嘅鴨肉香味，鴨肉幾好食，入口食到好多泰國香料，檸檬草等香草嘅味道。好辣，好惹味，但有啲咸咗啲！生菜唔夠多，俾多幾塊好少少。蝦醬炒飯 $98炒飯都幾大碟，材料有臘腸粒，肉鬆，果仁，蛋絲 。炒飯炒得乾身，顆粒感十足，但蝦醬味道唔夠重，唔夠鹹香，唔夠惹味。串燒羊肉（4串） $128份量十足 ，每一串羊肉，夾有洋蔥，蕃茄仔，燈籠椒及菠蘿。羊肉好大嚿，肉質嫩滑，味道較淡，略嫌燒得唔夠耐，沒有燒烤香口嘅口感。菠蘿新鮮多汁，幾甜！伴碟醬汁好香辣，我冇乜沾。芒果糯米飯 $78黑白糯米飯，煙靭軟糯，椰汁香甜，甜中帶微鹹芒果唔酸，不過唔夠甜…Read More