雲南啊老表黑山羊湯鍋米綫 (觀塘工業中心)

朋友們一直說老表羊很美味掀起了我吃羊的心 未下班便約飯腳店在觀塘地鐵站旁 走大概三分鐘門面不起眼 但食客郤不少=羊肉細碗米線=真的是細碗嗎 分量之大 很難想像大有多大湯底比較清 但有羊的甘香味看牆上的介紹 所羊的是黑山羊羊肉味濃而且不羶羊肉不只用了一個部位有連皮的羊腩 嫩滑羊味濃也有較瘦的羊肉 令口感更有層次米線滑而且煙韌 加上幾粒豬油渣又香口又美味=牛羊雙拼酸辣細碗米線=將清湯加入爽口酸菜 朋友係酸菜愛好者額外問姐姐加了大量 酸酸辣辣的確幾開胃=口水雞=以為會十分麻辣 比想像中温和 但還是很惹味 雞口感挺嫩滑=涼拌土豆絲= 口感清脆 絲絲分明 咸酸比例調的好 開胃菜要角…查看更多

星期日朝早出咗去觀塘工業中心嗰邊拎集運，之後就買埋外賣午餐返屋企食。本身諗住幫襯沙X王，但我搵唔到個入口😂。再行多兩步，就見到有間好似工廈食堂嘅餐廳，門面有啲羊嘅相，個名仲好鬼長同特別，叫做「雲南啊老表黑山羊湯鍋米綫」。咁一句講晒即係食米線啦🍜！入到餐廳，堂食環境不過不失，冷氣充足，舖入面亦係有好多山羊相，旁邊仲有啲文字介紹食羊嘅好處。過咗陣阿姐就走埋嚟招呼我，但我未諗到食乜，因為未食過，所以要望下啲餐牌👀。我同呀爸呀媽三個人食，叫咗兩份正餐同兩個小食已經夠哂飽👍。餐廳抵讚嘅地方係會主動將湯同飯麵分開，避免浸淋。羊肉大碗米線($60)，我要咗清湯，因為唔鍾意酸辣。大碗米線份量真係夠哂大，兩個人食啱啱好，但略嫌麵質比較淋身，底部有啲碎。🐐羊肉幾好食喎，個樣薄薄哋，有啲似牛腩，但係一食有陣羊羶味就分得出。不過羊羶味唔會過盛，幾好食😋。羊肉以外，我加咗$9要豬大腸，呢個就一般般，因為比較肥😳。另外，呢度米線嘅其中一樣特色係有落豬油渣，雖然佢唔係脆嗰種，但過下口癮都OK。牛腩湯飯($45)，呢個有啲似麵舖嘅清湯腩，味道唔錯啵！🐮牛腩量唔少，以正方體為主，肥瘦適中，餐廳仲搭多兩條生菜喺個湯度。美味口水雞($32)，🐔近嚟成日試口水雞，因為鍾意咗食辣嘛。佢呢個辣偏酸而不麻，而且🌶辣味在後勁。呀媽讚個雞有鮮味，唔係雪藏雞。麻辣豬耳($25)，呢樣我無食，佢哋話隻辣係同口水雞一樣，而🐷豬耳本身就幾爽口。總括嚟講，今次係我初嚐羊肉米線，味道同我想像中唔同，因為易入口好多🙈，我覺得都值得一試嘅。價錢就中等啦，一碗羊肉米線要成$60算偏貴，不過始終係招牌嘛～。…查看更多

成日都想搵D食羊肉既舖頭,但唔想下下都係打邊爐🍲係觀塘經過見到哩間店個名咁長咁得意,又係食羊米線,所以同朋友決定試下!食物方面:⚪️羊肉酸辣細碗米綫湯底都幾香,但酸辣味就無咩,只係係湯加左D酸菜,食到少少醋味,但就完全唔辣🔥羊肉唔會太羶,切得好薄一D都唔會un,米線好滑就算係細碗都好大碗!⚪️水餃(白菜豬肉和韭菜豬肉)餃子普普通通,係烚既無湯🙅🏻‍♀️餡既味道還好,皮唔係薄果種!⚪️美味口水雞雞肉無咩味,但無碎骨,個汁都OK幾香👌🏻但雞唔入味,口水汁入唔到去,但份量都算幾多!⚪️涼拌鳳爪鳳爪比較硬,個汁都係用返同一個辣汁,所以都係入唔到味,一般般!⚪️避風塘辣雞翼雞翼有少少乾,但味道唔錯,幾惹味😋有D似燒雞翼,唔錯!.整體方面:店舖係工業大廈果邊,但唔算難搵,就係曹通既店舖,無咩特別裝修,但地方都幾大,唔會座得好迫😉想試羊肉又怕羶既可以試下,唔錯,價錢唔會太貴,細碗都夠哂食😊…查看更多

今日跟同事去觀塘拿電腦，他知道我吃羊肉之後便帶我去吃「雲南啊老表黑山羊湯鍋米線」。此店位於觀塘工業中心一期地下，離觀塘港鐵站不遠。我們叫了大碗的羊肉米線，當米線送到來的時候，原來真是好大的一碗。清湯不油膩，羊肉不太羶，就算怕羊羶味的朋友都應該可以接受。羊肉份量都不少，吃下去的時候，感受到香香的羊肉味，再喝一口湯，味道不錯，再加上一口米線，真的是絕配。另一個是牛腩湯鍋米線，也是很大碗，感覺很抵吃。牛腩炆得好入味好腍，一咬即碎的感覺，米線更吸收了湯的味道一起滲入口裏，真是滋味啊。美味口水雞，冰涼嫩滑的雞件帶少少麻辣，沾上汁一起吃，很好味，但雞肉不多。蒜泥白肉，半肥半瘦，切得薄薄均勻的，入味好吃。「雲南啊老表黑山羊湯鍋米線」，價錢大眾化，味道又不錯，加上份量又足，所以怪不得咁多捧場客。…查看更多

記得呢間舖頭幾年前瘋魔米線間，當時仲未有好多咩雲南、四川米線，好多雜誌或者網上媒體都有介紹，個陣去幫襯要等位事隔幾年，佢嘅舖位裝修已經唔同咗，當年一個細舖位，大家坐到好逼近乎身貼身，而家成間舖好闊落，位同位之間仲有空間，亦有大枱細枱啱哂唔同嘅人嚟食牆上面掛住羊肉嘅介紹，同埋一啲羊嘅照片水餃米線（白菜餡）突然心血來潮想食下水餃就叫咗，湯底係清而不膩嘅豬骨湯，米線質地正常，少少咬口，水餃同麵嘅份量足夠，甚至一個女仔未必食得哂羊肉大碗呢個真係好大碗，可以睇到我用隻手掌同佢比較。食羊肉個陣酥味其實好重要，因為鍾意想羊肉就覺得愈酥愈吸引，呢到陣酥味好適中，唔會誇張到未食過嘅人接受唔到，但鍾意食羊肉嘅會ok😋美味口水雞有時食口水雞會食到熱嘅，但其實凍到先啱！好彩呢到係凍食，雞肉肉質結實唔會太韌，汁嘅味道主要係酸酸地，忍唔住撈埋落啲麵到食😛涼拌青瓜同樣係冷盤，每一塊青瓜已經吸咗啲汁，食落除咗爽脆之外仲好入味，頂瓜瓜！當晚滂沱大雨，由地鐵站行去嘅路有好多水潭，但都不乏佢嘅擁躉，不斷有情侶、一家大細、一班朋友嚟幫襯，只有有實力嘅餐廳先做到…查看更多

多年前曾經同朋友係觀塘廣場食過一間出色既羊米線。今日再訪發現餐廳已經冇左，幸好只是搬到附近另一處。新地址已位處工廠區，但室內地方大得多。雖然工廠區晚上較靜，但19:30入座仍坐滿客人。餐牌上仍有多年前吃過的羊肉米線，還有牛腩米線，又有口水雞，餃子等既小食。羊肉大碗(淨瘦) $49米線可選大碗/細碗，大碗份量之多足以夠兩人的份量，價錢變得抵食。羊肉亦可選帶皮/淨瘦，而我唔太食皮就揀左淨瘦。淨瘦羊肉依舊出色，腍而不韌。而米線中有大量羊肉，即使湯底選了清湯，亦完全唔覺羊羶味。美味口水雞 $25口水雞辣味溫和，多吃也不覺得刺激，而且好入味。韭菜豬肉餃 $29/10隻$29/10隻都幾抵食，餃皮唔厚，唔會食到成口都係，而且韭菜豬肉餡豐富。比起常吃的牛腩，羊肉的確好有驚喜，而且很少地方可以吃到出色的羊肉米線，加上性價比高，難怪餐廳多年來仍然屹立不倒。…查看更多