天天海南雞飯 (新城市廣場三期)

呢間新加坡知名海南雞餐廳，喺香港有不少分店，今日去左位於沙田新城市嘅分店，店舖大而座位闊落，坐得都幾舒服。二人餐有必點既海南雞，主菜有肉骨茶，仲配有小食同雜菜，加埋都唔洗$400，所以我地決定要個二人餐。黃金雞脆骨 用鹹蛋黃炸雞軟骨，炸得剛剛好，皮漿亦唔會太厚，咬落香脆可口，啱晒鍾意食鹹蛋嘅我！餐廳招牌菜海南雞就咁望就以為份量好少，食食下兩個人都覺得好飽，雞肉已去骨，所以啖啖都係肉。雞肉嫩滑多汁，一定要連埋雞皮食，係超級滑！如果單食雞肉味道就偏淡，建議加埋佢嘅秘製醬汁同薑蓉，會好味啲。豬肉肉骨茶另一主菜都係新加坡特色菜—肉骨茶店員會以火爐原個奉上，保持湯嘅溫度湯底胡椒味濃郁，配料豐富，除左有三件大既豬肋條，仲有豬肉丸、豆卜、豬肚。豆漿海南雜菜煲呢個平時真係少食，豆漿煮菜味道偏清淡，食完濃味既肉骨茶，有呢個平衡下啱啱好！不過菜既份量偏少，反而粉絲有好多！幸好配料唔少，仲有雞腎、蝦乾、白玉菇。杏汁木瓜花膠燉雞湯 $69另外我地仲加左個雞湯，雖然個湯碗細咗啲，但材料都好豐富，有三四件木瓜，花膠片都唔少。雞湯一啲都唔油，味道亦唔太濃，因為杏汁既味蓋過左雞湯，當佢糖水咁食都唔錯！…查看更多

新城市廣場行完街，正好見到尼間天天海南雞飯就想試試。打開餐牌，上面的食物照片影得好吸引。海南雞同肉骨茶是招牌菜，一定要點份試試啦，有雞點可以冇雞飯，所以雞飯都想試試。入秋後都想吃蘿蔔，就點了份蘿蔔燉豬軟骨。甜點就點了份椰奶黑金龜苓膏。天天海南雞，不得不讚雞肉非常嫩滑，雞皮與肉之間仲有一層透明剔透的雞凍，望落似果凍，入口又滑又Q軟，沾點薑蓉，令雞味更加突出，超級好味！除了有薑蓉醬之外，還有辣醬，海南雞沾辣醬亦是非常惹味，辣味愛好者的享受。雞件配菜有青瓜條，非常爽口，醒胃解膩。雞飯粒粒分明，味帶油想，顏色淺黃，有咬口亦不會過硬。石鍋蘿蔔黑磨豉豬軟骨，睇个样都已经够晒吸引。猪软骨大大件，煮得淋滑入味。白蘿蔔清甜多汁又無渣，十分入味，內裡都染上湯汁顏色，果真是必吃之選，十分送飯！肉骨茶藥材味濃，味道清甜易入口，當中最特別的是配搭豬肋骨，排骨燉得肉質鬆軟，一吸就將肉與骨分開。湯底仲有豬肚同豆朴腐竹，加埋蔥絲一齊吃，幾特別。同肉骨茶一起上的還有一碟配菜，滿足不同口味。最最特別的是椰奶黑金龜苓膏，十分之驚喜。龜苓膏切成小件，入口有少少龜苓膏特有的甘苦味。椰汁濃稠，天然的椰香，可減輕龜苓膏嘅甘苦，而又唔會好似糖漿咁完全遮蓋龜苓膏，果然係好 match！絕對是今晚晚餐的靈魂！…查看更多

今天因為想去其中一間蘋果專門店查看和向店員查問一下，上一代和即將推出的新一代手機，功能差別在那裡，同時又方便朋友下班前來，所以選擇了沙田新城市廣場先吃飯，後看電子產品。友人知道我挺喜歡偶爾食兩款餸菜：海南雞、肉骨茶，所以就大力推薦這間店給我。事實上，除了讀書的年代，前後６～７年幾乎隔天就會到沙田新市廣場吃喝玩樂外，現在已對它有什麼食店已較陌生，唯有靠友人帶路。店舖是位於離沙田站較遠的一端，遠看都可以一目了然看到所有座位。由於還是有所謂疫情，故個人對座位間格非常擠逼的食店，尤其強烈要求客人搭枱的食店，異常反感。這店在門口已看到座位寬敞，全部雅座呈開放式設計，通風極為良好，所以一去到就毫不猶豫進去。今天因為天氣太炎熱，日間氣溫保持在３５度左右，所以胃口一般，即時點了我喜歡的兩款餸菜：古法肉骨茶+海南雞，另加一個湯+飯，輕食大半飽就算。最重要的是要冰凍特色飲品降降溫。古法肉骨茶湯水中有約４～５件煲至很軟的肉骨在內，肉質鬆軟。不過，湯的味道卻有薄薄的胡椒味，另湯中也發現數片豬肚切件。記憶中，和我在另一著名食店的肉骨茶，有顯著分別，該店的肉骨茶呈深啡色。個人估計，應該是新加坡製法和馬來西亞製法的差別，這味道的分別，客位要注意喎。雞油飯(1-2人)嘩，侍應端上來時，已經覺得大碗，打開蓋後，發覺真是夠份量。個人估計，有至少約3碗一般酒家的白飯份量。不過，重要的是，雞油飯是清淡色但好夠雞香味，強烈讚好:飯質鬆軟、雞香味濃郁，像日式的調味釜飯。順便要說，多年前曾在一間名為泰X的連鎖店進食海南雞飯，它的所謂雞油飯，實際是鮮黃色，像塗了廣告彩似的熟飯，但是絲毫沒有雞香味。簡言之，一D味都無。寫食評時順便查找一下，原來全線仍未結業，太匪夷所思。招牌天天海南雞果然是招牌菜:去骨雞件約廿件，雞肉剛熟嫩滑，雞皮下油脂已因加熱流走晒，拿三兩片伴飯一流。個人簡單食法，肉骨茶撈飯，再配以海南雞件送飯，已經是好美味的晚餐。火焰椰子冬蔭湯由於是朋友主打，我只輕輕試了一大口，味道不像大部份泰菜店:勁辣居多，能接受微辣的朋友可以一試。前文說到晚餐當日日間氣溫極高，令到個人無甚胃口，所以要配特色凍飲解悶熱。作為一間類似酒樓的食店，它調製的特色飲品份量、味道、價格，實在令我讚嘆不已。超級水果茶，幾十元卻有近一公升份量，這已無敵啦。雖然它們加了少量冰，但杯內熱情果汁的味道和原生鮮榨果汁幾近無分別，口感也不察覺添加了額外的糖，好。豆花年代奶茶這個飲品味道有些複雜:上層是味道較港式奶茶輕的奶茶味(個人都好鍾意飲港式奶茶)，再配上杯底濃郁豆香味的豆腐花，這種CROSSOVER，是我首次品嚐。只可以說，幾得意，值得一試。順手附上食店牆上以巨型正體中文文句圖畫裝飾相片，特別順眼啱胃口。…查看更多

.呢間過江龍米芝蓮餐廳開左好耐，但一直冇機會試，見啲食評普遍都係幾好，咁行開沙田就過黎食個lunch啦！天天文昌雞飯套餐 ($88)正宗係海南島出名好食既雞係文昌雞，文昌雞既特徵係雞皮偏白色，如果係走地雞，雞肉嫩滑得黎又結實，同埋煮完都唔覺肥膩，帶清甜雞香味，唔似香港啲雞咁軟身冇咬感的。天天既文昌雞都嫩滑冇肥膏，雞肉未去到好結實但都唔錯既，略嫌少左雞香味。食新加坡既海南雞飯一定配備三色醬料(薑蓉、黑醬油、辣椒醬)，我食雞最愛點薑蓉😋油飯都粒粒分明，油膩感唔重還好，雞油香略為欠奉，但overall都ok既。迷你海南雞飯拼肉骨茶套餐 ($118)雖然係迷你海南雞，但雞既份量都唔少架，我食落感覺海南雞比文昌雞既肉質更淋身、軟身少少，雞皮都一樣好滑，但我偏好文昌雞多啲。肉骨茶既味道偏重胡椒味，但比例冇過量，一字骨熬得啲肉好淋、夠入味。湯入面仲有豬肚、枝竹、豆卜，豬肚好滑又新鮮，好食的。整體黎講我覺得啲食物質素都中上既，雖然冇好驚艷既感覺，但都真係可一試既。餐廳環境又舒服，地方寬敞，冇限時，食物又上得快👍🏼有機會既話我都想去新加坡食正宗地道既海南雞飯🤤.味道 ★ ★ ★ ☆ ☆環境 ★ ★ ★ ★ ☆服務 ★ ★ ★ ☆ ☆價錢 ★ ★ ★ ☆ ☆…查看更多

終於終於我食到啦! 黎到呢度又點少得「天天海南雞」，餐廳好貼心，提供例牌和半隻供客人選擇，因為今次我地得2人所以選了例牌，但例牌份量都蠻多的!雞肉超級幼嫩超滑，配上3種不同醬料更增加風味，而我比較喜歡配甜醬油。如果配上辣醬，建議跟青瓜一起吃，帶點辣又帶點清新。海南雞的好朋友-「可石鍋雞油飯」也超讚呀!由於用石鍋盛載同有木蓋，所以保溫一流，而且雞油好香，唔經唔覺食完一碗又一碗。 除了海南雞出色之外，「鹽磚和牛」都好正，每一粒都好軟身同好香牛味，配上少少鹽，簡簡單單都好味道!同埋用埋粉紅色磚做碟子，吸精程度大增呀! 新加坡菜我另一最愛是「古法肉骨茶」，份量都超大份，肉骨茶足足有4大件肉骨，每件都好軟身，豆卜和支竹吸曬肉骨茶的精華再放入口，簡直回味無窮! 最最驚喜是「松露蝦多士」，件件都鋪滿松露醬，蝦肉份量都好多和好彈牙，每一口都可以食到蝦肉，同埋多士內有墨魚肉更加口感。 本身想試埋甜品，但因為太飽了食不下，所以留番一下次再食啦! 不得不提，餐廳座位好寬敞好舒服，同埋每一台都提供一個茶壺方便客人隨時自行添茶，而且茶好濃和好香，食完一餐咁豐富的新加坡菜再飲番杯好茶做結尾，完美!…查看更多