慢煮工業

今日女朋友生日，去呢間之前黎過嘅餐廳，想食返好耐但冇機會食，終於有機會黎。 一黎到會要你先量體溫之後上一層食 因為有訂枱所以好快就入得。叫左個牛油果醬煙三文魚沙律，美式搖搖海鮮盤，極黑安格斯牛魔王肉眼同一杯Mojito。牛油果醬煙三文魚沙律有超多牛油果醬一啲都唔手軟，食落清爽同淡淡嘅牛油果味，啱哂中意食牛油果嘅健康一族。而個肉眼扒亦都好大塊 一黎黎到就聞到好香嘅燒肉味，因為係慢煮方法所以冇得擇幾成熟，食落肉嫩多汁又軟腍😋，一啲都唔老，連唔多中意牛嘅女朋友都食左好幾塊。個美式搖搖海鮮盤嚟到嘅時候會當住你面係個袋搖勻再倒出個碟到。一倒岀黎個下已經聞到好濃嘅龍蝦汁，裏面有成5種海鮮，夠果多樣化連個粟米都索哂啲汁好夠味😋。最後杯Mojito 味道偏甜但酒味唔高 冰冰涼涼，飲落都幾舒服，適合女仔飲。環境方面，燈光較暗幾有情調，幾啱用黎打卡😂但今次坐左係幾張大枱附近，所以比較嘈。總括而然都幾滿意，我同女朋友都食得好滿足😋…Read More

本身之前約左朋友去試呢間慢煮工業，可惜後來因為疫情既關係所以一路都未能成事～恢復晚市堂食之後即刻再同朋友約時間黎試😃極黑安格斯牛魔王肉眼 - $188塊牛扒比我想像中大塊！慢煮過既牛扒真係特別淋😍😍切開塊扒個陣都唔使點用力👍🏻侍應話因為慢煮既關係，所以塊扒大約係7成熟，無得再自己揀幾多成熟。塊扒真係整得好好食😋爆谷雞肉芝士薄餅 - $88小弟平時都好中意食爆谷雞，不過放係pizza就真係有d少見😂估唔到都幾夾👍🏻d芝士好多，而且味道好濃😍美式搖搖海鮮盤 - $168由於小弟朋友唔係太食得辣，所以特登問下侍應會唔會好辣，侍應就提議醬汁分開上👍🏻雖然咁樣無左搖搖既意義，不過分開可以食到海鮮既原汁原味😋個醬汁係蒜辣卡真龍蝦汁～龍蝦味好濃烈，味道有d似辣既龍蝦湯😆睇落海鮮好似好細份，但食食下發現原來都幾多😂…Read More

回購左好多次嘅慢煮餐廳💕除左慢煮肉煮得好好juicy海鮮/炸物都煮得好有水準 感覺order任何野食都唔會伏 慢煮肉係 CP值好高嘅嫩肉食肉獸表示 百吃不厭😋💜🤑 四人慢煮星級盛宴 $698 🤑 輕食拼盤 $88 🤑 美式搖搖海鮮盤 $168…Read More

今日約了好友吃位於太子的慢煮工業，之前一直好想試，今日終於約到了餐廳地點不算難找，太子站步行約七分鐘便可到達，尚算方便。入到去就看到招牌霓紅燈慢煮工業上一層就可見餐廳環境寬敞，燈光昏暗，氣氛浪漫，滿有情調當然要吃一個牛扒，兩個女仔，八安士便足夠。肉質嫩滑亦不嚡口，火喉剛好五成左右，牛味濃郁，很不錯。shake shake 海鮮，首先以膠袋盛著已煮熟的海鮮，服務員會在我們前shake一shake 匀海鮮和醬汁，再倒在碟上。有粟米，薯角，扇貝，青口，蝦，八爪魚仔，魷魚仔，鮮甜味美。配上微辣的蒜龍蝦汁，又幾惹味。天使麵爽口幼滑，黑松露醬汁creamy，香味四溢，掛於麵上，正！薄荷青檸梳打夠refreshing，黑牛上的雪糕軟滑冰凍，夠晒chill餐廳主打慢煮，以上都分不岀食材是否慢煮而成，但味道好就可以了🤪傾傾下，食下野，又一晚🥰…Read More

約咗朋友太子食飯，上網見到呢間餐廳裝修幾特別，好多燈飾作為裝飾，感覺幾chill~門外仲見到打氣牌🙏🙏💪餐牌選擇都幾多，部份配搭更係未見過的，幾特別😂美式芥末豬仔脾~豬仔脾份量OK，外皮烤得香脆，但內裏肉質則保持嫩滑，容易咬開，一切豬肉便和骨分離，不會過韌，而且與燒烤醬和芥末意想不到地夾，有點酸酸甜甜的感覺幾開胃~爆谷雞肉芝士薄餅~聽個名覺得配搭幾特別所以叫來試吓，賣相不錯，有激量芝士，而且有拉絲效果，好邪惡😈雞肉啱啱炸起，外皮仍然保持香脆，內裏肉質仍能保持juicy，不過爆谷的感覺似乎不太足夠~批底看似幾厚，食落都幾脆身~美式搖搖海鮮盤~食法幾特別，海鮮採用慢煮方式，吸收晒內裏精華，夠入味，肉質尚算嫩滑，醬汁味道少辣，有點刺激味蕾的感覺~…Read More

聽朋友講原來太子有間fancy慢煮黃店，所以今日就黎試下啦！一去到就見到個靚燈牌🥰我地四個人就嗌咗極黑安格斯牛魔王（12安士）、美式搖搖海鮮盤、芝士瘦肉獸薄餅、日式煙三文魚粟米薄餅、黑松露野菌天使麵同日式綠茶紅豆比利時窩夫配雪糕。無幾耐牛排就到咗啦！因為係慢煮，所以無得揀生熟程度。但一切開就見到係最愛嘅medium!食落軟硬啱啱好，唔會好韌、怪唔得知隔離個個都嗌依個安格斯牛排🤣黑松露野菌天使麵creamy得黎唔會好heavy，亦好夠松露味！鍾意食黑松露嘅係唔錯嘅選擇。慢煮嘅海鮮盤上碟好得意。職員會攞住成個慢煮袋係你面前choke勻，然後再剪開個袋倒出黎。青口、扇貝、蝦、魷魚仔、八爪魚仔嗰啲各有2-3隻，雖然係慢煮但唔會好韌/咬唔開。醬汁係黑椒醬，好濃味。芝士瘦肉獸薄餅味道偏甜，我地就好鍾意🤣🤣批地雖然少少厚，但好夠脆！食完都唔會濟到食唔落其他嘢。因為個批底真係好正，即刻追加咗個煙三文魚粟米薄餅。依個薄餅相對之下就鹹啲（煙三文魚🤤)，啲粟米就調和返個味道。最後緊係唔會錯過甜品啦！雖然雪糕有少少硬，但雪糕配窩夫嘅搭配係sure win! …Read More

之前晏就食過太子另一間慢煮工業店面同樣都以霓虹燈牌，十分搶眼同樣喜歡店內裝潢，都係走灰色系既工業風——————————————————————2間比較，尼間大點，有2層比較西餐廳，有扒等肉類為主亦有酒bar位置，幾岩happy Friday night 🍸另一間主打輕食d，似cafe啲本身都中意佢既pizza尼個份量唔會太多2個人share仲可以再叫其他野食而尼款比佢個名(爆谷雞)幾新穎而所吸引但食落冇咩特別，仲乾左dd🧐好脆好香口有d似脆香雞翼，唔會太咸而且熱辣辣好正另配有芥末醬，個人覺得唔dip醬已經夠味搖搖盤有青口; 扇貝;八爪魚仔;魷魚仔海鮮口感唔差，但整體都比想像中細隻d但個lobster sauce 濃得黎帶點點蒜既辣味，味道不錯而薯角吸哂啲sauce，幾惹味水果茶黎到似檸檬茶😂但都幾有茶味，芒果🥭蜜桃🍑搾成細細既蓉每啖都飲到d朱古力甜度都不錯上面既泡沫都幾厚幾綿好喜歡西西里醬個種蕃茄味清新d，酸甜開胃份量都好足料，肉醬滿滿的焗到有點焦既芝士鋪滿面頭有d邪惡但好食…Read More

約左班舊同事食飯，其中一個話想食威靈頓牛柳，係openrice搵到呢間有得食，所以就book左呢間食飯。我地係平日夜晚7點30左右去到，場內都已經坐左好多枱客，好彩有book定位。.餐廳主打慢煮肉類嘅菜式，但都有提供海鮮、意粉、pizza、炸物小食等等。如果你無咩特別想食嘅野，可以揀餐廳set好嘅套餐，有二人/四人套餐嘅選擇。我地因爲有各自想食嘅野，所以就自己單點:黑松露雜菌天使麵調味幾香，雜菌好juicy，唔錯。36小時紅酒慢煮牛面肉呢個有少少失望，因為個牛面肉有少少過熟，食落去有少少柴。不過，個紅酒汁調味幾好，所以底下嘅紅蘿蔔同蕃茄仔幾好食，哈哈。美式搖搖海鮮盤呢個味道一般般，無咩特別。經典威靈頓牛柳 (限量發售)酥皮好食，但入面個牛柳有啲韌，好失望。芝士食肉獸薄餅呢個係咁多樣野最好食嘅一個，調味做得好好，料又多，好鍾意食呢種薄底pizza法式豬鞍架呢個都幾好食，豬鞍架好juicy，唔錯！Sangria Red (一壺)味道正常啦，一壺有6-8杯份量，都幾抵。整體黎講食物質素就一般，不過座位夠闊，都幾啱同一班朋友黎聚下，食下小食。…Read More

慢煮工業先說環境，光線是暗黑，營造了浪漫氣氛。客人說話的聲音沒有太嘈吵，是寫意自在的。適合：一家大小、情侶、朋友聚會都合適。點了慢煮4人餐，一上餐就是「西西里肉醬焗意粉」🍝，賣相蠻吸引，芝士足夠，味道香濃，意粉軟硬恰當。看！小朋友立即吃完。👍之後是「美式搖搖海鮮盤」，適合正在減肥中的人士。餐廳用膠袋盛裝，估計是慢煮專用的膠袋，侍應在客人面前搖勻上碟。內有薯仔🥔、帶子、青口、粟米🌽、墨魚、魷魚、蝦，不錯的。沒有太多油、醬汁，吃來不油膩。美中不足的是少辣，對於不吃辣的朋友們就太辣了，建議餐牌加回辣椒🌶顯示。士多啤梨🍓青檸梳打🍸 -- 看出製作十分細心，是將青檸榨了汁再放回飲品，不用客人再「吉、吉、吉」😍接下來是主角--牛扒、豬仔脾、咸蛋黃炸大雞脾、雜菜。牛扒🐄點了6成熟，上碟時沒有血水，明顯比牛扒「冷靜下來」，才上碟。砌下時不難，很軟滑。👍豬仔脾🐖入味，吃過其他餐廳是很「鞋」口，依到的豬仔脾出乎意料的滑軟，小朋友也能吃。雜菜真的好味，紅蘿蔔🥕煮到沒有「青」味。蕃茄仔🍅也甜味，薯仔就是入味，不粉不爛不糊口。咸蛋黃炸大雞脾🍗--這項是失色。沒有我想像的咸蛋黃味道、太乾身，加上沒有醬汁配合，有點乏味。…Read More

有次個朋友話食過呢間既威靈頓牛扒好食 所以就介紹我其實一直都好想試吓威靈頓牛扒但係唔知香港邊度有得食 見到呢間有 緊係要試下一入到餐廳 門面好多霓虹光管成間餐廳都好有特色 充滿工業風嘅室內設計坐底左之後叫咗三個餸首先上咗個美式搖搖海鮮盤海鮮盤用咗味粉撈埋海鮮同小小粟米一齊食海鮮新鮮度一般個粟米亦都麻麻哋我覺得呢個可以唔叫跟住就上咗個法式豬鞍排法式豬鞍排用慢煮方法豬鞍排上面搽咗少少蜜糖入口嫩滑又香蜜糖味價錢唔貴絕對值得一試 跟住到我最想食嘅主菜威靈頓牛扒一上枱已經聞到好香嘅酥皮味一切開 牛柳係粉紅色 好鮮嫩食落口完全唔粗糙威靈頓牛扒個做法完全符合返傳統酥皮同牛肉中間有一層磨茹蓉濃香牛肉味 牛肉咬落去好淋同磨茹蓉好夾整體來講環境唔錯 食物質素亦算中上…Read More

放工拍下拖系列‌～之前都黎過太子呢頭食飯，曾經經過慢煮工業，覺得間餐廳設計幾特別，係呢頭都少D咁有style嘅餐廳。我初時遠望以為係酒吧，但後來知道係食慢煮西餐，即刻勁想試。餐廳有2層，一入門口，好似個backstage咁，原來行樓梯上一層先係座位。我估老闆可能好鍾意夾Band，成間餐廳嘅設計都Rock味甚濃😆上完樓梯有套鼓～門面同餐廳設計已經令我對食物好期待啦！坐低見到刀叉擺設，係幾特別～大部分食物都係慢煮，同行嘅男人對慢煮嘅食物非常有興趣。是日餐湯係南瓜🎃湯～入口幾滑，甜甜地，配埋個熱辣辣脆卜卜嘅餐包，不錯！主菜叫左medium rib eye～粉紅色嘅肉，軟綿綿，好香嘅牛肉味，又勁juicy。男人話慢煮牛扒黎講，呢度嘅質素認真好，價錢唔貴，性價比高！我呢個菇精，大愛大啡菇呀！來一個慢煮海鮮盤，魷魚🦑仔、八爪魚🐙仔、帶子、蝦🦐、青口、薯仔、粟米，其實都幾豐富！雖然賣相平凡，但所有海鮮都鮮甜同好味。大力推介帶子同青口～平時怕青口鯹同多沙嘅男人，都讚青口幾好味！其實都食飽飽，但你知啦，食甜品有第二個胃架。我見到慢煮紅酒梨子🍐個名，已經流哂口水 🤪等左陣，見到佢，果然一D都冇令我地失望呀！值呀！個梨好香紅酒味之餘，甜得黎係爽口架！切完即食已經好正，浸少少紅酒食更加juicy，配埋雪糕，簡直一絕近來都好少西餐廳嘅甜品令我嘩一聲，呢道甜品真係要再食！下次要帶多幾個好朋友黎試！好想快D encore呀😋😋…Read More