望月軒

環境光猛，有落地大玻璃可以望到維港靚景，仲可以見到往來澳門船隻泊岸，感覺寫意🥰。🥢鮮蝦餃$59鮮蝦餡料爽口juicy。🥢蟹籽燒賣皇$59墨魚膠加蝦膠嘅組合，口感夠哂Q彈，而且每隻都夠哂份量大大隻。🥢百花釀魚肚$59鮮爽嘅蝦膠放在口感綿密爽彈魚肚上，確係最佳配搭。🥢鮮蝦菜苗餃$59餃皮晶瑩Q彈，包裹住爽甜鮮蝦及爽脆菜苗。🥢酸菜魚炸春卷$59酸菜魚春卷估唔到咁好味，除咗春卷內有酸菜魚之外，另外再有碗酸菜魚附上，蘸點湯汁一齊食，更加滋味😋。🥢麻香滑雞竹筒飯$59米飯帶清香竹筒味，雞肉滑溜並帶麻香味道。🥢鎮江餚肉$98瘦肉部份酥香，啫喱位軟腍中帶彈性，清爽不油膩，口感層次豐富👍。🥢糯香蓮藕$68蓮藕釀上糯米，口感綿腍軟糯，再淋上桂花糖漿，淡雅細膩嘅花香，食落充滿幸福感🥰。🍯桂花酒釀丸子$38甜湯散發清香嘅桂花香並帶着醇和嘅酒香，配上Q彈軟糯嘅丸子，為此結束好味而完滿嘅一餐😋。…查看更多

為免聖誕節多人，加上不一定要食西餐；在12月中，跟一位好姊妹先約在上環信德中心3樓澳門廣場的 <望月軒> 嚐中式晚餐，然後，一起搭地鐵到金鐘太古廣場影聖誕裝飾！餐牌 依上桌次序：糯香蓮藕 $68一客8片，這是涼拌小食，見到餐牌發現這款小食幾特別！ 由於配上蜜糖、桂花，味道甜美；熟透的蓮藕質感粉腍，有時，一夾就斷開，就算蓮藕孔隱藏糯米飯，也不會覺得膩滯！宣威蜜汁火方 $198/ 4件包括：夾膜、青瓜、脆片、被蜜糖醃製的豚肉，脂肪晶瑩不甜膩！水準之作！花膠菜膽燉花菇湯 $108/位食材包括：花膠、螺頭、雞脚、瑤柱、瘦肉、冬菇、燉湯清而鮮， 其鮮味相信主要來自螺頭，連冬菇也有菌香及鹹味，而且好少油！健康又滋補！清炒蒿筍絲 $98口味清而夠味，蒿筍絲入口略帶清爽，而且少油，是一道清新味蕾的菜式！板燒薑蔥燒鮑魚 $238起初，我們打算點黑松露炒鮑魚，男店員推介我們另一款抵食啲嘅鐵板鮑魚，師傅刀功一流，薄切鮑魚香口惹味之餘，還提升鮮味！配料的洋蔥、蔥也不要放過呢！茶位：$25…查看更多

老公男友人IN一家三口,約我o地尋日(23-12-2017 Sat)o黎呢o度食90分鐘下午茶放題,佢o地經團購以$220.00買原價$764.00o既四人票,我o地book o左2:30pm,大家都準時到達,安頓後就剔o野食喇,其實我o地想樣樣都試勻,但我o地最後o個轉o係3:40pm order時,飯就冇晒,詳情請睇”服務”一項.我o地食o左:1. 手拍青瓜(唔辣)青瓜爽脆,微酸,正常.2. 雞絲粉皮粉皮好幼,雞絲少,OK.3. 潮州粉粿同樣有沙葛同五香粉唔夠,一般正式. 4. 響鈴牛肉球響鈴有那?原來咪就只係腐皮牛肉球.5. 陳醋小木耳冷不防呢個係辣,但好彩唔算好辣,木耳爽口.6. 泡椒鳳爪又冷不防以為呢個係飄香無骨鳳爪,我食o左隻泡椒,好麻辣,但鳳爪唔辣,少少酸.7. 薑蔥牛百葉口感正常,湯味濃但唔知係乜.8. 生煎包煎得唔夠香脆,內裡都仍有肉汁,OK o既.9. 四川紅糖燒餅外形同生煎包相似,內裡紅糖唔太甜,好彩味道唔算好濃,否則好難接受.10. 蟹籽燒麥皇明顯打錯字,係蟹籽燒賣皇,OK正常啦.11. 香煎蘿蔔糕同樣煎得唔夠香脆,一般.12. 飄香無骨鳳爪鳳爪竟然係黑色,好腍,但其實唔知係咩味,只知幾濃味同可接受.13. 樟茶鴨半隻味道好濃,炸得脆口.14. 豆沙煎堆仔仍暖脆,正常冇問題.15. 雞絲春卷食唔到雞絲,只知係脆.16. 白灼菜心正式冇問題.17. 糯香蓮藕呢個係甜品,蓮藕薄切,糯米軟燸但唔夠味,OK.18. 粟米瘦肉粥IN一家食o左,我同我老公冇食到,佢o地話好好食,當我想encore叫時已經冇.19. 臘味糯米飯口感同味道都好好,冇問題. 20. 安蝦鹹水角都係仍暖同脆,餡料唔算惹味.21. 養顏銀耳羹女子組食呢個,雪耳好腍,就o黎變漿,KK食到底覺得太甜.22. 蓮子紅豆沙男子組食,但我都食少少,呢個唔太甜,正常冇問題.23. 冷熗青瓜其實係咩青瓜?上枱睇,同手拍青瓜冇乜分別,只係面上加o左好多辣椒乾而已.24. 四川雞絲涼麵都係一大堆辣椒粒擺o係雞絲涼麵上,未撈勻前我夾條麵食,都係爽口o既.味道係3.26分服務:好差,我同老公去到信德中心3樓離境大堂,唔見呢間o野,於是打電話o黎問,聽電話o既只答係,係o係3樓離境大堂就見到.我話見唔到,位置o係邊?佢至答行去澳門廣場.=.=”放低o左牛肉,菜心後,IN問有冇豉油喼汁,亞姐話要自己出去攞.我個位同另一張有人o既枱係有通道o既,但都唔明點解個亞姐行過時仍會撞到我,重要係兩次.有個亞姐幫KK後面枱客斟水,KK就拎開件褸(一句說話都冇講過),個亞姐就話唔使驚.IN就話唔想阻佢啫.點知個亞姐就話唔會整濕o既. IN都係仍話唔想阻佢.亞姐又仍講唔會整濕.脾氣好o既IN終於忍唔住問,整濕o左點呢?佢至收聲.原本冷氣都幾舒適,但中途開大o左,叫佢o地閂細少少,佢o地竟然睇都冇睇就答冇開到.之後都走o左去閂.任食放題係由2點-5點,但北京水餃一早已經冇,腸粉同所有飯類更加o係上面提過, 3:40pm落單已經冇晒.我o地問咁快冇晒?供應到5點個喎.個亞姐即刻用鬧人o既語氣答,咁係整咁多就咁多云云…..IN又忍唔住講句,得喇,我會同你經理講.佢入o左去廚房出返o黎話仍有臘味糯米飯.我o地食完起身走,要俾加一服務費,其實我o地唔係好想俾,佢o地只係上菜,斟水同收碟,根本唔得.佢o地收$140.00.我o地走人啦,佢o地都已經拖地(o個時只係4:20pm,我o地係最後o個枱客,可想而知佢o地o既生意係點),收服務費o個個亞姐提醒我o地唔好行石頭,因跣.我就同佢講,成間酒樓得你一個係最好.…查看更多