張公館

一直都想試位於V Point高層的中菜館張公館，今次與朋友到來午餐飲茶，座位闊落，即使不是坐窗邊位也能望到海景，光線充足，食物和服務質素亦不錯，難怪午市人流不絕。坐下一會便送上茶和前菜，前菜是花生和蕎頭，茶則以火一直暖著，十分貼心。🥂麻辣燒賣 $34/2粒很少試到麻辣味的燒賣，很是特別，蝦亦新鮮。🥂翡翠明珠球 $20/2粒入面是蔬菜和蝦，味道較健康不油膩。🥂墨汁卵粿 $188配上辣醬，十分惹味，表面煎得剛好，似是魚片的感覺。🥂櫻花蝦脆米海鮮炒飯 $298飯炒得粒粒分明，加上脆米更添口感，用上不少帶子和蝦，十分足料。Overall rating: 7.5/10jsv_foodie…查看更多

餐廳：張公館地點：銅鑼灣登龍街菜式：粵菜餐牌：午市餐牌有點心，頭盤，燒味，小菜，飯麵類，甜品等等。魚翅蟹肉灌湯餃 $98 另加一魚翅蟹肉灌湯餃係用燭台暖住上枱，飲到最後都仲係熱辣辣。先飲啖湯，個湯好香蟹肉味，好清。灌湯餃大大隻，皮超薄，而入面料勁多，包括大量蟹肉，魚翅，蝦肉，瑤柱，菇，伴有竹笙幾件。味道鮮甜健康。另上紅醋，我覺得唔加醋仲好味。懷舊豬潤燒賣 $48 另加一懷舊豬潤燒賣一客兩件，兩大片爽脆豬潤下底係大大舊爽口蝦肉加豬肉，豬潤唔腥，燒賣肉多汁爽口。蟹籽麻辣燒賣 $34 另加一蟹籽麻辣燒賣一客兩粒，外皮又薄又滑，內餡爽口鮮甜，面頭加上蟹籽，帶適量麻辣味，味道非常惹味，不過唔會太辣。上湯小籠包 $48 另加一上湯小籠包一客兩隻。每隻上湯小籠包獨立用木製有蓋蒸籠上枱，再用隻金屬隔方便拎起食用，下底有一片蘿蔔片。黑醋另上，小籠包食落皮薄多汁。翡翠明珠球 $58 另加一翡翠明珠球一客三粒，一打開就出蒸氣！賣相好精美，係網形薄皮包住爽脆蝦肉同菜苗，面頭加上蟹籽。食落多汁爽口，好健康美味。酥皮菠蘿叉燒包 $20 一件 另加一酥皮菠蘿叉燒包熱辣辣上枱，外皮酥脆鬆軟，真係食到少少菠蘿甜味，入面叉燒餡都唔錯。脆脆笑哈哈 $68 另加一脆脆笑哈哈一客六件，賣相討好。食落係薄滑腸粉皮包住脆口薄脆同爽脆蝦肉，面頭一片芫茜，味道帶清香芫荽味，口感複雜。生磨蛋白杏仁茶 $48 另加一生磨蛋白杏仁茶係招牌，係用有蓋燉盅上枱。杏仁茶香滑味道唔假，而好多滑溜厚身蛋白係底。桂花五色糕 $58 另加一桂花五色糕賣相出色，明顯見到五層，介紹由上至下分別係桂花，木瓜，士多啤梨，芒果同椰汁。食落係清爽而帶多重味道，先有桂花香，然後有芒果同椰汁甜味，而且食到爽脆果肉！前菜兩碟，分別係炸白飯魚花生同酸堯頭，好開胃。每小碟$20。茶位每位$20。今餐點心質素高，餐廳裝修高檔，有開揚景致。服務員上菜收碟快捷。商務午餐同朋友飯局都唔錯。…查看更多

逢星期日,  習慣和家人去午茶, 聚聚聊天好節目.  今次去  張公館, 位於 銅鑼灣  V Point  29 樓.  星期日客人特別多, 幸好哥哥已預先訂位.大玻璃窗,  面對維多利亞港,  眼界盡開, 醉人海景, 感覺舒暢. 店員招呼好,  先開茶, 送來餐牌及餐前小食.  水滾茶靚.  開胃小食有兩款:  酸蕎頭, 香辣蒜蓉雲耳仔. 大家細看餐牌,  齊選擇點心. 先送上 熱熱的蒸點: 翡翠明珠球 ~  賣相靚, 皮晶瑩剔透. 略帶韌性, 餡料很豐富, 鮮菜苗, 蝦肉. 吃得健康. 麻辣燒賣 ~ 肉質新鮮彈牙,  調味適中, 麻辣口感果然美味.  蟹籽脆卜卜, 真不錯.午茶好喜歡吃腸粉.   今日點了   脆脆笑哈哈,  熱辣辣的送到, 腸粉皮柔軟薄滑,  同內裡脆脆網皮口感做成強烈對比,  好有層次.  內餡 蝦肉爽口彈牙, 有肉汁,   豉油美味, 食得笑哈哈.潮汕美食,  香煎墨斗卵粿. 香煎墨斗卵粿早前在汕頭食過,  今次比較 張公館 做得更出色, 擺設靚, 好吸引.   墨斗卵粿有質素, 啖啖墨斗卵鮮美, 煎得香,  囗感正,   加上辣椒醬, 更滿意.濃雞湯浸春筍絲用蠟燭小爐烘住保温盅, 好熱, 移開蓋, 聞到濃雞湯的香氣, 立即想飲 !    春筍絲綿滑, 同香濃的雞湯一起吃,  無油脂, 入口啖啖和暖,  感覺真好 !!  櫻花蝦蘿蔔糕,     櫻花蝦比傳統蝦米美味, 櫻花蝦鋪滿蘿蔔糕面, 好睇好食, 與別不同.甜品: 養顏紅棗糕,  黑糖紅棗糕好熱, 好滑. 有紅棗味, 甜度剛好,  入口芳香煙韌, 好食. 生磨蛋白杏仁茶,  奶白色的杏汁入口非常幼滑, 不甜不膩,  配上味道既清甜又滑嘟嘟的蛋白, 倍感滋潤.  杏仁茶入口充滿杏汁香, 食味一流！今個午茶, 食材及氣氛不錯, 之後去附近時代廣場開心購物, 一樂也!…查看更多

今日天朗氣清,  我們約了去銅鑼灣  V Point  的  [張公館]  嘆個午茶.    餐廳 位於 V Point  29 樓, 電梯直達.餐廳樓底高, 面對維港景, 落地玻璃窗空間感十足 !    侍應招呼有禮,  我們坐下, 點了鐵觀音茶,  水滾茶靚.   店員快速送上餐牌及開胃小食: 香辣蒜蓉雲耳仔, 酸蕎頭, 開胃爽脆, 蒜味濃. 部長介紹, 特式點心小食, 有粵, 潮州, 川, 可辣可不辣. 先嘗潮汕小食,  香煎墨斗卵粿,擺設清新, 墨魚卵做的粿, 切成片塊,  伴上蕃茄夾青瓜.   墨斗卵粿 煎至金黃色,  內裡軟嫩雪白, 味道鮮甜可口, 很有嚼勁,  沾些辣椒醬, 好食!櫻花蝦蘿蔔糕,   蘿蔔糕面鋪滿櫻花蝦, 煎得香而不焦. 蘿蔔糕不很厚, 蘿蔔味濃, 更有臘腸臘肉粒, 味道不錯.翡翠明珠球 熱熱的送上,  翠綠色的明珠球, 外面網有竹笙皮像珍珠,  上面放有橙色蟹稃, 形像很美.  內餡飽滿有鮮菜苗, 蝦肉, 新鮮爽口.  味道甘香迷人.  這個蒸點好滿意. 麻辣燒賣,   大大顆新鮮蒸起的燒賣好飽滿, 肉香四溢,  頂上有蟹稃作點綴, 豬肉打得彈牙, 混合爽口蝦肉,  味道帶麻辣, 更特別, 新嚐試 脆脆笑哈哈,   有點像春風得意腸, 炸得香 , 唔會油膩,  腸粉皮薄, 口感挺滑.  內餡有脆脆網皮包著鮮蝦, 蝦肉好食又新鮮,  網皮炸得鬆脆. 豉油好靚.濃雞湯浸春筍絲,   還有保溫燭臺, 啖啖雞湯 好好味.  春筍絲切成長條子, 浸 在香濃的雞湯中, 口感清甜.餐後甜品,  養顏紅棗糕,  生磨蛋白杏仁茶,  侍應好細心, 在上菜單 上 註明  [等叫起],  安排得好好.  紅棗糕, 外表紅潤晶瑩, 入口煙韌,  紅棗味道芳香,  補血養顏妙品.生磨蛋白杏仁茶, 潤肺養顏, 多食有益,  杏仁味香濃, 蛋白甘香軟滑, 食得好滿意.真係極致嘅享受！強烈推薦 !下次再來吃晚飯, 看維港夜景, 吃佛跳牆…查看更多

最近突然好想飲茶 就諗起之前同屋企人去過嘅張公館 落地玻璃窗邊位可以望到大大個海景 坐得好舒服 景色一流 而且店員服務態度超好🤍 茶有好多唔同嘅選擇 我揀咗菊普🥰好好飲🫖 呢度嘅點心非常出色 而且甜品都好好食！！而家登記做左會員之後 除咗可以用會員價優惠之外 全單仲有九五折😆✻翡翠明珠球 HKD40/2賣相好可愛嘅點心💚 賣相有少少似蜜瓜仔🤣上面仲有啲蟹子！其實係竹笙皮包住新鮮蝦肉同埋菜苗 有啲似平時出邊食嘅菜苗餃但係更加好食！🤤✻櫻花蝦蘿蔔糕 HKD98呢個係我每次黎都會點嘅😛 蘿蔔糕煎得好香口 外面脆脆地咁加埋櫻花蝦好正～～🌸🦐✻脆脆笑哈哈 HKD68個名好有創意😎 其實係用腸粉包裹住炸蝦卷 外面好嫩滑 入面香脆又彈牙 口感非常豐富 又係好好食😋😋💖✻濃雞湯浸春筍絲 會員價 HKD 98見有會員價優惠所以叫嚟試吓😚 賣相有啲似一碗麵🤣 春筍絲口感爽脆配上香濃雞湯好特別～ 而且個湯好好味 忍唔住飲晒😋✻小籠包 HKD48皮薄餡靚嘅小籠包🤍 一咬開好多鮮甜嘅肉汁好正！而且一個點心籠仔放一粒小籠包 賣相好可愛😆✻墨斗卵粿 會員價 HKD138同樣因為見到有會員價所以叫嚟試吓~ 煎到微微金黃色 外面脆脆地咁幾好食～ 入面口感煙韌好特別！味道似墨魚餅 配埋辣椒醬汁非常惹味🌶️ 另外仲有蕃茄伴碟🍅✻桂花五色糕 HKD58好花心思嘅一道甜品～而且賣相都好靚🌈五層分别有桂花 蜜瓜 士多啤梨 芒果 同埋椰子 夾埋一齊估唔到口感會咁match 同平時食開就咁普通桂花糕好唔同！呢度嘅桂花五色糕顏色靚而且更好食～～💕✻生磨蛋白杏仁茶 HKD48首先個碗仔已經好靚💚 杏仁茶非常香滑～～ 最特別嘅係最底層係完整一層燉蛋白😳😳 所以職員都好貼心咁提醒我哋: 食嘅時候唔好搞爛 咁就可以同時食到杏仁茶同埋一大啖嘅燉蛋白 大滿足🤍🤍🤍yummm (˶ˊᵕˋ˵)…查看更多

閨密在銅鑼灣返工，大家都決定飲茶聚聚。 來到這家中菜廳，環境很不錯，落地大玻璃，還可以眺望維港景色。 來到見到有好多優惠，其中就有這兩款潮州菜式～紅燒潮州翅，及墨斗卵粿紅燒潮州翅好多料，湯底厚身，味道香濃，仲有個火保持熱度墨斗卵粿，外層煎至金黃色，入面雪白，入口Q彈，配辣椒醬汁更佳羊肚菌姬松茸水中花燉湯，這款燉湯就比較清新，用上多款菌類，香氣撲鼻。中間有以豆腐做成的水中花點心就有翡翠明珠球，及脆脆笑哈哈前者是用竹笙皮包住蝦肉及素菜，入口爽彈；後者就是腸粉包裹炸蝦卷，外面嫩滑，裡面鬆脆彈牙秘製醬乾炒九肚魚河粉，夠哂鑊氣，九肚魚非常嫩滑最後還點了🐷🐷豬仔出浴奶凍，可愛到唔捨得食呀…查看更多

同媽媽出外食嘢，飲茶係不二之選。今日帶佢去間精緻酒樓，雖然比起佢平時喺屋邨樓下飲茶遠少少，但一定值得:)酒樓擁有無敵大海景😎，十分優閒寫意。茶壺有蠟燭仔坐住，keep住溫度，啱曬佢心意先來兩個小食，花生魚仔，鹹酸菜，開胃醒神叫咗幾個點心，翡翠明珠球， 用蝦同菜做餡，脹卜卜，面頭仲有竹笙網面，少啲功夫都唔掂鴛鴦燒賣，原來係兩粒麻辣味，兩粒原味，又真係幾特別喎，麻麻辣辣，刺激味蕾鮑汁四寶滑雞扎，我同媽媽都鍾意食雞扎，最鍾意食魚肚，索曬啲鮑汁，好香好滑脆脆笑哈哈，好似炸両嘅物體，不過裏面唔係油炸鬼，係米網， 米網薄薄地，冇油炸鬼咁漏， 仲有蝦仁做餡，唔錯仲有嗌咗個菠蘿酥皮菠蘿包，一啖咬落去，先嚐到脆皮，跟住 熱騰騰嘅叉燒餡料，香脆味濃，我一個人食咗兩個呀九月份全線點心七折，除咗食物質素好之外，個靚view真係加咗唔少分， 媽媽好滿意…查看更多

早排因工作忙加上媽媽又去左旅行, 所以已經有幾個星期冇同媽媽去嘆早茶。今日趁星期六專程約媽媽到銅鑼灣同佢撐枱腳飲個早茶再陪佢逛逛, 做返日乖仔。早茶我揀左位於V Point 29樓呢間張公館, 之前同老婆黎過食晚飯, 食物水準同環境都非常好, 加上午市有85折優惠, 媽媽一定會滿意。😚我地11:30到張公館, 餐廳雖然係剛開門, 不過最近窗口的枱都已經被訂滿, 好彩其他位置都可以欣賞到維港海景。餐廳有別於一般中菜店, 座位好寬敞, 店員亦好溫文有禮, 加上背景播放的輕音樂配上維港海景, 係呢度嘆茶真係非常Relax。😙由於媽媽好鍾意食蝦, 我地點左多款用鮮蝦製嘅點心, 另外點左一碗經理推介嘅飯同媽媽最愛嘅杏仁茶, 兩個人食應該好足夠。😁百花煎釀秋葵百花煎釀青椒就食得多, 釀秋葵我地都係第一次食, 味道比釀青椒更好, 秋葵味道清甜, 口感爽滑, 同蝦滑非常配。👍脆焗蝦多士(6件)每件多士上面都有一隻開邊蝦, 蝦肉彈牙配上香脆多士, 非常惹味。😋鴛鴦蝦餃皇雙拼嘅蝦餃皇價錢同單點一樣, 鴛鴦蝦餃皇分別係原味同黑松露口味, 蝦餃皮晶瑩剔透, 餡料蝦肉飽滿, 有冇加上黑松露都非常美味。😍鴛鴦燒賣呢度嘅麻辣燒賣麻辣味香濃, 我好鍾意食麻辣, 不過媽媽就食唔到辣,鴛鴦燒賣包括左兩粒原味燒賣同兩粒麻辣燒賣, 啱哂我地。👍翡翠明珠球翡翠明珠球饀料有鮮蝦同菜苗, 外皮再加上一層彈牙嘅網層, 味道唔錯。👍脆脆笑哈哈由腸粉皮卷脆網再包住鮮蝦嘅脆脆笑哈哈, 外軟內脆, 口感味道都非常富有層次。😍黑毛豬黯然消魂飯雖然看似平平無奇嘅叉燒蛋飯, 不過呢款黯然消魂飯採用左特選西班牙黑毛豬, 肉質非常軟嫩多汁, 媽媽對佢讚不絕口。😁生磨蛋白杏仁茶生磨杏仁茶好香滑, 蛋白熟度剛剛好, 一人一盅, 食埋呢個甜品, 我地兩個都非常滿足。雖然85折之後價錢都唔算好平, 不過食物質素, 環境同服務都非常好, 媽媽大讚, 仲話下次要帶埋其他人黎再食過。😆餐牌…查看更多

長者爸媽👴🏻👵🏻每天都要上酒樓，歎著普洱☕️，一盎兩件🥢🍚才是他們愛過的生活。老人家早睡早起，閒來陪他們飲茶是最好不過的事😊今天就去了V point 29樓嘅張公館，大銀幕的遼闊海景， 幾乎每張枱都可以看得到維港的景緻，天然光線☀️，特別精神奕奕😊蘿蔔絲酥餅做得非常出色，酥皮一層疊一層，每層薄如絲滑，輕咬即破，表面是金黃香脆，內裏卻是清甜輭心的蘿蔔絲，高水準👍👍👍腸粉皮薄，貢菜野菌是素菜，餡料多一些也無妨，好吃又健康翡翠明珠球、肉鬆紅米果都係健康清新之選，翡翠明珠球以多菜為主，亮白蝦仁鮮甜清淡，竹笙蟹籽創造新穎外型，係用心的表現💕肉鬆紅米果就是肉鬆包著紅米去蒸，圓圓滿滿的像是一個福袋👛，是簡單的美味啊名字貼切，外型就如一艘忛船，網絲鍋貼香脆爆汁，好睇又好味👍👍👍名貴大方，上湯熬伴，冬蓉餃子，絲絲瑤柱，濃而不膩，很讚呢⭐️⭐️⭐️配合健康主題，鮮淮山紫薯浸莧菜時令新鮮，龍蝦湯泡飯即場加入油爆脆米，色香味十足，砂碢耐溫，會越食越好味，吃過點心，再加個泡飯，完美組合。咁靚嘅環境, 心情特別好，點了兩隻脆皮乳鴿，伴牒是脆炸白鴿蛋，乳鴨皮脆肉嫩，炸蛋🥚蛋味香濃，成牒乳鴨，無論主食伴牒都係廚師的心思，非常巧手💯。今天四個人，興之所致吃得飽飽的，望著怡人的風景，傾下食下，既好味又舒適，開心吃多一點又何妨…查看更多