尚點 小籠包.上海菜館 (悅來坊) (已結業)

今次和亞仔去左荃灣熊貓酒店悦來坊尚點小籠包上海麵館。仔仔話如想吃有水準美食而價錢適中的上海菜就要來這裡了。晚餐有三欵套餐可供選擇，分別為$228，$288及$388。菜館入面既裝修都非常清雅別，座位舒適闊落, 環境乾淨清潔。我們商議後決定order 一份$288的二人套餐。酸辣湯很多人對酸辣湯唔太感興趣，因嫌佢有股"叔叔"地嘅味。但我就貪佢能刺激味蕾， 酸酸辣辣。 今次的湯酸辣適中有很多筍絲和豬紅絲， 味道唔錯;但若然漿粉芡小些更佳。鮮肉小籠包（4件）食上海嘢通常小籠包是必食之選。 服務員把剛剛蒸好的小籠包奉上，熱辣辣很新鮮但不能即時享用因小心會被湯汁灼傷。小籠包採用新鮮豬肉以薄薄的皮包著， 蒸熟後入面勁多肉汁，所以食時要小心要夾在小籠包的頂部以免弄穿薄皮。咬落時肉汁溢出，原汁原味;配埋薑絲和醋一齊吃鮮甜美味。糖醋魚塊魚塊炸得外脆內軟，薄薄的脆粉包住厚身魚塊口感十足;加上甜甜酸酸的醬汁，十分開胃。配上青椒、菠蘿和洋蔥顏色鮮艷，口感豐富。還有新鮮冇益味的合桃食落香脆鬆化，非常醒胃。元貝賽磅蟹材料比一般食店講夠，有爽口的蝦仁、元貝絲能提升鮮味、翠綠的毛豆能增加色彩、至於蛋白就炒得非常嫩滑

今晚經過荃灣，試下一間喺 openrice 好評嘅小籠包上海麵館餐廳，尚點。 餐廳都有廿幾張卡位，仲有幾張圓枱。坐得都幾舒服。叫咗套餐， 菜單如下:鮮肉小籠包 ~ 皮薄熱辣辣，湯汁都幾鲜。開揚拍青瓜 ~ 青瓜清新爽脆，仲有蝦乾，味道唔錯。粟米豆腐羹 ~ 味道比較淡，一般水準。尚點菜肉炒飯 ~ 飯炒得比較乾身，都幾有鑊氣，不過鹹肉分量比較少。乾煸四季豆 ~ 四季豆同肉嘅比例啱啱好，唔會太鹹好好味。元貝賽螃蟹 ~ 賽螃蟹有毛豆蝦仁仲有元貝絲， 蛋白質感啱啱好。糖醋魚塊~ 酸甜味道控制得幾好，魚塊炸到好 香脆，水準之作，值得推介。桂花椰汁糕雙拼 ~ 唔會太甜，一般水準。總括嚟講所有食物嘅水準都ok，糖醋魚塊， 乾煸四季豆，值得推介，套餐足夠三個人份量。

呢輪天氣凍成日打邊爐或者食烤肉，今日行開荃灣悅來坊商場，想轉下口味，決定食上海菜。而尚點 小籠包.上海麵館，之前食過長沙灣分店，感覺唔錯，今次一於試下荃灣分店先。今日公司好多野做，我連晏晝都只係食左個包咋，所以而家鬼咁肚餓。望下個餐牌見2人餐都幾抵食，就ORDER佢啦。雞絲粉皮可算係上海菜中一個招牌涼拌，呢道菜以雞絲同青瓜配上香滑的花生醬同粉皮，簡單得黎好味又開胃。套餐仲有呢個大人細路都啱飲粟米豆腐羹，天氣咁凍，飲碗熱辣辣嘅湯羹就VERY GOOD啦。看似簡單嘅菜式其實越難煮得好食，好似呢個韭黃蝦仁炒蛋，蛋容易燶、韭黃就易老、蝦容易霉，所以廚師要專心掌握火侯，先可以炒到咁靚咁好食嘅韭黃蝦仁炒蛋如果小籠包一夾即爛啲湯就會漏晒出黎，味道就會大打折扣，但呢度嘅小籠包皮薄餡靚，雖然食嘅時候會比湯淥親，但最緊要係可以食到果份原汁原味吖嘛。年糕勝在夠煙韌又有咬口，配上津白，清清啖啖，唔駛叫飯。另外，散叫左一客糖醋魚塊，無論顏色、氣味都相當吸引，而且食落味道酸酸甜甜，非常醒胃。最後奉上套餐附送嘅桂花糕及椰汁糕，桂花糕清甜爽滑，加入杞子又有滋潤明目功效，好味又有益。最後不得不讚呢度嘅店員，全部都非常有

星期三又係搵食夜 同事介紹呢間上海野緊係即刻帶媽媽去試下啦環境一流 地方夠大 坐得勁舒服細心到一枱一壺茶 唔洗下下叫侍應又到大閘蟹時間 見到有蟹粉小籠包 即叫皮薄 入口好香大閘蟹味 而且包滿濃湯媽媽指定嘅口水雞 睇落好似好辣咁但入口又唔係喎 而且唔會好咸雞肉嫩滑 不過略嫌冰凍左少少 但都好食嘅上海擔擔麵 好香花生味 入口完全有驚喜麵質非常彈牙 似係手打 湯底都好正碗大 不過份量唔算好多 值得推介糖醋魚塊 酸甜味適中 魚塊脆卜卜 即叫即炸必須一提 店員服務一流 上菜速度快 抵讚