莆田 (荷里活廣場)

營業中

休息中

仲有唔夠一星期就到兔年啦🐰大家諗好去邊度食開年飯未呢？正所謂「年頭食得好，成年有排好」，開年飯梗係要隆重其事😎「莆田」今年推出咗一系列新春鴻運套餐🌟每道菜式充滿寓意，兔年一定撈得掂❣️.🌟新春鴻運2人套餐💰$998.🧧鴻運發財鮑魚撈起充滿賀年氣氛嘅菜式🎉以甘筍絲、紅薑絲、菜瓜絲、糖冬瓜、蕎頭絲、桔餅、薄脆等七彩繽紛食材，配搭原隻鮑魚，佐以特製酸甜醬汁💕大家一齊高舉筷子將食材及醬料撈起拌勻，大喊「撈起撈起，撈得風生水起」😆勁有氣氛又好意頭🤟🏻.🧧盤滿缽滿鮑魚大蝦盆菜新年點都要食返個盆菜，來年先可以搵得盤盤滿滿🤪盤菜用瓦煲熱辣辣呈上🔥集合12種星級食材，包括鮑魚、海參、花膠、大蝦、蟶乾、瑤柱、花菇、炸芋芯、福州魚丸、發菜、燒肉、雞翼，勁足料😙全部食材都煲得好入味，南乳香完全滲入食材中😋食完立即暖笠笠🥰.🧧蘆筍XO醬帶子XO醬香好突出，微辣味道增添惹味😛同時又帶出帶子鮮甜👍🏻蘆筍爽脆清甜，食唔停口🤪.🧧黑蒜番鴨湯唔好睇佢色澤咁深以為好濃味，反而入口清澈香醇，散散陣陣黑蒜香🧄鴨肉鮮嫩不柴，完全無油膩感😌.🧧媽祖平安麵福建傳統主食，寓意平安吉祥💖非常幼身嘅麵條，配以煎蛋、蝦仁、荷蘭豆、蟶子、豬肉等

新年就到啦,想今年好運過一年,我去咗撈起一下!呢個鴻運二人套餐真係勁豐富~我同母親大人食到捧住個肚,要去行返個大運先落隔😂😂~呢個鴻運發財鮑魚撈起係成個餐嘅精髓!新年一定要撈起一下,等兔年長撈長有!侍應姐姐仲會講一堆意頭嘅說話,真係覺得福氣滿滿!雖然盤滿缽滿鮑魚大蝦盆菜係二人份,但材料十足!入面又有鮑魚又有蝦,仲有好多髮菜,新年夠晒意頭~食咁多嘢有個清爽啲嘅蘆筍XO醬帶子真係唔錯~XO醬夠香,帶子夠甜又夠嫩~而我最鍾意呢個黑蒜番鴨湯,好香好濃嘅味道,而鴨肉唔會太老太韌~因為入面有薑,所以飲完覺得成身暖晒~呢個媽祖平安麵非常滑捋捋,簡單加埋啲蝦仁同豆豆就唔錯~不過呢個餐實在太豐盛,個麵未必食得晒🙈🙈最後仲有芋圓花生湯~煙煙韌韌嘅芋圓加埋甜甜地嘅花生湯,非常圓滿嘅一餐~

🦀米芝連爆膏大闡蟹🦀最近一年一度嘅大闡蟹季又嚟啦 當然唔可以錯過啦😏 今次都就帶咗媽媽食呢間水準一直都咁有保證嘅米芝連推介新加坡福建菜餐廳🌟 地方闊落乾淨 仲要服務周到 唔怪之得上到榜👍🏻-👯‍♀️二人套餐 $668包咗五個dish 有前菜 兩隻清蒸大閘蟹 兩個肉食小菜 一個主食 同埋甜品 價錢已經包咗加一茶芥 認真抵食😋-🪸蝦苗頭水紫菜水紫菜用咗小小醋浸過 酸酸甜甜 另外加咗幾多蝦乾仔同埋蔥粒 增加香味同口感 作為開胃冷盤啱哂😚-🐷莆田荔枝肉其實姐係咕嚕肉 不過佢炸得啱啱好 炸衣都肉嘅比例幾好 唔會好油膩 仲有荔枝配搭 加埋酸酸甜甜嘅醬汁 送飯一流😘-🥟莆田扁肉湯扁肉姐係雲吞仔😂 佢嘅高湯加咗紫菜 令到成碗樸實嘅湯再多咗啲層次-🦀清蒸大閘蟹呢個係重頭戲 每一隻都係足足五兩 接近有兩個拳頭嘅size 一打開個殼 啲蟹膏好多 又飽滿又鮮甜 肉實都幾扎實😍-🍜福建紅菇海鮮滷麵一望落去已經知佢好足料 大大碗嘅滷麵上面鋪滿海鮮同配菜 而佢嘅蝦同蜆同埋其他海鮮嘅鮮甜味都好突岀 講真呢個份量其實應該夠三個人分🤣-🥜芋圓花生湯糖水嚟講甜而不膩 食落都幾潤 芋圓唔係走Q彈路線 反而有少少似酒釀丸子嘅湯丸

屋企人請食飯 今次就嚟到莆田試下佢嘅新加坡菜今次係午餐時候入座 唔洗等位就有得坐我哋三個人揀咗個四人餐再加一份豬蹄凍($398+59)蝦苗拌頭水紫菜賣相已經加晒分 好多紫菜 清淡得嚟又爽口又精緻九轉小腸好好味 本身就好中意食豬腸嘅我一見到佢就充滿了期待 每一舊都好有咬感好有層次豬蹄凍同賣相一樣咁好味嘅豬蹄凍 爽口好味酥炒芋芯炒得好香 連唔中意食芋頭嘅我都要食返幾舊 因為每一舊熱辣辣嘅芋頭外層都薄薄的包住一層微脆嘅皮 口感非常好 先脆後就是芋頭肉 好掂大白菜燉軟豆腐好大煲嘅湯 三個人完全飲唔晒剁椒蒸黃花魚估唔到魚有两條魚肉好滑 做得好入味莆田滷麵又係份量超大 ok好味道餐跟芋圓花生湯好清甜 好濃嘅花生味 用芋圓花生湯做甜品好特別 好有新鮮感其實三個人完全食唔晒平均每人$150左右 有咁多靚小菜 本人覺得物超所值