御寶軒

御寶軒位於北京道一號十樓今次係包左間細房十二人既晚宴😋房間岩岩好放到2張6人枱，而且望到維港海景環境舒適，而且服務唔錯 🤗/🐷蜜汁叉燒义燒肥瘦適中，亦好軟林🥒黃金焗涼瓜呢個係張苦瓜面頭包左咸蛋黃炸😍好香脆、惹味😝中意食咸蛋黃既朋友一定中意🌰琥珀合桃我自己最中意係合桃😊甜度適中，亦好香脆🥳係好好既餐前小吃🐟椒鹽白飯魚白飯魚都炸得好香脆😚點埋喼汁一流🐖糯米釀脆皮乳豬糯米豬係御寶軒既招牌菜☺用脆皮乳豬釀糯米係入面🤤係好新奇既菜式不過食一舊都已經好漏，真係一舊起兩舊止 🤣🍲杞子乾螺頭燉老雞燉湯好足料🙉每盅都有啲螺頭、豬肉同雞好飲👍🐚蝦籽靈芝菇炒桂花蚌用蝦籽炒餸好似真係第一次食😆每啖都咬到啲脆脆既蝦籽都幾惹味 😍🐟脆米海鮮湯浸東星斑個人最中意呢味餸😍原條東星斑連埋脆米，上枱前會再淋上海鮮湯🤤口感好豐富，一流 🤪🍤星洲辣椒蝦球食到呢味已經好飽，蝦球有饅頭點汁食酸酸甜甜😁🐔金牌鹽焗雞呢個鹽焗雞就真係太咸😣麻麻地🥦上湯雲耳鮮准山浸莧菜菜亦正常發揮，冇乜特別🍜雪菜牛崧炆米粉炆米粉都算幾香，不過料就小左啲🍢水晶桂花糕桂花糕味道唔算太出不過都幾清，唔錯/😋食物質素：7.5/10🍽️用餐環境：8.5/10💰性價比：7/10👣回頭率：8/10/📌御寶軒尖沙咀北京道1號10樓…查看更多

特別推薦大家✅糯米釀脆皮乳豬Roasted Boneless Suckling Pig with Glutinous Rice✅波士頓龍蝦Steamed Boston Lobster with Garlic Paste✅杏汁燉豬肺湯✅脆米海鮮粒泡飯Crispy Rice in Seafood Soup《糯米釀脆皮乳豬》半份有12件，佢係用上新鮮即燒香脆嘅乳豬皮包住煙韌嘅糯米飯🐷🍚，食落好有層次感🤤🐽個乳豬皮燒到好薄好鬆脆，冇乜肥膏，而個糯米飯炒得好有鑊氣，有埋臘腸做配料食起嚟好香口，好好食😋💰$690 (Half)《波士頓龍蝦》龍蝦大大隻、好厚肉、勁新鮮🦞，肉質係彈牙帶爽，好鮮甜🥰龍蝦膏都好甘甜好好食，伊面都好熱辣辣夾埋龍蝦食冇得輸🍜💰$398/隻 (圖為3隻)💰 +$45配伊面底/1份 (圖為2份)《杏汁燉豬肺湯》一飲落口有好香濃嘅杏汁味🥣 ，奶白色嘅湯，飲落勁清潤、清甜👅👅而豬肺食落都好軟淋、帶d嚼口 💰$98/p《脆米海鮮粒泡飯》泡飯嘅湯底係好清甜嘅龍蝦湯味咁🥘🍚，加埋唔同嘅海鮮粒，例如蝦粒🦐同魚粒🐟，令到個泡飯更香濃而上碟前就會落埋一d脆米✨，令到個泡飯食起上嚟更有層次，更錦上添花💰$402 (中)*餐廳嘅小食都好好食😋1️⃣皮蛋酸薑，皮蛋好糖心2️⃣金磚豆腐，炸得好鬆化、外脆內軟3️⃣鮑汁燜鳳爪，好入味**建議坐窗邊，可以欣賞夜景🌃海景🌊 …查看更多

《御寶軒》見到身邊唔少朋友都來過御寶軒進餐，今晚就親自試下個米芝蓮一星⭐️係咪實至名歸先。溫馨提示：餐廳坐落於北京道1號，所以訂位嘅時候可以要求窗口位，咁就有靚靚維港景色共進晚餐。糯米釀脆皮乳豬 $690/半隻半隻都已經有12件，每件都好厚實飽滿，份量相當充足 。外層乳豬皮乾脆爽口，包住香味四溢嘅糯米。糯米黏度適中，唔會太濕又可以將飯與飯之間黏着成團。推介！🌶🌶胡椒炒大肉蟹 $1440/32兩蟹嘅重量十足，一睇果兩隻蟹鉗就知隻蟹嘅大細。話明大肉蟹🦀 ，肉質當然有返咁上下豐厚 。蟹已斬件同一早破開埋啲蟹殼，御寶軒仲有準備手套🧤。先講個醬汁，濃郁度都掛蟹身，胡椒味係有但唔會過分辣，同時又食到蟹肉嘅鮮甜味。推介！脆米海鮮湯浸東星斑 $2112/24兩脆米同東星斑係碟上，海鮮湯分開。先係枱淋上2-3次海鮮湯，再收起分成人頭分量。脆米香脆可口落咗湯後都能保持其脆度，到底係點做到 。海鮮湯香鮮至級，魚質香嫩爽滑。推介！唯一美中不足係碟太扁平，湯羹唔夠薄，食到底潷唔起啲脆米同湯，設計有待改善。杏汁燉豬肺湯 $98/碗湯底飲落好厚實，豬肺洗得都乾淨。雪耳燉木瓜 $42/碗雪耳太腍無咬口，糖水甜度適中。馬拉糕 $36/件 （無相）馬拉糕即叫即蒸好鬆軟 like:。綜合食物質素同服務係值一星，性價比中上。…查看更多

冬至正日做節搵地方難，想食得好更難，酒樓食肆要做生意，做兩輪亦難免，縱使願意花錢及成功訂到間貴賓房，時間可以不限，可惜廚房只得一個，今晚我們來到御寶軒，上菜暢順，但烹調失水準，本來很有期望的招牌糯米釀脆皮豬失準，簡單的紅豆沙湯圓亦唔得，幸好黑胡椒焗大肉蟹力保不失，成為今晚的亮點。 北京道一號是甲級寫字樓，配合聖誕，大堂設置巨型聖誕樹，吸引了不少家庭在冬至晚飯前或後拍照留影，我們亦不例外；而且有鋼琴師現場演奏，節日氣氛濃厚，行過附近的話不妨上去大堂走走。 御寶軒是我們近期發現的新貴，符合商廈定位，走中高檔路線，高級粵菜的格局。 我們的貴賓房內，有落地玻璃，可以飽覽 Heritage 1881及維港景色。 家人慷慨，帶來香檳及紅酒，尤其近排喜歡玩老酒，這一支產於1961年、來自法國 Chateau L'Arrosee 酒莊，56歲之齡的紅酒，真的經典！即時上網 check 售價，承惠$9800，酒的主人說唔使一萬蚊，唔貴喎！千金難買心頭好，他說若然仲有的話他想多買幾支，你話我係唔係有食福呢？ 酒身有些渾濁，沒有壞，無需 Air，可以即飲，1961 是好年份，算順滑，但我認為還是10多年的法國酒最理想，只好怪我唔識貨囉！ 這支香檳都是好貨色，只不過大家的注意力皆放在經典紅酒上。 今晚一行16人，10道菜式，埋單$14000，即是每人平均$900有找，節日海景貴賓房，性價比合理。 小食 特定小吃兩款，腰果及蜜糖合桃，皆新鮮香口，第一印象良好。 御寶三小碟: 黃金焗秋葵 黃金焗秋葵最特色，焗至金黃酥脆， 炸漿薄，蛋黃香、秋葵本來味道一半亦變得好吃，秋葵多吃有益，理想的健康食品。 金牌蜜汁叉燒 賣相失分但味道可以，表面有些焦燶，幸好肉質鬆軟肥美，鹹甜味道豐富平均。 蜆介炸鯪魚球 蜆介炸鯪魚球對辦，吃到風味，炸至香而不膩。 秋冬滋補蛇羹 確實是秋冬滋補養生佳選，材料足，蛇肉豬肉絲比例正常，調味適當，口感豐富，但始終不是專門店水準，風味稍欠。 糯米釀脆皮乳豬 過節吃吃有米豬，既好意頭又美味，賣相型格，預先分件，一件件企立式排列砌成原只豬形，見樣子已經非常期望。 豬皮酥香脆口薄如紙，但皮下脂肪對我來說過厚，糯米飯味道豐富但不夠香，而且略乾身了些，整體組合來說，只是一般，大失所望！ 黑胡椒焗大肉蟹 今晚的亮點，黑胡椒焗大肉蟹，御寶軒本源自星加坡，所以這一道如期望中沒有失準。 因為我們的當家來過，知道飯店遷就香港人的口味而減低了黑胡椒的濃度，我們要求增加，據說好得多，不過還是不及星加坡吃到的香濃。 肉蟹新鮮，鑊氣夠，炒得香惹滋味，啖啖肉，吃得我非常滿足！蟹殼已經預先弄至撕裂，並有膠手套供應，食得並不太麻煩，服務周到。 油浸筍殻魚 新鮮肥大筍殼魚，炸得俐落清爽恰到好處，表面看來不似炸過，口感卻是酥脆，出色之處是魚皮魚骨酥脆，但魚肉保持鮮嫩多汁。 金牌鹽焗雞 雞皮薄而香脆，皮下脂肪不多，肉滑味道好，不過不失。 蝦子柚皮扒豆胚 柚皮做得有水準，沒有苦澀味，炇得夠腍飽滿，豆苗新鮮翠綠。 白松露菌油靈芝菇燜中粗麵 我並喜歡假松露，其實亦覺得松露與中菜不太夾，這個菜除了有松露香之外，味道太清淡，我不怎樣喜歡。紅豆沙湯圓 最失色的一道，湯水稀，湯圓個腍，沒有煙靭感，以高檔食肆來說，這個真的不合格！ 有得又唔得，我們的當家說平時不是這樣的，個大節，人太多，冇辦法！ 食味有點失色，但環境服務都得，我們還是享受了一個舒適愉快的冬至晚餐，因為年初一晩有位，下一次來，可能又再碰上節日！…查看更多

難得香港有間來自星加坡嘅米芝蓮兩星中菜，進駐香港不久已摘咗一粒星，點都值得去一試！位於北京道一號10樓一定有夜景相伴，入到去係高級中菜嘅格局，十分寬敞。與友人一行四人，高高興興先叫咗支酒，再點小菜。事前訂咗半隻餐廳出名嘅「糯米釀脆皮乳豬」，一定要一試！擺碟已經令人眼前一亮，食落確係有驚喜，可能我見試少，但自問從未食過乳豬皮係有入口即溶嘅感覺，薄得來好夠脆，加糯米飯一齊食並無油膩感，真係值得讚！同同區嘅「天下第一豬」簡直互相輝映，一個乳豬皮值得大讚，一個黑松露飯齒夾留香，兩者都令人拍爛手掌👏其餘嘅小菜、湯同甜點(掛住食無影晒相)每樣都有水準，如果唔叫海鮮的話，見餐牌上小菜小炒價錢都係百零蚊一道，服務員有禮貌，食完飯後亦會主動幫我地換過d熱茶，食物質素同價錢成正比。坐喺窗邊對住維港景，食到八點仲有香江激光匯演睇，呢度確係與友人歡聚，把酒談心嘅好地方👍🏻…查看更多