金滿庭京川滬菜館 (荷里活廣場)

今日老公生日,特登就佢放工地方,就選擇了鑽石山分店。知道老公鍾意飲湯，特登點了一個沙鍋雲吞雞湯。個湯有新鮮的雞香，仲有菜肉雲吞，不但皮薄料正，最特別是沒有肥豬肉，就算食左幾粒都唔會有油膩感覺。之後，我們還點了生煎包,不但皮底煎得香脆，而且內含很多肉汁，食既時候要由邊食一小口，可避免熱親喉嚨。最後，我們還點了蜜桃蒜香骨，見到好多人推介話一定要食。食菅有很重水蜜核味，與生炒骨相比，的而且確有另一種層次味道，而且肉排炸得非常鬆軟香脆，油而不膩，非常岩小朋友同老人家食。總括而言，用這個價錢食到上海菜，真係物超所值，下次再黎會試下其他精美小菜。…查看更多

話說馬鞍山間金滿庭搬左，俾人鬧到嘩嘩聲，我自己係度諗，究竟呢間餐廳有冇咁好食呀? 仲要成日見到鑽石山呢間爆哂棚咁，係今日呢個即興嘅4人聚會就揀左等呢間嚟食。不過一如所料，真係等左我地成廿幾分鐘，我見到我班朋友都嬲嬲地，但我無理會~ 哈anyway, 總算入到去啦~ 我地坐到卡位添啊~ 個位都幾有私人空間嘅~ 上海餐館嚟講佢嘅裝修真係幾開揚同光猛。餐廳提供左一碟頭盤俾我地，係醉雞，其實肉質都叫爽口，不過感覺真係放左好耐咁。我點左好多openrice食家們推介的菜式，真心推介嘅就只有擔擔麵，真係好好食! 無論係麵質同湯底嘅味道，我點咗少辣，真係有少少辣，但係佢嘅花生唔算太多，所以整碗麵嘅口感都好balance，係食完想再食嘅item!見到menu賣相嗰時，以為係似譚仔嘅雲泥白肉，但係食後覺得譚仔好食好多。呢碟野附送左一碟細細地嘅辣汁俾我地點，但係無助佢係我地張枱嘅銷情.....=_=" 嗰陣肉嘅味唔係人人受得住，而我可以話俾大家知，我第二日諗返起呢陣味都依然係想嘔。而呢碟火腿津白就普普通通，略嫌火腿其實沒有火腿味，只是求其將佢地炒埋一碟。時令菜式- 蟹粉小籠包(4個)奉勸大家要一嚟就食，因為凍左真係唔好食架~ 皮唔厚，而且有空間俾肉同皮中間養住啲肉汁，蟹粉到最後先食得出，但係依然好好食。如果要挑剔，可能係蟹粉無令整個包都有嗰種味。呢度嘅砂鍋雲吞雞其實真係唔錯，首先我地叫半隻雞真係有半隻雞整返出嚟我地食，雲吞份量適中，我地每人都有2粒食，而且雲吞皮唔厚，佢條雲吞皮裙好似水母咁好優美好係啲湯度浮下浮下~ 入口好滑好好食~雖然我飽，但係我仍然唔知邊度可以塞得落甜品，我點左桂花酒釀丸子，因為我真係好鍾意食佢釀過嘅糯米。不過呢度特別在，好多地方嘅酒釀丸子，丸子是吉的沒餡，但這裡是芝麻，有餡唔緊要，但唔好個皮薄到啲芝麻都就快流出嚟嘛..... 不過仍然值得一讚係桂花味好出，糯米好多~…查看更多

得悉金滿庭於鑽石山荷里活廣場開了新的分店, 和朋友行街後順道試試. 可能由於是星期五晚食飯時候, 加上店舖屬新開店不久, 來到時店舖門外已有不少人在等候. 取了籌號後看看餐牌, 比起奧海城的有些分別, 多了一些選擇. 價錢方面好像都算合理. 等了約半小時, 終於獲安排入座(從觀察所得, 有不少食客等到不耐煩, 沒有等到便走了). 店舖確實不算大, 可以叫做一眼睇晒, 而且枱亦像奧海城的比較密(枱與枱的距離不多). 店舖有一間所謂VIP房, 但其實私隱度不高, 因為不是密封式間隔, 從大堂可看到房內情況.食品方面, 我們坐下侍應便奉上茶及餐前小食 - 醉雞. 跟奧海城的不同, 這邊沒有自選茶類. 我個人其實頗喜歡奧海城的自選茶類, 不論是烏龍還是碧螺春, 味道都很好, 沒有實在可惜. 我們點了和尚戴帽(跟叉子燒餅)、椒鹽排骨及砂鍋雲吞雞. 這裡食品的份量比較少(因此相對價錢亦即較貴), 一般菜式份量好像是2-3人似的. 4-6人來吃的話, 部份食物可能一人只有一件, 甚至分不到一件. 尚戴帽(跟叉子燒餅)味道屬一般, 份量少, 叉子燒餅勝在夠飽肚. 椒鹽排骨亦屬一般, 少了大排檔香口惹味的感覺. 砂鍋雲吞雞方面, 雲吞及雞各有四件, 湯的味道不算突出, 而且感覺有一點點的膩(因可在湯看到些少油份).服務方面, 侍應的服務、招待、反應算是合格. 整體而言, 分店感覺始終不及奧海城本店, 食物份量少, 質素一般, 價錢相對貴. 但如在荷里活廣場吃飯的話, 可算是多一個選擇.…查看更多