壹玖捌叁

當日臨時想去，到Open Rice發覺已沒有訂座服務，結果自己致電，反而是訂到。無可否認，無論在裝修，服務，品質方面，的確是優質食府，當然價格亦相當。一定要推薦的是脆皮炸雞，絕對是高水準，必定要點的菜式，而且只售$680，超值。經理推薦的麒麟班，個人覺得不值，所以點了蒸釀星班卷，價錢只是一半，亦是水準之作。個人比較不欣賞的是咕嚕肉，因為太乾，不過同伴卻很欣賞，口味不同。總括來說，這種級數的食府一定要有這樣的水準，才可以吸引到懂得欣賞的人到來，當天就碰到前高官許仕仁在場。不過，此類食府通常提供食物種類不多，相信是貴精不貴多吧。說一些題外話，同伴覺得要去一次X公館，我認為這家的級數更高，起碼在環境格局已經佔優。…查看更多

好滿足  !!~~ 同個朋友食晚飯，去咗跑馬地一間粵菜餐廳，餐廳菜式特別，廚師又有心思~~ 餐廳佈置富中國色彩，環境舒適，服務熱情親切 脆皮炸雞，個皮好似薯片脆卜卜又薄又脆， 香氣撲鼻，食落去真係卜卜聲，雞肉嫩滑，雞胸肉唔(鞋)口，好好味。海山骨，又脆身又香酥，香口惹味，食落去一啲都不油膩。最後，當然唔少得甜品，黑糖豆腐花新地。   我同個朋友覺得好滿足 !! …查看更多

朋友約食晚飯，佢揀左黎呢間新開既餐廳，個人對粵菜無話特別喜歡，但姑且試一試。間餐廳座落跑馬地投注站對面，位置比較低調，入到餐廳，空間感覺都幾闊落，啲裝修視覺上亦令人感到舒適，侍應態度又幾好，再睇睇其他食評，啲街坊對啲侍應好似都評價幾高。打開個菜單，見到有套餐，有單點，五花八門，每一道菜式既名都好特別。最後由於我哋都幾揀飲擇食，所以決定單點幾道菜食。前菜小食叫左海蜇花，XO醬勝瓜，黃魚炸津白春卷。幾清新開胃，勝瓜同XO醬個配搭又幾香口，忍唔住一塊接住一塊，然後個黃魚春卷，竟然無一絲魚腥味，口感有少少似芋蓉，到底係點做到？個廚師對都幾細心。主菜叫左砵酒牛尾，脆皮炸雞，杏汁豬肺湯。牛尾成日食，不過呢一道既牛尾係連皮既，食之前心諗會唔會好煙韌架？但個質感竟然係同燉豬手但唔多，幾近入口即溶，相當厲害。可惜唔記得影相。然後脆皮炸雞亦相當出色，塊皮極脆之餘，肉質卻相當嫩口，就好似皮肉兩層係分開煮既一樣，非常推介大家試下。最後個杏汁豬肺湯，非常足料，味道極濃郁，飲完個身好暖好舒服，幾適合鍾意養生既朋友。食飽最後加多左兩道甜品，分別係焦糖蛋撻 同 冰花蛋球，前者比較西式，後者比較中式。焦糖蛋撻塊餅底同皮非常脆，個餡既蛋香亦令人好滿足。而冰花蛋球亦令人有意外驚喜，有一球雪糕加埋龍眼既糖水，先食果一球雪糕，再飲龍眼水，口感層次相付相乘，好味之餘，食完個口亦會有陣陣清香，感覺幾解膩。總結來講非常值得一試，每一道菜都會令你大開眼界。…查看更多