酒屋一杯喜

男朋友做嘢話見附近好似新開咗間居酒屋不如去試吓就同我喺冇訂枱嘅情況下Walk in嘅情況下去試吓🥢入嚟都幾多人，所以坐咗吧枱嘅位置，可以望住師傅喺面前製作壽司別有一番風味。店內貼滿日本海報、擺滿唔同品牌嘅清酒仲播住日文歌，環境充滿日式感覺。 我哋兩個人嗌咗白松露薯仔沙律、辣味青瓜八爪魚醋物、五品盛刺身、九孔鮑魚煮物、厚切牛舌、紫蘇雞皮蝦、鹽燒白鱔同㊙️❓炒飯～ 店員沒有一次過咁一堆嘢上菜，都係由前菜類咁分開先上咗 辣味青瓜八爪魚醋物同白松露薯仔沙律先嚟開開胃🥰 白松露沙律做得很幼細，食到有吞拿魚同碎蛋一齊攪埋而面灑有味粉味道配搭埋白松露同薯仔口感好好味👍👍店用咗白松露而非黑松露沒有太搶味睇得出有心思。 五品盛刺身，刺身都好新鮮～魚有3款仲有蝦同帶子，蝦大大隻亦好鮮甜啜埋蝦頭嘅膏蝦味十足🥰帶子又夠厚身同大大粒😋😋鮮味滿滿～ 九孔鮑魚煮物貼心咁已將本體切開咗咁用殼上好方便食🥰少少甜嘅汁吊出鮑魚嘅鮮👍 燒白鱔油花唔算太肥唔會燒到黃金色又唔會太乾身仲聞到陣陣牛油香，紫蘇雞皮蝦亦燒得好香口，雞皮脆口再包住啖啖肉嘅蝦味道好豐富而且有紫蘇唔會覺得好膩咁。 最後嘅係神秘炒飯😂原來係隨師父心情同時令變出嚟嘅～ 事前食咩都唔知架，今次我哋嘅係豬腩肉炒飯～ 聞落飯香陣陣 粒粒分明 豬腩肉切細咗仲有洋蔥粒同蛋一齊炒嘅飯都幾唔錯。 上炒飯果陣仲聽到有Live band 開始彈結打唱歌🎤現場氣氛即刻再升溫拉滿, 我覺得依度好啱Weekend 放工嚟食吓嘢飲兩杯Chill吓~…Read More

天后新開居酒屋食物款式幾多喎！有齊串燒、刺身壽司、鍋物、拉麵烏冬炒飯、燒物、天婦羅等料理，仲有好多款日本酒，好岩大家放工黎chill chill！餐廳店面都幾大，唔會太迫夾。重點係平日都開到凌晨1點，可以同朋友慢慢傾了。逢星期五六9pm-11pm好似仲有live music！▪️爆血之作一肝入魂拼盤 $188/5串超邪惡嘅串燒拼盤！分別有鵝肝、牛膏、牛肝、羊膏、雞肝~ 一上枱已經聞到個陣油香，肥仔特別鍾意平時好少見嘅牛膏羊膏，外層焦脆一咬爆油。雞肝都唔錯，綿滑重肝味。不過唔建議怕肥怕油膩嘅人士嗌▪️煙燻鯖魚禾草燒 $298師傅先用日本稻草明火燒烤鯖魚，再放入煙燻木箱以桃木煙燻熟。鯖魚好軟滑，有少少半生熟嘅口感，魚味同煙燻香同樣突出，都算我食過數一數二好食嘅鯖魚▪️北海道海膽蝦片 $288/2件蝦片新鮮炸起，好香脆！馬糞海膽軟滑帶海水味，呢個combo好難唔好食，唯獨貴左少少▪️半熟赤鯥配海膽魚眼晶醬汁壽司 $98/件好特別嘅一款壽司！醬汁用左海膽同魚眼特製而成，赤鯥則昆布醃製7小時 再以低溫慢煮做成半生熟，質地帶點彈性，魚味十足，醬汁較平時更有骨膠原嘅感覺，可惜海膽味偏淡▪️紫蘇雞皮蝦 $68/串外層嘅三黃雞皮燒得好脆，一食滿口雞油焦香，入面嘅海蝦微彈，加左紫蘇葉感覺上無咁膩。▪️黑豚沖繩苦瓜炒蛋 $78苦瓜爽脆苦而不澀，豚肉極肥，超重油脂香。加上蛋味濃郁嘅曉蛋，簡單得黎好食！▪️味噌博多牛腸鍋 $168日本牛小腸肥美軟彈，一啲都唔韌。湯底加入九州、西京味噌混合而成，唔會太鹹，重口味人士就覺得可以再濃啲啦~▪️白松露油薯仔蛋沙律 $78日本新薯軟淋重薯味，面頭灑滿咖喱粉，香得黎唔會太辣，帶淡淡白松露香。🍶Garyubai Sparking wine 平時好少飲Sparkling sake，估唔到有bubbles、medium dry嘅清酒，同油香澎湃嘅串燒又幾夾，一減油膩感之餘，sake嘅甜味亦會更突出。整體嚟講，好岩放工黎chill chill！食物款式多幾岩送酒，有兩三道都幾有驚喜 (煙燻鯖魚禾草燒、紫蘇雞皮蝦、黑豚沖繩苦瓜炒蛋) 不過價錢偏貴…Read More

ɪᴘᴘᴀɪᴋɪ ꜱᴀᴋᴀʏᴀ酒屋一杯喜為天后這個美食旺區最新開業的居酒屋。距離天后地鐵站不遠，就在清風街橋下的一條寧靜小巷內。簡潔的居酒屋門面，入口處是一些可供客人小酌幾杯的開揚小圓枱位置，進店後有大量的堂食座位，亦有VIP 廂房供客人狂歡。.居酒屋餐單滿多樣化，集各式的生熟和食、刺身壽司、炸物、串燒、燒物以及各類佳釀等居酒屋料理，還有提供廚師發辦，一應俱全。.✿ 一杯喜薯仔沙律 💲78今天的餐單交由餐廳推薦發辦，盡可能一口氣試勻他們的那手菜。餐前先來一客日式沙律，但內容也殊不簡單，以日本薯仔加熟吞拿魚蓉及白松露油調味，薯仔呈金黃色，味道層次豐富。.✿ 馬糞海膽蝦片💲280/2片即叫即炸脆蝦片，加上北海道馬糞海膽及魚子醬。海膽極新鮮，味美豐盈。.✿ 半熟赤鯥配海膽魚眼晶體醬汁壽司💲98/件非常特別的一款壽司，面淋的金黃色醬汁是以海膽加上魚眼煮成。以櫻花木輕炙後，半熟的赤鯥魚散發出獨特的香氣，油脂感高。.✿ 煙燻鯖魚禾草燒 💲288全晚重頭戲必數這款特別的禾草煙燻鯖魚。師傅在食客前處理，以燒日本稻草將鯖魚烤至半熟，然後再放入木箱以桃木煙燻。魚片燻至焦脆，魚肉柔滑。稻草香味濃郁，必試大推。.✿ 紫蘇雞皮蝦 💲68/串串燒有特色的雞皮、紫蘇包蝦串。雞皮烤至香脆乾身，不帶多餘油脂，邪惡香口。.✿ 一肝入魂拼盤 💲188/5串爆肝之選可以一試餐廳特色的一肝入魂拼盤。一客五串包括日本和牛肥膏、串燒豬肝、法國鵝肝、本地雞肝及紐西蘭羊膏。款款邪惡惹味。另外還點了一客串燒牛舌芯。.✿ 味噌博多牛腸鍋 💲168由日本進口超肥美的牛內臟以及牛小腸，加上韭菜、豆腐等素菜的湯煲。奶白的湯頭加了味噌醬，味道柔滑有層次。.除了美食，餐廳老闆說他們擁有全港島區最多日本燒酌，以及多款果酒柚子梅酒。營業至深宵一時，喜歡跟朋友小酌幾杯或是好杯中物者皆適合。…Read More