祥仔 (永康街) (已結業)

今日去荔枝角上堂，順便同附近嘅朋友食晏，約咗响永康街嘅祥仔，去到唔見呢間餐廳嘅?原來門面係寫 THE FOOD Story雖然餐廳位於工廠區，差不多2點都仲要等位，睇嚟真係幾受歡迎哦。餐廳內裝潢都幾特別，有啲方方框框坐位，又有啲獨立4人卡位、單邊2人卡位......每人揀咗一個餐，祥仔脆脆豬扒飯 $108經典芝士煙肉長通粉伴溫泉蛋$128套餐包(三揀一)：羅宋湯 或 意式素菜沙律 或啡/茶 。芝士煙肉長通粉伴溫泉蛋送嚟時香氣飄逸，擺盤精緻，大大塊嘅係芝士片，微鹹香脆，好味！溫泉蛋俾我一啖食咗，唔 ~ 生熟度剛好，好好味啊！長通粉囗感更加抵讚，軟韌有致，好鍾意，煙肉唔係一般貨色，係手切大大粒粒嘅，充滿咸香，加埋滿有芝味嘅醬汁，味道一流，忍唔住食曬。豬扒同飯係分開上，豬扒可以保持脆脆口感。個飯係蛋炒飯底，好香，飯面嘅醬汁材料豐富，有蕃茄、磨菇、洋葱、紅椒、黃椒。味道鮮香開胃，不是一般茄醬汁可比。脆脆豬扒又厚又大件，新鮮熱辣，外脆內軟，肉質鬆化，肉味香濃，好食到停唔到口呀！餐茶叫咗檸茶同檸水，唔記得影相添。估唔到工廠區都有咁高質嘅餐廳！下次上堂又多個食飯選擇嚕。

自祥仔離開「浸會」飯堂，幾驚再食唔返佢製作嘅美食。得知美味大師於長沙灣重出江湖， 老虎蟹吞卜都要嚟回味一下。餐廳雖然位處工業區，週日休息及星期六做半日生意，但午飯時間不時大排長龍，足証有麝自然香道理。所以今次近下午3點先避開午飯繁忙時段，一於有下午茶都唔食，再點佢嘅午市拿手好戲「祥仔脆脆豬扒飯」； 酥脆吉列豬扒外層鋪滿麵包糠並炸至金黃，內層厚厚的豬扒盡量保留豬肉原味為主無過多調味，即叫即炸，入口油香，沒有討厭的油味分碟另上以保証最後一塊入口都可以保持香脆。 番茄醬飯較港式焗飯更出色，由意大利番茄、茄醬、磨菇、洋葱和甜椒，豐富材料加法式醬汁煮製口味獨特；無法响其地方品嚐到此等美味。不難理解一眾名人如葉澍堃、胡孟青等都畀呢位美味藝術家吸引來光顧。 遺憾唔係經常來荔枝角返工，想再嚟品嚐其他美食真係要認真度一度個時間下回尋味。

今日Lunch同埋同事去左試新野，呢間應該開左幾星期，但又見好多人食。兩日兩夜羅宋湯，可能真係煲左兩日兩夜，所以飲落比較酸同好勁檸檬葉味。經典芝士煙肉長通粉伴溫泉蛋，我地整穿埋個溫泉蛋撈黎食令到啲通粉更滑，加上煙肉同芝士，令到碟粉好夠味。祥仔脆脆豬扒飯，外脆內軟一啲都唔乾，而配既蕃茄汁飯亦都好香鮮茄味。櫻花蝦激麻辣撈丁，開頭剩係睇名無諗住叫的，但睇左相幾靚所以叫左。味道比想像中好食，撈埋櫻花蝦一齊食咸咸地唔太重味，麻辣唔算勁，唔錯！慢煮快烤西班牙黑毛豬扒，肉質鮮嫩，又juicy又腍，而且都幾厚下，share黎食唔錯。