霸嗎拉麵 (屯門市廣場1期)

營業中

休息中

今日朋友帶我嚟到屯門市廣場呢間 霸嗎拉麵🍜 話帶我嚟食佢新出嘅梅漬蕃茄慢煮雞胸冷沾麵 喜歡食沾麵嘅我二話不說就跟咗佢入去😆 入去坐低睇餐牌 原來仲有勁大個蕃茄😬 即刻點咗呢一個！再點埋其他嘢食 用QR code落單 快捷方便～ 先嚟嘅係飲品～綠茶可樂 $25係可樂味 加少少清新嘅綠茶味 好夠氣 食拉麵飲佢一流😌 雞叉燒味玉雞白湯拉麵 $95一上枱已經聞到佢嘅香味😍 兩件雞叉燒厚身又大舊 糖心蛋做得好出色👍🏻 雞白湯好香又唔會過鹹 幼拉麵配湯底啱啱好😋 梅漬蕃茄慢煮雞胸冷沾麵 $88主角出場😙 勁大個剝咗皮嘅蕃茄 配上六件慢煮雞胸 肉質食落幼滑唔會柴 沾埋呢個梅漬蕃茄汁 仲有啲蕃茄蓉喺入面 幼麵都做到掛汁效果😌 呢啲咁熱嘅天氣食 真係開胃好多👍🏻 羽根燒餃子 $35啱啱煎好就拎上枱 熱辣辣外脆內軟 咬開入面仲有汁😋 辛辣唐揚炸雞 +$18沙拉唐揚炸雞 +$18兩個拉麵都可以追加炸雞 叫咗兩個唔同嘅口味 炸雞好大嚿 炸得外脆入面仲有汁🤤 特別推薦辛辣味 辣得好香好過癮😬 柚子雪葩 $28最後仲追加咗呢個柚子雪葩 酸酸甜甜 食完拉麵再食個凍嘢真係一大享受😙 整體嚟講 呢間 霸嗎拉麵🍜 環境

男朋友最鐘意食拉麵所以去完旅行番黎第一時間就搵間拉麵過下口痕第一次試霸嗎拉麵首先環境都算闊落我地叫左餃子同拉麵拉麵湯底男朋友覺得唔錯但麵質做唔到我地寫既要求（本身我地係寫一正常一要偏淋）但出黎效果係一樣

今日早收工去左屯門市行街，行完肚仔餓就搵間餐廳食飯，朋友話想食拉麵，咁啱又見到有期限定牡蠣拉麵。我和朋友都喜歡牡蠣。點左廣島牡蠣漬醬油拉麵和廣島牡蠣漬薑汁石鍋釜飯，再加$18換兩件唐揚炸雞，點左一份羽根燒餃子和彈珠汽水。廣島牡蠣漬醬油拉麵，有4隻廣島牡蠣，大大隻又肥美，牡蠣又新鮮，湯底香濃鮮甜，拉麵又煙煙韌韌唔會過淋唐揚炸雞2件，炸雞熱辣辣，外層鬆脆，內里肉質嫩滑又有肉汁好好味羽根燒餃子，皮薄餡又多又好味。廣島牡蠣薑汁石鍋飯，有4隻大大隻廣島牡蠣，將蛋黃撈埋飯搞埋一齊，令飯粒更加香，仲有少少飯焦好香。

星期六同朋友係屯門上完瑜珈堂，消耗左唔少體力，緊係要食d好野，補充反，先有力氣反到屋企架嘛。💕霸嗎拉麵最出名既係超濃既豚肉拉麵，但佢除左呢樣，雞肉拉麵、仲有小食同飲品，樣樣好吸引！💕呢張係點菜紙好清晰，我地先揀邊款拉麵，再揀麵條既軟硬度、同要唔要蔥花咁，可以迎合到唔同喜好既我地。✨炙燒豚肉味玉拉麵 ($88)我叫左呢碗餐廳主打既「炙燒豚肉味玉拉麵」，有一件好厚的炙燒豚肉，仲有原隻那味玉、仲有配菜荀片咁。首先試下件炙燒豚肉，好厚切，經炙燒後既豚肉，佢既油份變得更香更濃味，用筷子輕輕一篤，已經可以將其分離，烹煮到十分嫩滑。✨炙燒豚肉海苔味玉拉麵 ($98)而朋友就叫左呢個，同我果個係一樣既，但就多左海苔，一上台，超勁霸氣，霸左半隻碗既位置。拉麵既豚骨湯係好creamy既橘色，夠哂濃郁，飲一啖個湯，即刻成個口腔充滿豚骨既味道。拉麵方面，朋友揀左普通，軟硬度又控制得幾好，唔會叫硬比軟咁，麵條既掛湯能力都好強，每一啖都充滿濃郁既湯汁。✨羽根燒餃子 ($35)餃子有五隻，一貫日式餃子既做法，先將底部煎得香脆，連同底下既薄翼，一下反轉，食得！餡料既肉汁同香味一湧而出，高質小食。💕總結黎講我地都覺得炙

今天看電影前有點肚餓，吃癮又起了，這次試這間拉麵。不想吃太飽，所以兩人分一碗，再加小食。我們叫了：豬骨豚肉紫菜玉子拉麵，加野菜，羽根燒餃子，燒汁唐揚炸雞，波子汽水。豬骨豚肉紫菜玉子拉麵：豬骨湯濃郁，但又不會過鹹，我選了去油，麵質選了適中，麵爽滑，加上湯汁，很配。豚肉是五花腩的部分，層次分明，但又不會過膩，玉子出色，一切開蛋汁漏出來。額外的野菜放進湯中，加上湯汁，很爽脆。羽根燒餃子：皮薄，外脆，饀的調味料不會過多，配上餃子汁，剛剛好。燒汁唐揚炸雞：炸雞外脆，肉嫩，加上燒汁，不會過多的燒汁，剛剛好。最後加多一支波子汽水，很完滿的下午茶。

今晚約了另一半吃晚飯，原先打算吃日式燒烤，但另一半牙肉腫, 一向十分體貼的我, 提議來霸嗎拉麵，反正我們未試過呢我們等了20分鐘, 叫號非常快, 入座算順利，餐廳裝修也十分迎合拉麵店，menu不算有很多選擇，我和另一半決定吃一個比較濃湯和清湯的拉麵，再加一客餃子我們落order的時候有段小插曲，旁邊兩位客人只來了一碗拉麵, 差不多吃完才發覺服務員落漏了單, 故事教訓如果有單在枱上，一定要看清楚，求人先求己羽根燒餃子我很推薦，感覺和煎餃子很不一樣，外邊很脆, 就像薯片一樣, 中間餃子很香口，非常有特色主角拉麵登場，我和另一半都互相試食對方湯底，我自己比較喜歡炙燒湯底, 因為濃郁又野味, 而雞叉燒湯底則比較清, 拉麵麵質算是普通，很多地方也吃到, 另外，肉方面我較喜歡雞肉，因為雞肉有烤過, 十分香口, 最後想說的是流心蛋是有驚喜，我們留到最後吃仍吃到有流心，而且蛋煮到剛好，非常彈口，很我們也很滿意這裡的食物水準, 希望下次再來的，現在我要拉另一半陪我去下面看Tomy車仔展

今晚我們喺屯門市廣場見完另一個人客之後，諗著食埋晚飯先返屋企，喺眾多間食店之中，我們揀咗呢間都幾多人食，而且環境裝修好有日式風味嘅「霸嗎拉麵」！我們叫咗辛辣炙燒豚肉味玉拉麵嘅豚肉好大塊厚身，但差唔多半塊都係脂肪嚟，所以咬落成口都係油，感覺超級肥膩，至於湯底亦都算幾夠辣！鷄叉燒味玉鷄白湯拉麵嘅鷄肉肉質相當鬆軟嫩滑，湯底好芳香濃郁，麵質好煙韌彈牙，流心蛋嘅效果做得好好，真係超流心，質感非常軟滑！辛辣檸檬豚肉拉麵一開始喺餐牌見到用檸檬嚟做湯底覺得好有創意，所以就叫咗嚟食，飲第一啖就覺得好特別，因濃郁嘅豬骨湯底，加上清香嘅檸檬，感覺好清新同唔會好膩，而且有櫻花蝦嘅鮮味！羽根燒餃子嘅餃皮好薄身，而且燒得好酥脆，再淋上香甜嘅燒汁一齊食，真係好正呀！

霸嗎拉麵幾年前登陸香港既時候大受歡迎，一直我都好想去試，可惜次次經過都遇正繁忙時間，大排長龍。今次難得閒日經過，又過左午餐時間，終於可以同朋友一嘗啦。淨係門口既風格已經好吸引，深木色餐枱椅配紅燈籠，充滿日本風。有吧枱位置，可以睇住師父製作拉麵。同日本拉麵店一樣，提供凍水俾食客。醬油碟都好貼心，最面有隻碟包住唔用既，貼左提示食客拎下面果d用，確保衛生。下午時段有跟餐優惠，好抵食。醬燘雞叉燒拉麵，湯底濃厚鮮甜，雞叉燒大大件，份量十足，雖然係厚切，但肉質柔軟，仲要索晒湯汁既味道，木耳絲夠爽，拉麵係幼麵條，麵質我揀左中度，唔硬又唔軟剛剛好。濃厚豬骨豚肉玉子拉麵，豚肉肥瘦適中，近乎入口即溶，非常有水準，湯底比雞叉燒拉麵更濃厚，荀唔乾身又冇渣，糖心蛋蛋味香濃，夠入味，唔覺唔覺竟然可以食得晒。唐揚炸雞，炸得夠乾身，有肉汁。羽根燒餃子，d網紋脆脆勁香脆，入口chop chop聲，餃子底部煎得夠香脆，面頭仲保持到水份，上軟下脆，好特別。今餐既份量其實三個女仔食都夠，呢個價錢食到咁有風味既日本拉麵，下次會再來。

之前見facebook推介日本拉麵，早前屯門有分店今晚同朋友黎食，唔需要排隊但店員都較為無禮貌...有meun同餐單紙，自己落單我地兩個人，分別點左羽根燒餃子、辛辣灸燒豚肉味玉拉麵、雞叉燒味玉雞白湯拉麵。首先上菜係羽根燒餃子...外貌不錯，外邊的皮都脆，但包餃子的皮較為厚，肉沒有太大特別，是有點偏咸。$35有5隻，一般，沒有驚喜。之後就到拉麵，首先係辛辣灸燒豚肉味玉拉麵整碗感覺好油，辣味不重，湯底不太香。都是一般。豚肉都係偏肥，但味道不錯！而拉麵有點失望，不是日本拉麵，是香港平價拉麵的感覺。而蛋都係香港蛋，較為失色...拉麵蛋也很重要，本期望為日本蛋，但不是但幸好它是流心...另外點叫一個雞味玉叉燒雞白湯拉麵...相對比較淡味，而肉也沒有特別，如果要食，豚肉較為好食一點！