越男仔

營業中

休息中

本身去旺角係想食sharishari🍧當晚餐🙈點知平日都大排長龍😯 之後喺附近行下行下見到越男仔就入咗去食啦～•🥢 胡志明市紅蕃茄四寶湯檬粉 $92四寶係指豬頸肉、脆豬肉、豬扒同扎肉，每樣份量都唔少，所以好大碗，脆豬肉幾有驚喜✨，浸咗落湯到半腍半脆又有啲咬口，蕃茄湯好濃郁，同比較淡味又唔吸湯嘅檬粉好夾，加埋豬扒，我哋覺得好有焗豬扒飯嘅感覺，不過成個湯底油咗少少，同埋檬粉有啲碎~•🥢 牙車快沙律 $49沙律堆到成座小山咁，比想像中大份！最頂係手撕雞肉，充滿黑胡椒嘅味道，再帶點焦香，下面係椰菜絲同同蘿蔔絲，仲有啲柚子粒粒，可以自己再加魚露撈勻調味，幾freash，不過柚子味就唔突出啦，但咁大份都幾滿足！•🥢 法式芝心蝦多士 $49蝦多士有4件，上層係沾上芝麻嘅蝦餅，下層係多士，兩層都有唔同嘅脆脆口感，蝦餅比較結實，應該有加到麵粉(?)，中間仲有流心芝士，口感同味道都好豐富！

旺角鬧市中突然心血來潮想食越南菜於是便到訪了“越男仔”是日午餐～～無骨雞黃薑飯 $69雞肉嫩滑，雞皮沒有太多油脂胡志明市紅蕃茄四寶湯檬粉 $69有豬扒、豬頸肉、脆豬肉、扎肉，材料豐富，蕃茄湯香濃開胃法式芝心蝦多士跟餐+$39蝦多士炸到金黃，芝士流心，香脆可口熱龍眼蜜跟餐 +$12咸檸七跟餐 +$11整體來說，各款食物質素ok，美味可口，侍應生態度友善有禮，喜歡越南菜嘅朋友們有機會要試試喔😚

見好耐無食越南嘢，晏晝行開旺角就試咗呢間🤤胡志明市🍅紅蕃茄四寶湯檬粉($66)四寶包括豬扒、豬頸肉、脆豬肉同扎肉，一塊豬扒一開二，有豬頸肉絲、一粒粒嘅脆豬肉同薄片扎肉，檬粉同餸嘅份量都好多，好大碗，啱晒啲食肉獸🤗！🍅蕃茄湯好濃，係鮮甜嘅蕃茄味唔會覺得好咸，啲檬粉索晒啲湯，好開胃🥰！皇牌3+2撈檬($68)相比之下撈檬較為普通，魚露唔算好濃味，同樣檬粉同餸嘅份量都好多，包括手撕雞、豬頸肉絲、脆豬肉、扎肉絲同烤牛肉，夠晒大碗，食到後尾雞絲、豬頸肉絲同扎肉絲已經混為一體😂佢有好多唔同嘅款式選擇，下次想試佢嘅椰汁酸湯☺️環境﹕7/10抵食﹕7/10味道﹕8/10回頭指數﹕7.5/10

呢餐其實係誤打誤撞咁就去咗食🌿😂本來我係諗住去食格離既阿木台灣麵🌿😂點知遲咗去太多人排隊所以就轉軑黎呢度不過越男仔本來都係我to-eat-list入面今次就當提早去試下喇🌿🌿～食完都覺得唔錯喔！下次去旺角行街食飯又多一個好選擇了🌿🧡。－🍅胡志明市紅蕃茄四寶湯檬粉＄63:呢個係套餐所以有包熱飲(如果你叫飯類仲送埋湯比你☺🧡)，首先個蕃茄湯底，味好濃好香但有啲偏酸，如果甜味再出多少少應該會更理想🍅🧡! 所謂既四寶，其實就係脆豬肉，豬排，豬頸肉同扎肉，豬排同豬頸肉都好軟冧同夠哂入味，幾正🧡，扎肉加咗黑胡椒入去，咬落好香胡椒味，味道層次豐富咗👍，不過個脆豬肉我就覺得硬咗少少(可能真係同炸有關)。至於啲粉，我覺得不過不失，份量好多但煮耐咗所以口感比較冧，我鐘意爽口啲🙈🧡。另外佢仲有啲生菜同洋蔥，岩哂我呢啲鐘意每餐食幾條草既人👍🧡🌿。－🌟另外個款沙嗲串燒撈檬唔係我食所以比唔到太多comment，但朋友食佢話三種肉(雞牛豬)都比較乾同un，所以就覺得麻麻。🌟如果你鐘意蕃茄湯我都係比較建議你食我叫個款，個湯底濃到可以媲美蕃茄師兄🍅🍅，真係值得試試。