一．漢堡

華都出名多小店，今次就嚟咗呢間「一·漢堡」，店面唔大，牆上掛滿Michael Jordan喺球場上嘅相片，所以好有美國feel🤭手打安格斯牛漢堡+沙律 ⭐️⭐️⭐️⭐️⭐️牛漢堡係另一半嘅至愛❣️手打安格斯牛大大塊，調味唔會過重，保持住肉味香濃好有牛味，最重要係咬落去肉汁滿瀉，成個口都充滿肉汁好juicy，以呢個街坊價錢真係超值😳 脆炸乳酪雞漢堡+薯條 ⭐️⭐️⭐️⭐️⭐️炸雞漢堡好巨型好抵食，尤其舊雞真係好大塊呀😍 炸雞外皮炸到脆卜卜，入邊嘅雞肉咬落見到雞油立立令，尤其連埋秘製醬汁、生菜同蕃茄，咬落去超多水份，一啲都唔會乾柴😁 薯條係外脆內軟type，唔會炸到太脆太硬，係我鍾意嘅類型🍟啤酒脆漿炸大啡菇+黑松露醬 ⭐️⭐️⭐️⭐️⭐️我想講呢個炸大啡菇，係我近日食過咁多嘢之中最回味嘅💜 上枱時覺得賣相無咩特別，但一食落口就停唔到了😌 脆漿唔會太厚，炸到香脆剛剛好，入面嘅大啡菇無係超·級·無·敵juciy軟滑，咬落去係勁多汁！加埋個秘製黑松露醬，呢個「菇菇組合」真係好夾好驚喜，推介所有人除咗食漢堡，都一定要試吓呢個大啡菇😎微辣雞翼 ⭐️⭐️⭐️⭐️雞翼係我嘅至愛🥰 呢度嘅雞翼唔算大隻，但一碟嘅份量好多！雞翼外表好脆，配埋辣粉好惹味！雞翼仲有另一款檸檬胡椒味，下次嚟要再試埋呢款😁…查看更多

一．漢堡 BURGER ONE📍荃灣西樓角路170-184號華都中心1樓41號舖今日黎荃灣千色行街，行街行到有D餓，眼看場內都係一D連鎖食店，於是上openrice探索附近一些口碑好又獨特嘅食店，搵到呢間評價高既手工漢堡飽店，沿商場天橋行過對面既華都中心，大概幾分鐘就見到。小店座位唔多，但公整乾淨，牆上貼滿多幅NBA球星既壁畫，顧客享受美食同時增添一份樂趣。手打安格斯牛漢堡，牛肉好厚，牛味好濃，啖啖肉好有口感，煎到外面微焦，內面肉汁超豐富，配埋特製醬汁，芝士，新鮮的生菜和番茄，這個配搭好豐富好滿足。脆炸乳酪雞漢堡，雞排好大一件，即叫即炸，薄薄一層脆粉，外脆內裡超JUICY，配上特製乳酪醬，口感超FRESH，薯條胡椒味剛好，好惹味。除了手工漢堡，雞亦同雞鎚同樣出色，檸檬胡椒雞翼一定要試試，檸檬味好新鮮，胡椒帶點微辣，酸甜，胡椒幾個味道食落好過癮沙津好新鮮，顏色配搭好靚，個沙津汁調得好好味，特別請老闆重手D，比多D汁。一．漢堡手工漢堡店套裝都只係$58蚊！有漢堡有飲品＋薯條/沙津，著校服仲有學生價，真係好抵食，性價比超高。…查看更多

👧🏻😋👅🍽✨超抵食burger小店😙-BURGER ONE🇭🇰 荃灣西樓角路170-184號華都中心1樓41號舖 🇭🇰-🍔 細細間鋪, 細細個廚房但出品高質, 仲要星期一至日都有$58 set, 平日學生仲要再減$10, 超抵食; 套餐可加配小份炸雞, 而單點小食款式幾特別-🍱 ALL-DAY BURGER SET $58✔️Burger✔️Fries / Salad✔️Drink -🥩 澳洲和牛漢堡 +$15💯包身好厚但好soft, 經典番茄生菜之外仲有炒到好腍好甜既洋蔥絲, 當然唔少得肉汁爆棚既和牛漢堡, juicy肉嫩冇筋勁正-🍗 脆炸乳酪雞漢堡✨雞扒厚厚的超juicy, 連埋乳酪醬同椰菜絲勁爆汁食到有啲呢hea但好鬼正🤭-🍟 🥗 Fries / Salad💯薯條加芝士 +$5 薯條粗身正常發揮, 鋪左芝士醬上面正好多💯沙律有幾款沙律菜都係整定係雪櫃拎出黎, 但咁平既餐完全接受到有餘-🍹Drink✨熱朱古力 +$5 用個紙杯沖朱古力粉, 幾香濃唔太甜好飲過M記好多😜✨罐裝梳打水用Schweppes唔錯-🍄 啤酒脆漿炸大啡菇 配 自家製黑松露醬 $42💯炸出黎個樣勁似炸蠔, 啡菇juicy鮮甜就梗, 配個杰身少少既黑松露蛋黃醬係幾夾-🐥 檸檬胡椒雞翼（5隻） $38✨個胡椒幾重手食落少少重口味, 之後dun減少少粉好好多, 雞翼脆炸外脆內滑都好唔錯…查看更多

印象中華都中心係補習社集中地 好少入去食嘢 見掛滿Michael Jordon 相嘅Burger one 不停有外賣客幫襯 🍔漢堡+🍟薯條/🥗沙律+🥤飲品全日只係$58 學生優惠仲平多$10 蚊🐮手打安格斯牛漢堡自家製Mayo醬配生菜🥬蕃茄🍅芝士🧀炒洋蔥🧅 牛肉juicy 唔算特濃牛味 🐔脆炸乳酪雞漢堡自家製蜜糖芥末🍯配沙律菜🥗蕃茄🍅麵包充滿牛油味 微甜芥末醬同炸雞幾夾🍟炸魚薯條配自家製塔塔醬大愛薯條 想試啤酒炸大啡菇🍺都無揀到魚柳大塊肉又腍 粗薯條係真正美式薯味🍗唐揚炸雞鎚一份4隻炸得剛好 外皮脆略帶惹味調味粉 入面啖啖肉仲新鮮熱辣辣唔乾…查看更多

陪老細去荃灣買嘢，順道行下街…地鐵旁呢幾個商場仔以前成日行，最鍾意佢入面好多小店。🥰行到去華都中心，畀老細見到有間漢堡舖仔～Burger One🍔！老細至愛食漢堡，佢問我食唔食？☺️我梗係捨命陪君子啦～🤭💞佢有套餐，價錢仲要十分經濟！☺️老細叫咗手打安格斯漢堡🥩，我就要乳酪炸雞漢堡，套餐可以揀薯條或者沙律，咁梗係一人要一個啦～🥙🥔另外仲嗌咗兩個小食，一個微辣雞翼🍗一個炸魚柳🐟配薯條🍟～我以為老細會食和牛漢堡，點知佢用專家口吻同我講：其實食漢堡安格斯會好過和牛～🙄我問佢點解，佢淨係意味深長咁笑一笑😏😏好似解釋畀我聽都多餘咁……🙄估唔到店仔細細，個漢堡會咁好食！！🤩🤩兩種肉都製作得非常好～滿滿嘅肉汁！最重要係佢嘅醬汁，食得出係係自家製～我嗰個係蜜糖芥末醬，老細嗰個係千島醬～個炸魚亦都炸得恰到好處，外脆內嫩！🥰🥰講真一句，咁嘅價錢有咁嘅質素，老細話如果屋企附近有呢間舖，以後都唔食老麥！🤭😅🤣🤣…查看更多

今次行過見到一間Burger個價錢幾平💰 喺門口見到啲人食緊個包都幾大個，就入去試試佢🥳叫咗All Day Special Offer, 脆炸乳酪雞漢堡🍔加薯條🍟連嘢飲。價錢係$58！就咁睇個價錢，你可能會話：麥當勞仲平啦！但我想講佢個炸雞包真係好食過麥當勞好多🤨🍔首先講咗個包先！個包可能係係即叫即炸，所以嚟到嘅時候仲係熱辣辣☺️！超級足料，個包成幾寸厚📏.. 支竹籤勁長先插得晒成個包🤣。咬落去啲雞外脆內軟，入面啲肉好Juicy💦。啲汁就酸酸甜甜，大熱天時好開胃🤤🍟薯條都係即炸，食嘅時候，脆卜卜熱辣辣🔥而且好鍾意佢呢一度揀嘢飲可以有無糖嘅烏龍茶🍵，好似日本咁🥹（無糖茶愛好者）$58有咁嘅質素，連麥當勞一定俾唔到😂…查看更多

今日(25-2-2023 Sat)晏晝,同老公買嘢前食個晏,我哋行入呢個商場,由於我唔餓,見到未食過嘅呢間就試吓,我哋睇完menu,決定要$58.00,有漢堡,薯條/沙律同飲品嘅全日套餐,$38.00嘅檸檬胡椒雞翼(5隻)同$10.00嘅烏龍茶.全日套餐老公要咗脆炸乳酪雞漢堡,沙律同烏龍茶.好快就整好,我先食檸檬胡椒雞翼,炸得熱騰騰同皮脆肉嫩,檸檬胡椒粉唔係隻隻有,因為佢哋係擺好咗至瀋落去,味道都幾濃,幸好胡椒粉唔太嗆.沙律呢,個醬應該係芥末蛋黃醬, 芥末味唔係太出,舒服嘅,蔬菜都新鮮,不過個醬唔係好多.到脆炸乳酪雞漢堡,件雞堡開始唔脆,乳酪唔係好多,個包冇烘過,變咗爭少少.其他:入到嚟坐低,播o緊上世紀80年代嘅英文歌,但睇兩個店員都係後生仔女,又會聽呢啲歌嘅?抵食係2.8分…查看更多