船皇 (厚福街) (已結業)

🍜 船皇湯麵 （價錢： $58）評分： 3.5/5～另加$1 升級和牛船皇湯麵🍝 船皇撈麵 （價錢： $58）評分： 3/5🥩食材： 船皇湯麵同撈麵食材一樣，非常豐富，足足有8️⃣款咁多，包括牛腩、牛肉片、牛肉丸、雞絲、雞翼、豬肉、豬肉丸、及豬膶。小編加左$1️⃣，將牛肉片升級做和牛🤩，有2大片薄切和牛，非常嫩滑，超級推介大家一定要加$1升級呀👍🏻！ 除左牛肉、豬肉（即豬腩肉）、同雞絲之外，其他食材各有1件，有8款食材岩曬為食又想試多幾樣既朋友仔😋。🍜 麵底： 麵底有4款選擇，包括蛋麵、米粉、金邊粉、同河粉，小編揀左湯蛋麵同撈金邊粉，就咁睇d麵既份量好似好少，但點知一撈起先知原來係錯覺，食完真係好滿足嫁☺️。 🍲 湯底： 湯底非常香濃，一路食忍唔住要飲多啖湯添； 撈麵比較遜色，有酸酸甜甜既開胃醬料，同有少許湯汁撈麵，但可惜金邊粉掛唔起湯汁，所以小編加左d醬油調味。🌶 辣度： 餐廳提供大、中、小辣，及唔辣，唔夠辣既朋友仔亦可以加餐桌上既辣粉調較合適既辣度。🍹 泰仔奶茶，凍柚子檸檬🍋梳打評分： 3/5～ 跟餐各加$8飲品用碗盛載幾特別，小編覺得飲品味道正常，唯奶茶較甜。————————————————————————🐷 整體食物： 3.5/5🐷 環境：3/5🐷 可達度： 4/5…查看更多

疫情關係我同朋友嘅工作量度大減，收入大減。所以呢排我哋都搵啲價錢相對親民嘅小店幫襯下。今日就去咗尖沙咀厚福街“船皇“食泰式車仔麵。我哋叫咗一碗 船皇撈麵(大碗)$58，大大碗已經有齊曬所有嘢例如雞翼，肉丸，牛腩，豬潤等等 。 而家天氣咁熱食碗麵 個份量就啱啱好唔會好滯 。另外餐廳係所有嘢嘅價錢都係 十零廿蚊左右。兩個人就可以叫一碗麵兩份食加啲串燒小食就剛剛好。我哋仲喺咗一份泰妹雞翼$22，一堆串燒一個通菜同兩杯嘢飲， 泰式青檸梳打給泰式龍眼冰嘢飲個器皿好特別， 增添咗泰國風味，埋單都係一百蚊鬆啲，但係已經食得好滿足。呢度雖然係泰菜，但係普遍食物都唔算辣 ， 而且位置仲喺尖沙咀厚福街十分方便 ，性價比嚟講，普羅大眾一定啱食。…查看更多

其實自己剛剛去完泰國旅行返嚟，不過去得三日，好多泰國特色美食都冇食到今日星期日行街，見到尖沙咀有間食船麵嘅鋪頭決定入去試吓依條厚福街兩邊都有好多小店原來船麵可以選擇有湯嘅湯麵，或者自己落醬汁嘅撈麵。我哋兩人就每人叫咗一款。佢有個優惠做緊加$5可以轉和牛，我哋都有試和牛湯麵：牛肉份量很多，湯底濃郁，金邊粉同埋湯底好夾船皇撈麵：同樣都係選咗金邊粉，撈麵更加顯得金邊粉煙銀好味，配合埋佢嘅豉油、魚露、芽菜、配料等等一齊食，口感豐富，味道唔錯！依日我地也有啲熱氣，唔敢食辣。所以調味都係落咗豉油及魚露。小食我地點左一客炸蝦卷，一份有三件，我哋初頭以為佢好似春卷咁，但原來佢嘅外皮係薯仔絲，裏面係一隻蝦。薯絲炸得好香口，分開食都好好味。呢個小食絕對有驚喜我地也點左秘醬通菜，醬同菜都幾夾，有啲鹹有啲酸。但咩係秘醬就唔知喇飲品點左龍眼冰，幾清甜解渴。而店用嘅杯好似個小碗咁，好有泰國特色，花紋都好靚。另外也點了椰汁紅豆冰，冰係碎冰，椰汁味道香濃，紅豆軟綿綿，好飲！但呢個感覺似係一碗甜品多過飲品如果下次來時，再想食佢嘅撈麵，可能試下雞絲撈麵啦…查看更多

對我而言，船皇既船麵食過返尋味既美食，今天去左位於尖沙咀既新分店，睇下水準有冇保持到。對比銅鑼灣分店，尖沙咀店內既行走通道比較窄，不過裝潢仍然充滿泰國既夏天氣息。木製傢私同橙色牆身亦係一般傳統泰國餐廳擁有既元素。朋友第一次食船皇，所以叫左最出名既船皇湯麵，材料非常豐盛，有齊牛腩、牛肉片、牛丸、雞絲、雞翼、豬肉、豬肉丸同豬潤。湯底藥味重帶小辣。麵條方面，朋友揀左河粉，比一般河粉更粗，掛湯能力亦提高。食過船皇湯麵既我叫左船皇撈麵，材料同湯麵一樣咁豐富。職員提醒我食之前要先落醬汁，並且撈勻。辣汁同醬汁撈勻之後，連平時討厭嘅芽菜都變得惹味。眾多材料中，炸豬皮仍然最難忘，酥脆蓬鬆，一啲豬皮既腥味都無。小食總共叫左兩款，泰式炸蝦卷外面竟然有一層炸薯蓉絲，以自己特別鍾意薯蓉所以特別香脆。泰妹雞翼脆卜卜，鹹香十足。旁邊仲有酸辣醬，不過個人認為就咁食已經夠味道。船皇不愧係船皇，湯麵同撈麵各有特色，個人鐘意湯麵多啲。…查看更多