慢煮工業

同2個朋友約左食飯，揀左呢間黃店西餐💛。Book左7點去到有位就早啲入🖖🏻。幾大間，環境唔錯，限左食90min但過左時都無催促，可能因為出面無人等位🙈。用qr code落單幾方便。🔅蒜香芝士排包(一份) ($48)好香芝士同蒜香味，好香脆超正😚！但留意要即刻食！如果唔係芝士擺到凍左就會硬左拉唔到絲就無咁正。🔅極黑安格斯牛魔王肉眼(12oz) ($188)見佢期間限定特價所以叫左😝，味道就正常肉眼扒。雖然無得揀幾多成熟，望落應該都5成👍🏻。塊扒唔韌無筋，幾香又夠大塊，3個人分都幾多。🔅經典威靈頓牛柳 ($218)有朋友想食所以特登留定。焗得啱啱好，個皮夠脆，不過之後肉汁流出黎就會慢慢變腍，都係建議盡快食😌。🔅芝士食肉獸薄餅 ($88)個pizza底焗得好香脆似餅乾咁🤤，面係芝士煙肉肉醬，芝士唔會好膩好夠香，簡簡單單但好正💛。🔅輕食拼盤 ($88)薯條墊底，有雞翼、炸蠔、炸蝦、炸芝士條，每樣2件，不過叫得太多野其實都唔係好食得落🤣。💬2百蚊左右一個人好抵食😍，味道又唔錯，全部即刻食都係好正。溫馨提示叫太多一次黎晒就會食唔切，凍左就唔好食唔脆🙈。…查看更多

朋友相聚，想約個地方坐得舒服、傾下偈、食下好野。餐廳位置雖不近地鐵站，但因在太子，亦算方便。先講食物，食物係好食既，點了三個主食，經典威靈頓牛柳($218)、 黑松露野菌天使麵($78)、芝士食肉獸簿餅($88) 。一睇價錢就知唔貴，味道亦好，勝價比頗高。 薄餅有驚喜，底有啲特別，有啲似餅乾，但食落煙韌、有咬口。配料有肉醬、芝士，醬汁有酸酸甜甜的味道，成個配搭幾夾。威靈頓牛柳個酥皮幾香、又唔係好油，磨茹泥好有菇味，唯一係唔多覺有火腿。食物大讚👍🏻，可惜的是環境浪費了。望落裝修幾靚，有佢既特色。可能因為疫情下、經營艱難，店舖盡量安排多啲人入坐。我今次是訂了枱，3人。去到時被安排了一張2人枱。環顧4周，3人都是坐2人枱。5人就坐4人枱。枱與枱之間已經密(我是與另一枱的客人接近背貼背咁坐)，加上overload ，以致人很多，環境好噪，唔大聲d都唔係好聽到朋友講乜，感覺好似去左大排檔，不過係食西餐。坐位、人數安排，破壞了餐廳整體格調，好好的一間西餐廳變了大排擋，可惜、可惜...如果改善了坐位安排，會是激好評。…查看更多

📍(禁晚市前嘅時期去食)依間餐廳好似成日都好多人又成日見到有人介紹今次就特登去試下佢我地有book到枱 所以唔洗等！餐廳有兩層 當日我地被安排上層睇得出餐廳有擺心思係裝修到整體感覺唔錯⬇️①芝士煙肉薯條 $68②芝士溫泉蛋大啡菇 $38@1③黑松露野菌天使麵 $78④經典威靈頓牛柳 $218.①芝士薯條份量幾多煙肉同芝士都唔會好吝嗇上枱嗰陣時係啱啱焗起熱辣辣👍🏻薯條加芝士加煙肉好難唔好食🤣🤣②大啡菇好好食呀 係成餐飯嘅mvp🥇面蓋咗塊芝士 焗到微微燶舊菇裝住咗隻溫泉蛋一切落去 啲蛋黃流曬出嚟🤩🤩大啡菇一咬落去好juicy💦💦3種口味夾埋食 好正👍🏻③天使麵普普通通食到有黑松露味 比較creamy ④見佢二百幾蚊就食到威靈頓牛柳價錢好吸引上枱present得幾靚外層酥皮微燶 又好脆切開塊牛柳唔係熟曬 大約7成熟見到佢中間有層菇醬 不過唔係好食得出但一切開 啲layer就散曬不過咁嘅價錢都ok嘅！🌟️🌟多謝你睇到最尾🧚🏼‍♀️希望大家可以關注我嘅ac “thegrainyspace “咁就可以留意我最新嘅食評🤩📜✏️…查看更多

太子有好多好味的餐廳，今晚就嚟到試下慢煮工業。因為訂左枱，好快就可以入座。一上樓就見到著名嘅畫作同一套鼓，估計週末時會有live music。上到去職員安排左一張六人大枱，眼見餐廳喺疫情期間，枱與枱之間的距離都幾充足，亦令我地幾放心。餐廳環境都唔錯，有open bar 可以睇到上菜嘅過程。Food Menu同drink menu上都有好多唔同嘅選擇，亦有好多小食可以揀。今晚我哋就叫左一份經典威靈頓牛柳加芝士溫泉蛋大啡菇同一份龍蝦汁香蒜大蝦意粉(本來仲想叫慢煮德國脆皮鹹豬手，但怕太多，所以作罷)。飲品就叫左Mojito同比利時玫瑰水果啤。先來的是飲品。比利時玫瑰水果啤($48)幾清新，同Hoegxxrdxn 嘅rose好似但更fruity。Mojito ($68)預先問左可唔可以「少甜」，味道唔錯。再嚟就係主食經典威靈頓牛柳($218)上枱時好香，酥皮好脆。急不及待切開佢，入面嘅牛扒顏色好靚，睇落肉質好嫩滑。牛扒都幾香，牛味亦好鮮明，肉質鮮嫩。喺酥皮同牛扒之間嘅蘑菇蓉調味同一般有少少唔同，食到有薑汁嘅味道。份量合理，兩個人分有少少唔夠喉。芝士溫泉蛋大啡菇(side,$38)溶左嘅芝士包住溫泉蛋同啡菇，一切開蛋汁就流出嚟。啡菇沾住蛋汁食，都好好味。龍蝦汁香蒜大蝦意粉 ($88)賣相滿分，蒜味香濃，個汁都唔Hae，堅係有龍蝦味。意粉硬度亦岩岩好。埋單$506。以環境同食物質素嚟講，又可以同朋友傾下計，呢個價錢好合理。下次限聚令解禁，會再同多d朋友嚟chill下。…查看更多

餐廳位於轉角位置，外面看起來裝修很有氣氛。餐廳有兩層，下層是比較清靜，我們坐上層較熱鬧。餐廳有不同款式的慢煮肉。看到餐牌上竟然有威靈頓牛柳，但這是限定供應要預約的。詢問侍應後，今天還有供應，非常幸運。經典威靈頓牛柳。酥皮包住配料，最內層是牛柳。一切開，牛肉香味便湧出來，切開後肉是粉紅色的，剛剛好非常漂亮。酥皮焗得香脆，牛柳很軟淋。配菜是焗原隻蒜頭，焗得好香，有蒜頭的甜味，卻沒有了蒜頭的辣味，一起吃非常夾。還點了紅酒，配上牛柳簡直是絕佳配搭。龍蝦汁香蒜大蝦意粉。蝦香氣撲鼻，有兩大隻。意粉的蒜味亦十分重。…查看更多

📍#慢煮工業📍The Hangout by Under Vacuum .🇭🇰香港太子白楊街15-19號萬安大廈地下及1樓🇭🇰 G&1/F, Man On Building, 15-19 Poplar Street, Prince Edward, HK.#太子 #西餐 #MFJ太子 #MFJ西餐#PrinceEdward #WestenFood #MFJ_PrinceEdward #MFJ_WestenFood .人均消費: HKD400.味道: 👅👅👅👅賣相: 👀👀👀價格: 💰💰💰💰環境: 🌹🌹服務: 👨🏻性價比: ⭐️⭐️⭐️⭐️回頭率: 🔆🔆🔆🔆.以慢煮為主題的西餐，環境坐得算舒適，但燈光真的暗到想哭😭.⭐️#36小時慢煮牛面肉 HKD158先試慢煮牛面肉，真的好稔好嫩，口感其實有點像牛脷但得三塊要省著吃下面配菜有薯仔種車厘茄，味道挺好.⭐️#經典威靈頓牛柳 HKD218雖然叫經典，但樣一點都不經典😅不上桌都覺得好靚！皮好香脆，𥚃面的牛柳好嫩好香，算juicy ，不過因為要自己切，一切就有點散開但HKD218好抵吃.💯#法式豬鞍扒HKD98⚠️這個豬鞍扒真的超正呀！超厚但一點都不韌，切落去已經看到汁都流出來，爆汁！ 入口好香好正💯HKD98真心超值.Ⓜ️#焗農夫包湯+HKD28加HKD28的農夫包湯，麵包裡面盛著濃湯，帶南瓜味，普遍.Ⓜ️#芝士温泉蛋大啡菇 +HKD38好貴的一個菇啊！大啡菇絕對叫不上，小小菇唄😂 芝士跟温泉蛋配上菇，不是怎麼突出.環境真心好暗，食物拍得好差🤣服務挺差，但味道搭夠👌🏻.#mfoodjournal #instagfood #foodstagram #foodie #hkfoodie #foodblog #hkfoodblog #tastyfood #相機食先 #吃貨 #食好西 #香港美食指南 #美食推介 …查看更多

約左班舊同事食飯，其中一個話想食威靈頓牛柳，係openrice搵到呢間有得食，所以就book左呢間食飯。我地係平日夜晚7點30左右去到，場內都已經坐左好多枱客，好彩有book定位。.餐廳主打慢煮肉類嘅菜式，但都有提供海鮮、意粉、pizza、炸物小食等等。如果你無咩特別想食嘅野，可以揀餐廳set好嘅套餐，有二人/四人套餐嘅選擇。我地因爲有各自想食嘅野，所以就自己單點:黑松露雜菌天使麵調味幾香，雜菌好juicy，唔錯。36小時紅酒慢煮牛面肉呢個有少少失望，因為個牛面肉有少少過熟，食落去有少少柴。不過，個紅酒汁調味幾好，所以底下嘅紅蘿蔔同蕃茄仔幾好食，哈哈。美式搖搖海鮮盤呢個味道一般般，無咩特別。經典威靈頓牛柳 (限量發售)酥皮好食，但入面個牛柳有啲韌，好失望。芝士食肉獸薄餅呢個係咁多樣野最好食嘅一個，調味做得好好，料又多，好鍾意食呢種薄底pizza法式豬鞍架呢個都幾好食，豬鞍架好juicy，唔錯！Sangria Red (一壺)味道正常啦，一壺有6-8杯份量，都幾抵。整體黎講食物質素就一般，不過座位夠闊，都幾啱同一班朋友黎聚下，食下小食。…查看更多

牛扒癮又起, 當然要找家主打牛扒的西餐廳大快采頤。店面裝修走工業風路線, 頗有特色。一心來吃牛的我先點了肉眼扒, 和近來風頭一時無兩的威靈頓牛柳。肉眼扒本身想要三成熟, 但原來慢煮是不用選熟度的。對於很怕吃到過熟牛扒的我, 一開始也有點擔心, 但當牛扒上桌後便釋除了疑慮。牛扒經過慢煮後大約七成熟, 令人驚喜的是還有很多肉汁, 肉質不會韌, 甚至連筋位都能輕鬆咬開。牛扒只以鹽和黑椒調味, 不需醬料已能充分展現牛扒的肉味。對於第一次吃慢煮牛扒的我, 真的大開眼界呢, 這應該就是慢煮的精髓吧。威靈頓牛柳賣相吸睛, 外層酥皮焗得香脆乾身, 一切開內層仍然呈粉紅色, 時間和火侯皆控制得不錯。牛柳肉質軟腍, 配上牛油味香濃的酥皮和層次豐富的醃料, 為口感帶來了新的衝擊。喜愛吃蒜的話更可配一顆烤過的蒜頭伴著吃, 令味道更上一層樓。這道菜出名工序繁複, 烹煮時間長配料又多, 現在能以此價錢一嘗此英國傳統名菜實在超值。除了牛扒之外也點了一份豬仔骨, 豬仔骨表面有輕輕烤過, 封住了肉汁令豬仔骨吃起來不會乾身, 輕易便能把骨和肉分開, 再加上配搭香濃惹味的BBQ醬, 連本身不愛豬肉的我都大為欣賞。肉類加配了兩款伴碟: 焗農夫包湯及芝士溫泉蛋大啡菇, 雖然是配菜卻毫不失禮。大啡菇配芝士是長勝的配搭, 再加上軟滑的蛋白跟流心的蛋黃, 滋味無窮, 只是切開後吃起來有點狼狽。焗農夫包湯與其說是湯, 形容為南瓜蓉更為貼切。南瓜蓉質地較為杰身, 就算把麵包撕開分着吃, 南瓜蓉也不會流出。南瓜蓉沒有經過太多調味, 能吃到南瓜本身的天然甜味, 感覺清新。黑松露野菌天使麵份量不算多, 但每一口天使麵都掛著香濃的醬汁和菇菌, 惹味非常。想不到無意中發掘了一家性價比高, 食物水準滿高的西餐廳, 以後想吃牛扒又多一個選擇了。…查看更多